برنامج حواري جديد من تقديمي

[aboremon]

موضوع كتير متميز متلك بريف
والغالية رولا محلية المقابلة

بس بدنا نعرف بقية ضيوفك والله حاسس أنك ناوي تجيبهم واحد واحد

[brave heart]

بريف رولا هيئتها متوترة
كلمة واحدة لسا بتخربلك المقابلة
(الله يعين اللي بيطلع بوجها):icon (42):
بتروح عليه

مشان هيك ما مسترجي احكي

[ayman]

حلوة الفكرة
بس حطلو أسم للبرنامج غير برنامج حواري
أظبط

وعلى فكرة شو بتقربك هالا سرحان

[AboJado]

اول شي
رولا سووو نايس الردود تبعك

بيلبقلك تكوني نجمة سينما

تاني شي
بريف
انا بعرف كل برنامج بكون الو( له ) رعاية

متل كوكا كولا
باربيكان
مستر كورن
علكة منطاد
شاورما ابو العز ...

اي برنامجك برعاية مين

اي وشو رح يطلعلو للضيف جوائز ؟؟؟؟

اي وفي شي هدايا للجمهور

؟؟؟

بس عنجد كتير كووووووووووول

[brave heart]

حلوة الفكرة
بس حطلو أسم للبرنامج غير برنامج حواري
أظبط

وعلى فكرة شو بتقربك هالا سرحان

أول شي اخ ايمن تصحيحا لمعلوماتك البرنامج اسمو (( حوار العمر ))

ورجاع لاول اللقاء مع رولا وشوف العنوان ...

وهوة اسم لبرنام كان يتقدم بالتسعينات على

شاشة LBC وتقديم جزيل خوري

بالنسبة لهالة سرحان ما بتقربني ولا بشرفني معرفتها ...

شكرا لمرورك

[Iden]

يلا وين التكملة ؟؟؟
فكرة حلوة بس فكرة ارسال السؤال لشخص ماكتيير مشجعة

[brave heart]

يلا وين التكملة ؟؟؟
فكرة حلوة بس فكرة ارسال السؤال لشخص ماكتيير مشجعة

التكملة بكرا لترجع رولا على الشغل مشان النت

بس الفكرة التانية ما فهمتها انو ارسال السؤال لشخص ...

اذا بتقصد انو يلي بدو يوجه سؤال لرولا او لاي ضيف يبعتلي على الخاص

او شي مشان ما يصير كركبة ....تاني شي بتصير نفس فكرة المقلاية وماعاد اقدر اتحكم بوقت انتهاء البرنامج

وشكرا

[أم الرور]

بريف وينك ما بدك تكمل البرنامج ؟؟؟؟؟؟؟؟

[brave heart]

(( حوار العمر )) الحلقة الثانية مع رولااااا


اول شي منعتذر عن التاخير يلي صار بس لانو اول حلقة بدكم تستحملونا

ام الرور منرجعلك يا قمر من جديد. منبلش باول جزء من اسئلة الحلفة الثانية

(( توقيع وتعليق ))

هون رح حط كم توقيع من تواقيع الاعضاء
وانتي بتعلقي على كل توقيع

-1-

nebomrj

كرمي على درب
فيه العنب وفيه الحصرم
فلا تلمني يا عابر السبيل
إن أنت أكلت منه فضرست

لكل كلمة أذن
ولعل كلماتي ليست لأذنك
فلا تتهمني بالغموض

-2-

ريم الفارس

عبر الدهور و الأزمان تاريخ مملوء
بقديسين و شهداء بحبه يماتونَ
نحن لهم مدينون فقد علمونا :
لا أحد يقلب التاريخ مثل يسوع

-3-
raghed
شو بينفعني عيونك تدمع وتقولي ندماني
لا تناديني مش رح اسمع وانسيلي عنواني
وانسيني لو بدي إرجع .... من زمان رجعتلك

-4-

سوسو

دلوعة وبحب اتدلع ..

-5-

brave heart


سأهدم الكنائس واحرق المساجد ..... وامضي خلفكي ايتها الانسانية

لا تسألني عن ديني .. شرف لي من المهد الى اللحد اني ملحد .

