شغلات حلوة صارت معي

[Judy]

رد: شغلات حلوة صارت معي

حبيت قصة الجاموس والجاموسة تبعيت طحبوش طحابيش

[syriangirl]

رد: شغلات حلوة صارت معي

مبارح فتت على غرفتي كرمال نام بعد شي ساعة فاتت امي لتشوف اذا نمت لئتني مكشفة و حرام اجت لتغطيني امت نطيت و بعئت هداك الصوت بوجا امييييييييييي يا حرام شو صار فيا نرعب وجا صار اسود و خافت كتير بعدين نطيت و طلعت عالصالون لحئتني اكلت طيارة و فتت نمت بس اما شو منظر بيفرط من الضحك

[Judy]

رد: شغلات حلوة صارت معي

هداك اليوم وصلت عالشغل والكل نعسان كالعادة ومالو خلق لشي
قاعدين أنا ورفيقتي يلي معي بالغرفة وبآمان الله عم نشرب نسكافيه ..
وإذ بيندق التلفون
رفيقتي بترد عالتلفون وبتقول ألووو
وإذ بصير فيها هيك
بتقول ألوو ألوووو Arabic plz
بتقوم بتعطيني السماعة انو على أساس أنا أحسن منها بالانكليش
وإذ باخد السماعة بكل ثقة وبقلا هاتي هاتي دبة شلون حطوكي هون ما بعرف
وباخد وبقول ألووو
إذ وحدة
قالتلي السلام عليكم
قلتلا وعليكم السلام
قالتلي جبنوز ملعنت ابمون افا كا خوميناكيتنوممبن ابوردبن ذيق ؟؟؟؟؟؟؟؟
قلتلا ذييقققق
قلتلا english plz english plz
وهية بتكمل منالون انتيباكوفانتيل بانتوب انو انو اولنبنمي ذيق ؟؟؟؟؟؟؟
وأنا برد عليها وبقول اي اي ذيق
وإذ بشفلكن المدير عم يمرق من قدام مكتبنا
امت صرختلو ... استاذ استاذ في وحدة بدها ياك .. قال بتعرفك
وهو قال مين ؟؟
قلتلو ما بعرف استاذ مو حابة تصرح عن اسمها .. حتى ما قالتلنا عن اسمها الفني
قام مسك السماعة هيك وقال ألوو
وإذ صارو عيونو هيك
مسك التلفون وصار يحولو عالمحرس تبع الشركة
وأنا ورفيقتي استغربنا وواقفين جنب بعض وهيك موديلنا
وإذ بقلو أبو الفود مرتك بدها ياك
لك استاذ الزلمة مو متزوج !!
قال اي هلأ بتجوز

ونحن ضحكنا شي يومين زمان عليها للقصة وطبعاً ما ضل حدا بالشركة ما عرف القصة

وبالأخير طالعو إشاعة انو الحارس بدو يتجوز وحدة أجنباوية



( من دفتر يوميات شركتي وطليقتي وأنا )

[raindrop]

رد: شغلات حلوة صارت معي

هههه حلو الموضوع سكاي

هاد بزمانو الوالد الله يطول بعمرو كان ما يحبنا انام الصبح كتير ولما كنا نشعر فيه جاي كنا نبلش الركيد
الي على كتبو الي على شغلو المهم .... تزوجت على قبال العزابية ... وانا ببيتي نايمة وعم بحلم فجأة
سمعت المفتاح انحط بالباب إجيت بالاشعور نطيت على طولي وقفت واطلعت حولي وين انا على شو بدي اركد ولا شو امسك بيدي
فجأة دخل زوجي اطلع فيني انصدم قال شو في ....... كوني بعيدة عن أهلي قعدت إضحك وإبكي وهو يضحك علي

[white jasmin]

