شو رايكم ؟؟

[مارغريت]

شباب صبايا كيفكم ؟

ان مجتمعنا العربي لا يتقبل المريض النفسي ويعتبره مريض عقلي
فسوالي لكم :
1- ما هو المرض النفسي في نظركم؟
2-ما هي نظرتكم لشخص الذي يذهب لطبيب نفسي؟
3-هل فعلا المريض النفسي هو مريض عقلي اذا كانت اجابتكم( لا) ما الفرق بينهما ؟
4-الا تظنون اننا نظلم المريض النفسي عندما نقول عنه مريض عقلي ؟
5- ما هو رأيكم بطبيب النفسي والمريض النفسي ؟
ارجو الاجابة عن اسئلتي بحسب قناعنتكم الشخصية
ولكم مني كل المودة والاحترم

[riham]

رد: شو رايكم ؟؟؟

برأيي كل شخص بهالحياة عندو عقد وامرض
بس طبعا بتفوات

والدكتور نفسي شي كتير حلو واي شخص محتاجو
عالقليلة كلنا منحتاج لشخص نحكيلو ويفهمنا وينصحنا بصدق مو يجاملنا متل رفقاتنا او يدمرنا متل بعض العالم الي لمى بتحكيلهن شي بيستغلو هالشي لحتى يخليكن تحت اكتر

[على هامان يا لبنان]

رد: شو رايكم ؟؟؟

ما في انسان ما فيه مرض نفسي نتيجة الكبت الاجتماعي او كبت الغضب او عدم التعبير الكافي ممكن يكون كبير باثر عحياتو وممكن يكون صغير مو ظاهر للناس اللي حوليه وبالنهاية الكل بدو دكتور او خلينا نسميه مستشار نفسي يفهمو ويخلصو من هالكبت

[RAMIKING]

رد: شو رايكم ؟؟؟

كل انسان بداخلو مريض نفسي..
وكل انسان بنفس الوقت كمان بداخلو طبيب نفسي..
انا بعرف مهندس احيانا بيكون مريض واحيانا بيكون طبيب..
احيانا كتير الهرمونات ممكن تاثر عالمرض النفسي للبني ادم..
وممكن تأثر ع مهنتو كمان..
المهم المرض النفسي موعيب ابدا .. ومو غلط علاجو..لانو باغلب الاحيان بيكون ناتج عن طروف خارجية خارجة عن ارادة الانسان .. مع وجود بعض الحالات اللي بيفرضا الانسان على نفسه.. كالعشق والكره والغضب وداء العظمة ........


شكلي انا كمان صار لازم روح ع طبيب نفسي...

[مشاكس]

رد: شو رايكم ؟؟؟

انا برأيي كل شخص عندو تعقدات نفسية وازمات نفسية بس كمجتمع عربي مو مقبول ابدا روحة عل دكتور بسموه مجنون وبتطلع عليه ميت قصة وقصة والمريض العقلي بيختلف عن المريض نفسي طبعا لانو العقلي هيك خلق معو اضطرابات بعقلو اما المريض نفسي بكون نظامي وانسان عادي بس عندو تعقدات او ازمات نفسية بسبب الضغوط واي شيئ محيط فييه ممكن يعمل منو مريض نفسي مشكووورة عل موضوع تحياااتي....

[مارغريت]

رد: شو رايكم ؟؟؟

برأيي كل شخص بهالحياة عندو عقد وامرض
بس طبعا بتفوات

والدكتور نفسي شي كتير حلو واي شخص محتاجو
عالقليلة كلنا منحتاج لشخص نحكيلو ويفهمنا وينصحنا بصدق مو يجاملنا متل رفقاتنا او يدمرنا متل بعض العالم الي لمى بتحكيلهن شي بيستغلو هالشي لحتى يخليكن تحت اكتر

مشكورة على المرور اختي


تحياتي

[white jasmin]

