الحرية الدينية

[Judy]

رد: الحرية الدينية

لا مو عوجا عوجا

لكن شو

[SKY ANGEL]

رد: الحرية الدينية

لازم تتحسن الاوضاع

[GoOoNa]

رد: الحرية الدينية

سكـاي ..

انتا عم تحكي عن الحب و عم تقول انو انتا هلأ حابب مسيحية و اهلها معارضين( هيك فهمت من حكيك)

اوك خلينا نحكي بالواقع ,, انتا مسجل مسلم ,, و حابب مسيحية

رجاع بالوقت لورا و رح تلاقي انو جدك كان يمكن بنفس الموقف

هوي كان مسيحي و حب مسلمة و ضل ورا الموضوع لحتى تزوجها

يعني المشكلة هيي الحب .. يمكن نحنا عم نختار الشخص الغلط

و هني اختارو كمان الشخص الغلط لهيك عم يدفعو ولادن او احفادن تمن هالغلطة

اللي هنن اساسا ما كانو معتبرينا غلطة

لان كانو عم ينقادو ورا مشاعرون متل ما نحنا عم ننقاد ورا مشاعرنا

و متل ما بقولو ,, الممنوع مرغوب ,,

لهيك يا صديقي ..

الغلطة ما بالقانون و الحكومة و الغلطة ما بالمسجد او الكنيسة

الغلطة بديت منا نحنا البشر .. و كل غلطة الها تمـن


مشكـور سكاي ع الموضوع

[SKY ANGEL]

رد: الحرية الدينية

طيب على فرض كلامك صح (مع انو مو صح ) وين حريتي الشخصية اني اختار الي بشوفو مناسب لحالي بما لا يضر بأحد وين حق الانسان انو يحقق مصيرو ؟ ولا نحنا شاطرين بس نهتف لدول العالم مشان تحقق مصيرها اذا صرت صرت مسيحي ياترا اوراقي بالنفوس بتتغير ؟ بيسجلوني مسيحي ؟ ليش ؟ مو انا مواطن الي حريتي بما لا اسيئ لأحد بهي الحرية ؟ لاحظي انو في شي غلط انو الحرية وحق الفرد وما بعرف من هالحكي المصدي مجرد حبر على ورق فقط لا اكثر ولا اقل انتي قريتي المادة التالتي والامور (الغير انسانية) الي بتتكلم عنها ؟ اكيد ما قريتي لانك لو قريتي كنتي عرفتي انو الانسان عنا مسير وغير مخير وموضوع الحرية وحق الشخص والدين لله والوطن للجميع مجرد نظريات افتراضية لا تطق على ارض الواقع بس بيستخدموها لأقناع الغير انو الانسان عنا معزز مكرم والمواطن المسيحي متساوي بجميع حقوقه مع المواطن المسلم وهالشي غلط غلط غلط في فرق من السما للأرض

[basselb]

رد: الحرية الدينية

خيي الكريم مشكلتك كبيرة كتير وأكبر من أنو نحكي فيا كتير لأنو حتى ولو الحكومة افترضنا كانت مع حل متل هيك مشاكل رح تلاقي عالم معارضين لهيك حل ورح يقوموا الدنيا وما رح يقعدوا يعني رح تواجه الحكومة شي ألف حيط بسبب عقلية البعض يلي ما بتتقبل الآخر
رح إحكيلك من حالي أنو أنا مع أنو أنا مولود من أب وأم مسيحيين والتنين مسيحيين وجدودي كلن مسيحيين بمجرد أنو صار خطأ بالمشفى يلي ولدت في وسجلتني ممرضة بتشتغل هنيك(الله يسامحا عهالعملة)مسلم علقو أهلي مع شي ألف واحد وانرفعت دعوى بهالشي وكانو ما رح يرضو يسجلوني مسيحي بس ضلو أهلي ورا هالشي وما رضيوا يسجلوني لحتى حطوني بالنفوس مسيحي والحمدلله وألف الحمدلله بعد ميت مشكلة ومشكلة لأنو في عالم ما بتتفبل أنو واحد تسجل مسلم يصير مسيحي (حتى ولو مجرد خطأ بمشفى يعني عن طريق الخطأ)ولو كنت اتسجلت مسلم بيجوز صارت شغلة معقدة كتير وبيجوز ما كانت تنحل فكيف بمشكلتك إنت؟فهي هيي مشكلتك الحقيقية يعني مشكلة عقول متحجرة والحكومة ما فيا تعمل شي معن لهيك الحل كتييييييييير صعب بصراحة وشو رح يطلع من شغلة تعديل الدستور بهالمجال ما بعرف بس ما فيني غير ادعيلك أنو الله يساعدك ويحقق يلي ببالك ويحل هالمشكلة لكل يلي عم يستنا تنحل

