• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس
... See more
See more
See less

))) حِوّار الأسبوع (((

Collapse
X
 
  • Filter
  • Time
  • Show
Clear All
new posts

  • #21
    رد: ))) حِوّار الأسبوع (((

    Originally posted by terrific View Post
    انا برايي انو كل واحد الو طريقة خاصة بالحب ما بتقتصر على الحب الجنوني
    وفي كتير ناس بتحب بس ما بتعرف تعبر عن يلي جواتا بنفس الاسلوب للشخص المقابل
    بس اكيد هاد ما بيعني انو ما بيعرف يحب
    أكيد معك حكل واحد اله طريقة بالحب وطريقة تعبير مختلفة وصح انه في ناس بتحب ومابتعرف تعبر بنفس الطريقة بس برايي الا ما الواحد يتطور والحب اخد وعطا يعني مامعقول واحد يعطي كتير والتاني شوي الا مايعمل جهده ليحسن نفسه
    هاد رأيي
    Last edited by abogabi; 13-08-2008, 09:21 AM. Reason: quote
    تعالوا إلي يا جميع المتعبين والثقيلي الأحمال وأنا أريحكم
    إحملوا نيري وتتلمذوا لي إني وديع ومتواضع القلب
    فتجدوا الراحة لنفوسكم لأن نيري لطيف وحملي خفيف

    Comment


    • #22
      رد: ))) حِوّار الأسبوع (((

      انا بعتبر الحب المجنون
      من اجمل لحظات الحب والحلو فيه انو بيجي بشكل مو محسوب
      وبسرعة
      بس الو سلبيات
      انو ممكن بتسرع الحبيبن بعدين تخلق معهم مشاكل كتير بسبب التسرع
      ومتل ما سبق حكيت لازم يكون الحب بالعقل بعدين بالعواطف
      يعني يحكم عقلو بعدين قلبو

      الحلو بالحب الجنوني انو عشان المحبوب بيعمل الي بدو ياه وما بخاف من حدا

      وشكرا
      انا نور العالم من يتبعني لن يمشي في الظلام بل سيكون له نور الحياة

      ليس بالخبز وحده يحيا الانسان بل بكل كلمة تخرج من فم الله

      Comment


      • #23
        رد: ))) حِوّار الأسبوع (((

        Originally posted by terrific View Post
        اهلا الين استفقدنالك مبارح انت وكيتي وبقية الاخوة

        انت هون ذكرتي فكرة مهمة انو الحب بيخلي الواحد يتغاضى
        عن كل شي سيء من اجل الحب
        بس اكيد هو برايي انو هاد اسوا شيء بالحب لانو بعد الزواج
        بيتبلور الحب في الاطار الزوجي وبدو يتحول لمعاملة دائمة بين الطرفين وهون بتكون المشكلة بتصير الامور يلي ما كنا ننتبهلا قبل الزواج وبمرحلة الحب ممكن تصير هي المطبات بعد الزواج وحاور الخلاف بين الاطراف
        والشكر الك الين على الطرح


        هلا تريفيك... معك حق بهالشي..
        بس أنا براي وقت بكون في حب حقيقي و اخلاص بتضل الامور السيئة متاغضى عنا حتى بعد الزواج..
        يعني وقت الشخص بيفهم التاني بيضل بيحترم طباعو و امورو حتى لو كانت سيئة..
        و اكيد هاد الشي لازم يكون بعد الحب... و الا اذا مافي حب ما رح يكون في هاد الشي ابدا.. يعني أنا بشوف انو الحب بيخلي الواحد يدور عالسلام و الراحة و السعادة للشخص الأخر..

        بتمنى تكون وصلت الفكرة.. و شكرا لردك تريفيك..
        إنها قاعدة من قواعد حياة الإنسان، أكيدة كقاعدة الجاذبّية: لكي نعيش الحياة بملئها علينا أن نتعلم كيف نستعمل الأشياء و نحب الإنسان...لا أن نحب الأشياء و نستعمل الإنسان..

