هل تعتقد ان الجن موجود

[SKY ANGEL]

رد: هل تعتقد ان الجن موجود

أيوا فكرت بكل بيت

طيب ليش منتشرة بمناطق الريف
بلكي لأنو لساتهن متخلفين شوي وبأمنو بشغلات مافيها شي صحيح

لأ مو صحيح في كمان بالمدن وفي كمان بالريف بس اكتر بالريف لانو ما في ضجة وما في سكن او بالاحرى فينا نقول انو ما في حديد لان بيخافو من الحديد ومن ملامسة الحديد بعدين الانجيل ذكرون ليش ما نأمن فيون بعدين اذا ما بتعرفي في صلاة سبق وذكرتها ركزي عليها شوي منيح بتفهميها
(نؤمن بالله واحد خالق ضابط كل شيئ... كل ما يرُى وما لا يرُى )
وفي الها كمان تكملة طويلة بس
هي ببدايتها

[SKY ANGEL]

رد: هل تعتقد ان الجن موجود

الجن موجودين (وما خلقنا الانس والجن إلا ليعبدون)

وانا بعرف عالم شافوهن ويعرف قصص كتير عنهن

منورة بوجودك وشكرا للمشاركة

[Joey]

رد: هل تعتقد ان الجن موجود

هاد شي موجود بثقافات "شقيقة" او هيك هون بالمنطقة دخيلة وأنا مابتبناه بنوب
وبظن إنو قصد بما يرى وما لا يرى "الأرواح والملائكة" وليس "الجن" في المسيحية لا يوجد تسميات كهذه
بتمنى إنو مانتشرب ثقافات وأفكار غيرنا ونحافظ على "هويتنا ومصطلحاتنا"
بكرا بشوفكون عم تقولو: فأتى يسوع واستمع إليه نفر من الجن

[Ibrahem]

رد: هل تعتقد ان الجن موجود

أنا مع جوي بالكلام
ليش ما تكون كلمة "وما لا يرى"
تعود على الملائكة والأرواح
أنا ما بعتقد بوجود هيك أشيا لأن حتى العلم ما قدر يأثبت صحتها

[SKY ANGEL]

رد: هل تعتقد ان الجن موجود

أنا مع جوي بالكلام

ليش ما تكون كلمة "وما لا يرى"
تعود على الملائكة والأرواح

أنا ما بعتقد بوجود هيك أشيا لأن حتى العلم ما قدر يأثبت صحتها

العلم ؟؟؟؟
العلم ما الو علاقة بهيك شغلات يمكن انتا تقول انو ما اكد وجودها بس كمان ما اكد عدم وجودها
بعدين اذا بدك نحكي بشكل علمي
كمان العلم ما بيثبت ان الله هو من خلق الانسان بصق في التراب وشكل هيكل انسان ونفخ فيه الروح جيبلي كتاب علمي وليس ديني يثبت هذا الشي
اذا بدك نحكي بمنظور علمي الانسان حيوان متطور من فصيلة القرود
واذا بدك نحكي بشكل ديني الانسان اسمى مخلوقات الله

[nsreen]

رد: هل تعتقد ان الجن موجود

انا ما بعتقد في جن
وهالحكي برأي كلو خرافات

[Joey]

رد: هل تعتقد ان الجن موجود

sky angel أنا بستغرب إطلاق تسمية "جن" على هالعالم, وهاد شي بيخليني اتسائل: هل الهدف زرع مصطلحات اسلاماوية في عقول المسيحيين لتهيأتهم لتقبل أشياء جديدة؟
الكنيسة لاتعترف بوجود مايسمى "جن" فلماذا الإصرار على الترويج لعالم الجن؟

[jihan]

رد: هل تعتقد ان الجن موجود

اكيد في جن وهن متلنا في منون اشرار وفي منون صالحين وانا باكد انون موجودين بكل بيت منشان هيك بأولو بس تفتح باب البيت وتفوت دايما سمي باسم الله واكيد هنن مذكورين بالانجيل ونحنا لازم نامن انون موجودين وانا سالت الكاهن بهاد الموضوع والي طبعا في جن متل مافي انسان

