هل ترضى ان يصارحك احد بعيوبك

[Abd Almassih]

رد: هل ترضى ان يصارحك احد بعيوبك

يــــــــــــا ريـــــت

[SKY ANGEL]

رد: هل ترضى ان يصارحك احد بعيوبك

ومتل ما بيقولو صديقك من صدقك
( اي انو كان صادق معك )
مشكورين على المرور الحلو

[civilknight]

رد: هل ترضى ان يصارحك احد بعيوبك

انا بتمنى لاقي انسان يقدر يقلي عيوبي ..لانو فعلا بيكون بحبني وبخاف على مصلحتي
وغالبا الانسان يلي بيقلك عيوبك هو انسان مهتم فيك لابعد حد
بس طبعا بدون تجريح
وع الاغلب اكتر ناس ممكن تخبرك عن عيوبك وتساعدك تتفادها هنن الاهل لانهم دائما اكتر ناس مهتمين فيك
وشكرا على الفكرة

[Attractive Girl]

رد: هل ترضى ان يصارحك احد بعيوبك

اي لما بعرف الي عم بيصارحني عم يصارحني مشان خيري مو مشان يجرح فيي
وبتاالي انا بحب صارح وقول وين الغلط للناس الي بتعز علي وبيهمني مصلحتها
ميرسي

[riham]

رد: هل ترضى ان يصارحك احد بعيوبك

أنا روح قلبي حدى يصارحني ويقلي عن أي شي غلط فيي
بس بكره يصارحني بطريقة إستهزاء أو مسخرة
وبحب يكون موضوعي بكلامو مو بس هيك حابب يعطي موشحات وكم كلمة فلسفة حافظن من أبن الجيران

وأنا بحكي عن عيوب الغير بس حسب الشخص إذا بيقدر يستوعب كلامي ولا لأ
مثلا رفيقتي إذا بقلها هالشي غلط بتضرب بوز شبرين وبتقلي لا ماني هيك
يعني ما بتتقبل مشان هيك بطلت قلها غير إلي هي بتحب تسمعو
يعني كل شي برافو وصح

[SKY ANGEL]

رد: هل ترضى ان يصارحك احد بعيوبك

أنا روح قلبي حدى يصارحني ويقلي عن أي شي غلط فيي

بس بكره يصارحني بطريقة إستهزاء أو مسخرة
وبحب يكون موضوعي بكلامو مو بس هيك حابب يعطي موشحات وكم كلمة فلسفة حافظن من أبن الجيران

وأنا بحكي عن عيوب الغير بس حسب الشخص إذا بيقدر يستوعب كلامي ولا لأ
مثلا رفيقتي إذا بقلها هالشي غلط بتضرب بوز شبرين وبتقلي لا ماني هيك
يعني ما بتتقبل مشان هيك بطلت قلها غير إلي هي بتحب تسمعو
يعني كل شي برافو وصح

كلام سليم رهام يعني اذا حاسستو انو ما رحيتقبل كلامي بطنشو واذا حسيتو انو من النوع الي بيستعب بخبر بس بطريقة حلوة ما ينجرح
ولما قريت كلامك تذكرت مرة واحد عم يحكي عن شرح الرجال
قال الرجال اربعة اصناف
رجل يدري ويدري انه يدري فذللك عالم فأتبعوه
ورجل يدري ولا يدري انه يدري فذلك نائم فأيقظوه
ورجل لايدري ويدري انه لا يدري فذللك تائه فأرشدوه
ورجلا لا يدري ولايدري انه لايدري فذلك جاهل فأرفضوه

[أبو حنا]

رد: هل ترضى ان يصارحك احد بعيوبك

أنا برأيي أنو بتقبل الملاحظات فقط من الأشخاص اللي الهم قيمة بالنسبة إلي

يعني أكيد ما بقبل شخص من اللي بحتقرن يوصفلي عيوبي ...! وخاصة أني لحالي براقب نفسي وبراقب تصرفاتي


الموضوع حلو ميرسي

[SKY ANGEL]

رد: هل ترضى ان يصارحك احد بعيوبك

أنا برأيي أنو بتقبل الملاحظات فقط من الأشخاص اللي الهم قيمة بالنسبة إلي

يعني أكيد ما بقبل شخص من اللي بحتقرن يوصفلي عيوبي ...! وخاصة أني لحالي براقب نفسي وبراقب تصرفاتي

الموضوع حلو ميرسي

منور ابو حنا

[jihan]

رد: هل ترضى ان يصارحك احد بعيوبك

اكد بس لازم الشخص يلي عم يحاكيني على عيوبي يكون احسن مني مو يكون عامل شغلات وشغلات ويجي يعمل معلم علي اذا غير هيك انا برضى وبكل قلب طيب كمان
شكرا على الموضوع

[SKY ANGEL]

رد: هل ترضى ان يصارحك احد بعيوبك

اكد بس لازم الشخص يلي عم يحاكيني على عيوبي يكون احسن مني مو يكون عامل شغلات وشغلات ويجي يعمل معلم علي اذا غير هيك انا برضى وبكل قلب طيب كمان