        Comment


        • #24
          رد: ))) حِوّار الأسبوع (((

          Originally posted by aleen View Post
          هلا تريفيك... معك حق بهالشي..
          بس أنا براي وقت بكون في حب حقيقي و اخلاص بتضل الامور السيئة متاغضى عنا حتى بعد الزواج..
          يعني وقت الشخص بيفهم التاني بيضل بيحترم طباعو و امورو حتى لو كانت سيئة..
          و اكيد هاد الشي لازم يكون بعد الحب... و الا اذا مافي حب ما رح يكون في هاد الشي ابدا.. يعني أنا بشوف انو الحب بيخلي الواحد يدور عالسلام و الراحة و السعادة للشخص الأخر..

          بتمنى تكون وصلت الفكرة.. و شكرا لردك تريفيك..
          يسلمو الين على المشاركة الحلوة
          بس هي المشكلة انو ممكن يكون الحب اصلا ما بيخلينا نشوف الاخطاء او السلبيات هون بتكون المشكلة
          يعني احيانا موضوع الحب بين شخصين بيقتصر على لقاءات محصورة بجو معين ما بتخلينا ننتبه لسلبات الشخص التاني
          وبعد الزواج بنصطدم بشي نحنا ما بنعرفو وهون بتكون المشكلة

          ورح اطرح سوال تابع للموضوع كيف تفضل ان تكون العلاقة التي تربطك بالحبيب قبل الزواج:
          تقتصر على اللقاءات العاطفية ام
          المشاركة بالمشاكل والهموم اكثر
          مع تسجيل متابعة وللحديث تتمة بعد انتظار اراء الاخوة
          كل ماهو عظيم وملهم صنعه إنسان عَمِل بحرية
          إن صديقك هو كفاية حاجاتك.
          هو حقك الذي تزرعه بالمحبة و تحصده بالشكر.
          هو مائدتك و موقدك.
          لأنك تأتي إليه جائعا, وتسعى وراءه مستدفئا.

          Comment


          • #25
            رد: ))) حِوّار الأسبوع (((

            Originally posted by terrific View Post
            يسلمو الين على المشاركة الحلوة
            بس هي المشكلة انو ممكن يكون الحب اصلا ما بيخلينا نشوف الاخطاء او السلبيات هون بتكون المشكلة
            يعني احيانا موضوع الحب بين شخصين بيقتصر على لقاءات محصورة بجو معين ما بتخلينا ننتبه لسلبات الشخص التاني
            وبعد الزواج بنصطدم بشي نحنا ما بنعرفو وهون بتكون المشكلة

            ورح اطرح سوال تابع للموضوع كيف تفضل ان تكون العلاقة التي تربطك بالحبيب قبل الزواج:
            تقتصر على اللقاءات العاطفية ام
            المشاركة بالمشاكل والهموم اكثر
            مع تسجيل متابعة وللحديث تتمة بعد انتظار اراء الاخوة
            صح أنا وقت طرحت فكرة انه الحب مجنون كمان كان قصدي فكرة انه الحب اعمى ودايما بيخلينا مانشوف عيوب الشخص اللي قدامنا
            وانت حكيت انه اللقاءات بتكون محصورة بجو معين والصدمة بتجي بعد الزواج
            أنا معك بكل هاد
            بس برايي انه بيتوجب عكل شخصين يكونوا واضحين من البداية بدون ماكياج وبدون تزييف كل واحد يكون حقيقي مع التاني ومايخبي عيوبه وعلى لطرف التاني يا يتقبل هالعيوب يا لاء بس عالاقل يعرفا
            وفي كتير ناس بتفكر انه بكرا بتجوز هالشخص وبغيره أنا ماني مع هالفكرة مافي شخص بيتغير لازم نتقبل التاني متل ماهو والا حيكون مشروع فاشل وفاشل جدا
            وبالنسبة للسؤال الحب مو عواطف وبس الحب شراكة بتربط شخصين شراكة بكلشي بالهموم والمشاكل والحلو والمر لانه مع الوقت وبعد الزواج العواطف ممكن تخف بس التفاهم هو اللي رح يبقى
            وبانتظار رأي البقية
            Last edited by abogabi; 16-08-2008, 08:05 PM. Reason: quote
            تعالوا إلي يا جميع المتعبين والثقيلي الأحمال وأنا أريحكم
            إحملوا نيري وتتلمذوا لي إني وديع ومتواضع القلب
            فتجدوا الراحة لنفوسكم لأن نيري لطيف وحملي خفيف

