Zeina&Abdo

[ABDO]

رد: Zeina&Abdo

متل الغريب ولحالي

عايش ليالي الهوى

حبيبي جاوب سؤالي

قولك رح نرجع سوى


حبك عذاب ياما تحملتو

[Zeina]

رد: Zeina&Abdo

حاجة ولوووو والله عم تحرجيني :icon (14):

بعدين احسن من هيك قصة بتضحك وبتبكي بنفس الوقت

ليش بودي بتتذكر لما عزمتك عالغدا لعنا عالبيت
وانت كل بالك رح تاكل من طبخ ماما الطيب
بس كنت انا اللي عاملة أكلة بودي المفضلة "أوزي" و "محشي بادنجان"
وكانت أول مرة بحياتي بطبخ فيها
ولي على قلبي هو يخلص الصحن ويقول دايمة
وأنا ما أرضى ألا وأسكبلو مرة تانية قال يعني عم دللو
بس هلا كيف طبخي بودي؟؟
والله كرمالك تعلمت

[ABDO]

رد: Zeina&Abdo

بس لهلق ما بصدق

انو الاوزي شغل ايدك

كان بجنن

[Zeina]

رد: Zeina&Abdo

بالصيفية الماضية متل ما الكل بيعرف كانت تنقطع الكهربا كتير
وأنا كان عندي ضعظ شغل وشغلي كلو عالكمبيوتر
فكل ما كانت تنقطع الكهربا اتضايق كتير كتير
وبودي يحاول يهديني بس أنا كون كتير متشنجة
مرة من المرات كانت الكهربا مقطوعة والدنيا عتم وانا كالعادة معصبة لان شغلي وقف
يتصل فيني بودي ويقللي أنو رح يجي يزورنا
لما أجا قللي تعالي نطلع عالسطوح فطلعنا
وقللي "شو اهم شي عندك؟" قلتلو "انت"
قللي وكمان ، جاوبتو"عملي ومهنتي وتحقيق أحلامي"
قللي "شو كان حلمك بالطفولة"
جاوبتو " كان في كتير اشيا منها كان حلم مجنون اني اكتشف الكون والنجوم "
وقللي "شو رأيك نكتشف الكون سوا"
اتفاجأ أنو جايبلي ناضور
وشفنا نجمة حلوة كتير قللي هالنجمة اسمها زينة
وكان في جمبا نجمة تانية قلتلو هالنجمة أنت
ونحن عم نكنشف النجوم قلتلو "ليك القمر ما أحلاه"
جاوبني "أنتِ دايماً حلوة"
قلتلو "القمر أنا عم قول"
قللي "أنت قمر الدنيا"
قلتلو "إذا انا القمر فانت الشمس اللي بتعكس نورها عليّ"
you are the light Boudi...and i am your shadow

[Zeina]

رد: Zeina&Abdo

بس لهلق ما بصدق
انو الاوزي شغل ايدك
كان بجنن

[قاطف الورود]

رد: Zeina&Abdo

يا دلي انا على الحب........

رولا بلا ماتعيدي وتزيدي.......

[Zeina]

رد: Zeina&Abdo

يا دلي انا على الحب........

رولا بلا ماتعيدي وتزيدي.......

أنو انت شو قصتك مع رولا
اميارح قريت ردودك عليها
شي مو طبيعي

[قاطف الورود]

رد: Zeina&Abdo

أنو انت شو قصتك مع رولا
اميارح قريت ردودك عليها
شي مو طبيعي

شو زعلتي عليا ....

خيتو..رولا كربوجي وبتلقا ...

أحلا زنزون....

[أم الرور]

رد: Zeina&Abdo

زنزون هوي برد عليي هيك لأنه ما طالعلو معي يعني عم بحاول يتهضمن عليي مشان حبو


بس القلب و ما يهوى

[أم الرور]

رد: Zeina&Abdo

بونجورو هابي فالنتاين للكل
اليوم هوي العيد و هلأ رح نشوف شو المطلوب منا نعملو ..........
أول شي بدي ياكن تحكولي كيف رح تقضوا هاد العيد ووين و شو رح تعملوا أو كيف قضيتووووووو اليوم يلي بيجي متأخر ........
هلأ أنا ما بدي يكون في مية هدية اليوم و مية صفحة للهدايا بدي من كل حبيب و حبيبة يهدوا لحبيبن 3 هدايا بس .
تاني شي بدي الشب يهدي حبيبتو غنية بيعشقا هوي و كتير غالية على قلبو و البنت كمان تهدي غنية هيي بتحبا و بتعشقا .
تالت شي معروف أنو الرجال مفتاح قلبو بطنو هلأ كل وحدة من الصبايا بدا تقلنا طريقة تحضير أكلة بحبا حبيبا ........

