خبرنا عن طبعك

[anas.]

رد: خبرنا عن طبعك

قصدي منتعرف على طبع حضرتك

[jida]

رد: خبرنا عن طبعك

اي انا جاهزة

[anas.]

رد: خبرنا عن طبعك

وانا زاهز
بس طوليلي بالك اليوم بالسهرة
رح استمخلك بكام سؤال هيكي
غير شكل

[jida]

رد: خبرنا عن طبعك

اممممم .. ليش لاء .. استمخ

[coco amora]

رد: خبرنا عن طبعك

بونسوار

1- انت بطبعك بتحبي كترة الأصدقاء ولا بتكتفي بصديقة

2- اي فصول من السنة بتحبيها وليش

3- شو نوع البرامج يلي بتفضلي تحضريها

4- شو نوع الأغاني والمسلسلات المحببة الك

5- شو اكتر شي بتحبي بالمنتدى وشو اكتر شي بيزعجك

6- بتحبي السياسة

7- بتحبي تكوني على الموضة ولا الك ستايل خاص فيكي

بكفي هلأ هيدول واكيد إلي رجعة

[jida]

رد: خبرنا عن طبعك

بونسوار

بونسوارااات

1- انت بطبعك بتحبي كترة الأصدقاء ولا بتكتفي بصديقة

انا بفضل تكون عندي صديقة وحدة مقربة من انو يكون عندي مليون صديقة مامنعرف عن بعض شي .. يعني بحب يكون عندي كتير رفقة بس بحب يكون في شخص واحد بس مقرب اكتر شي

2- اي فصول من السنة بتحبيها وليش

الصيف .. لان هاد الفصل يلي بقدر اجي في على سوريا و مافي جامعة و فيني اشتغل و الطقس حلو بما انو الشتى ما بتنطاق بكندا

3- شو نوع البرامج يلي بتفضلي تحضريها

بشكل عام ما بتابع برامج .. يعني مافي كتير وقت .. بحب وقت اقعد عالتلفزيون احضرلي شي مسلسل .. بس مشان جاوب عالسؤال بحب اكتر شي البرامج يلي بيحكو فيا عن اخر الاكتشافات و هيك

4- شو نوع الأغاني والمسلسلات المحببة الك

بحب اغاني كاظم و ماجدة اكتر شي .. يعني بميل للاغاني الرومانسية اكتر من الرقص و الدبكة .. اما المسلسات فكتير بحب احضر المسلسلات السورية الاجتماعية و خاصة خاصة .. ليس سرابا و اهل الغرام ولو عملو منو عشر اجزاء ما رح مل منون
و اجت فترة علقت كتير بـ جميل و هناء بس هلأ مليت منو

5- شو اكتر شي بتحبي بالمنتدى وشو اكتر شي بيزعجك

بحب اكتر شي بالمنتدى جو الاخوة يلي بحسو .. بحسو عيلتي .. يعني صرلي 3 سنين بالمنتدى و كتير متعلقة فيه ..
اما يلي ما بحبو هو الحساسيات يلي بتصير بين كل فترة و فترة

6- بتحبي السياسة

لاء

7- بتحبي تكوني على الموضة ولا الك ستايل خاص فيكي

لاء ما في ستايل خاص فيني .. يعني اكتر عالموضة و ازا كانت عاجبتني و مناسبة الي طبعا .. و كون مرتاحة بلبسي كمان :icon (14):

بكفي هلأ هيدول واكيد إلي رجعة

ناطرتك كوكووو

[coco amora]

رد: خبرنا عن طبعك

ميرسي جدجود

طبعاً إلي رجعة لحضر كم سؤال

[coco amora]

رد: خبرنا عن طبعك

شو ماحدا بدو يسأل جدجود شي غيري

[coco amora]

رد: خبرنا عن طبعك

بونجور

1- جدجود وقت تكوني معصبة شو بتفضلي تعملي

2- اذا كنت عم تتناقشي مع حدا بموضوع وكل واحد إلو رأي مختلف تماماً عن التاني وانتي كان معك الحق مية بالمية بس هل شخص متشبص برأيو بضلي عم تتناقشي معو ولا بتتركي