            Comment


            • #26
              رد: ))) حِوّار الأسبوع (((

              تحية صباحية لكل الأخوة
              مع الشكر لجميع الردود
              ولاختيار ميميتو البدء بموضوع جميل ترهف له القلوب


              لا تعتقدوا البدء درس لغة المهم النهاية



              فنظرتي لكلمة " حُبْ "

              الحرف الأول يشكل بـالضمة محاولين زم الشفاه
              والثاني السكون نطبق شفاهنا لتبدء العيون بالحديث


              ماهو الحب برأيك؟

              مشاعر مودة متبادلة بين طرفين أو عدة أمور وتصرفات نراها مشتركة تقرب بين طرفين

              وللحب درجات وتشعب وما نقصده هنا هو حب الحبيب

              هل الحب فيروس يجب ان يموت!!؟
              أكيد لأ عندما يكون " حب " بما تعنيه الكلمة من مشاعر ومودة ونقاط تلاقي أما عندما يتحول لتملك أو لأنانية ونقول أنه فايرس فقد ابتعدنا عن معنى الحب ممكن ان نسميه فايروس التملك


              والبعض ذكر تصرفات نحاول التغاضي عنها لاسعاد الطرف الآخر
              والأصح أن نحدد خط عدم تجاوز لأمور ممكن أنت نندم عليها بالمستقبل

              او الحب اصلا نبيل وكله معاني واحاسيس جميله؟
              من أنبل ما تسمو به مشاعر طرفين

              فعندما تكون بين يدي الحبيب تكون محلقا بين النجوم
              افرش بساطك ونم قرب الأفاعي .. لاكن أحذر العقرب حتى لو كنت صاحي

              Comment


              • #27
                رد: ))) حِوّار الأسبوع (((

                Originally posted by terrific View Post


                كيف تفضل ان تكون العلاقة التي تربطك بالحبيب قبل الزواج:


                تقتصر على اللقاءات العاطفية ام
                المشاركة بالمشاكل والهموم اكثر






                دون لقاءات لن يكون هنالك لمس للمودة ولا للمشاعر ودرجتها


                وأيضا الحب لا يقتصر على ساعات الفرح فقد يصيب الحب الجمود
                لنقل المشاركة بكل مشاعر الحزن والفرح فهي من تحدد درجة المودة وكيف تنصرف في جميع الأوقات فالنصح يجب أن يكون متبادل لنرى ويرى كيف ننظر وينظر


                أرجو ان لا أكون أطلت
                تسجيل متابعة مع الشكر للجميع
                افرش بساطك ونم قرب الأفاعي .. لاكن أحذر العقرب حتى لو كنت صاحي

                Comment


                • #28
                  رد: ))) حِوّار الأسبوع (((

                  Originally posted by terrific View Post

                  ورح اطرح سوال تابع للموضوع كيف تفضل ان تكون العلاقة التي تربطك بالحبيب قبل الزواج:
                  تقتصر على اللقاءات العاطفية ام
                  المشاركة بالمشاكل والهموم اكثر
                  مع تسجيل متابعة وللحديث تتمة بعد انتظار اراء الاخوة


                  شكرا تريفيك للرد ...
                  بالنسبة للسؤال يلي طرحتو... أنا بفضل انو تكون العلاقة بين الحبيبن هي مشاركة بالمشاكل و الهموم... لان اللقاءات العاطفية ما بتجيب نتيجة و بضل الاشخاص بعاد عن بعضون رغم وجود الحب... كل ما اشترك الحبيبن بحل المشاكل و الافضاء بالهموم كل ما زاد الحب بيناتون ... و هاد اكيد بدو يعتمد على الثقة المتبادلة بين الشخصين...

                  سؤال كتير مهم تريفيك شكرا الك
                  إنها قاعدة من قواعد حياة الإنسان، أكيدة كقاعدة الجاذبّية: لكي نعيش الحياة بملئها علينا أن نتعلم كيف نستعمل الأشياء و نحب الإنسان...لا أن نحب الأشياء و نستعمل الإنسان..