وانا براي انو هنن ما بخوفو ابدا يلي لازم نخاف منون هو الانسان بحد ذاتو لأنو عم نشوفو وعم يشوفنا وممكن يضرنا اكتر من اي جني نحنا مو شايفينو وبمانو الله موجود والمسيح منور دربنا اكيد مافي شي نخاف منو ما بعرف اذا صح كلامي بتمنى تئولولي اذا صح ولا لأ شكرا على الموضوع كتير حلو

[SKY ANGEL]

رد: هل تعتقد ان الجن موجود

sky angel أنا بستغرب إطلاق تسمية "جن" على هالعالم, وهاد شي بيخليني اتسائل: هل الهدف زرع مصطلحات اسلاماوية في عقول المسيحيين لتهيأتهم لتقبل أشياء جديدة؟

الكنيسة لاتعترف بوجود مايسمى "جن" فلماذا الإصرار على الترويج لعالم الجن؟

اكيد في جن وهن متلنا في منون اشرار وفي منون صالحين وانا باكد انون موجودين بكل بيت منشان هيك بأولو بس تفتح باب البيت وتفوت دايما سمي باسم الله واكيد هنن مذكورين بالانجيل ونحنا لازم نامن انون موجودين وانا سالت الكاهن بهاد الموضوع والي طبعا في جن متل مافي انسان

وانا براي انو هنن ما بخوفو ابدا يلي لازم نخاف منون هو الانسان بحد ذاتو لأنو عم نشوفو وعم يشوفنا وممكن يضرنا اكتر من اي جني نحنا مو شايفينو وبمانو الله موجود والمسيح منور دربنا اكيد مافي شي نخاف منو ما بعرف اذا صح كلامي بتمنى تئولولي اذا صح ولا لأ شكرا على الموضوع كتير حلو

اذا حابب تجابها انتا او انا ؟؟؟
انا جوابي كلامك سليم مية مية ومتل ما تفضلتي انو لما بنفتح الباب وقبل الدخول نسمي بسم الاب
واذا بدنا نرمي شي حار على الارض متل زيت مغلي او مي حارا او اي شي حار وممكن يأذي اذا سقط على الارض بنسمي بسم الاب قبل ما نرميه
تحسباً لوجود شيئ نحنا ما بنشوفو

[Joey]

رد: هل تعتقد ان الجن موجود

ياعزيزتي جيهان مافي آية وحدة بالكتاب المقدس بتذكر كلمة "جن" وإذا في رجاءً أعرضيها علينا..
آمنو بشو مابدكون انتو أحرار بس أنا بعترض على المصطلح بشدة
هناك الأرواح الشريرة, بس جن؟ جن؟

[Joey]

رد: هل تعتقد ان الجن موجود

واذا بدنا نرمي شي حار على الارض متل زيت مغلي او مي حارا او اي شي حار وممكن يأذي اذا سقط على الارض بنسمي بسم الاب قبل ما نرميه
تحسباً لوجود شيئ نحنا ما بنشوفو

hehehehe صح صح وبالاسلام بيقولو: بسم اللاه الرحمن الرحيم
وحتى مرة سمعتا لريتشل راي وهيي عم تصفي المعكرونة بالمجلى وقفت هيك ربع ساعة وقالت قانون الايمان وبعدين الصلاة الربية والسلام المريمي وبعدين صاريت ترتل منشان يهرب "الجن" ومايأذيها.
ياصديقي هذا كلام موجود في الأديان التي يهمها الأرض ومايقع على الأرض, نحن شعب ننظر إلى السماء وملكوت السماء, ولن أقعد ساعتين أقول الادعية وأسماء اللاه الحسنى حتى اعمل "معكرونة" او فوت ع تواليت...
يعني ذكرتني بحلقة على قناة الرحمة المصرية المتطرفة وكان عنوانها (الكلام في الحمام, حلال أم حرام) والشيخ يلي عم يقدم البرنامج قعد نص ساعة يجيب أدلة شرعية على انو الكلام بالحمام مو حرام, لك الناس وصلو عالقمر وانتو لسا بالحمام

