نظارة الشباب المسيحي

[marioma alghzayala]

عمو محبة سؤال واحد ..

ليش بخاف منك انا ....

[gabo]

عمي محبة معيشنا أنت بغموض غريب
بدي أسألك
شو اسمك
وعمرك
شو بتشتغل أو بتدرس إذا بالجامعة انت
شو شي ما قدرت تحققو بحياتك

[marioma alghzayala]

اي محبة هلأ جينا ....
-لمحة عنك ...شخصيتك ..هواياتك ..شغلتك بهالحياة ....
-اكلتك المفضلة
-لونك المفضل
-مطربك ومطربتك المفضلين


-بس تحس حالك مخنوق ومتدايق ..شو اكتر شي بخليك تنسى همومك وتنفرج
-شو بيعنولك :
الموت
الحياة
الموسيقى
المال
الطبيعة
المسيح
التفوق
الابداع
الاخر
الحزن
السعادة
الطفولة
المراهقة
محبة

طيب مين عنا هون ....
عضو حشاش
عضو غامض
عضو حساس
عضو مهضوم
عضو عصبي
عضو بعصّبك
عضو مثقف
عضو جنتل


اخيرا شو مفكر تهدينا عالكريسماس ؟؟؟ ....

بالتوفيق

[george maidaa]

لك وليييييييييي الله ستر أني ما عمقوت لهون شنو إذا استلمتو حدا .... غيرو دخيل أسمو ما بيشيلة من بين إيديكون



Yalla Salam Yaba

[ابو جان]

كان بدي اسالك كم سؤال بس بطلت

شنو بدك اسبوع لتجاوب عالاسئلة السابقة و الشباب ما تركو سؤال ما سألو

شي بينحكا و شي ما بينحكا

[Ameen]

لك وليييييييييي الله ستر أني ما عمقوت لهون شنو إذا استلمتو حدا .... غيرو دخيل أسمو ما بيشيلة من بين إيديكون



Yalla Salam Yaba

يالله ابو جريج لا تفرح كتير دورك بعد محبه
بقا اسألو و استغل الفرصة لانو بس يجي دورك محد رح يرحمك

[marioma alghzayala]

as2elti an3am shi

[ma7aba]

أسئلة الغالية توليب

بما انو طلعت حبيب الجماهير الكادحة و الكل تبرع انو يدافع عنك...... شرف و جاوب عالاسئلة و لنشوف كيف رح يساعدوك!!!!!!!!!

الله يستر ادعولنا شباب

1- شو أحلى شي بالدنيا؟

عائلتي اللي رح شكلها مستقبلاً وحالياً الطبيعة كما خلقها الله

2- شو أحلى كلمة بالدنيا؟

كلمة بحبك لأنها تعني كل شيء

3- أذا بدك تختصر محبة بكلمة "مع انو بعرف انو صعب نختصر حدا مهم متلك بكلمة!" بس شو بتكون هالكلمة؟

ماأنا مختصرها خالص محبة لأني مستحيل اكره حدا مهما فعل من شان اكرها وبحب ساعد كل العالم بدون اي مقابل على قدر قدرتي

4- محبة بأي مراية بتشوف هالاعضاء:

بلشنا بوجع الراس
- رولا : حساسة كثير كثير وطيبة كثير ومابتحمل اي ضغينة بقلبها إنسانة شفافة اتمنى ان تأخذ كامل حقها بالحياة
:smily (24): :smily (24):
- هاني : مابعرف عنوا كثير شغلات بس بظنوا من طينة طيبة كثير وبخاف كثير على اصدقائوا
- مريومة الحلوة : شريبة مته عيني الله عليها ماأحلها طيبة ورائعة وضحكتها ماتفارق وجها صوتها حلو كثير

- ريمي : شو بدي احكي لأحكي ( كمان انا بدي اتحفظ على الرد )