هي اول مجموعة اسئلة .... للحلقة التانية

[brave heart]

(( حوار العمر )) الحلقة الثانية مع رولااااا



القسم الثاني من الاسئلة عبارة عن صورة وتعليق بدك تعطينا شو بتعني لرولا هي الصورة

وياريت تروحي لابعد من الصورة يعني لاي مكان او شي ممكن تحكيه ..

(( صورة وتعليق ))

-1-



-2-



-3-



-4-



-5-

[brave heart]

(( حوار العمر )) الحلقة الثانية مع رولااااا

(( تبادل الادوار ))

الليوم وصلنا للفقرة الاخيرة من الحلقة الثانية ما قبل الاخيرة هي الفقرة

رح نتبادل الادوار فيها بدك تسأليني من 3 الى 5 اسئلة وانا بجاوب

يعني هون فيكي تطلعي الخامر والفطير



رولا بتمنى انو تجاوبي على الاسئلة الليوم مو متل هديك المرة

[brave heart]

يا جماعة بكرة الحلقة الاخيرة مع رولا وهي اسئلة الاعضاء يلي بدو يسأل رولا شي يبعتلي مشان نسألها

السؤال بالحلقة الاخيرة

وشكرا

[أم الرور]

1

-

nebomrj

كرمي على درب
فيه العنب وفيه الحصرم
فلا تلمني يا عابر السبيل
إن أنت أكلت منه فضرست
لكل كلمة أذن
ولعل كلماتي ليست لأذنك
فلا تتهمني بالغموض

بتعجبني لكل كلمة أذن و لعل كلماتي ليست لأذنك

ريم الفارس


عبر الدهور و الأزمان تاريخ مملوء
بقديسين و شهداء بحبه يماتونَ
نحن لهم مدينون فقد علمونا :
لا أحد يقلب التاريخ مثل يسوع

أكيد ما حدا بيقلب التاريخ متل يسوع رمروم الغالية الرب معك

-3-

raghed
شو بينفعني عيونك تدمع وتقولي ندماني
لا تناديني مش رح اسمع وانسيلي عنواني
وانسيني لو بدي إرجع .... من زمان رجعتلك

</B>

ما بعتقد رغودي لأنه قلبك طيب و رح ترجعي أكيد ولوووو

-4-

سوسو

دلوعة وبحب اتدلع ..

</B> و ما بيلبق لغيرك الدلع أم السوس الغالية

-5-

brave heart


سأهدم الكنائس واحرق المساجد ..... وامضي خلفكي ايتها الانسانية

لا تسألني عن ديني .. شرف لي من المهد الى اللحد اني ملحد .

الانسانية ليست في الإلحاد و انا لن أسألك عن دينك لأنك مسيحي و لكن بحكم ظروفك تدعي الإلحاد و تثور على الأديان السماوية

[أم الرور]

القسم الثاني من الاسئلة عبارة عن صورة وتعليق بدك تعطينا شو بتعني لرولا هي الصورة

وياريت تروحي لابعد من الصورة يعني لاي مكان او شي ممكن تحكيه ..

(( صورة وتعليق ))

-1-

كل ما بتطلع عليا بشعر براحة من جوا بتمنى تضل معي و تكون مع الكل

-2-

ريحتو بتخليني أرجع طفلة زغيرة عم تجمع ورد الياسمين و تعملو أساور و أطواق
الياسمين هوي الورد المفضل عندي

-3-

بتاخدني لبعيد ما بعرف لوين بعشق النواعير و بعشق صوتا لك يأبرني رب حماة شو بحبا

-4-

ما طلعت هي الصورة

-5-

حلمي روح عليا و هيي محررة

[أم الرور]

الليوم وصلنا للفقرة الاخيرة من الحلقة الثانية ما قبل الاخيرة هي الفقرة

رح نتبادل الادوار فيها بدك تسأليني من 3 الى 5 اسئلة وانا بجاوب

يعني هون فيكي تطلعي الخامر والفطير

الله وقعك بين إيديي يالله بريف جاوب ....