3- اذا حدا جرحلك مشاعرك شو بتعملي

راجعة راجعة لا تفكري خلصو الأسئلة

[روري]

رد: خبرنا عن طبعك

هاي جدجود ما انتبهت أنن حاطينك بالمقلاية

طيب هي الأسئلة:

إذا أنتي مقتنعة بشي و المجتمع مقتنع بشي تاني بضلي ماشية متل ما بدك و لا يتمشي متل ما العالم بدن؟

هل إنتي مهووسة بما يسمى المسنجر يعني ممكن أنك تضوعي وقت عليه على حساب درسك مثلاً و تقولي يللا رح فوت نص ساعة و تضلي شي أربع ساعات؟

سهل عليكي أنك تعتذري؟

إذا شخص قلك بحبك و لزق فيكي و أنتي ما بتحبي شو بتعملي؟

إنتي مع أنو الواحد يكمل درس بعد الجامعة؟

أنتي بتحبي شغل البيت و لا الشغل برات البيت؟

إذا أنتي عم تشتغلي و تجوزتي و أجى زوجك المستقبلي قلك شو شغل ما شغل ما عندي نسوان تشتغل و بدو يتركك الشغل ببتركي و لا بتضلي؟

مين أرحم عندك الشوب و لا البرد؟

ممممممممممممممممممم
رح فكر بكمان و راجعتلك

[jida]

رد: خبرنا عن طبعك

بونجور
هلااااا

1- جدجود وقت تكوني معصبة شو بتفضلي تعملي
بعزف عالغيتار او بسمع موسيقا لحتى روق

2- اذا كنت عم تتناقشي مع حدا بموضوع وكل واحد إلو رأي مختلف تماماً عن التاني وانتي كان معك الحق مية بالمية بس هل شخص متشبص برأيو بضلي عم تتناقشي معو ولا بتتركي
انا بناقش و بقول وجهة نظري بس بالاخير ازا ما اقتنع مافيني خليه يقتنع غصبا عنو لان كل واحد الو وجهة نظرو و رأيو

3- اذا حدا جرحلك مشاعرك شو بتعملي
ما بعمل شي .. انا بطبعي كتير كتومة .. يعني بخبي بقلبي كتير
لا بعيط و لا بخانق و لا بعاتب هالحدا ..
بس ببكي

راجعة راجعة لا تفكري خلصو الأسئلة
لاء يي شو فكر انو خلصو الاسئلة .. اعوذ بالله

[jida]

رد: خبرنا عن طبعك

هاي جدجود ما انتبهت أنن حاطينك بالمقلاية

لك اهلييين روري .. اي اي انا في المقلاة

طيب هي الأسئلة:


إذا أنتي مقتنعة بشي و المجتمع مقتنع بشي تاني بضلي ماشية متل ما بدك و لا يتمشي متل ما العالم بدن؟
حسب .. يعني سؤالك ام الرور كتير شامل و واسع .. حسب شو هي الشغلة بس بشكل عام بفضل امشي متل ما انا بدي

هل إنتي مهووسة بما يسمى المسنجر يعني ممكن أنك تضوعي وقت عليه على حساب درسك مثلاً و تقولي يللا رح فوت نص ساعة و تضلي شي أربع ساعات؟
لاء .. انا ما كتير بأعد عالمسنجر .. يعني مالي كتير مراق .. بفوت بشوف مين في .. بسلم و بطلع .. او للصراحة اكتر ما بفوت كتير ازا ما كنت مواعدة الـ

سهل عليكي أنك تعتذري؟
ازا بعرف حالي غلطانة اي بعتزر

إذا شخص قلك بحبك و لزق فيكي و أنتي ما بتحبي شو بتعملي؟
يعني بحاول اد ما فيي ما خليه لا يشوفني و لا يحاكيني .. لان رح يسببلي مشاكل و انا رح اجرحو و انا ما بحب دايق حدا