                  Comment


                  • #29
                    رد: ))) حِوّار الأسبوع (((

                    الموضوع لهل اسبوع هو ( علاقات الانترنت)

                    علاقات الانترنت
                    انا سأطرح الموضوع وبعض الافكار والبقية نتناقش فيه مع الأخوة الاعضاء
                    علاقات الانترنت
                    مافي شب اوبنت منا إلا وتعرف على بنت او كمان شب عالنت

                    شو هي قيمة هالعلاقة بين اتنين عالنت
                    شو مدى استمراريتا
                    شو مدى المصداقية فيها
                    كلنا منعرف اننا لما منكون عالنت منكون في عالم شبه خيالي
                    ويمكن غالبيتنا ممكن تكذب لان بتحس نفسها مو مضطرة تبوح بالحقيقة
                    موضة جديدة الزواج عالنت
                    هل بيناسب مجتمعنا
                    هل ازواج عنا ممكن ينجح اذا كان عالنت
                    واي شخصين ممكن يوثقو ببعض عالنت ويرتبطو
                    وليش الارتباط عالنت هل هو رد فعل عى افلاس الواقع المخيب للأمال
                    هل انت مستعد لاختيار شريك\تك عالنت
                    مجموعة اسئلة حيرتني من لما دخلت عالشات ويمكن نضل نحكي العمر كلو بهالموضوع
                    وياريت نستفيد من تجارب البعض اذا كان عندو علاقات عالنت
                    وناطرة ردودك لنتناقش
                    احلى منتدى
                    ((ساعدنا يا رب ان نكون واحد كما انت بالثالوث واحد...لا تتركنا يا رب ان نقيّم الآخرين على هوانا ...ساعدنا ان نتقبل الآخر كما هو...واجعلنا نتعلم ان لا ندين كى لا ندان))






                    Comment


                    • #30
                      رد: ))) حِوّار الأسبوع (((

                      شو هي قيمة هالعلاقة بين اتنين عالنت
                      العلاقة عالنت متلا متل اي علاقة منصنعا بحياتنا العادية .. و نحنا يلي منحدد قيمتا .. يعني ازا كانو الطرفين مهتمين بهالعلاقة و عم يضلو على تواصل مع بعض دايما اكيد هي العلاقة رح يكون الها قيمة كبيرة عند الشخصين .. بس ازا كان شخص مهتم للعلاقة و شخص لاء .. ما رح يكون فيه قيمة

                      شو مدى استمراريتا
                      كمان هي الشغلة بتتعلق بالاشخاص .. بس برايي العلاقة عالنت مشان تستمر لازم الشخصين يضلو دايما على اتصال و يحكو مع بعض كل يوم تقريبا

                      شو مدى المصداقية فيها
                      ممكن كتير انو يكونو الشخصين صادقين مع بعض عالنت حتى لو مو شايفين بعض او ملتقيين ببعض بالحياة العادية .. بعدين الشخص الصادق دغري ببين من الشخص يلي عم يكزب و يتسلى

                      كلنا منعرف اننا لما منكون عالنت منكون في عالم شبه خيالي
                      ويمكن غالبيتنا ممكن تكذب لان بتحس نفسها مو مضطرة تبوح بالحقيقة
                      طبعا ازا شخص متعرفة عليه عالنت من يومين بس و ما بتعرفي عنو شي .. ما رح تعدي تحكيلو كلشي عنك بصراحة و صدق لان ما بتعرفي شو هو او مين ممكن يكون .. بس ازا شخص بتعرفي من فترة منيحة و صاير كتير شغلات خلتك تثقي فيه ممكن انو تحكي معو بكل صراحة و صدق حتى يمكن اكتر من الناس يلي موجودين حواليكي
                      سلطانة ٌ و الكل يعرفني

                      ستُّ النساء ِ يغازلـُني المطرْ

                      الشمس ُ في كفي تداعبني

                      ومن السماء ِ يمازِحـُني القمرْ

                      Comment


                      • #31
                        رد: ))) حِوّار الأسبوع (((

                        موضة جديدة الزواج عالنت
                        هل بيناسب مجتمعنا
                        ما بعرف .. بس بظن انو مو كتير مرغوب بمجتمعنا