شكرا على الموضوع

اكيد انا معك وذكرتيني بحكمة تنطبق على هيك حالة تقول
من ينظر في عيوب الناس فيرفضها ثم يرضاها لنفسة يكون الاحمق بعينه
معك حق يعني فاقد الشيء لا يعطيه منورا

[wizardman]

رد: هل ترضى ان يصارحك احد بعيوبك

اي بقبل اذا كان بطريقة لبقة ومايجرحني بكلامه ولا يسببلي اي احراج
مشكور

[koki]

رد: هل ترضى ان يصارحك احد بعيوبك

ليش لاء

[SUZEE]

رد: هل ترضى ان يصارحك احد بعيوبك

هيك المفروض .........
برغم ان كل انسان بيعرف صفاته كتير منيح بس ممكن نصيحة صغيرة تخليه بعرف كيف يداري أحد هذه العيوب....
طبعا برضى وبرحابة صدر بس مو كمان امشي على مبدأ :
عيوبي لا أراها وعيوب الناس أركض وراها...

[SKY ANGEL]

رد: هل ترضى ان يصارحك احد بعيوبك

هيك المفروض .........
برغم ان كل انسان بيعرف صفاته كتير منيح بس ممكن نصيحة صغيرة تخليه بعرف كيف يداري أحد هذه العيوب....
طبعا برضى وبرحابة صدر بس مو كمان امشي على مبدأ :
عيوبي لا أراها وعيوب الناس أركض وراها...

هلا اكيد كل انسان بيعرف حالو اكتر من غيرو بس في شغلات فينا بتصرفاتنا ممكن بأنفعالنا نحنا ما بنلاحظو لان بنحسو عادي بس يمكن للغير تكون اشارة استفهم
متل ما قلتي مو ضروري اتقيد بيلي رح يقولوه بس يعني متل ما بيقولو الرمد احسن من العمى يعني بحاول اخفف منها شوي
منورا نجمة البحر

[ا . العمر]

رد: هل ترضى ان يصارحك احد بعيوبك



لأ مابرضى
لأنو بعرف عيبي الوحيد
وهو الغرور

[الأميرة]

رد: هل ترضى ان يصارحك احد بعيوبك

هل ترضى أن يصارحك احد بعيوبك ؟
حسب الحدا يعني مو مين ما كان بيحقلو
فمو معقول واحد يكون فيه نص عيوب الدني وجاي ينقدني

[myangelsoull]

رد: هل ترضى ان يصارحك احد بعيوبك

أكيد المهم ما يكون الطرح جارح أو قاسي يعني "مايقول للأعور أعور بعينو"
بس يحاكيني بلطافة و يقلي شو ما بدو المهم بذوق
بقبل حدا يقلي سلبياتي مشان صلحها

[majd123]

رد: هل ترضى ان يصارحك احد بعيوبك

على قولة المتل
صديقك من صدقك وليس من صدقك
(شكلوا انتو انا ما طلعت معي)

[basel jenbaz]

رد: هل ترضى ان يصارحك احد بعيوبك

ما بسمح غير لشخص واحد بس يصارحني بعيوني

[الانثى الحزينة]

رد: هل ترضى ان يصارحك احد بعيوبك

انا بطبعي صريحة كتير , وبحب اعامل غيري متل ما بحب يعاملوني , يعني بحب اكون صريحة معهن ويكونوا صرحة معي
لهيك اذا بشوف حدا من رفقاتي عمل شي تصرف مش حلو او فيه صفة مش حلوة بحب اني انصحه بشكل اللي ما يجرحه بالعكس بحسسهن انو انا بدي مصلحتهن .

اما بالنسبة انهن ييجوا ينتقدوني او ينصحوني ويعاتبوني اكيد بحب اذا بكونوا صرحة معي وبتقبل اي انتقاد اذا فيه مصلحتي وفيني اغيره للاحسن , وبحترم كل شخص بينتقدني وبكون صريح معي لصالح اني كون افضل واحسن .

بس كتير بكره انو شخص ييجي ينتقدني على شي وهو بيعمله .
يعني ما بحب حدا ينتقدني على تصرف معين وهو اصلا بيعمل نفس التصرف

لازم اللي ينتقدني يكون مثل اعلى للشي اللي بينتقدني فيه لحتى اتعلم منه وكون متله للافضل .

اما ييجي حدا ينتقدني على شي وهو بالاساس بيعمله وبيتصرفه ساعتها راح طنشه وما راح اعتبر نصيحته فادتني ,واول شي راح قوله اياه قبل ما تيجي وتنتقدني وتحاول تصلحني , صلح حالك بالاول .

طبيعي جدا يكون هيك ردي على كل شخص بينتقد غيره على شي غلط وهو بيعمله لهالغلط ذاته .
وبعتقد انو هاي بتكون صراحة مني انا ومش وقاحة ولا عدم قبول الانتقاد .
شكرا يا سكاي عالموضوع الحلو ويعطيك الف عافية يا صديقي