[SKY ANGEL]

رد: الحرية الدينية

المشكلة مو بمجتمعي المشكلة بالدستور وبالاخص بالمادة الثالثة اذا متل ما عم يقولو الدين لله والوطن للجميع خلي يسجلو جميع الناس في دائرةالاحوال المدنية سوري فقط بدون ذكر الديانة وبعدين الدولة مافيها تجبر المسلم يروح عالجامع ولا فيها تجبر المسيحي يروح عالكنيسة الدولة لازم تكون سياسية بعيدة عن الدين

[basselb]

رد: الحرية الدينية

المشكلة مو بمجتمعي المشكلة بالدستور وبالاخص بالمادة الثالثة اذا متل ما عم يقولو الدين لله والوطن للجميع خلي يسجلو جميع الناس في دائرةالاحوال المدنية سوري فقط بدون ذكر الديانة وبعدين الدولة مافيها تجبر المسلم يروح عالجامع ولا فيها تجبر المسيحي يروح عالكنيسة الدولة لازم تكون سياسية بعيدة عن الدين

أنا معك بهالشي بس الشغلة أنو حتى لو عرضوا المادة التالتة عالاستفتاء ما بتنلغى لأنو ما حدا رح يفكر بطريقتك...أنا جدا مع فصل السياسة عن الدين بس برأيك في حدا رح يقبل بهالشي...بدك حدا يقبل أنو المسلم يصير مسيحي؟ ما بتوقع لهيك قلتلك أنو المشكلة بعقلية المجتمع بس برجع بقلك إنشالله لأنو كلنا منتمنى نتخلص من هالشغلات اللي بتعمل تمييز طائفي أو ديني

[GoOoNa]

رد: الحرية الدينية

طيب على فرض كلامك صح (مع انو مو صح ) وين حريتي الشخصية اني اختار الي بشوفو مناسب لحالي بما لا يضر بأحد وين حق الانسان انو يحقق مصيرو ؟ ولا نحنا شاطرين بس نهتف لدول العالم مشان تحقق مصيرها اذا صرت صرت مسيحي ياترا اوراقي بالنفوس بتتغير ؟ بيسجلوني مسيحي ؟ ليش ؟ مو انا مواطن الي حريتي بما لا اسيئ لأحد بهي الحرية ؟ لاحظي انو في شي غلط انو الحرية وحق الفرد وما بعرف من هالحكي المصدي مجرد حبر على ورق فقط لا اكثر ولا اقل انتي قريتي المادة التالتي والامور (الغير انسانية) الي بتتكلم عنها ؟ اكيد ما قريتي لانك لو قريتي كنتي عرفتي انو الانسان عنا مسير وغير مخير وموضوع الحرية وحق الشخص والدين لله والوطن للجميع مجرد نظريات افتراضية لا تطق على ارض الواقع بس بيستخدموها لأقناع الغير انو الانسان عنا معزز مكرم والمواطن المسيحي متساوي بجميع حقوقه مع المواطن المسلم وهالشي غلط غلط غلط في فرق من السما للأرض

والله يا صديقي هدا الموضوع ما منقدر نحنا نحلو و متل ما ئال الاخ باسل

اذا فرضا الحكومي حلت هدا المشكل فـ رح يعارض كمان ناس بعقليات مختلفة ..