رد: شو رايكم ؟؟؟

1- ما هو المرض النفسي في نظركم؟
هو خلل بالشخصية ومشكلة اجتماعية بيعانيها الشخص بحياتو
2-ما هي نظرتكم لشخص الذي يذهب لطبيب نفسي؟
المرض النفسي بدو علاج متلو متل اي مرض تاني
3-هل فعلا المريض النفسي هو مريض عقلي اذا كانت اجابتكم( لا) ما الفرق بينهما ؟
اكيد لا ...........المريض العقلي عندو مشكلة بعقلو ممكن ضمور او تأخر نمو بينما المريض النفسي انسان سوي عقليا بس عندو مشكلة بالتعبير عن نفسو
4-الا تظنون اننا نظلم المريض النفسي عندما نقول عنه مريض عقلي ؟
اكيد
5- ما هو رأيكم بطبيب النفسي والمريض النفسي ؟
الطبيب النفسي مهنة جميلة جدا لأن كتير حلو تساعدي انسان ليطلع من مشكلة وخاصة بمجتمع متل مجتمعنا اذا بتغلطتي بالحكي بدو يدقق
المريض النفسي انسان بحاجة لمساعدة ليتخطا مشكلة التي يعانيها

ميرسي عالموضوع المميز

[مارغريت]

رد: شو رايكم ؟؟؟

ما في انسان ما فيه مرض نفسي نتيجة الكبت الاجتماعي او كبت الغضب او عدم التعبير الكافي ممكن يكون كبير باثر عحياتو وممكن يكون صغير مو ظاهر للناس اللي حوليه وبالنهاية الكل بدو دكتور او خلينا نسميه مستشار نفسي يفهمو ويخلصو من هالكبت

بشكرك على رأيك
تحياتي

[pearl jesus]

رد: شو رايكم ؟؟؟

1- ما هو المرض النفسي في نظركم؟

هلأ كلياتنا عنا مشاكل نفسية نتيجة التربية و المجتمع يلي عايشين فيه متل الشعور بالرفض او صغر النفس او الخوف ........ اما ازا تفاقمت هي القصص فبصير مرض نفسي متل الاكتئاب يلي برايي هو نتيجة كل هالمشاكل النفسية ( انا عم احكي عن رايي الشخصي ) و المرض النفسي متلو متل اي مرض بيحتاج لعلاج و لطبيب
2-ما هي نظرتكم لشخص الذي يذهب لطبيب نفسي؟

انا بشجع لكل واحد يكون عندو مستشار نفسي او طبيب لانو هي الشغلة لا عيب و لا حرام و بالنسبة الي يسوع هو اول طبيب نفسي بالجأ الو

3-هل فعلا المريض النفسي هو مريض عقلي اذا كانت اجابتكم( لا) ما الفرق بينهما ؟

اكيد لاء بس بيرتبطو ببعض يعني ممكن المرض العقلي يكون سببو مرض نفسي و بظن انو المرض العقلي هو شي عضوي اما المرض النفسي فهو بيتعلق بمشاعر الانسان لانو الانسان بيتكون من نفس و روح و جسد

4-الا تظنون اننا نظلم المريض النفسي عندما نقول عنه مريض عقلي ؟

اي بالتاكيد عم نظلمو

5- ما هو رأيكم بطبيب النفسي والمريض النفسي ؟

انا كتير كنت بحب ادرس علم نفس و كون طبيبة نفسية و المريض النفسي شخص محتاج لمساعدة و علاج

[Samar]

رد: شو رايكم ؟؟؟

شي مهم إنو كل ما منواجه مشكله ع طوول نستشير الطبيب النفسي... لأنو تراكم المشاكل دون حلها كفيل بتكوين مرض نفسي

و أصلا ما في حدا سليم تماما من الناحية النفسيه... بس فيه حدا يعترف و يبحث عن حل عند الطبيب النفسي و في حدا ينكر أو يتجاهل المشكلة

[شبلة الأسد]

رد: شو رايكم ؟؟؟

- ما هو المرض النفسي في نظركم؟

هو مرض ناتج عن المشاكل والظروف يلي مر فيها الإنسان بحياتو وأكيد مرتبط بالبيئة يلي عاش فيها ..