[Zeina]

رد: Zeina&Abdo

الغنية اللي كتير بيحبها بودي ودايماً بيسمعني ياها هي غنية وائل كفوري مش قادر
وبتقول كلماتها

مش قادر اتخيل حالي .. لحظة من دونك
وحياتك انا كرمالك .. وعايش لعيونك

شو ما بتحكي وتقسى عليّ
ما رح قللك شي
بعيونك حاسس حنية
نستني كل شي
ولله انت .. غالي عليّ .. وغرامك عاايش فييّ

ما بعرف ليش ما فييّ .. انساك انا
كل شي قدامي بيذكرني .. ب ايام الهنا

وشو ما بتحكي وتقسى عليّ
ما رح قللك شي
بعيونك حاسس حنية
نستني كل شي
ولله انت غالي عليّ .. وغرامك عايش فييّوشو ما بتحكي وتقسى عليّ .. ما رح قللك شي
بعيونك حاسس حنية .. نستني كل شي
ولله انت غالي عليّ .. وغراااااااااامك .. عايش فييّ

الغنية اللي أنا بحبا كتير وبهدي ياها هي غنية "يللي شاغلني هواك" لزين العمر
وبتقول
ياللي شاغلني هواك
ياللي ساحرني حلاك
بنسى أحلامي
عمري و أيامي
و لا بنساك

وفي غنية تانية بس بالفرنسي اسمها on va s'aimer بهديه ياها
On va s'aimer, à toucher le ciel
Se séparer, à brûler nos ailes
Se retrouver comme les hirondelles
On va s'aimer, tellement tu es belle
On va jeter les clés d'la maison
On va rêver à d'autres saisons
On va quitter ces murs de prison
On va s'aimer
Sur une étoile, ou sur un oreiller
Au fond d'un train, ou dans un vieux grenier
Je veux découvrir ton visage où l'amour est né
On va s'aimer
Dans un avion, sur le pont d'un bateau
On va s'aimer, à se brûler la peau
A s'envoler, toujours, toujours plus haut
Où l'amour est beau oh oh oh oh oh
On va s'aimer, aux marches des églises
Se réchauffer au coeur des banquises
Se murmurer toutes ces bêtises
On va s'aimer, j'aime que tu dises
On va partir au bout d'une île
Pour découvrir l'habit fragile
Se découvrir, amoureux encore
On va s'aimer
On va s'aimer
On va s'aimer...

أما الغنية المشتركة بيناتنا أنا وبودي فهي
غنية كارول ومروان يا رب
وهي للكل

http://www.youtube.com/watch?v=LEuKceFMqyw

[قاطف الورود]

رد: Zeina&Abdo

زنزون هوي برد عليي هيك لأنه ما طالعلو معي يعني عم بحاول يتهضمن عليي مشان حبو


بس القلب و ما يهوى

لك لك لك لك لك لك ..

الله يقرفك ..انا هيك ....

طيب مو مشكلة ...

[Zeina]