بئا انا برأيي انو الواحد دينو محفوظ بقلبو

و عمرو الدين ما كان بالمظهر ,, الدين بالجوهر

فـ كتير احيان بتشوف اشخاص مسلمين بالنفوس

بس هني من جوا بعيدين كتير عن الاسلام

و نفس الشي بالنسبة للمسيحيين

فـ اهم الشي تكون علاقة الشخص مع ربـو قبل ما تكون مع البشر

و بس تكون متتبع دين و متقيد في و بمعتقداتو و حاطط ايدك بـ ايد ربنا

فـ اكيد الرب ما رح يضرك حتى لو شو ما كنت انتا مسجل ع النفوس

و بالنسبة للقانون فـ ياما قوانين بكون اسما غير مضمونا

وقفنـا ع هدا القانوون ..؟؟

و بس نوقع بهيك ازمة ( بالنسبة للخطبة و الزواج ) فـ المفروض اهل الصبية

او اهل الشب يراعو انو المتقدم لـ بنتون واقع بشي هوي ما كان مختارو

هوي كان مجبور في و مفروض عليه .. و يتطلعو عـ انو هل هدا الشب بـ اخلاقو و تصرفاتو بينحسب من الدين

[alone alone]

رد: الحرية الدينية

[جلنار]

رد: الحرية الدينية

بظن إنو إلغاء المواد المتعلقة بالتشريع الإسلامي والتي تنص على على اتخاذه المرجع والشريعة الأساسية و الوحيدة هو الحل
شكرا سكاي على الطرح الحلو و الجريء

[GoOoNa]

رد: الحرية الدينية

بظن إنو إلغاء المواد المتعلقة بالتشريع الإسلامي والتي تنص على على اتخاذه المرجع والشريعة الأساسية و الوحيدة هو الحل
شكرا سكاي على الطرح الحلو و الجريء

جلنار هدا شي شبه مستحيل

لان لازم نتزكر انو نحنا عايشين بمجتمـع و بلد اسلامـي

فـ رح يكون من الصعب انو تلتغى المواد المتعلقة بالتشريع الاسلامي بهالسهولة ..

[جلنار]

رد: الحرية الدينية

جلنار هدا شي شبه مستحيل

لان لازم نتزكر انو نحنا عايشين بمجتمـع و بلد اسلامـي

فـ رح يكون من الصعب انو تلتغى المواد المتعلقة بالتشريع الاسلامي بهالسهولة ..

أكييد أنا معك بهالحكي ، بس لابد إنه التشريعات ماتشمل الجميع بكل المسائل ، ومنها مسألة الزواج.. يعني لازم يكون في حرية للأختيار مع الاحترام لكل الاديان
و تطرقنا للموضوع من باب الحرية للاختيار مو اكتر ، ومافيه اي قلة احترام للديانات الاخرى أو حتى للتشريعات الإسلامية

ع كلن منتمنى إنه يتم النظر عنجد بهالموضوع

[رشروشة]

رد: الحرية الدينية

المشكلة انو مجتمعنا هيك ونحنا عايشين بظل دولة مسلمة
هلا انا بعرف شخص اعتنق المسيحية واتعمد طبعا عن قناعة
بس للاسف مو قادر يعلن بسبب الدين وشروطو وانو ممكن ينقتل
هذا الشي يلي نحنا بحاجة انو ينحل طيب يعني حتى لو بدو ياسلم المسيحي
كمان العالم بتجي ضدودو لانو مجتمعنا هيك مابيقبل بهالاشياء
لاخذ العلم راي شخصي وخاص فيني بس هي قناعتي ومابيشمل حدا ولا بيذم حدا

[SKY ANGEL]