[riham]

رد: هل تعتقد ان الجن موجود

جوي

[SKY ANGEL]

رد: هل تعتقد ان الجن موجود

جن الشيء ستره، وبه سمي الجن لاستنارهم واختفائهم عن الابصار.. وكانوا يعتقدون ان " الجان " روح تلبي دعوة صاحبه. والكلمة العربية هي ترجمة للكلمة العبرية " اوب " ومعناها " اجوف " او " اناء فارغ "، لانهم كانوا يظنون ان صوت الجان ياتي من بطن صاحب الجان، او بالنسبة " للصوت الاجوف " الذي كان يتكلم به وكانه خارج من باطن الارض ( إش 8 : 19، 29 : 4 ).

ذكر الجن في الكتاب المقدس :

Lev 19:31 لا تَلْتَفِتُوا الَى الْجَانِّ وَلا تَطْلُبُوا التَّوَابِعَ فَتَتَنَجَّسُوا بِهِمْ. انَا الرَّبُّ الَهُكُمْ.
Lev 20:6 وَالنَّفْسُ الَّتِي تَلْتَفِتُ الَى الْجَانِّ وَالَى التَّوَابِعِ لِتَزْنِيَ وَرَاءَهُمْ اجْعَلُ وَجْهِي ضِدَّ تِلْكَ النَّفْسِ وَاقْطَعُهَا مِنْ شَعْبِهَا
Lev 20:27 «وَاذَا كَانَ فِي رَجُلٍ اوِ امْرَاةٍ جَانٌّ اوْ تَابِعَةٌ فَانَّهُ يُقْتَلُ. بِالْحِجَارَةِ يَرْجُمُونَهُ. دَمُهُ عَلَيْهِ».
Deu 18:11 وَلا مَنْ يَرْقِي رُقْيَةً وَلا مَنْ يَسْأَلُ جَانّاً أَوْ تَابِعَةً وَلا مَنْ يَسْتَشِيرُ المَوْتَى.

1Sa 28:3 وَمَاتَ صَمُوئِيلُ وَنَدَبَهُ كُلُّ إِسْرَائِيلَ وَدَفَنُوهُ فِي الرَّامَةِ فِي مَدِينَتِهِ. وَكَانَ شَاوُلُ قَدْ نَفَى أَصْحَابَ الْجَانِّ وَالتَّوَابِعِ مِنَ الأَرْضِ.
1Sa 28:7 فَقَالَ شَاوُلُ لِعَبِيدِهِ: «فَتِّشُوا لِي عَلَى امْرَأَةٍ صَاحِبَةِ جَانٍّ فَأَذْهَبَ إِلَيْهَا وَأَسْأَلَهَا». فَقَالَ لَهُ عَبِيدُهُ: «هُوَذَا امْرَأَةٌ صَاحِبَةُ جَانٍّ فِي عَيْنِ دُورٍ».
1Sa 28:8 فَتَنَكَّرَ شَاوُلُ وَلَبِسَ ثِيَاباً أُخْرَى, وَذَهَبَ هُوَ وَرَجُلاَنِ مَعَهُ وَجَاءُوا إِلَى الْمَرْأَةِ لَيْلاً. وَقَالَ: «اعْرِفِي لِي بِالْجَانِّ وَأَصْعِدِي لِي مَنْ أَقُولُ لَكِ».

