Tweet
تخرجت و قعدت بالبيت جملة كتير منسمعها باوساط الشباب اللي درسو كليات و جامعات و حتى معاهد بكل الاقسام و الفروع... تخرجت و قعدت بالبيت و ناطر شي مسابقة او عم اشتغل هلق و كل شغلي هوي انو عم دور على شغل يعني بلكي بلاقي شي شغل من هون ليصير شو مسابقة و اتعيين و اتوظف
هيدي المسابقات قبل ما يتخرج الطالب بتكون الحلم الكبير و السبيل لتأمين المستقبل و و و كتير اشيا و بيبني الامال و الاحلام على هالاساس
و مشي الحال و مرقت السنين و استنفذنا كل الطاقات المتاحة و اخيرا تخرجا .. تخرجنا و مبسوطين و صار عنا شهادة قد الدنيا و كرتونة معلقة على الحيط متل كأنو وسام الجمهورية برتبة فارس الله وكيلكون..
جينا بدنا نكفي الحلم و نبني المستقبل اللي سبق و عشنا كل سنين الجامعة عم نفكر فيه و هلق صار بدنا نفوت بالحياة العملية من اوسع ابوابا و نرجع جميل الوطن اللي تعلمنا باحضانو و قعدنا ناطرين ايا مسابقة ممكن تصير عشان نقدم عليها.
و مرق الوقت و صبرنا و نطرنا حتى مل الصبر منا و تخرج بعدنا مدري كم جيل و هدول كمان ناطرين هلق متلنا
اخيرا اجا الخبر و اجا معو الفرج و زهّر الليمون و اللوز و الاكدنيا كلون سوا و اعلنو عن المسابقة لكل شي في متخرجين و بكل الفروع و يييي شو كتار مدري كم الف نسمة كلون حسوا بالفرح و رجعتلون الحياة و شدوا الهمة و حضروا الاوراق و جابوا الشهادات و نفضو عنا غبرة السنين بس بعدا الها قيمة ما الشهادة سلاح متل المسدس او البارودة او الصاروخ مثلا بس الفرق انو بطريقة حضارية و من دون دم وقتل.
كفينا هالاوراق و حزمنا العدة و العتاد و رحنا بدنا نقدم و يا لطيف شو شفنا عالم و ناس بالفعل كان متل المظاهرة او شي مهرجان و الكل حامل وراقو و مستعد و شفنا رفقاتنا ايام الدراسة اللي من زماااااااان ما عاد سمعنا أخبارون و اذ كلنا منرجع نلتقي و منحكي و منتذكر ايام الدراسة اللي كانت بتجنن.
بس شيل الرفقة على جنب هلق صار وقت الجد لازم نقدم بقى هالاوراق يعني متل كأنو اللي بيقدم قبل الو الافضليه
و بعد مطاحشة و مقاتلة بين الحشود وبلا منطول بالحكي قدمنا وهلق رجعنا ننطر موعد المسابقة الكتابية بالاول
اجا وقت المسابقة و كل شي منظم و مرتب و مسابقة مؤتمتة على النظام الحديث و كتار راجعو اربع سنين دراسة و اجو و قدموا و تأملو انون ينجحوا بعون الله .. تعبو كتير و غيرون قدمو بدون شي .. المهم انو نسبة كبيرة نجحت ما شاء الله وصار دور الامتحان الشفهي هلق
بالامتحان الشفهي غاب كل شي اسمو نظام و دور و صف و من جميعو اللي معو واسطة من شي مسؤول بيمرق بين هالصفوف بانسيابية متل السمكة بالمي وحياتكون و اللي معو شخص غاطط على كتفو شي نسر او كم نجمة او نيزك يعني هيدا الو الاولوية و الطلاب العساكر اللي جايين اجازة نطو بفعل تدريبون على العالم كلون و صارو يفوتو قبل بما انو الاجازة رح تخلص و القصة فيها حلاقة ع الصفر و دعكلة اذا ما رجعوا على الوقت .
