الرئيس الأسد ان حكى

[Karmah]

يدرك الرئيس السوري الدكتور بشار الأسد ان حرباً دولية تجري ضده وضد نظامه في سوريا وعلى صعيد الدول المجاورة. وهذه الحرب هي سياسية وديبلوماسية وعسكرية. لكن الرئيس الاسد لا يقول كل ما عنده، بل يعرف ان مؤامرة كبيرة تم تنظيمها ضد سوريا انطلاقاً من تظاهرة درعا التي كانت في اطارها المحدود. واليوم ظهرت الصورة امام الجميع وكان الرئيس الأسد قبل سنة يشعر بها ويخطط لايقافها ولكن دون مجازر.
يعرف الرئيس الأسد ان حوالى 20 الف أجنبي من عربي واسلام آسيوي تم ارسالهم الى سوريا وهم من المتطرفين الاسلاميين والسلفيين لتغيير واقع سوريا وخلق الاضطرابات في الداخل السوري، وضرب الجيش النظامي والبنية التحتية لسوريا. وهو حتى الآن يعتبر ان الوقت لصالحه وان المؤامرة ستظهر أكثر.
لكن الرئيس الاسد في داخله يشعر بمرارة موقف الدول العربية، فسوريا دفعت ثمناً باهظاً من أجل دعمها المقاومة الفلسطينية والمقاومة في جنوب لبنان ضد اسرائيل. وهكذا دافعت عن كل العرب، فاذا بالعرب يعاقبون سوريا بالعزل وتجميد العضوية في الجامعة العربية.
لم تفعل سوريا اي عمل عدواني ضد الدول العربية، والدول العربية التي تطالب سوريا بالديموقراطية هي دول غير ديموقراطية بأغلبيتها، ولا يوجد حتى عندها ولو شكلياً مجلس شعب او مجلس نواب ولا يوجد عندها اي اختبار او اختيار من قبل الشعب بانتخاب رئيس، بل انها انظمة آحادية، كما هو النظام السوري واكثر من ذلك. فهي تمنع الكلام السياسي كلياً في هذه البلدان العربية. ومع ذلك اتخذت مواقف عدائية ضد سوريا، مما يخلق باباً كبيراً لاسرائيل للدخول الى العمق العربي اذا سقطت سوريا.
الرئيس الأسد إن حكى، لقال للدول العربية ان ما تفعلونه هو اكبر ضربة للعروبة، وان الممانعة السورية والموقف المؤيّد للمقاومة في فلسطين وفي لبنان سمح للدول العربية بأن لا تقع تحت السيطرة الاسرائيلية. وان سوريا تعاونت مع كل الدول العربية، فلماذا هذا الهجوم العربي تحت عنوان ان سوريا حليفة مع ايران.
ربما لا يجاوب الرئيس الأسد زواره عن كلام عن العلاقة مع ايران وعن اجراء التشيّع في سوريا من سنّي الى شيعي، لانه يعرف الحقيقة، ان هذا الامر لا يحصل في سوريا، وانه عنوان للمؤامرة ضده وضد النظام في سوريا، وان كولين باول جاء الى سوريا طالباً طرد حركة حماس فرفض الرئيس الاسد بينما كان الجيش الاميركي يحتل العراق ويسيطر عليه ويصل الى الحدود السورية مع تهديد باجتياح سوريا ودمشق، لكن الرئيس الأسد رفض طرد حركة حماس.
والرئيس الأسد قام بدعم المقاومة في جنوب لبنان حتى استطاعت الحاق الهزيمة بالعدو الاسرائيلي في حرب 12 تموز 2006.
يبتسم الرئيس الاسد ابتسامة مليئة بالمرارة ايضا عندما تتحدث الدول الاوروبية عن سوريا انها دولة ارهابية، او دولة خارجة عن القانون الدولي، في حين ان سوريا على مدى تاريخها حاربت الارهاب، وفي حين ان التقارير الأمنية تتحدث عن وجود 20 الف ارهابي وانتحاري سلفي وأصولي اسلامي دخلوا الى سوريا وقامت بارسالهم دول الخليج ودول عربية لضرب النظام السوري. وان الولايات المتحدة وبريطانيا وخاصة فرنسا كانت تتعاون مع سوريا من اجل تبادل معلومات بشأن الارهاب، وكان العماد الشهيد آصف شوكت يتولى العلاقة مع الفرنسيين بشأن تبادل المعلومات حول الارهابيين. وكانت اتصالاته تشمل بريطانيا والمانيا وفرنسا والسعودية ومصر في مكافحة الارهاب.
