الثورة السورية قد سقطت

[حنا80]

رد: الثورة السورية قد سقطت

ايه يعني نحن مانا شعب
ومين بتقصد بشعبك يا ترى بس المتظاهرين شعبك ؟

[مشاكس]

رد: الثورة السورية قد سقطت

مو انا مراسل الدنيا جاري الاستاذ علاء ... والله كل مظاهره طلعت بسوريا موجوده بالارشيف لكن ليش السلميين بلشو يتلثمو ؟؟؟ مشان ما حدى يشوفون هنه وعم يرمو الامن بأغصان الزيتون
ايه الحمدلله رفقاتنا كتار بالمحافظات ما ضل عندي غير الرقه والميادين والفامشلي
تسلم يا حبيب عرفنا عن حالك وعن هواياتك وشو دارس او شو بتشتغل

اهدا ماعاد لحقتلك من صفحة لصفحة تلثمو لانو كل شخص عم يتظاهر بتعرفي عم يجيبو ويحممو بلكينا واغصان زيتون وبطلعو عاريس وبيبعتو على اهلو
بعدين اذا حاب تتعرف كل شي بظن بملفي الشخصي وانا كاتب كل شي عني بصفحة تبع التعارف بمنتدى شباب وصبايا يلا سلام هلأ

[مشاكس]

رد: الثورة السورية قد سقطت

ايه يعني نحن مانا شعب
ومين بتقصد بشعبك يا ترى بس المتظاهرين شعبك ؟

بسوريا كلنا شعب واحد بس المظلوم بنوقف معو بهيك قصدت وانا ماقلت المؤيد مانو شعبي الكل شعب واحد تحياااتي....

[Johnnie Walker]

رد: الثورة السورية قد سقطت

يا جماعة خير الكلام ما قل ودل.

هي سقطت, بس بدها كمان شوية وقت لتركز الأوضاع. لأن يلي صار مو قليل!

يسلمن جوانا

[طحبوش]

رد: الثورة السورية قد سقطت

لك ياحبيب مابنكر انو صار في تخبيص وبلاخص بحماة وحمص بس كمان مالازم نسأل ليش هيك ليش عملو شو صايرلن لحتا من قهرون ماعاد ميزو العدو من صديق او حتى صديق صارو بدون يسحبو معون ليش ياترى ؟؟ وانا مابظن اهل حماة (الثوار) بشكل الي وصفتو لانو كانو ينزلو نص مليون معقولة
مجبورين النص مليون نص مليون لحالون بدون مليون ليجبرون ينزلو ؟؟
مشكوور عل ردك خيي ومتل ماقلتلك صار في تخبيص وانا ماني مع ثورة او رأي انا مع الحق وشايف كل شي وبعرف كل شي او سامع عنو ومابنكر هل شي الي صار
بس كمان مابننكر شو صار ببداية المظاهرات لما العالم بوقتها طلعت بلا سلاح وكانت بلفعل سلمية بس تحولت نتيجة العنف المفرط وهي اكتر اثبات اقنعني مشكوور خيي تحياااتي...

(لك ياحبيب مابنكر انو صار في تخبيص وبلاخص بحماة وحمص بس كمان مالازم نسأل ليش هيك ليش عملو شو صايرلن لحتا من قهرون ماعاد ميزو العدو من صديق او حتى صديق )

اذا بتعتبر انو هاد مبرر معناتها بتسمحلي لاني معصب من الحموية اجا كسرلك بيتك و اغراضك و انت ما الك علاقة ,,,,, لانو نحن كمان بعد الي عملو فينا ما عدنا نعرف الصديق من العدو على حد تعبيرك ...!!!!!

(وانا مابظن اهل حماة (الثوار) بشكل الي وصفتو لانو كانو ينزلو نص مليون معقولة
مجبورين النص مليون نص مليون لحالون بدون مليون ليجبرون ينزلو ؟؟ )

بتظن ما بتظن انزال و تفرج انت بتظن ................ انا شفت و عشت و انا ابن المنطقة هلق شوف بس شو صاير بالسقيلبية انت بس تفرج دون ذكر اسم ضيعتي لانو ما عندي ثقة صراحة ........