                        هل ازواج عنا ممكن ينجح اذا كان عالنت
                        اي ممكن

                        واي شخصين ممكن يوثقو ببعض عالنت ويرتبطو
                        لاء طبعا مو اي شخصين .. و مو بهي السرعة بنقدر نثق بحدا عالنت مو شايفينو و لا منعرف عنو شي

                        وليش الارتباط عالنت هل هو رد فعل عى افلاس الواقع المخيب للأمال
                        لاء ما دخل هي بهي .. هلأ ممكن هالعلاقة تصير عن طريق الصدفة .. يعني ممكن تتعرفي على شخص عالنت بلا ما تكوني قاصدة انو ترتبطي فيه او تكوني معو علاقة لبعدين بس مع الوقت بترتاحيلو و بتثقي فيه و بتحسي انو مناسب لالك و ممكن ترتبطي فيه

                        هل انت مستعد لاختيار شريك\تك عالنت
                        اي ...




                        ( سوري انا مو من المحاورين بس حبيت شارك معكون لاني حبيت الموضوع )
                        سلطانة ٌ و الكل يعرفني

                        ستُّ النساء ِ يغازلـُني المطرْ

                        الشمس ُ في كفي تداعبني

                        ومن السماء ِ يمازِحـُني القمرْ

                        Comment


                        • #32
                          رد: ))) حِوّار الأسبوع (((

                          موضوع كتير حلو و جدي كيتي و كتير مهم طرحو بهالفترة لأن كتير مستخدمة القصة....

                          رح ارجع شارك بشكل ادق بكرة انشالله لان هلا ما عندي وقت... شكر للموضوع كيتي...
                          إنها قاعدة من قواعد حياة الإنسان، أكيدة كقاعدة الجاذبّية: لكي نعيش الحياة بملئها علينا أن نتعلم كيف نستعمل الأشياء و نحب الإنسان...لا أن نحب الأشياء و نستعمل الإنسان..

                          Comment


                          • #33
                            رد: ))) حِوّار الأسبوع (((

                            Originally posted by jida View Post
                            موضة جديدة الزواج عالنت
                            هل بيناسب مجتمعنا
                            ما بعرف .. بس بظن انو مو كتير مرغوب بمجتمعنا

                            هل ازواج عنا ممكن ينجح اذا كان عالنت
                            اي ممكن

                            واي شخصين ممكن يوثقو ببعض عالنت ويرتبطو
                            لاء طبعا مو اي شخصين .. و مو بهي السرعة بنقدر نثق بحدا عالنت مو شايفينو و لا منعرف عنو شي

                            وليش الارتباط عالنت هل هو رد فعل عى افلاس الواقع المخيب للأمال
                            لاء ما دخل هي بهي .. هلأ ممكن هالعلاقة تصير عن طريق الصدفة .. يعني ممكن تتعرفي على شخص عالنت بلا ما تكوني قاصدة انو ترتبطي فيه او تكوني معو علاقة لبعدين بس مع الوقت بترتاحيلو و بتثقي فيه و بتحسي انو مناسب لالك و ممكن ترتبطي فيه

                            هل انت مستعد لاختيار شريك\تك عالنت
                            اي ...




                            ( سوري انا مو من المحاورين بس حبيت شارك معكون لاني حبيت الموضوع )