رد: شغلات حلوة صارت معي

ستي كانت احلا ست مخرفة و متخلفة و طيبة قلب ممكن تشوفوها بحياتكن
مرة جدي شخر كتير تقيل بالليل قامت ستي اتصلت بعمتي ع كندا و قالتلها سمعي قالتلها عمتي اشو هاد قالتلها ستي انو جبنا جاموس كبير مشان البقرة قالتلها عمتي الف مبروك قالتلها و ليكي الجاموس نايم حدي استغربت عمتي قالتلها ستي هاد بيك ما قلتلك بشخر متل التور و انت ما كنت تصدقي

ههههههههههههههههههههههههههههه شو مهضومة

[white jasmin]

رد: شغلات حلوة صارت معي

هههههههههههه جودي فرطتيني ضحك بس فيكي تترجمي الحديث

[white jasmin]

رد: شغلات حلوة صارت معي

هههه حلو الموضوع سكاي

هاد بزمانو الوالد الله يطول بعمرو كان ما يحبنا انام الصبح كتير ولما كنا نشعر فيه جاي كنا نبلش الركيد
الي على كتبو الي على شغلو المهم .... تزوجت على قبال العزابية ... وانا ببيتي نايمة وعم بحلم فجأة
سمعت المفتاح انحط بالباب إجيت بالاشعور نطيت على طولي وقفت واطلعت حولي وين انا على شو بدي اركد ولا شو امسك بيدي
فجأة دخل زوجي اطلع فيني انصدم قال شو في ....... كوني بعيدة عن أهلي قعدت إضحك وإبكي وهو يضحك علي

ههههههههههههههههه بربي ضحكتيني
الله يقرب المسافات

[SKY ANGEL]

رد: شغلات حلوة صارت معي

من كم يوم طلعت عالضيعة كان عندي شوي شغل المهم صارت الساعة تقريباً4 العصر اجا عبالي اشرب شاي عاالجمر ولله شبيبة ماكذبت خبر كنت انا وبنت عمي قلتلها شو رأيك نشعل نار ونعمل شاي قالت اي ولله فكرة حلوة قمت قلتلها وين بدنا نشعل قالت بالبستان خلف البيوت قلتلها يلااااااااولله رحت انا كسرتلي كم خشبة وجهزت المكان الي بدي اعمل فيه النار وبنت عمي راحت تجهز الابريق والكاسات وشعلت النار وبسلامة فهمكون الخشب مرطب مو بالهين ليشعل وبيطالع دخنة بيضة وبيفطس الدنية لحتا يشعل وللله شعلت النار وبلشت الدخنة تعلي وتعلي ونحنا وين عاملين النار خلف الشباك ومرات عمي معها ربو وتعبت الغرفة دخاااااااااااان وبلشت تكح وتسعل قلت لحالي راحت المرة قامت طلعت لتشوف من وين الدخان اجت علينا قالت شو عم تعملو قلتلها ولله مشتهيين شاي على الجمر قالت اي ولله فكرة حلوة جبنا شعلنا نار وجهزنا الابرريق وحطيناه عالنار وقاعدين عالجمرات عم نتدفا وناكل بزر اجا عمي قال شو عم تعملو قلنالو لحق حالك شايات مافي منون ولله الزلمي ماكذب خبر فات جابلو كاسة وأجا قعد وشربنا شاي ونحنا هيك طل ابن جيرانا من عالسطح شافنا قاعدين بالبستان قال خووووش قعدة ولله قام اجا جاب معو اركيلتو وأجا قعد معانا قامو خفو الجمرات شوي قال عمي قوم جدد شبابها وانا اخدت الضو الاخضر من عمي ورحت جبت خشب وحطيتو بالجمر وبلش الدخان الابيض من جديد المهم حطيت الخشبات وعم ناكل بزر ونشرب شاي خلص الشاي خلص الشاي خلص الشاي خلص الشاي قامت بنت عمي راحت جابت متة وقعدنا شربنا متة هيكككككك لصارت الدنية عتمى شوي قامو فاتو جوا وقالولي نضف وسخاتك قمت طفيت الجمرات وشلت الحجرات وكأن شيئاً لم يكن

