لماذا .. الله ؟ ليس كفرا لكن من حقي ان اسأل

[usama]

الله
ليس لوجوده بداية
ولا نهاية لماذا ؟؟؟
لا سبب لوجوده ولا غاية لكنه فقط موجود في الفراغ .. خارج الكون او داخله .. يتحكم في كل الاشياء ..حينما شاء ..خلق الكون لماذا ؟؟؟ثم خلق الشيطان لماذا؟؟؟؟ ثم خلق الانسان لماذا؟؟؟؟ دون ادنى سبب .. ثم خلق الجنة والنار لماذا؟؟؟؟ خلق النار ليحشر فيها الشيطان ومن يتبعه لماذا خلقهم اساسا؟؟؟؟؟ لماذا يخاطبنا بالالغاز؟؟؟ ماذا سيستفيد هل سيزداد قوة !!!
لماذا يستعبدنا ؟ لماذا يهمه ماذا نفعل ؟ او لا نفعل ؟ بوسائل بدائية جدا.. لماذا يرسل عدة رسالات ؟؟؟؟ويتركنا نتصارع بيننا ! دون ان يحرك ساكن !.. لماذا الشرور تملاء الارض؟؟ لماذا الاطفال يقتلون؟؟ والابرياء يشنقون؟؟ كل هذه الانهار من الدماء والله لا يحرك ساكنا!؟؟
على عرشه .. الملائكة تسبحه في السماء.. ونحن نغرق في الدماء .. ما هو ذنبي .. ما هي خطيئتي.. ماذا فعلت ....هل اخترت شيئا؟ .. هل اخترت ان اكون؟.. هل اخترت بدايتي؟.. هل اعرف نهايتي؟.. ليس كفرا.. لكن من حقي ان اسأل ....

[haya]

رد: لماذا..الله. ليس كفرا لكن من حقي ان اسأل

ذكرتني وقت كنت صغيرة كنت ضل اسأل ماما هالسؤال وتقلي هالسؤال من الشيطان

بعد ماكبرت عرفت ان صح هالسؤال من الشيطان لان بده يحاول تضليلنا عن الله, هالسؤال ما اله جواب لان الله خلق الانسان وعطاه قدرة كبيرة من الذكاء بس لنعرف هالشي ونعرف جوابه تفكير الانسان محدود ما عنده القدرة ليعرف الجواب

[Abd Almassih]

رد: لماذا..الله. ليس كفرا لكن من حقي ان اسأل

اي لما بنصلي لــــــــ الله بيزداد قوة وبيطول عمرو يعني هو بيتغذى ع صلوانتا

[usama]

رد: لماذا..الله. ليس كفرا لكن من حقي ان اسأل

ذكرتني وقت كنت صغيرة كنت ضل اسأل ماما هالسؤال وتقلي هالسؤال من الشيطان

بعد ماكبرت عرفت ان صح هالسؤال من الشيطان لان بده يحاول تضليلنا عن الله, هالسؤال ما اله جواب لان الله خلق الانسان وعطاه قدرة كبيرة من الذكاء بس لنعرف هالشي ونعرف جوابه تفكير الانسان محدود ما عنده القدرة ليعرف الجواب

هههههههههههههههههههههههه طيب ليش هالشيطان بدو يضللنا عن الله ...انو يعني بدو يزيد رصيدو من العالم مثلا ما بعرف القصة قصة شعبية برأيك ........ههههههههه انو عطاه ذكاء كبير وتفكير محدود انو مو تناقض برايك

[usama]

رد: لماذا..الله. ليس كفرا لكن من حقي ان اسأل

اي لما بنصلي لــــــــ الله بيزداد قوة وبيطول عمرو يعني هو بيتغذى ع صلوانتا

ههههههههههههههههههه ممكن

[haya]

رد: لماذا..الله. ليس كفرا لكن من حقي ان اسأل

هههههههههههههههههههههههه طيب لي

ش هالشيطان بدو يضللنا عن الله ...انو يعني بدو يزيد رصيدو من العالم مثلا ما بعرف القصة قصة شعبية برأيك ........ههههههههه انو عطاه ذكاء كبير وتفكير محدود انو مو تناقض برايك

هههههههههههه, الشيطان خلق من نار واول ما خلق ادم عليه السلام الشيطان اتدايق لأن ميزه عن ابليس فأول شي عمله الشيطان ان وسوس بعقل ادم ليقطف التفاحه هالقصه أكيد بتعرفها