ثم جاء بعده اللواء علي المملوك وتابع نشاطه في وجه مكافحة الارهاب، وبالتنسيق مع دول أوروبا ودول الخليج. فاذا بالذين يعرفون حقيقة الأمور عن دور الرئيس الاسد والنظام السوري في مكافحة الارهاب يكذبون ويتهمون سوريا بالارهاب، في حين انه بات متأكداً، وفق تقارير سلمها الرئيس الأسد الى كوفي انان والاخضر الابراهيمي موفدَي الامم المتحدة والجامعة العربية، حيث توجد لوائح بالاجانب المعتقلين في سوريا، حيث جاءوا لبناء دولة اسلامية في سوريا، اضافة الى تقارير تؤكد وجود حوالي 15 الف الى 20 الف ارهابي سلفي أصولي يريدون تخريب سوريا وتحويلها الى امارة اسلامية.
يستمر الرئيس الأسد في الصمود في قصر الشعب، ويعرف ان المخاطر كبيرة، ويعرف انه خسر الكثير من الشهداء من الجيش ومن اقرب المقرّبين له ومن الشعب السوري كله. ويعتبر ان الشهداء الذين سقطوا من المدنيين والعسكريين هم خسارة لسوريا. ويعرف ايضاً ان تركيا التي اقام علاقات جيدة معها قامت بالعداوة ضدّه من دون سبب وعلى أساس لا تقبله الدول، وهو التدخل الخارجي لاجبار دولة اخرى على اقامة اصلاحات وفق ما تريد. والمطالب التركية من الرئيس الاسد ليست محقّة.
ويتعجّب الرئيس الأسد من الموقف التركي كيف انه يريد فرض تغييرات في سوريا، والا فانه، اي النظام في تركيا، يقوم باستقبال المسلحين واستقبال الاسلحة وتقوم تركيا بارسال المسلحين من اراضيها الى سوريا للقتال ضد الجيش النظامي في عدوان واضح، وضوح النهار، حيث الاسلحة تدخل من تركيا الى سوريا وحيث المسلحون يدخلون من تركيا الى سوريا. في حين ان الاتفاق الامني الشهير في أضنة في شأن مكافحة حركة الاكراد ضد النظام التركي نفذته سوريا حماية لتركيا من القتال الكردي ضد تركيا.
فلماذا تدعم تركيا الآن المسلحين بالسلاح وتجعل ارضها منطلقاً للهجوم على سوريا.
الرئيس الأسد إن حكى، لقال ان الانظمة العربية كلها ستسقط تحت سيطرة امارات اسلامية وان اوروبا واميركا ستشهد منظراً لامارات اسلامية متطرفة مع تخريب للبنى التحتية، مثلما حصل في العراق وليبيا واليمن ودول أخرى، لأن الهدف الحقيقي ليس الاصلاح في سوريا بل الهدف الحقيقي هو ضرب سوريا وتخريبها.
والغرب يعرف عدد الاصوليين الذين توافدوا الى الاراضي السورية لضرب البنى التحتية وتفجير سيارات وتخريب سوريا وضرب الاستقرار فيها.
لا يتحدث كثيراً الرئيس الأسد، لكنه مصمّم على المواجهة وعلى القيام بواجبه الوطني، وبالنتيجة ماذا يحصل، فانه القدر. لكن ما زالت اكثرية شعبية سورية تؤيد نظامه والجيش النظامي متماسك والذين انشقّوا في البداية هم من عناصر وجهات غير فاعلة في الجيش السوري. اما الوحدات القتالية الحقيقية فبقيت موحّدة ودون انشقاق. ولم يحصل كما تتمنى الدول من فرز سني ـ علوي، بل بقيت العقيدة العربية اقوى من اي انقسام، والدليل على ذلك انه خلال سنتين يبقى الجيش السوري موحّداً بوحداته الاساسية والمقاتلون من ضباط ورتباء وجنود من الطائفة السنية ملتزمون بالاوامر مثل ابناء الطائفة العلوية وأكثر.
أخيراً، الرئيس الاسد إن حكى لقال ان العرب يرتكبون جريمة بحق سوريا، والغرب ارتكب الجريمة بحق سوريا ايضاً وقام بتخريبها، وان مخططاً صهيونياً ـ اميركياً لا يهدف الى اية اصلاحات في سوريا بل ان ما جرى عرضه على والده الرئيس الراحل حافظ الاسد وما جرى عرضه عليه بتوقيع اتفاق مع اسرائيل يتنازل فيها عن شاطىء طبريا وتلة الحمّة فان واشنطن ودول الناتو لكانت أيّدت سوريا ولن تتحدث عن اي اصلاح. لكن سوريا تدفع ثمن صمودها وممانعتها لاتفاق مع اسرائيل يجعل الهيمنة الاسرائيلية على المحك.

