الحرية الدينية

[SKY ANGEL]

رد: الحرية الدينية

أخ sky angel

قبل ما نحكي عن الحرية الدينية بدنا نشوف المكان يلي عايشين فيه يعني بدول اوروبا ما حدا بعاني من الشيء يلي عم نعاني منه هون بقى المشكلة هي قوانين حكومية أكثر من مشكلة بالكنيسة لأنه ما بدنا نضل نحط كل شيء على عاتقها وننسى الظروف المحاطة فيها.

يعني الكنيسة عم تقوم بكل يلي بتقدر أنها تعمله والدور المطلوب منها من منح الاسرار يلي بتأهل أو بتخلي الإنسان يقدر يضمن حياته الابدية وهذا هو الأهم بالنسبة لكل مسيحي حابب يحافظ على عقيدته وينشأ عائلة مسيحية مباركة أما بالنسبة لدورها الارضي أكيد كمان الها دور بس لازم كمان نعذرها وما ننسى الظروف يلي حواليها ومكان والموقع الموجودة فيه .

طيب معلش رح اجي معك وبقول انو في ظروف محيطة فيها
هني حكو بالموضوع ليش ؟؟؟
طيب على فرض انون حكو مرة وما ستفادو شي
في مثل بيقول (سألو المسمار شو يلي جبرك تفوت بالحيط ؟ قالون كتر الدق على ط......) وفهمك كفايا
لازم ما يكتفو بمرة وحدة ولا بمرتين ولا بتلاتي وخاصة في ظروف الاصلاح الي عم تشهدها سوريا هلا على جميع الاصعدة وبحب اذكر منها (قضية اعطاء الجنسيات للأكراد)
ما بحب ادخل بمواضيع سياسية لاني بكره السياسة
الاكرادطالبو مرة ومرتين وتلاتي وأربع وخمسة بحق الحصول على جنسية (علما انو مو مسجلين بالدولة ولا معترف بهم في الدولة وكل واحد عندو عائلة وولاد ويقدر عددون ب 124 الف كردي لا يحمل الجنسية السورية )
يا ترا انو الدولة عجزت انو تححقلون هالطلب اكيد ما بتعجز وهلا حاليا صارو بحدود 6 الالف مواطن كردي حامل للجنسية السورية من اصل ال 124 حسب خطاب السيد الرأيس مبارح
ممكن تسألي ليش
انا رح جاوبك لانو في ناس مسؤولة عن هلالشخاص طالبتلهون مرة ومرتين وتلاتي وأربع
بس عنا للأسف اذا بيكونو طالبو مرة وما مشي الحال بيقولو حاولنا
طيب حاولو وحاولو وحاولو اذا بتهمكون قضايا رعاياكون وهمومون بتضلو تحاولو نحنا من خلالكون بنوصل صوتنا للمسؤولين من خلالكون نطالب بشي انا بشوف انو من حقي
ليش انتو اسمكون أباء ورعاة ممكن تفسرولي شو معنى كلمة أب او راعي
عنكون ناس مجبورين ترعوها وتحموها وتحاولو قدر الامكان انو تساعدوهم
بتمنى متل ما رديت بغير موضوع بخصوص الاجتماع الي عملوه الاساقفة يعملو اجتماع تاني للنظر في هذه القضية الي بتوقف عليها مصير ناس وعائلات ومستقبل جيل مسيحي (غير معترف به)
بتمنى من كل واحد يقدر يوصل الفكرا لشي مسؤل ديني يوصلها

[The Servant]

رد: الحرية الدينية

يعني بفهم من كلامك انك مو خوري

لا أعلم كيف استنتجت شيئا لم أقله و لم أقصده البتة !! و إن كنت كذلك فأنا ضيفا على هذا المنتدى العزيز و خادما لنعمة ربنا يسوع المسيح حيث يتوفر الوقت و تفتح الخدمة أبوابها لمجد الهنا الحي .

[The Servant]

رد: الحرية الدينية

لك محبتي و تقديري .. اعذرني لعدم الرد على مداخلاتك بعد الآن !! فكيف تدرك كلامي مقلوبا لست أدري مع أني أكتب بلغة عربية صحيحة .
الرب قريب .

