تفوق الزوجة المهني

[shark]

إليكم بموضوع يهم فئة لا بأس بها هذا الأمر..

ماذا لو كان الرجل متفوقاُ في مجال عمله ، مثلا طبيب مشهور له صيته لنجاح عملياته و إنتشارها ، كم سيسعد الزوجة أن تكون حرم فلان الفلاني ، أولاً لأنها زوجته ، و ثانياً لأنها أكيد دافع لنجاحه ، بما أنها تؤمن إستقراره الإجتماعي الذي يساعده على تقدمه و نجاحه المهني ، و ثالثاً لأنه والد أولادها...

السؤال هو :

ماذا لو كانت الزوجة في مركز مهني مرموق ، مثلا صاحبة شركة ، أو طبيبة ، أو مديرة مدرسة ، أو لها عملها الخاص... و دخلها الشهري قد يكون كبيراً جداً...
في مقابل أن الزوج هو موظف بسيط ، راتبه الشهري محدود ، أو أنه عامل بسيط دخله محدود ...
كيف ستكون النظرة الثنائية بينهما ، هل يمكن أن يتركان خارج البيت حياتهما المهنية ، و يتعايشان مع بعضهما على أنهما زوجان حبيبان متوافقان ؟؟

و لكم باقي الأمثلة تطروحونها...:

إلى أي مدى قد ينجح هذا الزواج ؟؟
إلى أي مدى ممكن أن تقدم الزوجة تنازلات ؟؟
هل يتقبل أن يشار إليه بأنه زوج لفلانة المشهورة يعني متل ما بنقول زوج الست ؟؟

[SKY ANGEL]

رد: تفوق الزوجة المهني ..

اي ليش لأ يعني وين المشكلة بالاول يعني الزوج ما بيعرف انو خطيبتو شو بتشتغل الا لبعد ما يتجوزها يعني بينصدم فيها مثلا
بالنسبة لألي عادي حتا بعرف زوجات موظفات والرجل بيكون عامل يعني مو موظف وعايشين صارلون عمر مع بعض اهم شي التفاهم من البداية

[shark]

رد: تفوق الزوجة المهني

حابب أعرف رأي الصبايا كمان

[الانثى الحزينة]

رد: تفوق الزوجة المهني

من الضروري انهن يفصلوا مابين حياتهن الزوجية وحياتهن المهنية والا بتخرب علاقتهن مع بعض

الرجل الشرقي بشكل عام حساس من هالناحية يعني ما بحب انو مرته تكون اعلى منه من ناحية مهنية ومادية

لكن ما في مشكلة اذا كانت الزوجة بتشتغل بشي منصب عالي او شغلة مرموقة متل ما قولت وهو موظف بسيط ودخله محدود بشرط انها تحترم مشاعر زوجها وما تحسسه بانها اعلى منه , لانه بالنهاية هو رب البيت وهي ياللي حامله اسمه قدام الله وقدام الناس .

انا عن نفسي اذا نحطيت بهيك موقف مثلا وحسيت انه زوجي مضايق من هالشي رغم انه ممكن ما يورجيني انه مضايق , لكن اكيد انا راح حس بهالشي ف انا مستعدة اتنازل عن شغلي وعن منصبي كرماله , واكيد ما راح قوله اني راح اترك الشغل كرمال انك ما تحس اني اعلى منك مهنياً , لانه هالشي راح يحز بقلبه , فاكيد راح اطلعله مليون حجة بتركي للشغل المهم تبقى ثقته بنفسه عالية .

طبعاااااا برفض كل الرفض انه اسمح لحدا يناديه بزوج الست , واذا حدا سالني " هاد زوجك او سالوه انت زوجها راح رد وقول ( لاء , انا مرته ) .

وطول ما انا عايشة وبتنفس حتى لو كنت حاكمة بلاد وهو مجرد موظف بسيط راح يضل اعلى مني لانه رجل , لانه زوجي وتاج راسي

انا مش عم بحاول كون بنت مثالية قدامكن ولا عم بالغ بحكيي لانو باختصار وببساطة شديدة انا هيك وراح ضل هيك , وراح يضل الرجل بنظري هو الاقوى وهو الاعلى مهما كنت انا قوية او اعلى منه بشغلي .

بتمنى ما حدا يزعل مني لانو بالنهاية انا عم احكي رأيي اللي بعبر عني .

شكرا يا شارك عالموضوع وانا راح ضل متابعة النقاش ...

[shark]

رد: تفوق الزوجة المهني

الله يكتر من أمثالك يا أختي

[RODY]

رد: تفوق الزوجة المهني

بتخيل الزوج اللي رح يقدم على ارتباط من امرأة ناجحة ولها مكانها المرموق بالمجتمع
رح يتمتع بمؤهلات فكرية بترفعو عن الاهتمام بهيك قشور حتى لو ما كان بيملك نفس المستوى المهني
اما انا بكوني انثى فبشوف انو من حقنا نكون ناجحين بعملنا ونثبت وجودنا ونقدم امكانياتنا متلنا متل الرجل
بس بحال هالشي رح يسبب خلاف أو يخلق مشكلة فأكيد الحلول العقلانية موجودة وبدون تقديم تنازلات من الطرفين

[shark]

رد: تفوق الزوجة المهني

[Mariel]

رد: تفوق الزوجة المهني

كيف ستكون النظرة الثنائية بينهما ، هل يمكن أن يتركان خارج البيت حياتهما المهنية ، و يتعايشان مع بعضهما على أنهما زوجان حبيبان متوافقان ؟؟
ليش لا بيوقفوا جنب بعض وبالنهاية النجاح لل 2
شكرا

[بارون داني]

رد: تفوق الزوجة المهني

هلق إذا كان في بيناتون محبة وتفاهم فأكيد مافي مشكلة لأنو بصير نجاح أي واحد بيناتون هو نجاح وفخر للتاني

[lonlygrave]

رد: تفوق الزوجة المهني

أي زوج لديه ما يكفي من الوعي والفكر الناضج سيكون فخور بما انجزت زوجته, وسيكون على وعي تام بمعنى الشراكة التي يتضمنها الزواج. وعلى استعداد تام أن يقدم كل ما يستطيع لتصل زوجته الى هذا النجاح بدون أن يشعرها بما يقدمه من أجلها. فبالنهاية هما جسد واحد وفكر وقلب وروح واحدة.

بس في ملاحظة صغيرة انو زوج الست مصطلح مختلف تماما.