                            جدجود نورتى الموضوع
                            وبالعكس بهمنا آراء الاعضاء
                            رأيي انا الى عم يصير هنا هو توق الانسان الى اللقاء بالآخر اختلفت الطرق والهدف واحد وهنا اعتقد انه كلامك مزبوط 100 بالمية
                            اسمحى لي ان اعقب على نقطة ألا وهي الاسلوب (الصداقة والزواج )
                            ليس من الضروري ان يكون هذا الواقع العلاقة على النت جميل فالتطور امر جميل ومواكبة العصر امر اجمل يبقى علينا اختيار ما يناسبنا ورفض ماينافي قيمنا ومبادئنا .
                            فمن الممكن كما ان تكوّن صداقة على النت وقد تكون ناجحة وقد تكون فاشلة كما انه من الممكن ان اكوّن صداقة بدون النت وقد تكون ناجحة وقد تكون فاشلة يعنى بكل الاحوال الصداقة هى معرضة للنجاح والفشل .
                            أما الزواج ب النت انا نظرتى لاتناسب عاداتنا وتقاليدنا فهو غير وارد وانا ضد الفكرة في مجتمعنا لأن الزواج هو رباط مقدس ولازالت مجتمعاتنا محافظة على مصداقية هذا الرباط وعمقه .
                            وشكراً على هذه المشاركة
                            ((ساعدنا يا رب ان نكون واحد كما انت بالثالوث واحد...لا تتركنا يا رب ان نقيّم الآخرين على هوانا ...ساعدنا ان نتقبل الآخر كما هو...واجعلنا نتعلم ان لا ندين كى لا ندان))






                            Comment


                            • #34
                              رد: ))) حِوّار الأسبوع (((

                              شو هي قيمة هالعلاقة بين اتنين عالنت

                              هلا قيمة العلاقة بحددا التنين يلي عم بيحكو مع بعض النت... يعني اذا كانو جديين او لا..
                              هاد الشي الاساسي لتكون العلاقة ذات قيمة كبيرة... و اكيد لازم يكون في احترام بين الطرفين..

                              شو مدى استمراريتا

                              كمان استمرارية العلاقة بتعتمد على جديتا ... و اكيد بتستمر اذا ضلو التنين يحكو مع بعض بشكل مستمر و جدي.. و كتير علاقات استمرت و نجحت..

                              شو مدى المصداقية فيها

                              هلا المصداقية بتبلش من التنين و كمان حسب جدية الموضوع.... و كتير ممكن يكون التنين صادقين مع بعض حتى لو ما شايفين بعض... و يلي عم بكذب و يتسلى ببين من خلال حديثو لان بكون في تناقض بكلامو دائما..

                              كلنا منعرف اننا لما منكون عالنت منكون في عالم شبه خيالي
                              ويمكن غالبيتنا ممكن تكذب لان بتحس نفسها مو مضطرة تبوح بالحقيقة

                              معك حق النت عالم شبه خيالي.. يعني حتى منتخيل الشخص يلي نحن عم نحكي معو ..
                              و اكيد كل واحد ما بحب يقول الحقيقة عن حالو دغري لاي شخص بحكي و خصوصا عالنت.. بس وقت بكون في جدية و ثقة بالموضوع ممكن تكون الحقيقة هي البداية للعلاقة نجاحا..

                              موضة جديدة الزواج عالنت
                              هل بيناسب مجتمعنا

                              هلا هو موضة جديدة بس سبب هالموضة هي ظروف كتيرة بالحياة و أولها السفر و البعد... و بالنسبة لمجتمعنا ما كتير عم بيتقبل هالموضوع و كتير عم بحاربو.. بس هلا بلش شوي يتعود عليه لان صار في كتير اشخاص عم بيتزوجو بهالطريقة و عم تكون زواجاتون ناجحة..

                              هل ازواج عنا ممكن ينجح اذا كان عالنت

                              اي طبعا ممكن ينجح.. أنا بعرف كتير أشخاص تعرفو على بعض عن طريق النت و اتزوجو و كان زواجون ناجح... يعني النت هوي طريقة جديدة لتعارف الناس على بعضا مو اكتر..

                              واي شخصين ممكن يوثقو ببعض عالنت ويرتبطو

                              أكيد مو أي شخصين... لازم يكونو هنن بالأصل جديين و متفقين .. يعني اذا واحد جدي و التاني لا ما رح يصير اي ارتباط بيناتون..

                              وليش الارتباط عالنت هل هو رد فعل عى افلاس الواقع المخيب للأمال

                              الارتباط عالنت هو يمكن ردة فعل لكتير شغلات بالمجتمع.. و يمكن يكون الواحد مضطر انو يلجئ للنت كطريقة جديدة لحتى يلاقي الشخص يلي بناسبو.. رغم انو النت عالم غامض و بخوف لان يلي مخفي بخوف..