[Ibrahem]

رد: الرئيس الأسد ان حكى

جنود من الطائفة السنية ملتزمون بالأوامر مثل أبناء الطائفة العلوية وأكثر


هي الجملة وردت بالمقال فوق
رح رد علين ما عنا بسوريا شي أسمو سني ولا شي أسمو علوي ولا أي طائفة من الطوائف الكريمة التانية

عنا شي أسمو أنا سوري وديني سوريا وطائفتي سوريا
وقد ما حاولت مصادر المقالات ترسخ هيك مصطلحات بالعقول وتفصل بين الطوائف بسوريا رح تلاقي فشل ذريع متربصلها

-----------------------------------------------------------------------------------------------------------------------------------------

وشي تاني الحرب على سوريا مو على على شخص سيادة الرئيس متل ما انذكر ببداية المقال

بقتبس : حرباً دولية تجري ضده وضد نظامه

وبسوريا مافي شي اسمو (نظام) في شي اسمو بناء هرمي بالدولة
في تكوين بيتألف من تلت محاور هيي : الشعب - الجيش - السلطات
في حال تخلخلت وحدة من هدول انهار التكوين الهرمي

-----------------------------------------------------------------------------------------------------------------------------------------

حبيت أهدي هي الغنية لمصدر النقال
^_^

http://www.youtube.com/watch?v=wOavgDjjA08

[اخو باطح ابليس]

رد: الرئيس الأسد ان حكى

شي يلي صاير حرب سنه وعلويه نحنا عايشين بين السنه بدرعا ومنعرف شو بفكرو لو بطلع بيدهم يبيدو كل شي اسمو علوي مابقصرو
فلا ضلو تقولو نحنا طائفه وحده حكي مش زابط

[Abu Nezar]

رد: الرئيس الأسد ان حكى

[pato]

رد: الرئيس الأسد ان حكى

شي يلي صاير حرب سنه وعلويه نحنا عايشين بين السنه بدرعا ومنعرف شو بفكرو لو بطلع بيدهم يبيدو كل شي اسمو علوي مابقصرو
فلا ضلو تقولو نحنا طائفه وحده حكي مش زابط

فعلاً لا في لا وحدة ولا شي مشي انفلت الامن شوي بانت الحقائق

[Abu Nezar]

رد: الرئيس الأسد ان حكى

شي يلي صاير حرب سنه وعلويه نحنا عايشين بين السنه بدرعا ومنعرف شو بفكرو لو بطلع بيدهم يبيدو كل شي اسمو علوي مابقصرو
فلا ضلو تقولو نحنا طائفه وحده حكي مش زابط