[white jasmin]

رد: الحرية الدينية

اي طالب بحقوقك
روح ع وزارة الداخلية والتقي الوزير واطرح الفكرة ع وسائل الاعلام بعتقد هاد افضل وقت لتحكي بالفكرة
واذا ماجابت المحاولات نتيجة روح انت ووفد من يلي عم تعانوا المشكلة وقابلوا الرئيس
يعني القصة بدها وقفة وشغل ..........والله يساعدك

[white jasmin]

رد: الحرية الدينية

بس اكيد رح ذكرك ان الدين لله ومو مهم شو مكتوب عالهوية او بالنفوس عقد اهمية يلي بقلبنا من مبادئ وقيم دينية سواء مسيحية او اسلامية

[ابو جان]

رد: الحرية الدينية

لا أعلم كيف استنتجت شيئا لم أقله و لم أقصده البتة !! و إن كنت كذلك فأنا ضيفا على هذا المنتدى العزيز و خادما لنعمة ربنا يسوع المسيح حيث يتوفر الوقت و تفتح الخدمة أبوابها لمجد الهنا الحي .

لا ابونا انت من اهل البيت

[SKY ANGEL]

رد: الحرية الدينية

لك محبتي و تقديري .. اعذرني لعدم الرد على مداخلاتك بعد الآن !! فكيف تدرك كلامي مقلوبا لست أدري مع أني أكتب بلغة عربية صحيحة .
الرب قريب .

اول شي اسف اذا حكيت شي غلط مع اني بعرف ما حكيت
انا في بداية الموضوع وجحتو الك بأعتبارك خوري
يعني في ناس فاهمي باللاهوت عنا بالمنتدا وفي ناس بتناقش بالدين وفي ناس عندها مناقشات حلوة وردود حلوة ومواضيع حلوة ومعلومات حلوة بالدين
بس ماالون صفة رسمية يعني انتا خوري على خلاف ما ذكر لبقية الاعضاء انتا الك صفة خاصة انك خوري مشان هيك وجهت الموضوع الك لان حبيت اسمع رأيك كرجل دين له كلمة
وبالنسبة انك ما رح ترد على موضوعي انا قلت من الاول لك حرية الرد انت وباقي الزملاء
اصلا توقعت ما ترد من الاول بس مشكور رديت لانو بالفعل موضوع بيخوف انو نحكي فيه

[SKY ANGEL]

رد: الحرية الدينية

اي طالب بحقوقك

روح ع وزارة الداخلية والتقي الوزير واطرح الفكرة ع وسائل الاعلام بعتقد هاد افضل وقت لتحكي بالفكرة
واذا ماجابت المحاولات نتيجة روح انت ووفد من يلي عم تعانوا المشكلة وقابلوا الرئيس

يعني القصة بدها وقفة وشغل ..........والله يساعدك

مشكورة لوقفتك جنبي
بس بأعتقادي انو كلمتي او صوتي ما رح يكون مسموع متل لو انو بيروح المسؤول عن الطوائف المسيحية
يعني بعتقد انو هي مو مشكلتي انا وحدي بكل الطوائف المسيحية الي بسورية بتلاقي هي المشكلة الي حكيت عنها
فكيف الاساقفة اجتمعو في غرفة وحدة ليطرحو موضوع ويرسو على قرار انو يدعو مئات الالاف من المسيحيين في سوريا للصيام يوم واحد من اجل سورية
وما الهون قدرة انو يناقشو وضع عشرات الاشخاص
بعتقد هي قبل ما تكون مشكلتي ومشكلتك هي مشكلة الاساقفة والابرشيات والمطارنة
بدي اطرح سؤال اذا ما فيهون يساعدونا ليش عمدونا ؟؟ ليش اعترفو فينا اصلا انو نحنا مسيحيين ليش بيقبلونا معون بالمجتمع المسيحي ليش عيشونا بحلم لحتا يصير عمري 25 سنة فيق على صدمة
وأسئلة كتير بتدور ببال الواحد عن هدا الموضوع
بس بالاول والاخير فيهون يعملو اجتماع للطوائف مطارنة الطوائف والاساقفة ليشوفو بكل طائفة كم عائلة في بهالوضع ويحاولو يحلوها لان هني اسمهون رعاة وأباء مو انا ولا انتي
يمكن كلمتي وكلمتك ما تكون مسموعة قد كلمتهون هني

[SKY ANGEL]

رد: الحرية الدينية

بس اكيد رح ذكرك ان الدين لله ومو مهم شو مكتوب عالهوية او بالنفوس عقد اهمية يلي بقلبنا من مبادئ وقيم دينية سواء مسيحية او اسلامية

انا معك انو الدين ونحنا بسورية ما عنا تفرقة بين مسيحي ومسلم
بس رداً على كلامك مو مهم شو مكتوب بالهوية انا برأيي مهم وكتير واذا مو مهم معناها ما في خلاف اذا غيروه لاني انا بريد هيك ؟