بس وقت الله سبحانه وتعالى عاقب ادم وحوا ونزلهم عالارض الشيطان اتحدى الله ان رح يخلي اكبر قدر من العالم تدخل معه عالنار عن طرق ان يوسوسلهن ويبعدهن عن الدين الحق وعن الايمان بوحدانيه الله سبحانه وتعالى

بالدين بالاسلام والمسيحيه الله هو نور


الله نور مطلق، نور ليس في أكنافه ذرّة ظلام، هو نور العالم كلّه.
﴿اللَّهُ نُورُ السَّمَاوَاتِ وَالْأَرْضِ...﴾ 1.

إنّه نور أزليّ سرمديّ، لا غروب له ولا أفول، نور عمَّ كلَّ الأشياء،
﴿... فَأينمَا تُولُّوا فثَمَّ وجهُ اللهِ...﴾ 2.

وجبتلك اجابه لشيخ:

ما هو الفرق بين الشيطان و إبليس ؟
الفرق بين الشيطان و بين إبليس هو أن الشّيطان اسم جنس عام يشمل كل موجودٍ مؤذٍ مغوٍ طاغٍ متمرّد ، سواءً كان إنساناً أم غير إنسان ، أما إبليس فهو اسم عَلَمٍ خاص للشيطان الذي أغوى آدم ( عليه السَّلام ) و هو الذي أقسم على إغواء أبناء آدم حيث قال : ﴿ قَالَ فَبِعِزَّتِكَ لَأُغْوِيَنَّهُمْ أَجْمَعِينَ * إِلَّا عِبَادَكَ مِنْهُمُ الْمُخْلَصِينَ ﴾ [1] .
هل خلق الله إبليس لكي يغوي الناس ؟
إن الله عَزَّ و جَلَّ لم يخلق إبليس لمَّا خلقه شيطاناً لكي يوسوس في قلوب الناس و يقوم بإغوائهم و إبعادهم عن الخير و السعادة ، بل خلقه مُختاراً طاهراً و صالحاً و كان من العُبَّاد ، و رغم كونه من الجن إلا أنه تمكن من أن يصبح من المقربين لدى الله عَزَّ و جَلَّ لشدة طاعته و عبادته ، و لكنه لمَّا خالف أمر الله بالسجود لآدم ( عليه السَّلام ) نزل عن هذه المرتبة السامية و أبعده الله عن رحمته فأصبح شيطاناً رجيماً ، و ذلك بسبب سوء اختياره و تكبّره و حسده لآدم و انحرافه و إتباعه لهوى النفس و طلبه للجاه و العلو .
و إلى هذه الحقيقة يُشير القرآن الكريم و يذكر قصة إبليس و كيف أنه أصبح شيطاناً رجيماً بعيداً عن رحمة الله جَلَّ جَلالُه بعد أن كان مُقرباً ، يقول القرآن الكريم : ﴿ إِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِن طِينٍ * فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ * فَسَجَدَ الْمَلَائِكَةُ كُلُّهُمْ أَجْمَعُونَ * إِلَّا إِبْلِيسَ اسْتَكْبَرَ وَكَانَ مِنْ الْكَافِرِينَ * قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ أَسْتَكْبَرْتَ أَمْ كُنتَ مِنَ الْعَالِينَ * قَالَ أَنَا خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ * قَالَ فَاخْرُجْ مِنْهَا فَإِنَّكَ رَجِيمٌ * وَإِنَّ عَلَيْكَ لَعْنَتِي إِلَى يَوْمِ الدِّينِ * قَالَ رَبِّ فَأَنظِرْنِي إِلَى يَوْمِ يُبْعَثُونَ * قَالَ فَإِنَّكَ مِنَ الْمُنظَرِينَ * إِلَى يَوْمِ الْوَقْتِ الْمَعْلُومِ * قَالَ فَبِعِزَّتِكَ لَأُغْوِيَنَّهُمْ أَجْمَعِينَ * إِلَّا عِبَادَكَ مِنْهُمُ الْمُخْلَصِينَ * قَالَ فَالْحَقُّ وَالْحَقَّ أَقُولُ * لَأَمْلَأَنَّ جَهَنَّمَ مِنكَ وَمِمَّن تَبِعَكَ مِنْهُمْ أَجْمَعِينَ