كلامك سليم للاسف

[Ibrahem]

رد: الرئيس الأسد ان حكى

شي يلي صاير حرب سنه وعلويه نحنا عايشين بين السنه بدرعا ومنعرف شو بفكرو لو بطلع بيدهم يبيدو كل شي اسمو علوي مابقصرو
فلا ضلو تقولو نحنا طائفه وحده حكي مش زابط

حكيك غلط ... وأكبر غلط تعمم هاد الشي
الحكي هاد بينطبق على عدد قليل من الناس نسبة لسكان سوريا

والعلامة من هاد الحكي أنو نسبة كبيرة من الأشخاص (العساكر وعناصر الأمن) من الطوائف كلها
وإذا بتقدر تنكر هالشي رد على هاد الحكي بكلمة وحدة وقلي أنو حكيي غلط

[Abu Nezar]

رد: الرئيس الأسد ان حكى

حكيك غلط ... وأكبر غلط تعمم هاد الشي
الحكي هاد بينطبق على عدد قليل من الناس نسبة لسكان سوريا

والعلامة من هاد الحكي أنو نسبة كبيرة من الأشخاص (العساكر وعناصر الأمن) من الطوائف كلها
وإذا بتقدر تنكر هالشي رد على هاد الحكي بكلمة وحدة وقلي أنو حكيي غلط

اخي برهوم مظبوط من الطائف كلا بس مو كلون بحبو بعض
وانا رفيقي عسكري ما رح اذكر طائفتو
بس بيقلي انا لما ادخل مداهمة ما بخاف من الشخص لي بواجهو
بخاف من رفيقي اللي ورايي من غير طائفتي لانو بيكرهني
وغير هيك نحنا شايفين الواقع وما في طائفة بتحب التانية للاسف
يعني وصلت سوريا للاسف لابشع زمن ممكن توصلو
يعطيك العافة برهوم
شكرا عكلامك لي بيدب الامل بالنفوس

[midnight man]

رد: الرئيس الأسد ان حكى

هالكلام موجود للأسف وظهر جلياً بهالأحداث....... لكن مافينا نعمم....... يعني مثلاً باللاذقية عنا...بأحداث الحفة أو الرمل الجنوبي بلشوا العالم يستقبلوا المهجرين ببيوتن مع أنو من غير طائفة. لما بلشت الأحداث بحلب ولجؤوا إخواننا بحلب (السنة)..... احتموا بضيعنا العلوية واستقبلوهن بالبيوت...... ولو صار فينا نفس الشي وتهجرنا لاسمح الله بيعملوا نفس الشي.......
في اعتبارات ما فينا نتجاهلها معما اتسعت هوة الخلاف... مثلاً: جيران بالبناية الوحدة من طوائف مختلفة وكل عمرن عميتشاركوا الحلوة والمرة مو سهل أنو يصير في عداء بيناتن.....
أنا مثلاً علوي وعشت عمري بالشام وسنتين بدير الزور... حتى الآن التواصل بين أهلي وجيرانا (السنية) بالشام والدير مستمر والمحبة ما بردت... ولساتني بخابر أصدقائي حتى الآن...

أنا أهم المدرسين يلي درسوني سواء بالمدرسة أو بالجامعة من الطائفة السنية..... لما بشوفهن بالشارع بوقف باستعداد وأحيانا بغير الطريق خجلاً وإجلالاً الهن..... وإذا سلمت على واحد فيهن وتذكرني بحس بالفخر (انو الأستاذ تذكرني)........ومابتخيل يوماً ما اني أكره أساتذتي لأسباب طائفية.... لأنن لما علموني ما فرقوا بيني وبين طالب سني.... والأمر بينطبق كمان عالمدرسين من الطائفة العلوية....
بس للأسف في أماكن منحس فيها تعصب أعمى فعلاً بيجوز نتيجة عدم اختلاط الطوائف مع بعضها بشكل كاف مما يؤدي لتشكيل أفكار خاطئة عن الطائفة الأخرى......... يعني بدرعا وإدلب في سلفيين تكفيريين ما فيهن يستوعبوا أنو في عقائد أخرى لازم يتقبلوها...... وأنا بالجيش شفت هيك نماذج و تفاجأت..... لدرجة أنن بيسمونا أسماء أنا أول مرة بسمع فيها (متاولة.... روافض... )!!! ناقص يسمونا (سنافر)!!!