                              هل انت مستعد لاختيار شريك\تك عالنت

                              ممكن.. بصراحة انا بسب شغلي حياتي كلا صارت عالنت من الصبح للمسا... لك حتى رفقاتي صارو عالنت و اكبر شاهد هوي المنتدى يلي لقيت فيه احلى رفقا و اخوة... فممكن انو ارتبط كمان عن طريق النت..

                              شكرا كتير الك كيتي لطرح هالموضوع المهم يلي بهالايام كتير الو تأثير على حياتنا..
                              إنها قاعدة من قواعد حياة الإنسان، أكيدة كقاعدة الجاذبّية: لكي نعيش الحياة بملئها علينا أن نتعلم كيف نستعمل الأشياء و نحب الإنسان...لا أن نحب الأشياء و نستعمل الإنسان..

                              Comment


                              • #35
                                رد: ))) حِوّار الأسبوع (((

                                Originally posted by aleen View Post
                                شو هي قيمة هالعلاقة بين اتنين عالنت

                                نورتى الين بآرائك

                                هلا قيمة العلاقة بحددا التنين يلي عم بيحكو مع بعض النت... يعني اذا كانو جديين او لا..
                                هاد الشي الاساسي لتكون العلاقة ذات قيمة كبيرة... و اكيد لازم يكون في احترام بين الطرفين..

                                انا معك قيمة العلاقةعلى النت الاتنين هنن الى بحددوها حسب مبادئهون بالحياة

                                شو مدى استمراريتا

                                كمان استمرارية العلاقة بتعتمد على جديتا ... و اكيد بتستمر اذا ضلو التنين يحكو مع بعض بشكل مستمر و جدي.. و كتير علاقات استمرت و نجحت..

                                بس انا ما بظن بس الحكى بكفى انه تستمر العلاقة وتنحج لازم يكون فى تقارب اكتر من الحكى على النت بالنهاية انا بعتبر النت علم خيال طبعابالنهاية هذا رائى انا لوحدى

                                شو مدى المصداقية فيها

                                هلا المصداقية بتبلش من التنين و كمان حسب جدية الموضوع.... و كتير ممكن يكون التنين صادقين مع بعض حتى لو ما شايفين بعض... و يلي عم بكذب و يتسلى ببين من خلال حديثو لان بكون في تناقض بكلامو دائما..

                                وطبعا المصداقية كمان الاتنين بحددوها ........بس انا بعارضك بالراى المصداقية مستحيل يبين على الكذاب من الصادق بالنت طبعا اذا كانت العلاقة النت علاقة حب

                                كلنا منعرف اننا لما منكون عالنت منكون في عالم شبه خيالي
                                ويمكن غالبيتنا ممكن تكذب لان بتحس نفسها مو مضطرة تبوح بالحقيقة

                                معك حق النت عالم شبه خيالي.. يعني حتى منتخيل الشخص يلي نحن عم نحكي معو ..
                                و اكيد كل واحد ما بحب يقول الحقيقة عن حالو دغري وممكن دايما ما يقول الحقيقة لاي شخص بحكي و خصوصا عالنت.. بس وقت بكون في جدية و ثقة بالموضوع ممكن تكون الحقيقة هي البداية للعلاقة نجاحا..

                                موضة جديدة الزواج عالنت
                                هل بيناسب مجتمعنا

                                هلا هو موضة جديدة بس سبب هالموضة هي ظروف كتيرة بالحياة و أولها السفر و البعد... و بالنسبة لمجتمعنا ما كتير عم بيتقبل هالموضوع و كتير عم بحاربو.. بس هلا بلش شوي يتعود عليه لان صار في كتير اشخاص عم بيتزوجو بهالطريقة و عم تكون زواجاتون ناجحة..

                                هل ازواج عنا ممكن ينجح اذا كان عالنت

                                اي طبعا ممكن ينجح.. أنا بعرف كتير أشخاص تعرفو على بعض عن طريق النت و اتزوجو و كان زواجون ناجح... يعني النت هوي طريقة جديدة لتعارف الناس على بعضا مو اكتر..