- سارة : بحسها طبيبة الموقع كثير طيبة وكثير بنفس الوقت متمسكة بمواقفها وبتدافع عنن مافينا نحكي اكثر من هيك
لأنو ابو جريش بيشنقنا
- جورج : صديق قديم من ايام الكنيسة ولكن صدقاً الموقع قربنا لبعض اكثر بكثير من الرعية وليسقط الياس زحلاوي
- أمين : اخ عزيز اتعرفت عليه شخصي يوم الجمعة شاب رائع وله مستقبل جميل الرب يوفقوا
- مجد : كبير المنتدى رغم عمره الذي هو اصغر من اغلب اعضائه أتمنى له الوفيق سميتوا كبير المنتدى لأنو هو
الوحيد اللي اتحرك ليرجع يجمع الشباب المسيحي بمنتدى رائع وجميل كمنتدانا هذا
- توليب : غالية ورح تضلي غالية إنسانة شفافة كثير وحنونة كثير وبصراحة اول مرة بحسد إنسانة على قدرتها على
العطاء والحنان لأنو انا اقف عاجز امام عطائها بس حابب وشوشه بشغلة أنو ياتوليب خلي دائماً تفكيرك
انو انا كثير سعيدة لأنو هيك صار معي لأنو بالتأكيد الله بدوا مصلحتي لأنو بحبني ومن شان هيك صار معي
هل الشي وأنت فهمتي علي

واللي بدوا يقرب
- تايغر : شاب مثقف والأهم انو اكبر مني بالعمر وانشالله اتعرف عليه عن قريب
وقت زور السويد
- عفريت الحب : بتمنى يزرع الحب والمحبة وين مابروح
- مهوشة وعاشقة الورد: مبارح ياجماعة ضربتني كف غير شكل بس الحق معها حق فيوا المهم هي إنسانة تبدوا من
كتاباتها حزينة ولكنها تملك قلب طاهر ونقي مما يجعل الجميع عندما يروها يظنون انها فرحه
دائماً ولا شيء يحزنها ساقول لها ولختها نفس الجملة صدقوني انو الله بحبكن ومن شان هيك لا
تزعلوا على شي
- غابو : مشكلجي ومشيب المنتدى بمشاركاتوا الكثير حلوة الرب يوفقوا ويحمي
- كلداني : شاب مجتهد وهادئ وأتمنى ان نجد مشاركات قيمة اكثر واكثر منه وان يشارك الجميع بالحور دون خجل

بضيف من عندي كربوج اللي لو فعلاً تركنا رح نخسر شب كان يبعث البسمة في قلوب الاعضاء وبالتالي خسارتنا رح تكون كبيرة

5- شو هو الحلم يلي عم يسعالو محبة حالياً؟؟

أني صير نجم كبير وشكل فرقة مسرحية ضخمة ويكون قسم كبير من ريعها للأعمال الخيرية

6- ليش نحنا منخاف منك؟؟؟

والله انا طيب ممكن كون كثير قاسي بالأمور الدينية بس بالحياة انا بالعكس القط بيآكل عشاي

[ma7aba]

اجاك الموت يا تارك الصلاه والله و قعت و محد سمى عليك

روقوا شباب لا تنسوا مين انا والله لفرجيكن بس لأطلع من النظارة وعلى قولة عادل امام قول أحي

ياسيدي الاسئله كالتالي:
1- 3 شغلات بتحبن

علاقتوا مع الله كثير حلوة ومميزة , مسامحتوا لأي شخص بياذي مهما كان حجم الأذى كبير من دون مايبادر ذلك الشخص لأي اعتذار كان , حبوا لعملوا

و 3 شغلات بتكرهون بمحبه و بتحب تغيرن

للأسف مافي

2- عرف الحب وشو رأيك في

الحب هو العطاء بلا حدود ومن دونوا لا معنى لأي شيء بالحياة

3- اذا عرفت انو البقيان بعمرك(طبعا بعد عمر طويل) بيسمحلك تساوي شغله وحده فشو بتساوي

بصلي لكل الناس انو الله يحمين واللي اذوني انو الله يوفقن بحياتن ويسامحن لأنو اي شي ىخر رح ساوي مارح يكون الوا اي معنى بعد ماموت

4- فرضا اكتشفت انو مافي الله فشو بيكون ردة فعلك (على سبيل الفرض)

عادي مو مشكلة بكفي اني عم عيش بسعادة داخلية لا توصف بسبب تصرفاتي فوجودوا من عدموا لا يغير شيء بالموضوع بل ابقى اكلم هذ الصديق الخفي الذي يرشدني للطريق الصحيح

5- انا هو القيامة و الحياة و من امن بي وان مات فسيحيا شو بتعنيلك او شو بتحسسك

بتحسسني انو الله قديش بحبنا لدرجة أنو مو قادر انو يفارقنا فبساوي شي من اجل انو نضل جنبوا حتى بعد مانموت