بعد عناء عنيء وصلنا على هالغرفة عند اللجنة المختصة بس مختصة بشي ما خصنا فيه لانو هيدا اختصاصون نحنا شو دخلنا
و بلشت الاسئلة الاختصاصية للكل بس المفارقة انو للبنات الحلوين اسألتون كانت مخصصة الهون و بتخص الموضة و الجمال و هيفا وهبي و خلافة ليش ما عم بفهم .
اما بالنسبة للدرجات و العلامات ما انا شفتون بيكتب الاسماء عندو و كل ما واحد حكا كلمة او جاوب بيحط اشارة × عند اسمو بس ما بعرف شو المعنى من × اذا منيح ولا لاء ؟؟؟؟على كل حال القصة تحصيل حاصل كل هالعملية مدري ليش مبينة انها صورية و العلامات رح تكون مزاجية.....
بلا طول سيرة خلص المسابقة و الكل راح محلو و رجعت الامور للوضع الطبيعي اللي هوي النطرة
بس على شو اذا مسابقة قدم عليها 18000 متخرج و بدون 4000 او 6000 يعني النسبة بتكون 22% او 33% اللي هوي بس قال في اشخاص بيخلو نسبة انو انت تكون 100% من الـ 33% بس قال بدون حق فنجان قهوة قلنا بسيطة مو فنجان قهوة و معو غدا و تحلاية كمان ...... لاه شو ما بتعرف شو فنجان قهوة ... فنجان قهوة يعني فنجان صغير بيحطو فيه قهوة .....لاه يا خيي فنجان القهوة يعني مبلغ من المال يتراوح ما بين ... ولا قلكون كلكون بتعرفوا بلا ما نحكي
يعني انا لو معي هالمبلغ شو بدي من المسابقة بدبر حالي بشي مشروع صغير او شي بس مبين انو القهوة غالية كتير بهالايام متل كل شي
يعني حط حالك محلي او انت خليك بمحلك يمكن انت متلي و متل كتار متلنا شو ممكن انو نعمل؟؟
.................... ..................... ..................
منقول
هيدي المسابقات قبل ما يتخرج الطالب بتكون الحلم الكبير و السبيل لتأمين المستقبل و و و كتير اشيا و بيبني الامال و الاحلام على هالاساس
و مشي الحال و مرقت السنين و استنفذنا كل الطاقات المتاحة و اخيرا تخرجا .. تخرجنا و مبسوطين و صار عنا شهادة قد الدنيا و كرتونة معلقة على الحيط متل كأنو وسام الجمهورية برتبة فارس الله وكيلكون..
جينا بدنا نكفي الحلم و نبني المستقبل اللي سبق و عشنا كل سنين الجامعة عم نفكر فيه و هلق صار بدنا نفوت بالحياة العملية من اوسع ابوابا و نرجع جميل الوطن اللي تعلمنا باحضانو و قعدنا ناطرين ايا مسابقة ممكن تصير عشان نقدم عليها.
و مرق الوقت و صبرنا و نطرنا حتى مل الصبر منا و تخرج بعدنا مدري كم جيل و هدول كمان ناطرين هلق متلنا
اخيرا اجا الخبر و اجا معو الفرج و زهّر الليمون و اللوز و الاكدنيا كلون سوا و اعلنو عن المسابقة لكل شي في متخرجين و بكل الفروع و يييي شو كتار مدري كم الف نسمة كلون حسوا بالفرح و رجعتلون الحياة و شدوا الهمة و حضروا الاوراق و جابوا الشهادات و نفضو عنا غبرة السنين بس بعدا الها قيمة ما الشهادة سلاح متل المسدس او البارودة او الصاروخ مثلا بس الفرق انو بطريقة حضارية و من دون دم وقتل.