1Sa 28:9 فَقَالَتْ لَهُ الْمَرْأَةُ: «هُوَذَا أَنْتَ تَعْلَمُ مَا فَعَلَ شَاوُلُ, كَيْفَ قَطَعَ أَصْحَابَ الْجَانِّ وَالتَّوَابِعِ مِنَ الأَرْضِ. فَلِمَاذَا تَضَعُ شَرَكاً لِنَفْسِي لِتُمِيتَهَا؟»
2Ki 21:6 وَعَبَّرَ ابْنَهُ فِي النَّارِ، وَعَافَ وَتَفَاءَلَ وَاسْتَخْدَمَ جَانّاً وَتَوَابِعَ، وَأَكْثَرَ عَمَلَ الشَّرِّ فِي عَيْنَيِ الرَّبِّ لإِغَاظَتِهِ.
1Ch 10:13 فَمَاتَ شَاوُلُ بِخِيَانَتِهِ الَّتِي بِهَا خَانَ الرَّبَّ مِنْ أَجْلِ كَلاَمِ الرَّبِّ الَّذِي لَمْ يَحْفَظْهُ. وَأَيْضاً لأَجْلِ طَلَبِهِ إِلَى الْجَانِّ لِلسُّؤَالِ
2Ch 33:6 وَعَبَّرَ بَنِيهِ فِي النَّارِ فِي وَادِي ابْنِ هِنُّومَ وَعَافَ وَتَفَاءَلَ وَسَحَرَ وَاسْتَخْدَمَ جَانّاً وَتَابِعَةً وَأَكْثَرَ عَمَلَ الشَّرِّ فِي عَيْنَيِ الرَّبِّ لإِغَاظَتِهِ.
:

( الْجَانِّ وَلا تَطْلُبُوا التَّوَابِعَ )-( الْجَانِّ وَالَى التَّوَابِعِ )-( جَانٌّ اوْ تَابِعَةٌ )-( جَانّاً أَوْ تَابِعَةً )-( أَصْحَابَ الْجَانِّ وَالتَّوَابِعِ )
ما هي هذه التوابع ؟ أصناف أخرى من الجن ؟ مخلوقات أخرى شبيهة بالجن ؟
إثنى عشر نصاً يذكر الجن في الكتاب المقدس

[SKY ANGEL]

رد: هل تعتقد ان الجن موجود

الجن في الكتاب المقدس هو الشياطين وهم مذكورين باسم الجن في العهد القديم , باسم الشياطين في العهد الجديد. وهم اشرار لانهم كانوا ملائكة تمردت علي الله بقيادة الشيطان (معرفاً بال) والذي كان من رؤساء الملائكة ولكنه تكبر فسقط هو ومع بعض الملائكة فطردهم الله من السماء (اشعياء 14 , حزقيال 28 , رؤيا 12

[Joey]

رد: هل تعتقد ان الجن موجود

لا يوجد فى المسيحية بما يسمى (جن) كما فى المفهوم الإسلامى له .. فالجن قد ورد ذكره فى الكتاب المقدس على انه (أرواح شريرة) أو شياطين ..

و قد أطلق على من يقومون بإستحضار الارواح بمساعدة الشياطين انهم تابعون ، و إن كانت كلمة (ارواح شريرة) أو (شياطين) قد تُرجمت إلى (جان) فى بعض فقرات فى الكتاب المقدس فيُرجع ذلك علماء الكتاب المقدس إلى تأثر المُترجمين العرب بالثقافة الإسلامية أو ما كان سائداً فى عصرهم ، و لكن بعض الترجمات تداركت هذا الامر و ترجمت الكلمة بدقة أكبر إلى (مستحضرى أرواح) أو سحرة .

و تجد فى قاموس إسترونج المعنى الصحيح لكلمة جن أو جان من الاصل العبرى للكلمة :

H178
אוב
'ôb
obe
From the same as H1 (apparently through the idea of prattling a father’s name); properly a mumble, that is, a water skin (from its hollow sound); hence a necromancer
(ventriloquist, as from a jar): - bottle, familiar spirit.

فالافضل لك أن ترجع إلى الاصل حتى تعلم المعنى الدقيق للكلمة...