                                واي شخصين ممكن يوثقو ببعض عالنت ويرتبطو

                                أكيد مو أي شخصين... لازم يكونو هنن بالأصل جديين و متفقين .. يعني اذا واحد جدي و التاني لا ما رح يصير اي ارتباط بيناتون..


                                وانا بعرف كتير اشخاص نجحوا ب الزواج على النت بس ما بعتبرهون مثل اعلى للحب او رباط الزواج

                                وليش الارتباط عالنت هل هو رد فعل عى افلاس الواقع المخيب للأمال

                                الارتباط عالنت هو يمكن ردة فعل لكتير شغلات بالمجتمع.. و يمكن يكون الواحد مضطر انو يلجئ للنت كطريقة جديدة لحتى يلاقي الشخص يلي بناسبو.. رغم انو النت عالم غامض و بخوف لان يلي مخفي بخوف..

                                هل انت مستعد لاختيار شريك\تك عالنت

                                ممكن.. بصراحة انا بسب شغلي حياتي كلا صارت عالنت من الصبح للمسا... لك حتى رفقاتي صارو عالنت و اكبر شاهد هوي المنتدى يلي لقيت فيه احلى رفقا و اخوة... فممكن انو ارتبط كمان عن طريق النت..

                                شكرا كتير الك كيتي لطرح هالموضوع المهم يلي بهالايام كتير الو تأثير على حياتنا..


                                لانه عم نعيش هل الموضوع كل يوم وكل ساعة كلياتنا حبيت اطرحه شكرا لمشاركتك الين وبحب اسمع أرىء الاعضاء التانين
                                ((ساعدنا يا رب ان نكون واحد كما انت بالثالوث واحد...لا تتركنا يا رب ان نقيّم الآخرين على هوانا ...ساعدنا ان نتقبل الآخر كما هو...واجعلنا نتعلم ان لا ندين كى لا ندان))






                                Comment


                                • #36
                                  رد: ))) حِوّار الأسبوع (((

                                  موضوع حلو ..
                                  ألي رجعة..
                                  عـنــــــــــــا طلــــــــــوع الشمس أحلــــى
                                  عـنـــــــــــــا بيت القـمـــــــــــــــــــر أعلى
                                  عنا تراب الأرض أغلى من دهب القصور


                                  Comment


                                  • #37
                                    رد: ))) حِوّار الأسبوع (((

                                    أما الزواج ب النت انا نظرتى لاتناسب عاداتنا وتقاليدنا فهو غير وارد وانا ضد الفكرة في مجتمعنا لأن الزواج هو رباط مقدس ولازالت مجتمعاتنا محافظة على مصداقية هذا الرباط وعمقه
                                    .


                                    بس بدي قول انو انا ضد فكرة انو نفوت على مواقع تبع اختر شريك حياتك و ما بعرف شو مشان نرتبط .. بس قصدي انو ازا صدفت و تعرفت على حدا عجبني و اتفقنا عن طريق النت ممكن ارتبط فيه
                                    سلطانة ٌ و الكل يعرفني

                                    ستُّ النساء ِ يغازلـُني المطرْ

                                    الشمس ُ في كفي تداعبني

                                    ومن السماء ِ يمازِحـُني القمرْ

                                    Comment


                                    • #38
                                      رد: ))) حِوّار الأسبوع (((

                                      اوك انا فهمت فكرتك جيدا بس انا عم احكى الواقع الى عم نعيشه
                                      يعنى بمجتمعنا بيبقوا خاطبين كم سنة ومقضين اوقات كتيرة مع بعضهم وبعد الزواج عم تصير مشاكل كتير ف كيف اذا بالنت وهنن بعاد عن بعض
                                      وكمان هذا الحكى ما نه شرط اساسي ليعتمد عليه كل شخص ممكن ارتباط النت يكون ناجح اكتر من الارتباط بالطريقة التقليدية بس رغم هيك انا مو مقتنعة بزواج والارتباط عبر النت
                                      ((ساعدنا يا رب ان نكون واحد كما انت بالثالوث واحد...لا تتركنا يا رب ان نقيّم الآخرين على هوانا ...ساعدنا ان نتقبل الآخر كما هو...واجعلنا نتعلم ان لا ندين كى لا ندان))






                                      Comment

                                      Working...
                                      X