بس بدي اسألك سؤال انت مسلم أما مسيحي؟؟؟

وبعتذر من ادارة المنتدى ان حطيت آيات قرآنية بس انا ماهدفي التفريق هدفي بس أكد حكيي بشواهد

[usama]

رد: لماذا..الله. ليس كفرا لكن من حقي ان اسأل

هههههههههههه, الشيطان خلق من نار واول ما خلق ادم عليه السلام الشيطان اتدايق لأن ميزه عن ابليس فأول شي عمله الشيطان ان وسوس بعقل ادم ليقطف التفاحه هالقصه أكيد بتعرفها

ليش برأيك آدم وحوا كانو موجودين....... انو في اشخاص بزاتن اسمن آدم وحوا ؟؟؟؟؟؟؟؟؟؟؟

[haya]

رد: لماذا..الله. ليس كفرا لكن من حقي ان اسأل

ليش برأيك آدم وحوا كانو موجودين....... انو في اشخاص بزاتن اسمن آدم وحوا ؟؟؟؟؟؟؟؟؟؟؟

ولي عقامتي

لكن من وين جينا نحن اذا مافي آدم وحوااااا؟؟؟؟؟؟؟؟؟؟؟؟؟

اي يا عمي في وبالاديان السماوية كلها بتثبت هالشي

هي مو قصه قبل النوم

ماقلتللي انت مسلم أما مسيحي ؟؟

[usama]

رد: لماذا..الله. ليس كفرا لكن من حقي ان اسأل

ولي عقامتي

لكن من وين جينا نحن اذا مافي آدم وحوااااا؟؟؟؟؟؟؟؟؟؟؟؟؟

اي يا عمي في وبالاديان السماوية كلها بتثبت هالشي

هي مو قصه قبل النوم

ماقلتللي انت مسلم أما مسيحي ؟؟

يــــــــــــــــــــــا هيا بدي بس تحكمي المنطق هون وليس الايمان الاعمى ......... لن ادخل في تفاصيل انه ايعقل ان تكون البشرية من شخصين فقط وهما آدم وحوا وانه اولادهم "الاخوة " تزوجو لتأتي البشرية هاذا يناقض مبدأ الله لا يحده الزمان او المكان وما حلله الله منذ ملايين السنين لا يعقل ان يحرمه الآن "على مبدأالمتدينين "

قصة آدم وحواء هي قصة تخيليلة منقولة عبر العصور والدهور لتبسيط قصة الخليقة وبأمكانك استشارة رجل دين بالموضوع ......" ايعقل انو تفاااااااااااااحة قررت مصير البشر

[كلك حلا]

رد: لماذا .. الله ؟ ليس كفرا لكن من حقي ان اسأل

الرب اكيد هو البدايه والنهايه هو الالف وهو الياء

اسئلتك كتير فيها شر لانها من الشر الموجود على الارض الرب خلق الخير وخلق كل شي بمحبه وما كان في شر
بس وضع لكل البشر حرية الإختيار ومعظم النس اختاروا الشر

الشر مو مخلوق بس هو موجود من البدايه من لما ادم قطف التفاحه

[haya]

رد: لماذا..الله. ليس كفرا لكن من حقي ان اسأل

يــــــــــــــــــــــا هيا بدي بس تحكمي المنطق هون وليس الايمان الاعمى ......... لن ادخل في تفاصيل انه ايعقل ان تكون البشرية من شخصين فقط وهما آدم وحوا وانه اولادهم "الاخوة " تزوجو لتأتي البشرية هاذا يناقض مبدأ الله لا يحده الزمان او المكان وما حلله الله منذ ملايين السنين لا يعقل ان يحرمه الآن "على مبدأالمتدينين "

قصة آدم وحواء هي قصة تخيليلة منقولة عبر العصور والدهور لتبسيط قصة الخليقة وبأمكانك استشارة رجل دين بالموضوع ......" ايعقل انو تفاااااااااااااحة قررت مصير البشر

يـــــــــــــــــــــــا خيو العقل البشري عنده طاقه محدوده, رب العالمين ما عطى البشر سر الوجود وقصه آدم وحوا حقيقه والتفاحه مو هي يلي حددت مصير البشريه يلي حدد مصير البشريه ان الله سبحانه وتعالى بده يشوف صبر آدم و الشيطان وسوس بآدم ليعمل هالشي