2-ما هي نظرتكم لشخص الذي يذهب لطبيب نفسي؟

بحترمو كتييير .. لأنو بعرف إنو هو إنسان متصارح مع حالو ومتخلص من كل تعقيدات المجتمع ..

3-هل فعلا المريض النفسي هو مريض عقلي اذا كانت اجابتكم( لا) ما الفرق بينهما ؟
هلأ هو مو نفسو بس إذا تأزم وضع المريض النفسي وما تعالج ممكن يصير مريض عقلي

4-الا تظنون اننا نظلم المريض النفسي عندما نقول عنه مريض عقلي ؟
100% ظلم

5- ما هو رأيكم بطبيب النفسي والمريض النفسي ؟
الطبيب النفسي :هو إنسان صبور كتيير وبعتقد إنو بيكون كتييير تعبان بحياتو أكتر من أي إنسان ..لأنو هو الوحيد يلي بيسمع مشاكل العالم وبيساعدن لحلا ..وبالنهاية هو بيضل إنسان يعني نفسيتو بتتعب وبتتأثر
المريض النفسي : هو إنسان مرق بظروف صعبة خلتو ينطوي على حالو



شكراً إلك عالموضوع الحلو .. خليتيني فكر بشغلات بحياتي ما فكرت فيها

[رنومة]

رد: شو رايكم ؟؟؟

[quote=مارغريت;954400]

1- ما هو المرض النفسي في نظركم؟

هو انو انسان محتاج لحدا يرجعلو حالتو متل الاول ويصلح من حالو
2-ما هي نظرتكم لشخص الذي يذهب لطبيب نفسي؟
انسان بيفهم لانو بيعرف انو مسش كل انسان كامل
3-هل فعلا المريض النفسي هو مريض عقلي اذا كانت اجابتكم( لا) ما الفرق بينهما ؟
لا طبعا مش مريض عقلي لانو هوي مش مرض هوي حالة نفسية
4-الا تظنون اننا نظلم المريض النفسي عندما نقول عنه مريض عقلي ؟
اكييد لانو هوي لا يعتبر مريض
5- ما هو رأيكم بطبيب النفسي والمريض النفسي ؟
الطبيب النفسي انسان واعي بيساعد الي محاتج والمريض هوي انسان محتاج مساعدة وبس

[nice girl]

رد: شو رايكم ؟؟؟

- ما هو المرض النفسي في نظركم؟
المرض النفسي هوي خلل بيطرأ على نفسية الانسان بتفقدو توازنو بالحياة

2-ما هي نظرتكم لشخص الذي يذهب لطبيب نفسي؟
نظرة تفاؤل انو في ناس مابتهتم للكلام الفاضي ورايحة لتعالج حالا

3-هل فعلا المريض النفسي هو مريض عقلي اذا كانت اجابتكم( لا) ما الفرق بينهما ؟
اكيد لأ المريض النفسي نفسيتو بتكون تعبانة
اما المريض العقلي بكون في مشكلة بعقلو

4-الا تظنون اننا نظلم المريض النفسي عندما نقول عنه مريض عقلي ؟
طبعاً لأن مجتمعنا بيحكم ع كل شي من المظهر

5- ما هو رأيكم بطبيب النفسي والمريض النفسي ؟
الطبيب النفسي انسان مؤهل بأنو يساعد الاشخاص المحتاجة مساعدتو
والمريض النفسي انسان عادي متلو متل اي شخص تاني بس محتاج شوية رعاية واهتمام

[كليوبترا]

رد: شو رايكم ؟؟؟

من الآخر هيك .. أكيد معروف شو هوي المرض النفسي وشو هوي المرض العقلي بس الشي اللي كتار بيجهلوه أنو المريض النفسي بيدرك أنو عندو مشكلة وهالشي بيخلليه مدرك لوجود حل واللي هوي الطبيب النفسي (ببساطة)
أما المريض العقلي فما بيكون مدرك أنو مريض وأنو لازمو علاج وبالتالي بيرفض العلاج رفض قطعي مما يؤدي لتشكيله خطر كبير عالمجتمع .