[riham]

رد: الحرية الدينية

ههههه شبك جودي ناطرة حل؟؟؟
حبيبتي الحل مانو قريب
انا رح قلك شو رح يصير

مجتمعنا حاليا عم يتجرأ شوي شوي ويخلص من شوية قصص مقيدتو
عن جديد عم نلاقي عالم غيرت دينها يمكن بالسر بس عم يتشجعو
وعالم اتزوجت من غير طائفة واتحدت العالم وما بتفرق ولادها شو دينهن لأن اصلا بالنسبة إلهن مانها مشكلة

يعني شوي شوي الأمور عم تتحلحل كل يوم واحد بيخطي خطوة اجرأ
يعني هلأ جيلنا كشباب كتير منا بيتقبل هيك فكرة
بس جيل أهلنا نادرا ليقبل هيك شي

يعني فيني قلك لما جيلنا يصير أم واب
ويصير عندو ولاد هالولاد رح يحسو هالشي أسهل

[soubhi77]

رد: الحرية الدينية

صديقي سكاي اكيد هي مو مشكلة الجيل الحالي بس مشكلة خطأ قام فيه الاباء بقصد او بدونه و الجيل اللي بعدو

لازم يتحمل لأنو هادا القانون ... ولما الواحد بدو ياخد هيك قرار وهو على دراية تامة بالقانون لازم يتحمل مسؤولية أفعاله

[SKY ANGEL]

رد: الحرية الدينية

صديقي سكاي اكيد هي مو مشكلة الجيل الحالي بس مشكلة خطأ قام فيه الاباء بقصد او بدونه و الجيل اللي بعدو

لازم يتحمل لأنو هادا القانون ... ولما الواحد بدو ياخد هيك قرار وهو على دراية تامة بالقانون لازم يتحمل مسؤولية أفعاله

بس شو ذنبي انا اتحمل هالغلط
ولا تنسا انو اذا تزوجت انا بهي الحالة رح زيد حلقة على السلسلة الي بناها جدي
وابني رح يزيد حلقة من هالسلسلة
هي انا بحكيك عني كفرد واحد
فما بالك انو على فرض انو نحنا 4 اخوة على سبيل المثال
شو ذنبي اتحمل هالغلط غصباً عني وحملو لأبني غصب عنو
لايمتا رح تضل هالحالة وعلماً انو ما حدا بيحكي وبيطالب بتعديل الوضع انتا قرا الماركات بتفهم علي منيح

[soubhi77]

رد: الحرية الدينية

اخي سكاي

في كتير شغلات ما بكون لنا يد فيها و تفرض علينا فرض

كان لازم جدك ما يسجل الاولاد بأسم الام او ينسبون لغير ام ,ماهو بيعرف القانون و عند الدولة لما تزوج أمام

المحكمة نطق الشهدادتين ولما سجّل اولاده في الدولة سجلوا على اساس الدين الاسلامي

هيك و اكتملت الحلقة ..

و الحل المنطقي بدو يكون قاسي ... يعني اذا تزوجت وحدة مسيحية رح يوقعوا الولاد بنفس المشكلة ( الا اذا جبتون كلون بنات هههه )

أو تتأقلم مع وضعك الحالي و تكيف شخصيتك هادا شي كمان بعود الك

او تسافر ..........

وجرب اعمل دعوة شخصية وانت بمجهودك و تأكد ما حدا بساعدك و خاصة الكنيسة

[SKY ANGEL]

رد: الحرية الدينية

طيب كيف دعوة شخصية فهمني يعني شو صيغتها شو بكتب فيها شو بقول فيها اذا عندك فكرا او حدا عندو فكرا ياريت وبتمنى ينورني

[SKY ANGEL]

رد: الحرية الدينية

بدنا حدا يقوللنا شو صيغة هي الدعوة الي بدي قدمها ياريت اذا حدا بيعرف او اذا حدا عندو محامي قرايبو ابوه اخوه بس يسألو ويكتبلنا الرد يا ريييييييييييييييييييييييييييييت يا ريت

[SKY ANGEL]

رد: الحرية الدينية

ما حدا بيعرف اي طريقة للماساعدة ولو نصيحة ولو اي شي

[Tatiana]