عطيني ضيعة وحدة بس بمحافظة حماه طلعت و ما معها سلاح بس وحدة ................. لك كانو يقطعو عنا الاكل وصلت معنا انا ما بعرف شو عم يصير عندك و صراحة لاني ما بحب بيع نفاقات ما بهمني شو عم يصير عندك انا بهمني اهلي و شو عم يصير عندي هاد الي صاير حبك حبك ما حبك تعا لعنا و رح اعطيك هوية و خلي واحد من حواجز العصابات يشوف هويتك لحتى يعلقك ع مدخل الضيعة

و اكيد رح تبررلو انو ما عاد يعرف العدو من الصديق ................... و اذا بتحب تتأكد اكتر روح سياحة لعنا ع المحافظة و انبسط بس قلن انك حلبي او دينك الفلاني و شوف كيف بترجع يا ما بترجع

و لا تقلي بظن هاد ظنك ما بغير شي لانو الي صار صار و عشنا كل شي و مو حابب تقتنع لك تصطفل بس ما تجي تنظر علينا و انت قاعد ورا الكومبيوتر و اهلي محاصرين و عايشين اوضاع بتهوي مو قادرين نتنفس و انت غيرك تطلعو علينا بكلمة بظن

اي ممكن الي عايش ورا الكومبيوتر ما بهمو همو بس يحكي و يعطي مواعظ لانو نحن عميان و من موزمبيق ............ بس لما بتكون محلي و اهلك محل اهلي وقتها منشوف شلون بدك تظن ........ لك وصلت الشغلة انو يعملو مظاهرات عنا بالضيعة قال مشان لا يوقفو شغل ضيعن و نحن ضيعتنا ما استرجينا نطلع مسيرة او حتى نقول راينا

و هالحكي من اول الاحداث و لو كانو سلميين ما كنا خدنا حذرنا منكن ............... روح عيش بضيعتي اسبوع بعدين تعي قلي بتظن .......... انا بظن انو لازم تريح حالك و اذا ما عشت بحماه ما تجي تظنلي .....

و بعتذر عن الاسلوب بس قال الي عم ياكل الكفوف مو متل الي عم يظنها ............ لسا كل شخص بيحكي عن دمنا بكل برود اعصاب

و لمعلوماتك السلميين تبعولك خطفو شب من الضيعة و ما رجعو الا بتلاتة مليون ليرة و لو كنت بعرفك منيح كنت فرجيتك رسايل التهديد ع موقع الضيعة ع الفيسبوك بس للاسف ما بثق فيك و لا بحدا حاليا لبين ما ترجع الاوضاع

و كان في رسالة فحواها انو و الله لنقتل منكم الف و الله لنشردكن و من هالحكي و بالنهاية اذا بتطلع ضيعتنا ما فيها و لا مسؤول ما طلعنا و لا مسيرة و لا عنا حتى عضو من مجلس الشعب ما عنا شي الو علاقة بالسياسة و بالاخير عم يصير فينا هيك .....................

تصور لو عملنا مسيرة مثلا ؟؟؟ او كنا ولاد مسؤولين او عنا بالضيعة مسؤول واحد بس شو كان صار فينا او عنا شي ضابط ؟؟؟؟ .................

قال الي بيعرف بيعرف و الي ما بيعرف بقول بظن كف عدس ............

و بحماه في امن و في جيش بس كذاب ابن كذاب الي بقلك بضيع حماه في امن لانو اهل الضيع ما تركو محل للامن و حرقو كل شي و صارو يسرقو و ينهبو على عينك يا تاجر و صارو لما يسرقوك ما تقدر تروح تشتكي عليهن مشان ما يجو تاني يوم يقتلوك بنص بيتك .............. و هاد الحكي ما بقوله تلفزيون الدنيا تبع الاجواء بخير و لا الجزيرة تبع ما في طائفية

لا حبي في طائفية و معباية و زادت عن الحدود بكرا بس تمرق ع الحاجز بشلحوك سيارتك و استرجي فتاح تمك هي من ضيعتنا لحالها اربع سيارات ..... و الي مو مصدق ينزل يتفرج ............ و الي مفكر انو شبيحة الي عم يعملو هيك انا باخدك لعند بيوتن واحد واحد الي واقفين ع الحاجز في منن لهالزعران كانو معي بالمدرسة يضربو هنن و تربايتن زبالة البشر بدها تمشي الكون ع كيفها


لولا مو داخل باسم مستعار ما بحكي اذا بموت لانو رح جيب مشاكل لاهلي و يمكن يصرلن شي بقا عاد فكك منا ..............