رد: Zeina&Abdo

أنو رولا الله يسامحك على هالطلب
ما بتعرفي انو قريبك بودي ما بيحب يحكي كتير بالأمور الخاصة
بس أنا لغلاوتك عندي بدي أحكيلك شوي شو صار قبل ما أروح عالسهرة مع بودي
امبارح بالليل شي عالساعة 12 كنت متوقعة أنو بودي رح يتصل فيني ويعايدني
فعلاً رن التلفون وكان بودي قللي كيفك حياتي
قلتلو مشتاقة
قام قللي كأنو برد اليوم
أنا هون اتفاجأت كتير
أنو معقول يكون نسيان او متخربط بالتاريخ
قلتلو أي عادي البرد
قام قللي لا عم ينزل تلج
قلتلو انا ما عم شوف شي
قللي أي اطلعي عالبلكون وشوفي التلج
طلعت وإذ بالون احمر كبير طار قدامي مكتوب عليه I Love you Zeina
وكان بودي ولي على قلبي بهالبرد واقف بالحارة
وقللي لو كان عندي جناحا ملاك، لحملتك وطرت فيكي نحو الحبّالأبديّ. كل عام وانت الحب
قلتلو وأنت الحب يا كل الحب
اطلع بودي الدنيا برد قللي رح خليكي ترتاحي هلا لأن بوكرا نهار حافل
تاني يوم أفيق على اتصالو ورجع عايدني وقللي جاهزة للروحة عالشغل اليوم أنا اللي بدي وصلك
لما التقينا كان معو باقة ورد حمرا بتعقد ومعها دبدوب كربوج
واتفقنا نشوف بعضنا الظهر وقت الغدا بعد الشغل
اطلعنا ورحنا درنا بكل المحلات اللي الها ذكريات معنا من وقت ما كنا اصدقاء ولوقت ما حبينا بعض
بعدين رحنا على حديقة كنا نلعب فيها ايام ما كنا صغار ونتقاتل ونتصالح شي مية مرة باليوم
طالع بودي معو شوكولا وعطاني ياها وفتحناها وأنا كنت جايبة معي بسكويت أنا اللي عاملتو وعلى شكل قلوب
قلتلو أنا ما جبت هدية خصوصي الك
جبت هدايا بتخصنا نحن الاتنين
الأولى كانت البوم صور وفيها حطيت كل صورنا المشتركة من وقت ما كنا صغار وليومنا هادا
وقعدنا نكتب تحت كل صورة تعليق ونضحك
الالبوم كان كتير كبير وبقي تلات ارباعو فاضي قلتلو كل سنة متل هالوقت بدنا نكمل الصور
أما هديتي التانية فكانت علاقة مفاتيح منقسمة لنصين ومرسوم عليها رسمات بتشبه رسمات لبودي لما كنا صغار ونرسم بعض
أنا أخدت صورة الصبي وهو أخد صورة البنت
هدايا بودي ما كانو بس 3 بصراحة لان قبل شوي وقبل ما نروح عالسهرة عطاني كولييه موديل قلبين وقللي هي قلوبنا المعلقة ببعض
ما بيهم مين قلبو اكبر من التاني المهم معلقين ببعض وما رح ينفصلو
وهلا انا لابسة الكولييه وراجعة لسهرتي
واعذريني رولا لأن ما رح اقدر اكتب طريقة تحضير أكلات بودي المفضلة متل الاوزي والمحشي بادنجان
لأن تأخرت عالسهرة وانتِ ما بتريدي أتأخر أكتر من هيك صح!

هلا بدي نزلك صور الهدايا اللي ذكرتها بالقصة

[Zeina]

رد: Zeina&Abdo

هي هدايا بودي لألي
باقة الورد والدبدوب الكربوج
وعلبة الشوكولا
والهدية المتخبية بالكيس هي الكولييه على موديل قلبين معلقين ببعض
قلبي وقلبو

[قاطف الورود]

رد: Zeina&Abdo

يا ويلي على الحب...


عنجد حلوين ولابقين على بعض ...

الله يخليكن لبعض...

[Zeina]

رد: Zeina&Abdo

هي البسكويت واللي عملتو خصوصي لبودي
و"porte-clés" علاقة المفاتيح اللي ذكرتها بقصتي وانها بتشبه رسومات بودي
طبعاً أنا أخدت الصبي وهو أخد البنوتة
اما ألبوم الصور فأعذروني لان غلافو مو كتير مهم، لا بل الصورلا اللي جواتو هي الأهم
والصور ما فيني انقلون كلون
ومافيني اختار وحدة بس او تنتين لأن كلون حلوين

[Zeina]

رد: Zeina&Abdo

يا ويلي على الحب...


عنجد حلوين ولابقين على بعض ...

الله يخليكن لبعض...

ميرسي كتير قاطف الورود
انشالله تكون كل ايامك حب
:smily (24):

[قاطف الورود]

رد: Zeina&Abdo

ميرسي كتير قاطف الورود
انشالله تكون كل ايامك حب
:smily (24):

ول قايل يارب....وتكوني مع يلي بتحبي..

ومايبعدكن عن بعد يارب...

[ELIAN]

رد: Zeina&Abdo

Zeina Boudi
happy valentine

[MIRA]

رد: Zeina&Abdo

ياي شو حلوين