[Judy]

رد: شغلات حلوة صارت معي

قلتلي بنت عمك

[white jasmin]

رد: شغلات حلوة صارت معي

وك سكاي ليش ماعزمتني

[white jasmin]

رد: شغلات حلوة صارت معي

مبارح فتت على غرفتي كرمال نام بعد شي ساعة فاتت امي لتشوف اذا نمت لئتني مكشفة و حرام اجت لتغطيني امت نطيت و بعئت هداك الصوت بوجا امييييييييييي يا حرام شو صار فيا نرعب وجا صار اسود و خافت كتير بعدين نطيت و طلعت عالصالون لحئتني اكلت طيارة و فتت نمت بس اما شو منظر بيفرط من الضحك

ههههههه انتي صرختي بس اكيد امك خافت اكتر منك
صار معي قصة مشابهة ببقى بحكيلكن ياها بعدين

[syriangirl]

رد: شغلات حلوة صارت معي

ههههههه انتي صرختي بس اكيد امك خافت اكتر منك
صار معي قصة مشابهة ببقى بحكيلكن ياها بعدين

لك انا صرخت اصد كنت ناطرتا لان بتجي لتفئدني عطول اذا عم اتفرج عالتيفي او نايمة
اي وانا ستغليت الفرصة و صرخت هداك الصوت يا حرااام شو صار فيها

[SKY ANGEL]

رد: شغلات حلوة صارت معي

على سيرة ابو نزار والهروب الجماعي شوفو شو صار معي بالبكلوري

هدا يا اخواني يا اعزاء بالبكلورية كنت ادرس صناعة وبالصناعة كان عنا دوام مسائي المهم ونحنا بالمدرسة كانت العطلة تبعنا يعني تبع المدرسة يوم الاحد

القصة صارت السبت بعد الضهر
اتفقنا نحنا الشباب انو نهرب عالبيت وما حدا يحضر الدوام المسائي المهم هيك صار الاتفاق والهروب كالعادة رح يكون من الحيط تبع المدرسة

والحيط من برا عالي


وصل الخبر لمدرب التربية العسكرية انو رح نهرب اليوم ومارح نحضر الدوام المسائي وبالايام الي كان عنا عملي من يوم السبت طلاب الصناعة مابتفوت بياخدوها تفريغ اخر حصتين حتا يداومو مسائي لانو المدرسة تبعي كانت مختلط نسوي وصناعة
المهم اخدنا اخر حصتين تفريغ وبلشنا نتمشى بالساحة وكل شوي واحد يفقس من عالحيط

مشان ما حدا ينتبه علينا ولا يا جماعة الخير اجيت بدي روح لانط من عالحيط كان في حنفية جنب الحيط من جوا حطيت اجري عليها ونطيت صرت فوق الحيط

ولا شو اشوفلكون هديك الشوفة مدرب تبع التربية العسكرية واقف برا وكل ما حدا نط برا الحيط يستلمو قمت شو بدي اعمل ارجع مابستفاد ولا الاستاذ اشرلي وقالي يلله بلا صوت حط ايدو على تمو كأشارة اني ما اعمل صوت ونزلت لعندو ولله كل الشباب ملقطون

والطلاب الي جوا ما بيعرفو شو عم يصير برات المدسة ويا جماعة هيك كل ما حدا نط من عالحيط بيجي بأحضان الاستاذ ولله مالكون بالطويلة صفت الشعبة تبعي كلها برا

قام الاستاذ قال يلله تعو معي قام رجع دخلنا عالمدرسة من جديد وكأن شيئ لم يكن وقال النا ياويلو الي يهرب

نحنا بين بعضنا قلنا منيح اذا القصة عالهروب امرنا لألله بنحضر مسائي وبالفعل فتنا حضرنا مسائي وصارت الساعة 4 وبدنا ننصرف عالبيت
ونحنا طالعين من الصفوف عالباحة شفنالكون الاستاذ واقف قام قاللنا