[Black eye]

رد: الثورة السورية قد سقطت

طحبوش فشيتلي قهري
فعلاً اللي بيعرف بيعرف واللي ما بيعرف بيقول الجزيرة
ابن خال رفيقي من قطنا كان قاعد ببيتو انذذاع اسمو بالجامع اللي جنبن انو مطلوب راسو بتعرف ليش؟ لأنو وصل أكل للجيش , جريمة كبيرة
بالسقيلبية كل كم يوم عم يصير مشكلة لأن الثوار الـ(سلميين) عم يهجموا عالضيعة وقبل كم يوم صار في محاولة لتفجير مبنى الامن
شرطي حموي بيقتل شرطي تاني لأنو حلبي
فلا تقول انو الامن خلاهن هيك يصيروا
لأن مستحيل حدا يخليني اقتل اخي اللي عشت معو فترة طويلة لأي سبب "قصدي انو لو ما كان عندن هالاستعداد ما كانو عملوا هيك"

[طحبوش]

رد: الثورة السورية قد سقطت

لما منكون نحن اذيناهن شي مرة ممكن الواحد يبرر بس كل ولادن و ولادنا بيشتغلو سوا ان كان بمؤسسات عامة او خاصة .......... بحياتنا ما قربنا صوبن لك بالعكس لاساس نحن اخوة قبل الاحداث بحياتو ما صار مشكلة بيننا ..........

اول ما بلشت الاحداث شفنا وجوه تانية لك شوي تانية رح نتركلن ارضنا و ننقلع صرنا متل التفاحة بين عشر بغال جوعانين كلو بدو ياكلنا


و الضربة ما عنا شي الو علاقة بالسياسة ضيعة اهلها شغيلين و مستورين .... بيتغرب واحدنا عشر سنين و بيلتعن سلافو بس مشان يامن لاهلو حياة كريمة ......

حسدونا ع لقمتنا ..........بدن يسرقو منا تعب السنين نحن شعب شغيل و بقدر الحياة ما عنا بالعيلة اكتر من تنين ان كترت اربعة لانو منحب نعيش ما نفقد شي

حسدونا ع مصارينا الي من عرق جبيننا ....................

كنا احلى منطقة بالامان بالعالم كل همنا بس ما بدنا شي منهن بس يحلو عن ربنا .................. نحن كفار ملحدين هندوس بقر مؤيدين معارضين من موزمبيق من المريخ بس يتركونا بحالنا


بالنهاية بتجي باخر النهار بتصير بس بدك تلاقي تفسير منطقي واحد للي عملو فينا يا رب ما في تارات بيننا و لا عنا مسؤولين بالعكس نحن الي حضناهن ببيوتنا

بتصير تضحك ع حالك و تحاول تتذكر شو عملنا معن و بتكذب نفسك و بتقلها يا نفسي انت كذابة اكيد عاملة شي و ما بدك تقولي

وصلت القصة ما عاد عملنا حفلات عراس مشان لا ينزعجو مع انو هني كل يوم عندن مظاهرات و حفلات و اعراس و عرس قبل و بعد و اثناء المظاهرة نحن حرام نعمل حفلة بجوز نزعجن

بلا مشوار بالليل حرام بيجوز تزعجن فرحتنا ...

بلا ما نروح السنة مشوار برا الضيعة مشان لا يفكرونا فرحانين

ع كتر ما انحرق قلبي قلتلها لامي لا تطبخي فاصولية و رز بجوز ينزعجو لانو الفاصولية و الرز فيها كل الوان حزب البعث بجوز يحسونا نحن معن

بتقعد ع البلكون بتسمع بس صوت الرصاص و اصواتن الجاعورية الي ما بترحم و لا بتحترم حرمة بيت و لا طفل و لا شيخ نايم

لك صار اذا بدن يصيحو يطلعو ينادو ع المآذن و ما عاد اقدر نام و صرت خاف سبن بقلبي خوفي قلبي لما يشوفن ينطق و يقلن سماكن دبحتونا ...........

صرنا اذا بدنا نتحرك نعيش نلبس ناكل نحسبها اذا رح تزعجن الخطوة او لا

لك الحق معنا معنا حرقو محلات بالضيعة و ما استرجينا نشتكي عليهن خوفنا يجو يخربوها اكتر

لك الحق معنا و مو قدرانين ناخدو و لا قدرانين نرفع صوتنا بتلاقي واحدنا ع الانترنت بفوت بقول رايو و باقي النهار بيقعد ببيتو بيخرس

لك شفنا سلاحن شفنا بعينا يعني يا رب منكذب عينا اجو معن رشاشات و بالاخير الخبر ع الجزيرة اقسم بالله كان الخبر انو مظاهرة

هي مو مظاهرة هي اسمها هجوم مسلح ............. عملوها كانو عنا بالضيعة مظاهرات لك و نحن و الله ما في حدا من عنا كان بمظاهرة ........... يعني شو منكذب عيونا