1- إيمت حسيت حالك أول مرة أنك ما بتآمن بالله و كيف تعزز هاد الشعور عندك و تطور للإلحاد ؟؟؟؟
2- إذا خيروك بين أهلك و حبيبتك مين بتختار؟؟؟؟
3- شو بيعنيلك الوطن ؟؟؟؟

[brave heart]

هلق الصورة يلي ما طلعت عندك هية للوسوف ...

الله وقعك بين إيديي يالله بريف جاوب ....

1- إيمت حسيت حالك أول مرة أنك ما بتآمن بالله و كيف تعزز هاد الشعور عندك و تطور للإلحاد ؟؟؟؟
2- إذا خيروك بين أهلك و حبيبتك مين بتختار؟؟؟؟
3- شو بيعنيلك الوطن ؟؟؟؟

العمى حدا بجيب الدب لكرمو ... انا !!!

1- إيمت حسيت حالك أول مرة أنك ما بتآمن بالله و كيف تعزز هاد الشعور عندك و تطور للإلحاد ؟؟؟؟

طول عمري من لما وعيت بشك انو يكون هاد الرب المحب عم يشوف يلي عم يصير وساكت ..

بعدين لما صرت اقرا واتطلع حولي وصار وعي وشوف عدة شغلات ومصايب بعدين اتجهت نحو الماركسية والمادية والافكار اليسارية بهالوقت صارت الفكرة ,, ولما قريت عن المادية صرت ما آمن الا بالشي المادي الملموس وهيك وصلت لفكرة اللحادي يلي بعتز فيها ,,
وبعتز بأني ماشي على تعاليم المسيح العظيمة كطريقة للتعامل مع البشر وليس كايمان .

ملاحظة بتمنى هاد السؤال يوقف هون وما يتحول للنقاش لانو بخالف رسالة المنتدى


2- إذا خيروك بين أهلك و حبيبتك مين بتختار؟؟؟؟

انا حاليا اهلي كلهم شحص واحد هوة اخي واذا صار وخيرت اكيد رح اختار اهلي بس انا بعرف اخي انو بيحترم رأيي وما بوقف بوجه سعادتي

3- شو بيعنيلك الوطن ؟؟؟؟

اخ يا ام الرور وين حطيتي ايديك الوطن بيعنيلي الام والشي يلي بيجرحني اني عم حس كل يوم اني عم بخسرو تخيلي خسارة الام مرتين ..الوطن عشق كرامة يعني فقدان الكرامة بالوطن غربة اصعب من غربة البعد عنو .الوطن حب عطاء الوطن الاله ,,
الوطن جرح .اذا بضل اكتب للصبح مابخلص معنى كلمة وطن


خلصت الحلقة التانية من حوار العمر مع رولا بكرا الحلقة الاخيرة مع ام الرور برجع بقول يلي بدو يسألها شي يبعتلي السؤال على الخاص . وكمان اي ملاحظات على طريقة الاسئلة او اقتراحات بتمنى تنبعت ,

شكرا

[أم الرور]

ما حدا يبعت شي خلوا الحلقة بكرا كلها ديعايات

[brave heart]

ما حدا يبعت شي خلوا الحلقة بكرا كلها ديعايات

ما عم لحق اسئلة يعني بكرة ليلتك سودا

[أم الرور]

وليييييي

[brave heart]

(( حوار العمر )) الحلقة الاخيرة مع رولااااا

سلااااااااااا م شباب الليوم الحلقة الاخيرة مع ام الرور

الحلقة هي اسئلة حرة ,, انو اي شخص بدو يسأل الضيف سؤال بيبعتلي السؤال على الخاص

وانا بطرحو على الضيف بس فكرة هي الحلقة غير موفقة وما بعرف السبب لهيك قررت غيرها باللقاءات القادمة او عدل عليها ...

المهم : ما اجاني الا سؤال واحد

(( اسئلة حرة ))

MAJD
الـشـيـخ
سؤالي لأم الرور :

ليش ما شفنا لاخوكي !!!!

و شو بيعني اخوكي بالنسبة الك ؟؟


ثانك يو


brave heart

سؤالي هوة شورأيك بالبرنامج

وبادارة المنتدى ... من حيث الاداء لواجبهم

وكلمة اخيرة ؟؟