6- وجه 3 ملاحظات ل 3 اشخاص بالمنتدى بدون مجاملات

رولا: بتمنى انو تكوني اقوى شوي لأنوا الحياة تتطلب القوة
ريمي : بتمنى انو تكوني صادقة مع نفسك وماتخافي من اي شي وماتقدمي على اي شي غصب عنك لو مهما صار بالدنيا
كربوج : بتمنى انو ترجع للمنتدى لأنو الك وحشة كبيرة

7- مين الشخص اللي بحس حالو محبه ضايع بلا

بصراحة انا كثير وحيد وكثير بعتمد على نفسي وبالتالي هذا الشخص غير موجود

8-الشخص اللي قلو وجين شو موقفك تجاهو

مابحاول اتعاطى معوا نهائياً بس بنفس الوقت مستحيل أكرهواوإذا احتاجني بساعدوا

هلق مبدئيا هدول و للباقي تتمه...................

شو هل الاسئلة اسئلة إبتدائي يا

[ma7aba]

عمي محبة معيشنا أنت بغموض غريب

لا تقولها يازلمة

بدي أسألك

اتفضل

شو اسمك

الهيئة ضارب بورية حشيش يا بدك تخلص مني مو عرفان كيف على كلن بخبرك على الخاص

وعمرك

31

شو بتشتغل أو بتدرس إذا بالجامعة انت

ممثل

شو شي ما قدرت تحققو بحياتك

لسع الدنيا قدامي يعني في كثير شغلات لسع رح حققها

[ma7aba]

اي محبة هلأ جينا ....

أهلا وسهلا باللي جاي يامرحبا باللي جاي

-لمحة عنك ...شخصيتك ..هواياتك ..شغلتك بهالحياة ....

انا شب عمري 31 سنة مابحب أئذي حدا بحب عملي كثير بشتغل بالمثيل وبهندسة الكومبيوتر كان عندي شبكة نيت اشتغلت بالموبايل فترة وكنت من اول الناس اللي اشتغلوا فيوا هواياتي التمثيل والمسرح وهي مهنتي وقيادة السيارة والسفر

-اكلتك المفضلة

الملوخية والفراريج ببطاطا

-لونك المفضل

الغامق بشكل عام وعلى راسهم الأسود

-مطربك ومطربتك المفضلين

فيروز وبما انها فوق كل منافسة جوليا مطربي المفضل كاظم الساهر وملحم بركات وعازار حبيب

-بس تحس حالك مخنوق ومتدايق ..شو اكتر شي بخليك تنسى همومك وتنفرج

روح على باب توما وامشي فيها

-شو بيعنولك :
الموت

انتقال لحياة جديدة أكثر فرح وسعادة

الحياة

حلوة إذا عرفنا نعيشها رغم كل مآسيها

الموسيقى

بحب الموسيقى التصورية بحسها بتعبر عن حالات نفسية كثيرة مابنقدر نعبر عنها بالكلام

المال

مهم لكنه ليس اهم من الإنسان

الطبيعة

عظمة الخالق

المسيح

المحبة الكاملة وغير المنقوصة الألف والياء البداية والنهاية

التفوق

يأتي بالعمل

الابداع

موهبة ربانية ولكن بدون العمل لا نستفيد منها

الاخر

اتمنى ان اقف لجانبه مهما كان

الحزن

يعلمك معنى الفرح

السعادة

الحقيقية منها تنبع من فعل الخير

الطفولة

ياريتني ارجعلها

المراهقة

مابتذكرها غير بنت الجيران

محبة

:icon (14):

طيب مين عنا هون ....
عضو حشاش

اليوم أكتشفتوا غابو

عضو غامض

محبة

عضو حساس

رولا وتوليب

عضو مهضوم

كربوج

عضو عصبي

مجد احياناً

عضو بعصّبك

موجود بس ماعم يشارك اللي هو ميمو

عضو مثقف

كثيرين والحمد لله

عضو جنتل

أبو ليان

اخيرا شو مفكر تهدينا عالكريسماس ؟؟؟

احلى ضرب مته لعيونك

[ma7aba]

لك وليييييييييي الله ستر أني ما عمقوت لهون شنو إذا استلمتو حدا .... غيرو دخيل أسمو ما بيشيلة من بين إيديكون

يا أنت يامجد بعدي وين هربانين

كان بدي اسالك كم سؤال بس بطلت

شنو بدك اسبوع لتجاوب عالاسئلة السابقة و الشباب ما تركو سؤال ما سألو

شي بينحكا و شي ما بينحكا

شايف معلم ما بشتهيها لعدوي

[gabo]

ممثل

عرفتك
باسم ياخور مو .................