[pato]

رد: الرئيس الأسد ان حكى

اخي برهوم مظبوط من الطائف كلا بس مو كلون بحبو بعض
وانا رفيقي عسكري ما رح اذكر طائفتو
بس بيقلي انا لما ادخل مداهمة ما بخاف من الشخص لي بواجهو
بخاف من رفيقي اللي ورايي من غير طائفتي لانو بيكرهني

رفيقك صحيح قلك بس غلطان لو بيكرهو كان راح انضم للجيش الحر مباشرة وما راح معو
اما بالنسبة للخوف لازم يكون خايف من كتر ما سمعنا عن عمليات خيانة وقتل للعساكر اثناء نومهم وبعدها فرار العساكر الي عملوا العملية قبل ما حدا يحس عليهون

[pato]

رد: الرئيس الأسد ان حكى

بس للأسف في أماكن منحس فيها تعصب أعمى فعلاً بيجوز نتيجة عدم اختلاط الطوائف مع بعضها بشكل كاف مما يؤدي لتشكيل أفكار خاطئة عن الطائفة الأخرى......... يعني بدرعا وإدلب في سلفيين تكفيريين ما فيهن يستوعبوا أنو في عقائد أخرى لازم يتقبلوها...... وأنا بالجيش شفت هيك نماذج و تفاجأت..... لدرجة أنن بيسمونا أسماء أنا أول مرة بسمع فيها (متاولة.... روافض... )!!! ناقص يسمونا (سنافر)!!!

يعني الي بللادقية أحسن مثلاً
وقت بيكون جاي جريح ع المشفى ما بيحاولوا يقطعوا الطريق مشان ما يوصل ويموت

[Abu Nezar]

رد: الرئيس الأسد ان حكى

رفيقك صحيح قلك بس غلطان لو بيكرهو كان راح انضم للجيش الحر مباشرة وما راح معو اما بالنسبة للخوف لازم يكون خايف من كتر ما سمعنا عن عمليات خيانة وقتل للعساكر اثناء نومهم وبعدها فرار العساكر الي عملوا العملية قبل ما حدا يحس عليهون

صديقي مو كذاب وهنن بقطعتون بدرعا أقلية ف عم يتنابو بمسألة النوم كمان لان العميد اغتالوه وهو نايم

[midnight man]

رد: الرئيس الأسد ان حكى

أي في بكل مكان أوباش..... بس مافينا نعمم الحقد الطائفي ع كل الناس.

[pato]

رد: الرئيس الأسد ان حكى

صديقي مو كذاب وهنن بقطعتون بدرعا أقلية ف عم يتنابو بمسألة النوم كمان لان العميد اغتالوه وهو نايم

انتبه انا ما قلت رفيقك كذاب انا قلت غلط بتقييمو للموقف
وهو خايف لانو صار متل ما قلت قتل اثناء النوم للعناصر من الطوائف التانية
بس مو بالضروري يعني انو العسكري من الطائفة التانية بيكرهوا بس هو حذر لحتى ما يصير فيه متل غيرو

[Abu Nezar]

رد: الرئيس الأسد ان حكى

معك حق

[Ibrahem]

رد: الرئيس الأسد ان حكى

بنرجع بنعيد ونكرر أنو غلط كبير تعمم هالشي على الكل
لأن الكم الكبير من الناس مانن من دعاة الطائفية


أهلا وسهلا فيكن على جرمانا لتشوفو التعايش الطائفي
جرمانا تعتبر نموذج صغير عن التعايش الطائفي الموجود بسوريا كلها

فالتعميم غلط كبير كتير ... (( بسوريا مافي حرب طائفية ))