طلاب البكلورية بكرة الاحد تداومو عمل طوعي بدنا ننضف الباحة من الشوك

وتاني يوم الي لازم تكون العطلة انجبرنا نداوم وضلينا للساعة 1 نقلع الشوك الي بالمدرسة

[raindrop]

رد: شغلات حلوة صارت معي

هههههههههههه
سكاي حلوة
زكزك استاذكم ( ذكي )
ملا عقوبة

[SKY ANGEL]

رد: شغلات حلوة صارت معي

يلا حكولنا شو صاير شغلات معكون

[midnight man]

رد: شغلات حلوة صارت معي

كنا بزماننا ساكنين بالشام قبل مانرجع على بلدنا الأم اللاذقية..... كنت صف تاسع و كانت بنت جيراننا متفوقة دراسياً .. كنا تنيناتنا أشطر شي بالحارة وكان في نوع من التنافس الدراسي بيناتنا وكنا انا وياها منستحي من بعض كتير يعني إذا شفنا بعض عالطريق تنيناتنا منغير الطريق.... وكنا صبيان وبنات الحارة كلنا صحبة إلا أنا وهيي مافي حكي بيناتنا أبداً يعني يادوب مرحبا وأهلين.. والبيضحك أنو هالبنت أصلها من ضيعتنا وأهلي وأهلا كتير أصدقاء ..... أي المهم.... مرة أمي كان بدها تحكي مع أما للبنت بشغلة مهمة كتير وهاتفهن مشغول... راحت قالتلي طلاع بسرعة لعند خالتك أم فلان قلها أمي بدا ياكي ضروري..... قلتلا لأمي: مستحيل (لأني خفت تطلعلي البنت) قالتلي أمي بحزم طلاع بسرعة مو وقت خجلك هلأ... رحت طلعت متل الشاطر والآدمي لعندن وأنا عمأدعي بقلبي يارب ما هي تفتحلي الباب (البنت) ان شالله أما هي تفتح الباب..... دقيت الباب (وقلبي عميدق بسرعة) ونفتح الباب ببطء... وإذ هيي البنت!!!! وضربت عيني بعينها وبحلقت فيني باستغراب .. وأنا تبلكمت وفتت بشي ستين حط (ولا ليش الكذب كلن على بعضن 56 حيط) ...... رحت بدي سلم.... كتر ماني فهمان احزروا شو قلتلا؟؟؟؟
بدل ما قلا مرحبا.... قلتلا (ألو مرحبا) اي اي قلتلا (ألو مرحبا) كأني عمأحكي بالتليفون راحت قالت أهلين.... بتصور ما انتبهت لأنو كمان كانت فايتة بالحيط......
أي ما خلصت سيرة الفهم الزايد عند محسوبكن هون... لااااء لسا في كمالة.....
بدي قلا (هون خالتو أم فلان)..... رحت قلتلا: (خون هالتو أم فلان)..... أي هون بقى هي فوراً اختفت جوا البيت (يبدو فاتت تغشى من الضحك عليي) ونادت لأمها ومشي الحال.... وقتها ما بذكر قديش ضليت سخنان وأنا عمسب على حظي.... بس أكيد بتكون هلأ عمتحكي قصتي لولاد ولادا

[SKY ANGEL]

رد: شغلات حلوة صارت معي

هههههههههههههههههههه ولله حلوة وبعدين شو صار بالحيطان على حساب مين تصلحوو

[midnight man]

رد: شغلات حلوة صارت معي

هههههههههههه وقتا كنت صغير و راسي هوي يلي انكسر..... بس هلأ أي فيني بكسرو للحيط براسي... شو مانك كاسر ولا حيط؟؟؟؟

[نجوى ف]

رد: شغلات حلوة صارت معي

حلو هالموضوع بس بدي اتذكر حكاية صارت معي واحكيلكم اياها شكراً

[SKY ANGEL]

رد: شغلات حلوة صارت معي

منورين شبيبة يلله بدنا فضايح ومواقف صارت معاكون