[usama]

رد: لماذا .. الله ؟ ليس كفرا لكن من حقي ان اسأل

الرب اكيد هو البدايه والنهايه هو الالف وهو الياء

اسئلتك كتير فيها شر لانها من الشر الموجود على الارض الرب خلق الخير وخلق كل شي بمحبه وما كان في شر
بس وضع لكل البشر حرية الإختيار ومعظم النس اختاروا الشر

الشر مو مخلوق بس هو موجود من البدايه من لما ادم قطف التفاحه

تفـــــــــــــــــــــــــــــاحة

[كلك حلا]

رد: لماذا .. الله ؟ ليس كفرا لكن من حقي ان اسأل

تفـــــــــــــــــــــــــــــاحة

هههههههه اي اسفه بس انا عندي كتير تساؤلات عن هالقصه وكل ما اسأل حدا بقلي نفس الشي

بس اللي بعرفو الشر موجود من البشر ومو مخلوق والرب خلانا نختار

يعني منشان قربلك فكرتي واحد ولد اعمى وسألو الرب من اخطأ امو او ابوه لحتى ولد أعمى

الرب قال لا امو ولا ابوه لكنه ولد اعمى لكي تظهر اعمال الرب فيه

متل كتير بشر هلأ بتظهر فيها اعمال الرب من خلال المعجزات وهيك


اسفه على ركاكة الكلمات بس ما عرفت اشرح اكتر من هيك

[Iden]

رد: لماذا .. الله ؟ ليس كفرا لكن من حقي ان اسأل

اسامة صديقي ... احسن شي تعملوا انو لا تفكر بهل الاسئلة لان ماالها لا بداية ولا نهايا فعيش حياتك بكل بساطة .
والايمان هو اهم شي
لان اذا ما امنت ورحت عند الله وطلع موجود وقتها شو راح تقلوا ??

[عفريت الحب]

رد: لماذا .. الله ؟ ليس كفرا لكن من حقي ان اسأل

سوري بس شفت كتير مغالطات وما قدرت اسكت
هلق أول شي إذا قلت أنو ماكان بس آدم وحوا فأنت نسفت المسيحية كلا
لأنو بانسان واحد دخلت الخطيئة للبشر وبانسان واحد أزيلت
ولو كان في غيرون ليش لحتى يعاقب البقية؟
تاني شي الشيطان أو إبليس أو بعلزبول أو أي اسم تاني مو لأنو ما رضي يسجد لآدم صار يحارب الرب
الشيطان كان اسمو كوكب الصبح المنير
ويرمز له برؤيا يوحنا 666 والمعلوم أنو 7 رقم كمال و ال6 ناقص
الرب طرد الشيطان لأنو كان مفكر حالو بأنو صار بيقدر يغلب خالقو
وتالت شي آدم وحوا نزلو عالأرض لأنون كذبو وماندمو مو لأن الله بدو يشوف تحملون
الله ما خلقنا لعبة ليتسلى فينا
و بعدين وقت واحدنا بصلي مانو عم يصلي مشان الله أو عم يصوم مشان الله هوي عم يصلي ويصوم مشان حالو
ومشان الجنة والنار انتظرو مني موضوع بس لخلص فحص
ومشان سؤالك أنو لي كل هالشي عم يصير نحنا السبب
من وقت أكل آدم الثمرة - الي مو مذكور بالكتاب المقدس كنو تفاحة أو لأ وهيي بترمز للخطيئة مو الفكرة أنو أكلو ثمرة أو هأ- نحنا حكم علينا بالموت


تقبل مروري وعلامات الدهشة والي رجعة

[TAMAR]

رد: لماذا .. الله ؟ ليس كفرا لكن من حقي ان اسأل

ومن قال لك بأن الله لا يحرّك ساكناً
كل أمر جيد أو غير جيد يحدث في حياتك ، ليس محض صدفة
إنما هي يد الله التي تعمل في حياتنا
كم من أزمات خرجنا منها بمساعدة الرب
أما الأمور السيئة فلك أن تسميها تجارباً، نخرج منها أقوى من ذي قبل
فهذه التجارب هي التي تمكننا من مجابهة أمور أكبر سنلتقي بها حتماً في مستقبلنا القريب أو البعيد