رد: الحرية الدينية

موضوع و طرح حلو كتير
كل شي في سوريا من حريات دينية بتقول انو هية دولة علمانية بس لما بتوصل على هيك
موضوع بالذات في نقطة على السطر .
لحتى ينحل هيك موضوع ... لازم تنلغى المادة التالتة من الدستور اللي بتقول
انو دين الجمهورية العربية السورية هو الدين الإسلامي .....
و اذا انلغت هالمادة يعني سوريا صارت دولة علمانية قلباً و قالباً

[SKY ANGEL]

رد: الحرية الدينية

جاء في الدستور السوري في المادة 3 منه:
الفقه الإسلامي مصدر رئيسي للتشريع.
وفي المادة 35:
حرية الاعتقاد مصونة وتحترم الدولة جميع الأديان.
وهناك مواد كثيرة أخرى ترتبط أيضاً بقانون الأحوال الشخصية.
بالنسبة للمادة 3، تقول هذه المادة أن الفقه الإسلامي هو
مصدر رئيسي للتشريع،
ليس هو إذن المصدر الرئيسي الوحيد إذ لم يأت مسبوقاً بأداة التعريف، وبالتأكيد ليس هو المصدر الوحيد، لكن تشدد هذه المادة وغيرها من مواد موجودة في الدستور على مكانة الدين الإسلامي المميزة في سوريا بدون أن يعني هذا أن نظام الحكم هو نظام إسلامي. طبعاً جاءت هذه الصيغة نتيجة التوافق بين تيارات كثيرة ومتباينة، منها الإسلامية ومنها العلمانية وأيضاً نتيجة الاعتراف بحقيقة أن سوريا تحوي عدداً كبيراً من الطوائف التي ليست مجرد أقليات بل مجموعات فاعلة ومؤثرة في سورية عبر تاريخها الطويل وحضاراتها المتعاقبة.

المادة 53 تؤكد على حرية الاعتقاد وتخص هذه المادة الأديان بالاحترام.

إن قانون الأحوال الشخصية له ما يميزه عن بقية القوانين، فهو أولاً يتعلق بأمور شخصية تخص فرد أو مجموعة صغيرة محددة من الأفراد (كما في الإرث والزواج ...الخ) ولا يخص تطبيقها المجتمع ككل، ومن ناحية ثانية يتقاطع بشكل كبير مع الشرائع الدينية إذ لمختلف الطوائف تحديدات واضحة بخصوص الأمور التي يختص بها قانون الأحوال الشخصية.

كيف نوفق إذاً بين الدستور وبين خصوصية قانون الأحوال الشخصية وحقيقة تعدد المذاهب والأديان في سورية، الحقيقة التي قد تؤدي أحياناً إلى أن يحكم القانون بين أفراد من مذاهب وأديان مختلفة؟

إن حل هذه المعضلة ليس مستحيلاً ولا صعباً بل أعتقد أنه بديهي للغاية ويتحدد بثلاث قواعد:
1- أبناء كل طائفة يطبق عليهم قانون الأحوال الشخصية وفق نصوص تناسب عادات وشرائع هذه الطائفة ولا تخالف الدستور وتحكم وفقاً لها جهة مؤلفة من أبناء هذه الطائفة تستمد شرعيتها من القانون.
2- عندما يكون هناك حالة يجب أن يحكم فيها القانون في قضية واحدة تخص أشخاص ينتمون إلى أكثر من دين أحدها الإسلام تطبق القوانين المستمدة من شرائع الدين الإسلامي، وتحكم فيها جهة محايدة يحددها القانون. وحتى نوسع هذه القاعدة لتشمل مختلف الطوائف والأديان المتنوعة في سوريا يجب ترتيب الطوائف ترتيباً كاملاً حسب عدد أبنائها ويُحكَم دائماً بحسب القانون المستند إلى شريعة الطائفة الأكبر.
3- حرية تغيير الدين يجب أن تكون مصونة بشكل كامل، وذلك تطبيقاً للمادة 53 وكذلك حتى لا يصبح الشخص المسؤول عن الحكم بقانون الأحوال الشخصية متحكماً ومتسلطاً على الناس حتى إن كانوا لا يريدون الانتماء لهذه الطائفة أو الدين.

لنناقش قليلاً هذه القواعد قاعدة قاعدة.

