قلبي محطم

[Le chanteur]

مساء الخير عليكم أصدقائي : أتمنى أن تكونوا بخير، عندي مدة انقطعت فيها عن المنتدى، لأني كنت أواجه مشاكل خاصة، وأردت أن أشارككم بمشكلتي عسى أن أتخلص من هذا الألم، مشكلتي هي أني كنت عامل ثقة كبيرة بصديقة، و كنت أعتقد بأنها مخلصة و إبنة عائلة و ناس، في نهاية المطاف خدعتني و غدرت بي، لم أستطع تقبل هذا، الخيانة هي أسوء الأشياء، إن كان عندكم ما تقولون، فأنا في الإستماع، و سامحوني أرجوكم إن عكرت صفوكم بمشكلتي،
لكم مني كل الشكر

[Dodi]

رد: قلبي محطم

اول شي الحمدالله على سلامتك ويلي بدي قولو انو لا توقف عند هالمشكلة لانو كل انسان معرض للصدمة من ناس كان مفكرن شي وطلعو بعد مرور الزمن شي تاني المهم مو كل حدا بمر بحياتنا ومننصدم في المفروض يخلينا ننعزل عن العالم وكأنو كل الحياة كانت مرتبطة فيه ....بتمنى تقويك هالتجربة وتطلع منا بأسرع وقت ممكن ..

[Le chanteur]

رد: قلبي محطم

شكرا كتير إلك أختي دودي، الشيء الذي أجعني أكثر هو أن هذه الفتاة كانت تعطي انطباع بأنها لطيفة و رزينة و أنها تستحي و تكره المظاهر السلبية مثل الخيانة و الغدر، و في الأخير هي التي غدرت بي، أحيانا أقول بأن الخطأ خطئي لأني وضعت فيها الثقة،...إن شاء الله بتخلص من هذا الألم،
لك مني جزيل الشكر أختي دودي

[pardy]

رد: قلبي محطم

منور المنتدى برجعوك
وغدر هل الصديقة وخيانتا مو يعني كل الصداقات الي رح تواجهك هي نفس الي مرقت
وبرجع بقلك نفس نقطة صديقتي دودي لا توقف عند هل النقطة وخلي التجربة تقويك وما توقف عند هل المشكلة بحياتك

[Shaimaa MK]

رد: قلبي محطم

اخي انا عانيت متلك من ناس وثقت فيهن و وطلعو مو أهل للثقة وهاد من طيبة قلبي المفرطة وصرت افهم كل واحد هلأ بئا انت لا تزعل كتير لأنو فيك تقول قانون صار انو البشر يصيرو مصلحجيين وحاول تطلع من الازمة بطيبة بال ونحنا معك هون

[white jasmin]

رد: قلبي محطم

انا يلي بحب قلك ياه بعد تجربة :
المهم انك ما غلطت وانك ما تغلط وان نيتك كانت صافية بس هيي الغلط مو انت
استفيد من تجربتك مشان ماتنخدع مرة تانية والحياة بتستمر ........

[Nayiry]

رد: قلبي محطم

اغلب العالم يلي حواليكي لو عطيتيهن الفرصة بدن يغدرو فيكي و يخينوكي

الحل انك ما تعطيهن هالفرصة و تاني شي مهم انو اوقات رفقات العمر اخر العمر بتعرفيهن عحقيقتن...

و كمان ما تخلي اي حدا بحياتك مهما كانت الاسباب يكون محور حياتك
لانو انتي الوحيدة يلي لزام تكوني هالمحور

لو البشر كانو مناح و اخل خير عن حق و حقيق...ما كان اصلا لزمن ديانة


طولي بالك و خلي ببالك ديما انو الشر بينبع عن الضعف..و اكيد هالبنت كانت ضعيفة كتير لتفكر بهالطريقة الشريرة..ما تفكري العكس انو هي خدعتك....

و stay strong..because in the end of the day it's the only thing u can rely on

[Le chanteur]

رد: قلبي محطم

شكرا كتير كتير إلكم على وقوفكم معي، الله يعطيكم ألف عافية

[syriangirl]

رد: قلبي محطم

اخي الحياة ما بتوقف عند شخص معين انا مريت اكتر من مرة بهل الموقف هاد و نخدعت من اعز شخص بحياتي بعدت عن العالم فترة بس هالشي ما ساعدني بالعكس تعبني اكتر انا من بعد تجربة بئلك لا تبعد عن العالم كرمل شخص و نحنا كلنا هون معك و كلنا عيلي وحدة و بالاخير يلي راح راح.....

[soubhi77]

رد: قلبي محطم

أبشع شيء في الوجود هو الكذب و الخيانة .. خاصة من شخص وضعت ثقته فيك .... وللأسف تحدث هذه الامور من شخص غير متوقع

اعتبر هذا الشي تجربة و استفاد منها بالمستقبل , وتأكد انك انت المنتصر وانت الرابح لأنك ما غلطت وماخدعت و الطرف التاني كان غلطان

وكمل حياتك ولاتخلي هالشي يغير من مبادئك