كفينا هالاوراق و حزمنا العدة و العتاد و رحنا بدنا نقدم و يا لطيف شو شفنا عالم و ناس بالفعل كان متل المظاهرة او شي مهرجان و الكل حامل وراقو و مستعد و شفنا رفقاتنا ايام الدراسة اللي من زماااااااان ما عاد سمعنا أخبارون و اذ كلنا منرجع نلتقي و منحكي و منتذكر ايام الدراسة اللي كانت بتجنن.
بس شيل الرفقة على جنب هلق صار وقت الجد لازم نقدم بقى هالاوراق يعني متل كأنو اللي بيقدم قبل الو الافضليه
و بعد مطاحشة و مقاتلة بين الحشود وبلا منطول بالحكي قدمنا وهلق رجعنا ننطر موعد المسابقة الكتابية بالاول
اجا وقت المسابقة و كل شي منظم و مرتب و مسابقة مؤتمتة على النظام الحديث و كتار راجعو اربع سنين دراسة و اجو و قدموا و تأملو انون ينجحوا بعون الله .. تعبو كتير و غيرون قدمو بدون شي .. المهم انو نسبة كبيرة نجحت ما شاء الله وصار دور الامتحان الشفهي هلق
بالامتحان الشفهي غاب كل شي اسمو نظام و دور و صف و من جميعو اللي معو واسطة من شي مسؤول بيمرق بين هالصفوف بانسيابية متل السمكة بالمي وحياتكون و اللي معو شخص غاطط على كتفو شي نسر او كم نجمة او نيزك يعني هيدا الو الاولوية و الطلاب العساكر اللي جايين اجازة نطو بفعل تدريبون على العالم كلون و صارو يفوتو قبل بما انو الاجازة رح تخلص و القصة فيها حلاقة ع الصفر و دعكلة اذا ما رجعوا على الوقت .
بعد عناء عنيء وصلنا على هالغرفة عند اللجنة المختصة بس مختصة بشي ما خصنا فيه لانو هيدا اختصاصون نحنا شو دخلنا
و بلشت الاسئلة الاختصاصية للكل بس المفارقة انو للبنات الحلوين اسألتون كانت مخصصة الهون و بتخص الموضة و الجمال و هيفا وهبي و خلافة ليش ما عم بفهم .
اما بالنسبة للدرجات و العلامات ما انا شفتون بيكتب الاسماء عندو و كل ما واحد حكا كلمة او جاوب بيحط اشارة × عند اسمو بس ما بعرف شو المعنى من × اذا منيح ولا لاء ؟؟؟؟على كل حال القصة تحصيل حاصل كل هالعملية مدري ليش مبينة انها صورية و العلامات رح تكون مزاجية.....
بلا طول سيرة خلص المسابقة و الكل راح محلو و رجعت الامور للوضع الطبيعي اللي هوي النطرة
بس على شو اذا مسابقة قدم عليها 18000 متخرج و بدون 4000 او 6000 يعني النسبة بتكون 22% او 33% اللي هوي بس قال في اشخاص بيخلو نسبة انو انت تكون 100% من الـ 33% بس قال بدون حق فنجان قهوة قلنا بسيطة مو فنجان قهوة و معو غدا و تحلاية كمان ...... لاه شو ما بتعرف شو فنجان قهوة ... فنجان قهوة يعني فنجان صغير بيحطو فيه قهوة .....لاه يا خيي فنجان القهوة يعني مبلغ من المال يتراوح ما بين ... ولا قلكون كلكون بتعرفوا بلا ما نحكي
يعني انا لو معي هالمبلغ شو بدي من المسابقة بدبر حالي بشي مشروع صغير او شي بس مبين انو القهوة غالية كتير بهالايام متل كل شي
يعني حط حالك محلي او انت خليك بمحلك يمكن انت متلي و متل كتار متلنا شو ممكن انو نعمل؟؟
.................... ..................... ..................
منقول
.gif "Icon (31)")
.gif "Icon (28)")
.gif "Icon (15)")
.gif "Smily (20)")
.gif "Smily (27)")
.gif "Smily (9)")
.gif "Icon (16)")
تخيلوا 
Comment