سجل الظاهرة الاجتماعية التي تتمنى زوالها من المجتمع

[haloosh]

كثيرة هي العادات التي اعتاد عليها مجتمعنا ....والتي كثير منا لا يتقبلها ولا يرضاها..


هنا أحببت أن يسجل كل واحد منا الظاهرة التي يتمنى وزوالها من المجتمع..

وأنا رح كون أول من يبدأ بتسجيل هذه العادة:



أرى عادة أسوء من السئية وهي:
التمييز بين الناس حسب المناصب ___ امتلاء الجيبة
يعني اللي معو ليرة بيسوا ليرة
واللي معو 100 بيسوا 100
واللي ما معو شي ما بيسوا شي

[abogabi]

حلوة الفكرة ... مشكورة وهي أنا رح تابع وأبدأ ..

برأيي الحشرية بمجتمعنا متفشية ..

يعني الواحد قبل المرحبة بيقلك وين رايحة وليش وشوفي وروح معك..

إلنا عودة بس يحما النقاش حاكم كتار هدول ..

[anas wassouf]

ممممممممم ............
الظاهرة يلي بدي ياها تزول عنا وخاصة بالجامعات ..........
هي أنو دكتور الجامعة بينجح مين ما بدو وبيرسب مين ما بدك (حسب مزاجو ...)

بتمنى أنو يكون عندون شوية ضميررر ويصحو
ميرسي إلك هلوش موضوع حلووووو ........

[Mimitoo]

يعني بعتذر كتييييييييييير من كل مين بيدخن بس بتمنى زوال ظاهرة التدخين بالأماكن العامةلانو فعلا في ناس ما بتحس بغيرا

[cloude]

اما انا فبتمنى تزول ظاهرة الانانية و الكبرياء اللي صارت مصيبة انا ابوي الشخص الفلاني و انا عمي كذا و خالي مدري شو و علاك مصدي حلنا نفهم انو الله خلقنا متل بعض

[Himow]

مشكورة على أولى مشاركاتك القيمة
بس ما رح إكتب العادات لأنو إذا بكتب كلشي ببالي يمكن مجد يضطر يزيد مساحة السيرفر
منشان هالموضوع يعني لسنة ما منخلص كتابة ههههههههههههه

يعني بعتذر كتييييييييييير من كل مين بيدخن بس بتمنى زوال ظاهرة التدخين بالأماكن العامةلانو فعلا في ناس ما بتحس بغيرا

بدي قلك إنو لو استنيتي يومين بس وشفتي العادات والقصص اللي رح تنكتب اللي بتجلط وبتطلع الروح وبتخلي الواحد يحشش مو بس يدخن أنا متأكد إنو كنتي بتصيري تدخني هههههههههه
مو بس ما كنتي قلتي هيك
هي غير القصص التانية اللي ما رح ينحكا فيا بيني وبينك طبعاً ما تقولي لحدا

[brave heart]

انا بتمنى ان تزول ظاهرة الصمت والخوف من التحدث

او ابداء رأي بأي من المواضيع الحساسة


يعني جماعة (( فخار يكسر بعضو .. وما دخلنا )) هدول بتمنى يزولو مو بس عاداتهم



شكرا على الموضوع حلو ..