القاعدة الأولى ( وضع نصوص خاصة بكل طائفة )
قد يعترض البعض على القاعدة الأولى باعتبار أن النظام الديمقراطي يعني أن القانون المستمد من الفقه الإسلامي يجب أن يطبق على الجميع باعتبار أن المسلمين هم أكثرية. قبل كل شيء هذا الكلام يخالف الدستور السوري،الذي ينص على المساواة بين افراد الشعب ومن ناحية ثانية تطبيق الديمقراطية يعني الأخذ برأيي الأكثرية (أو بالحري الأغلبية) في أمور تخص كل هذه الجماعة، ولكن عندما يكون الأمر مختصاً بفئة محددة من الجماعة فإن الديمقراطية تعني أخذ رأي الأكثرية في هذه الفئة فحسب، أما عندما يتعدى الأمر حدود هذه الفئة نحو المجتمع الأوسع فإن الكلام الأول يصح وهذا ما قلته في القاعدة الثانية.
أيضاً قد يعترض البعض على القاعدة الأولى بحكم أنها تخالف الدستور السوري الذي جاء في المادة 25 منه "المواطنون متساوون أمام القانون في الحقوق والواجبات" إن المساواة أمام القانون أمر بديهي يدخل في مفهوم القانون نفسه، ولكن هذه المساواة لا تعني عدم لحظ الاختلافات والفروقات التي تقتضي منطقياً تغييراً في القانون، مثل الاختلاف في العمر أو الجنس أو المقدرة وكذلك الطائفة بالنسبة للأحوال الشخصية، وأنا هنا لا أدعو إلى قوانين متعددة مبنية على قواعد مختلفة بل إلى قانون واحد مبني على مجموعة قواعد واحدة (القواعد الثلاث أعلاه) لكنه يلحظ الاختلاف والتنوع بين الطوائف.
حسب القانون السوري المعمول به يكون لكل شركة نظام داخلي خاص بها توافق عليه وزارة الشؤون الاجتماعية والعمل ويسجل لديها، وبالرغم من أن النظام الداخلي للشركة لا يسمى قانوناً إلا أن له مفعول القانون ويستمد قوته من القانون، فكيف بالحري يجب أن يكون الأمر بالنسبة لطائفة مؤلفة من عدد كبير جداً من الناس؟

القاعدة الثانية ( عندما يوجد تقاطع تطبق نصوص الدين الأعلى )
من المقبول تماماً في سوريا أن يورث المسلم غير المسلم حسب قانون مبني على الفقه الإسلامي، وكذلك أن يرث المسلم غير المسلم حسب قانون مبني على الفقه الإسلامي، ولكن من غير المقبول ألا يرث غير المسلم المسلم أبداً وذلك حسب القانون الحالي، وهذا ببساطة يخالف الدستور صراحة في المادة 17 منه التي تنص على "حق الإرث مضمون وفقا للقانون" وليس من مخالفة أوضح من هذه، بالإضافة إلى مخالفة مواد كثيرة أخرى. كذلك إن هذا الأمر يفتح المجال لحدوث تلاعبات على القانون، أعرف مثلاً شخصاً كان مسيحياً اختلف مع أبنائه فتحول إلى الإسلام ليمنع الإرث عنهم!
كذلك أفهم أن تكون حقوق زوجة المسلم غير المسلمة هي حقوق الزوجة في الإسلام وليس حسب دينها، ولكن لا أفهم أن تكون حقوق زوجة المسلم غير المسلمة أقل من حقوق الزوجة في الإسلام كما هو القانون الحالي! أقل ما يقال عن هذا أنه تناقض منطقي، إذ كيف تسمى زوجة وليس لها حقوق الزوجة؟ وقد سمعت من بعض العالمين أن هذا يخالف الشرع الإسلامي صراحةً. دعونا نقول ببساطة أن القانون الحالي يوافق بعض المتشددين من المسلمين ومن غير المسلمين (المسيحيين تحديداً) لأنه حتى بعض المسيحيين يفضلون أن تكون ظروف المسيحية المتزوجة من مسلم صعبة حتى لا تتشجع المسيحيات من الزواج من مسلمين، لكن بجميع الأحوال هذا لا يوافق الحلقة الأضعف هنا وهي المرأة كالعادة التي تهضم كل حقوقها، الحقوق التي ما كانت وضعت إلا لأن لها داعٍ عملي وأخلاقي.