إنتي مع أنو الواحد يكمل درس بعد الجامعة؟
ازا الواحد حابب ليش لاء .. بس بالنسبة الي لاء .. شهادة الجامعة و نشكر الله

أنتي بتحبي شغل البيت و لا الشغل برات البيت؟
براااااااتوووو

إذا أنتي عم تشتغلي و تجوزتي و أجى زوجك المستقبلي قلك شو شغل ما شغل ما عندي نسوان تشتغل و بدو يتركك الشغل ببتركي و لا بتضلي؟
بضل بنق بضل بنق بضل بنق لحتى يقتنع اني اشتغل

مين أرحم عندك الشوب و لا البرد؟
الشوب الشوب .. صرت اكره شي اسمو برد و تلج .. تعئدت

ممممممممممممممممممم

رح فكر بكمان و راجعتلك
ناطرتك روري

[coco amora]

رد: خبرنا عن طبعك

احلى جدجود وأحلى أجوبة

بس لاتوخذيني رح أجل الأسئلة لبوكرا لأن بعيد عن الكل مخي مسكر اليوم إلا اذا اجاني الإلهام على شي سؤال

[jida]

رد: خبرنا عن طبعك

[coco amora]

رد: خبرنا عن طبعك

بونجورك جدجود

1- بدي اعرف مواصفات عنك يعني انتي رايقة وهادية ومابيطلع صوتك - الك حركة بالبيت وبس تغيبي بروق البيت (يعني متلي) - او ممكن يكون فيكي شي صفة ما ذكرتها (خبريني)

2- بدي أسالك سؤال انتي سألتي لأي درجة بيعنيك الماضي والزكريات

3- شو أكتر موقف زعجك وما بتتمني ينعاد

[jida]

رد: خبرنا عن طبعك

بونجورك جدجود
هلا كوكو

1- بدي اعرف مواصفات عنك يعني انتي رايقة وهادية ومابيطلع صوتك - الك حركة بالبيت وبس تغيبي بروق البيت (يعني متلي) - او ممكن يكون فيكي شي صفة ما ذكرتها (خبريني)
والله بشكل عام انا رايقة و هادية و ما بيطلع صوتي و مالي حس بالبيت .. و هدول الشغلات مو دايما بحبون فيني بس ماشي الحال .. بس وقت عصب ولي بصير غير وحدة

2- بدي أسالك سؤال انتي سألتي لأي درجة بيعنيك الماضي والزكريات
انا متعقلة كتير بزكراتي و بكل السنين يلي مرّت من عمري .. لانو بحس انو الانسان بلا ماضي و زكريات ما بيعني شي و ما بيقدر يكفي حياتو لبعدين .. و خاصة انو انا غيرت عيشتي كلها وقت سافرت على كندا .. مشان هيك ما ضل غير الزكريات الحلوة و المو حلوة يلي عشتا بسوريا يلي بتخليني ضل متعلقة ببلدي و اهلي و رفقاتي و مو مصدقة ايمتا ارجع

3- شو أكتر موقف زعجك وما بتتمني ينعاد
الوداع .. اكتر موقف بيزعجني بحياتي .. بس ما بقدر اتمنى انو ما ينعاد لان الدنية هيك يوم لقاء و يوم وداع ..

[jida]

رد: خبرنا عن طبعك

كوكو ميرسي كتير على اسئلتك كانت كتير حلوة متلك

و روري كمان ميرسي كتير الك

و بما انو اليوم اخر يوم الي .. فأنا خلص دوري و بدي رشح بدالي ..

nno 012

نانووور .. يلا عالمقلاية يلاااا

[coco amora]

رد: خبرنا عن طبعك

والأجوبة كانت أحلى


وهي صرنا 2 وتفضلي نانور لعنا

[Jackblack]

رد: خبرنا عن طبعك

أنا عصبي بس طيب و رايق بنفس الوقت

[coco amora]

رد: خبرنا عن طبعك

أنا عصبي بس طيب و رايق بنفس الوقت