[sarah]

محبة العظيم....
شو هني نقاط القوة اللي بتحسون فيك...؟؟؟
شو اللي بيخلي محبة شخص متميز؟؟
شو بتحب يجيك هدية؟؟يعني شو الهدية التي بتفضلها؟؟؟
شو الكتاب اللي قريتو و اثر فيك كتيير؟؟؟
....والي رجعة....

[marioma alghzayala]

احلى ضرب مته لعيونك

alla 7ayooo:icon (14):

[Spector]

اول مرة بشوف هالموضوع ليش
كنت مفكرو موضوع طبي _ نظارة _

[ma7aba]

عرفتك
باسم ياخور مو .................

قريباً أشهر بإذن الله بس نزل وزنا شوي اسموا طالع على الجيش

[ma7aba]

محبة العظيم....

الرب يحميكي وإنشالله استاهل هل اللقب

شو هني نقاط القوة اللي بتحسون فيك...؟؟؟

مسامحتي لكل من قام بإيذائي , مساعدتي لكل من طلب مني المساعدة على قدر إستطاعتي , عدم الحقد وعدم حمل الضغينة ( ممكن عصب من اشخاص وقرر إني رح رد عليهن بس ردي بكون بطريقة كثير حضارية يعني الرعية الجامعية مثلا طعنت بظهري طعنة قوية بعد ماأني خدمتها 9 سنوات ردي عليهن اني ساوية مسرحية لمجموعة كنسية ثانية )

شو اللي بيخلي محبة شخص متميز؟؟

الناس كلن خير وبركة

شو بتحب يجيك هدية؟؟يعني شو الهدية التي بتفضلها؟؟؟

سيارة آخر موديل هههههههههههههههههههههه
لا عم امزح بحياتي ماطلبت من حدا غير سلامتوا

شو الكتاب اللي قريتو و اثر فيك كتيير؟؟؟

طبعاً الكتاب المقدس خارج نطاق المقارنات في كتاب اسموا كتاب وقرارا وفي تاريخ المسرح وبخص ملحمة جلجامش وكتابات شيكسبير ومارلو

....والي رجعة....

بالإنتظار

[Tulip]

وانا رجعت:

يا حرام وجعني قلبي عليك بس أنو ما صدقنا ووقعت بالنظارة

1- محبة مع مين بتحب تمثل؟؟؟
2- شو هو العمل المسرحي يلي بيحلم محبة فيه؟
3- محبة هلئ عشقان؟ شو أسمها؟؟؟؟؟
4- قديش محبة بحب جاد؟؟؟ وليش هالقد بيحبو؟
5- شو أكتر شي بتشتاق لألو بالطفولة؟

وكمان ألي رجعة.......

[ma7aba]

يا حرام وجعني قلبي عليك بس أنو ما صدقنا ووقعت بالنظارة

احلى نظارة بالعالم ويسلملي قلبك الحنون

1- محبة مع مين بتحب تمثل؟؟؟

مخرجين نجدت أنزور وبسام الملا وباسل الخطيب ومحمد عزيزية ومابطيق حاتم علي
ممثلين كل العالم خير وبركة بس بحلم يجي اليوم واطلع فيوا لهوليود

2- شو هو العمل المسرحي يلي بيحلم محبة فيه؟

رحلة شيطانية مع شبح 48 بس بطريقة احترافية قصوى
افتتاح مهرجان ضخم
مسرحية الملك لير وحصرا دور إدموند اومسرحية ريتشارد الثالث وحصرا دور ريتشارد ( الشر المطلق ) لأنه النقيض عني

3- محبة هلئ عشقان؟ شو أسمها؟؟؟؟؟

حالياً وقعت ياجماعة ماحدا سمى علي
اما شو اسمها معليش بلا فضايح

4- قديش محبة بحب جاد؟؟؟ وليش هالقد بيحبو؟

كثير كثير بشكل لا يوصف
ليش بحبوا لأنو انا لسع ماتزوجت وكل رفقاتي تزوجوا وعلاقتي مع عماد كثير مميزة والسيد جاد يومياً عندي بالبيت فصرت حسوا مثل ابني

5- شو أكتر شي بتشتاق لألو بالطفولة؟

لعبة الطميمة وحولو دولوا بالدولة قديش هدولي