يعني عيني بتكذب بس كل عيون الناس بتكذب ؟؟ .............. و شو بدك تحكي بتوقف ما عاد تعرف تشتكي لمين لانو اهل الضيعة فقدو الامل اذا حكيت ما في فايدة لانو ما حدا رح يسمع منك

غير ربنا كل يوم بيجتمعو بالكنيسة و بقلن ابونا طولو بالكن يا ابونا بالنا صار بياخدك ع القطب و بيرجعك شي اربع مرات

بس بالفعل ما في بالايد حيلة و ما عاد تقدر تحكي هالحكي حتى بين رفقاتك لانو هالسيرة بس بتزيد هموم ع القلب و بتحس انك عاجز و انك لحالك ........

و كل اهل الضيعة هيك ................ لما اجا رمضان انبسطنا اكتر من المسلمين ع الاقل حبسة البيت بتكون مسلية اكتر ...........

بس متل العصفور الي حاططلو فستق حلبي و بزر قرع و برغل و حنطة و كل انواع المكسرات و الحبوب و حاطو بقفص بالاخير بيتمنى انو يطير ............

[طحبوش]

رد: الثورة السورية قد سقطت

لك لسا اسا ما حكيت شي لو تفتح قلبي لتلاقي فيه حكي بيعمل كتب لانو في حكي ما بينحكى ................... حكي بيعمل كتب ............. حكي اذا بحكي بخليك بس تفتح باب الحجر و بتقلو يا مسيح قوم مرة تانية صار وقتك تجي ........

[طحبوش]

رد: الثورة السورية قد سقطت

هلق اي واحد من حماه حلفو ع القرآن و الانجيل و قلو يا حموي يلي رح تدخل جهنم الحمرا اذا رح تكذب و جعلو ما حدا يتشفع فيك و الله يتبرا منك و توبتك مو مقبولة اذا بتكذب
عم يصير بحماه قتل ع الهوية ؟؟؟؟ اذا قلك لا قلو طيب خود باص حلب السقيلبية و بس يوقفك حاضر من السلميين قلن انك من الدين الفلاني او الضيعة الفلانية بربك بتطلع من الحاجز عايش بتسترجي شوف وقتها اذا قلك اي خلي يعملها كنو ابن زلمي و اكيد ما رح يردلك خبر

[Ibrahem]

رد: الثورة السورية قد سقطت

ليش لهلأ لكتشفتو أنها وقعت قصدي سقطت ؟؟؟؟

[raindrop]

رد: الثورة السورية قد سقطت

طحبوش
يا خيي شو بدك لحكيلك أإنا كمان بس ما متل اللي صار عندكم أكيد لأن مرة قلي أحدهم من حماه وهو معارض بس الحمد لله قلب بعد
ما شاف بعينو اللي حكيت عنو هلأ إنت ...... كل الحكي اللي حكيتو أقسم بالله إنو حكالي إياه وهو مصدوم وتغير تماماً رأيو وقلي على كتر ما شفت ....
بدي قلك اليوم حكيت مع رفيقتي على حمص عزيتها بخالها اللي انخطف وطلع على الجزيرة انو ضابط منشق وبعدها قتلوه وقطعوه هو وابن عمو .......

أسفي عليك يا بلد وأسفي على اللي الحقد والكره الدفين مع التحريض تحولوا لوحوش .... كرهونا بلدنا وكرهونا أصدقائنا وكرهونا يوم الجمعة وآخر شي بيقولولك
سلمية وبس بيقتلوا وبيقطعوا وبيحرقوا وبيعملوا مقاطع مفبركة وكلو بأغصان الزيتون
كلمة آه والله قليلة كتير
رحمة الله على كل بريئ انقتل على الهوية لأنو من دين تاني ولا طائفة تانية ورحمة الله على الناس البريئين ورجال الجيش والأمن
أما المتظاهرون القاتلون الى جهنم وبئس المصير

[حنا80]

رد: الثورة السورية قد سقطت

خي طحبوش هلق بيرد عليك هدي ليش معصب
لان كل مارد على شي بيقلي هدي ليش معصب وما عاد عم لحقك من صفحه لصفحه
وبظن وبعتقد هون طلع نص مليون وهون طلع مليون معناها على حساباتو بيطلع عدد المتظاهرين بسوريا 70 مليون
ايه انا بدي اعرف شو عدد سكان حماه وشو مساحه ساحه العاصي لنحسبها مظبوط ؟؟
الله وكيلك ماني معصب متوتر بس