رد: الحرية الدينية

التشريعات متل ما تفضلت جلنار لازم ما تشمل جميع الامور في الدولة كيف من حق المسلم انو يتزوج مسيحية ويسجلها على اسمو كذلك يحق للمسيحي ان يتزوج مسلمة ويسجلها على دينو(حسب الشرع الاسلامي فأن الزوجة تتبع الرجل ) طيب ليش ما عم يتطبق هالحكي على المسلم والمسيحي (الذكور ) ليش يعامل المسيحي مواطن (درجة تانية ) لا يحق له امور كثيرة بأعتباره مسيحي وأذا كنا عايشين في دولة اسلامية هالشي ما بيعني انو لازم نكون درجة تانية اذا عم ينادو بالمساواة والعدل لازم يعامل المواطن في سوريا كسوري فقط وخاصة بأمور الدولة والسياسة لايمتا بدنا نميز هدا مسلم يحق له وهذا مسيحي لا يحق له بدكون تبنو وطن بدكون تعدلو دستور بدكون تعطو قوانين خلي تكون القوانين والدستور منصفة بحق جميع ابناء الوطن ونعتبر كلتنا مواطنين سوريين درجة اولى وبالنسبة للمجتمع يسطفل الفرد منو لمجتمعو بركي انا مجتمعي متقبلني وما عندو اي اعتراض او اي مانع سواء من ناحية الاهل او من ناحية الفتاة الرجاء لا تربطو بين المجتمع وقوانين الدولة المجتمع مقسم الى طوائف وعادات وتقاليد في بعض التقاليد بالمجتمع مرفوضة من قبل القانون بشكل قطعي ومازلنا نمارسها ومتعارف عليها لانو هي بعاداتنا وبتقاليدنا كا طائفة حسب طائفتها مسلمين ومسيحيين لازم نعزل المجتم عن سياسة الدولة ولازم يعامل الجميع في سوريا على انه سوري لا يميز احد على حساب أحد

[Abu Nezar]

رد: الحرية الدينية

أخي انت عايش بمجتمع اسلامي لما تتجوز ببنت مسيحية رح تقلب هيي مسلمة تمام
هيك انت بتكون فكرت بأنانية بحالك يعني لأن انت مجتمعك ما عندو مشكلة لان البنت رح تأسلم يعني فكرت بحالك
بدون ما تفكر بموقفها قدام أهلها ومجتمها المسيحي اللي هيي عايشة فيه ازا مجتمعها المسيحي رفضها كمسلمة صدقني
رح تعيشو حياة تعيسة كتير وما حدا منكون رح يكون مبسوط
ومظبوط كلامك انو الحرية هيي بس حبر على ورق
وموفق نشالله انا ما قصدي ازعجك بالعكس انا بحبك بس حبيت بين وجهة نظري بالأمر

[SKY ANGEL]

رد: الحرية الدينية

حبيب اذا قريت الموضوع رح تفهم شو القصة القصة مو متل مو مفكرها انا معك انو زواج المسيحي من مسلم او العكس رح تخلق مشاكل سلبية بالمستقبل
القصة انو التنين مسيحيين هوي وأبوه وجدو وعايشين حياتون كمسيحيين لكن المشكلة انو في الدولة مسجلين اسلام عرفت وين المشكلة وسبق وقلت انو بالنسبة للمجتمع الي هني عايشين فيه معترف فيون انون مسيحية يعني المشكلة واقفي بس بالدولة مو بالمجتمع

[marmora_56]

رد: الحرية الدينية

يعني كلنا عارفين شو الحل وبأيد مين
بس اووووووووووووووووف
انا عن نفسي مافيني غير صلـّي لربي لحتا ينووور عقولن
وهوي بيعرف احسن من الكل
وبالنسبة لهدول الجماعة سكايو ف الله يكون معن ويساعدن لانو بكل بساطة ولدو بمحل وبزمن غريب عجيب

[Abu Nezar]

رد: الحرية الدينية

اي بظن بتنحل بالدولة بس بظن صعبة شوي
لا والله صعبة كتير
لا والله مستحيلة
شو هالحكي

[Judy]

رد: الحرية الدينية

[The D.I.S]

رد: الحرية الدينية

اي خيي sky angel مارح رد على الموضوع لأن الشبيبة حكو كتير
بهاليومين مريم إن شاء الله بتشفلك إذا في الها حل قانوني ولوين لازم توجه الدعوة وشو الصيغة يلي تنكتب فيها