القاعدة الثالثة ( حرية تغيير الدين )
إن موضوع تغيير الدين يرتبط ارتباطاً وثيقاً بقانون الأحوال الشخصية، وهو لا يتعلق فقط بمن يريد أو قام بتغيير دينه فعلاً، فمثل هذا لا يقف بطريقه قانون إذا كان تحوله إلى دين آخر عن قناعة، لكن الموضوع يتعلق كذلك وبشكل أكبر بأولاده الذين ولدوا على دين والدهم الجديد ويعاملون قانوناً على أنهم من دين آخر حسب القانون الحالي (إذا كان الدين السابق لوالدهم هو الإسلام) ولا يستطيعون تغيير دينهم قانوناً. كم أعرف من أشخاص يعانون من مشاكل كثيرة ناتجة عن هذه القيود القانونية وتقف في طريق حياتهم وزواجهم بدون سبب أو معنى، إنها عملياً مجرد عقوبة لا معنى ولا مسوغ لها.
عندما يثار موضوع السماح بتغيير الدين من الإسلام إلى دين آخر نسمع أصوات بعض المتزمتين تعارض ذلك ولكن بدون أية أسباب موضوعية. ليس هناك من مسلم عاقل أو غير مسلم عاقل يظن أنه بالسماح بتغيير الدين من الإسلام إلى غيره سوف يتهدد وجود الإسلام في سوريا وسوف يدخل المسلمون جماعات جماعات في دين آخر! وكذلك يتحجج البعض بحجة واهية وهي التسبب في الفتنة الطائفية. الحمد لله نحن نعرف بلدنا جيداً، ونعرف أن الفتنة الطائفية لا يمكن أن تتولد من أمر بسيط كتغيير شخص لدينه عن قناعة، لا تغيير الدين من دين آخر إلى الإسلام سبب يوماً فتنة طائفية ولا تغيير لبعض الأشخاص دينهم من الإسلام إلى دين آخر سبب فتنة طائفية بالرغم من أنهم يجاهرون بتحولهم إلى دين آخر، فقط أن القانون الحالي لا يعترف بهذا التغيير.
من ناحية ثانية إن عدم الاعتراف بتغيير الدين يسبب مشاكل كثيرة. تصوروا مثلاً شخصاً تحول والده من الإسلام إلى المسيحية وولد هذا الشخص وتربى مسيحياً، ومن ثم أراد الزواج من فتاة مسيحية، هل من المعقول أن يتمم عقد زواجهما ويحكم بينهما في حال الخلاف شخص مسلم حسب قانون مستمد من الفقه الإسلامي؟

لن أطيل كثيراً ولكن أريد أن أشير إلى ضرورة أن يكون لأبناء الطائفة دور في صياغة ما يتعلق بهم في قانون الأحوال الشخصية، إن القانون المقترح السيئ الذكر والذي تم سحبه (وهذا أمر متوقع) أجاز مثلاً زواج المسيحي من أكثر من زوجة! قد نختلف كثيراً على جدوى تعدد الزوجات والداعي لها، لكن الأمر الذي لا خلاف عليه أبداً (ولم يكن مثار خلاف يوماً) أن الدين المسيحي لا يسمح بتعدد الزوجات، من غير المعقول أن شخصاً لا يدرك أكثر الأمور بديهية في المسيحية يوكَل إليه صياغة قانون يتعلق بالأحوال الشخصية للمسيحيين!

جمال سورية هو جمال فسيفساء مؤلفة من قطع متعددة الألوان اشتهر أبناء سوريا عبر العصور بفن ترتيبها وتجميعها لتشكيل لوحات رائعة الجمال. هكذا نريدها أن تكون

أخيراً أقول أن الاعتراف بالتنوع الطائفي ليس الناحية الوحيدة التي تحتاج إلى تطوير في القوانين الحالية بل هناك نواح أخرى لا تقل أهمية لعل أبرزها مسألة حقوق المرأة، ومع صدور قانون جديد يلحظ التنوع الطائفي ويعترف بحقوق المرأة لا نكون قد خطونا إلا خطوة صغيرة إلى الأمام، وهي خطوة طال انتظارها.

منقول من سيريا نيوز
http://www.syria-news.com/readnews.php?sy_seq=97748

[SKY ANGEL]

رد: الحرية الدينية

بعتقد زملاء هدا موضوع للنقاش
الي يحب يناقش ويفيدنا يتفضل ولا لا يعذب حالو بهالردود الي ما الها علاقة بالموضوع
منورين

[raindrop]

رد: الحرية الدينية

الناس اللي بيقابلوا السيد الرئيس مباشرة ما بيقدروا يحكوا بهالموضوع
لأن فعلاً موضوع فاجئني إنو موجود

ممكن سؤال
أنا بعرف شب مسلم تزوج مسيحية وراحوا تزوجوا ب لبنان
ليش ؟

كان الله بعونكم وإن شاء الله بتلاقوا حل