هناك أفكار تناولتها لم أتكلم عنها ربما لأنني لا أؤمن ببعضها أو لأنني أملك موقفا حازماً منها وبالحالتين هم مواقف تعبر عن رأي شخصي وخاص بي نوعاً ما.
على الهامش: يا زلمة أيوب والتجارب اللي مرق فيا ما سألت أسئلتك

[AboJado]

رد: لماذا .. الله ؟ ليس كفرا لكن من حقي ان اسأل

أسامة
أدم وحوا ما كانوا هنن الأساس
وبرأي غير موجودين
ومشان التفاحة
بالأنجيل ما في شي أسمو تفاحة
والقصة رمزية مو أكتر


ومشان الشيطان
إذا أنت مو عاجبتك فكرة وجودو
بلاه هو مانو موجود أساساً
طبعاً عم أحكي ك وجود مو كفكر
ومافي جنة ونار كمان
وهو ما بيخاطب بالألغاز أبداً
لا ألغاز ولا شي
بس كل اشخص بمفهومو شكل
الشرورو مو ع الأرض
بمخنا
مو قصة بيهتم شو خياراتنا
عاطينا الحرية أساساً
المهم النتائج
وأكيد النتائج من ورا الأعمال
ليش هو ساكن
لأنو إذا بدو يتحرك
كنت صرت أنت عبد
وصار مكتوب كل شي
وما بقى إلك خيار
وما بقى في داعي من وجودك

ومشان الملائكة
مابدي أدخل بكتير نقاشات فرعية
بس نحنا منسميهن ملائكة
يعني متل أدم وحوا

أكيد أنت ما اخترت بدايتك
بس أنت بتختار نهايتك
لأن بدايتك في مين اختارها عنك
وهنن بشر متلك
أبوك وأمك
ويمكن جدك
إذا دفع حق العرس


حلو أنو نفكر
وحلو يكون عنا تساؤلات

بس صدقني كل ما بسطتها
بتطلع أروق وأسهل
ما تعقدها

طبعاُ هي كانت أفكاري الشخصية

مننطر تشريف مشرفنا ملهم شنو هو معلمنا بهيك قصص
محبتي

[AboJado]

رد: لماذا .. الله ؟ ليس كفرا لكن من حقي ان اسأل

أنو صحي أسامة
مو معقول شو بتعرف لغات أنت
كتير يا ماااان

[Dodi]

رد: لماذا .. الله ؟ ليس كفرا لكن من حقي ان اسأل

اسئلتك بتدل انو الله شماعة لكل شي مع انو اصل الشر بالعالم هو الانسان
اما يا صديقي بالنسبة لآدم وحوا فهي قصة رمزية متل ما قال ابو جادو لنفهم نحنا كيف بلش الطمع بالعالم ...يعني حتى التأله كان هدف بيوم من الايام للانسان أما عن وجود الله فاذا بتفسرلي سبب الترتيب الكوني الخارق يلي من سابع المستحيلات يكون صاير بالصدفة بدون علة لوجودو الترتيب الكوني يلي ما في أي خلل أو نقص وجود مئات البلايين من المجرات وكل مجرة فيها مئات البلايين من النجوم ما بيصطدم بعضا ببعض و مدار القمر حول الأرض بيختلف كلياً عن مدار الأرض حول الشمس من المستحيل أنو يصير تصادم بين الشمس والقمر كمان القمر بيدوربحركة معقدة كتيرفهو بيدور حول الأرض وبيدور مع الأرض حول الشمس وبيدور مع الشمس حول مركز المجرة يلي نحنا فيها وبيدور مع المجرة كلها في مدار كوني ما حدا قدر يعرفو لهلأاما اذا مفكر الله حامل عصاية سحرية وعم يقول كلمات سحرية وينفخ ويأمر انو يصير دمار وحروب وقتل ونهب وسلب فأنت أكيد عم تحكي عن اله موجود بخيالك وانا ما بلومك لانو استقبال وبث الدين عم يتم بأسلوب غريب جدا اساسو الخوف من الله مو احترام الله

[Abd Almassih]

رد: لماذا .. الله ؟ ليس كفرا لكن من حقي ان اسأل

وانا وجاك عم نقرأ ونضحك قرينا بما قرينا
قرينا توقيع ابو جادو " كف عدس" فـــــــــــــــ ليكن كـــــــــــــــف عدس