هاد الرد يلي شفتو على كلامك ياصديقي
انا مو بنقاش معك هون وقلتلك انا مع انو تآمن بشو مابدك وانتا حر بس بقول لا لنشر مصطلحات غريبة عجيبة ودحشها في رؤوس الناس دحشاً بهذه الطريقة, أنا ماكان عندي شك بوعي أخوتي ولكن شفت العجب لما قريت ناس عم توافق على استعمال هالمصطلح الاسلاماوي الخطير..
بعدين لاحظ بردك عليي شو كتبت؟
كتبت هيك:
كنت كاتب ( اخي المسلم والمسيحي )... وقد عدلت الرد وحذفت هذه العبارة عندما انتبهت إليها بعد أن قمت بنسخ الرد من شي موقع إسلاماوي بيستعمل أسلوب التشكيك وبث البلبلة بين الناس.
صديقي, نحنا عيونا ع ملكوت الله ومابيهمنا شو في عالأرض وتحت الأرض متل ماسبق وقلت لك
ويلي خلاني أحزن وأمتعض هوى إنك حاطط العلم الكلدوسرياني الآشوري على صليب المسيح.
الرب يباركك
ܫܠܘܡܐ

[jihan]

رد: هل تعتقد ان الجن موجود

مظبوط هاد الشي يلي عم تئولو مية بالمية انو اجن عنا منئول عنون شياطين و ذكرون بالانجيل شو نسينا انو الشيطان جرب الرب على الجبل ونسينا انو الرب يسوع كان ياخرج الشياطين من جسم الانسان وكمان يهوذا وقت سلم المسيح لليهود كمان مان الشيطان كان عم يوسس بعئلو صح الكلام ولا انا غلطانة هاد كلو مذكور بالانجيل بالنهاية الجن مخلوفات هنن بيتصرفو باوامر من الله وبيوصلو لمرحاة من المعرفة لأن الله سامحلون بهالشي وبعهد السليماني كانو يخلئولو اي شي بدو ياه وبدي قول شغلة انو الجن الشيطاني غير الارواح الشريرة جوي

[Ibrahem]

رد: هل تعتقد ان الجن موجود

العلم ؟؟؟؟

العلم ما الو علاقة بهيك شغلات يمكن انتا تقول انو ما اكد وجودها بس كمان ما اكد عدم وجودها
بعدين اذا بدك نحكي بشكل علمي
كمان العلم ما بيثبت ان الله هو من خلق الانسان بصق في التراب وشكل هيكل انسان ونفخ فيه الروح جيبلي كتاب علمي وليس ديني يثبت هذا الشي
اذا بدك نحكي بمنظور علمي الانسان حيوان متطور من فصيلة القرود

واذا بدك نحكي بشكل ديني الانسان اسمى مخلوقات الله

أكيد العلم ما قدر يأثبت وجود الله بس في كتير من الظواهر الموجودة بالحياة الطبيعية عم يتم من خلالها إثبات هي الحقيقة
وفي عندك هي الظواهر عن الأشخاص اللي بقولو شفت جني وما إلى هنالك
بحسن عم يضحكو على حالن
وبالنسبة لوجود الجن وأنن ساكنين بيناتنا أو عندن بلد لحالن ومجتمع هاد مرفوض بكل المقاييس
بالأنجيل ما نذكر أي كلمة الجن نذكرة كلمة الأرواح الشريرة وهاد دليل على عدم وجود الجن في العقيدة المسيحية
أما بالعقيدة الإسلامية أنا بقلك أنو الجن موجود ودليل على هالشي الآية القرآنية : "وما خلقت الجن والأنس إلا ليعبدون ِ"
وأنا ما بحبذ نشر هي المفاهيم بين المسيحية

[Joey]

رد: هل تعتقد ان الجن موجود

Sky Angel بيرد عليكي يااختي العزيزة جيهان وبيقول نسخاً عن "موقع ما" موافقاً لكِ:
(الجن في الكتاب المقدس هو الشياطين وهم مذكورين باسم الجن في العهد القديم , باسم الشياطين في العهد الجديد).
المعروف بإنو الشياطين مو ممكن تكون مخلوقات خيرة بالمرة الشيطان ضد الخير من الأزل, وانتو هون عم تربطو بين الله والشياطين وكانو بينهما علاقة ما واتفاقيات موقعة ومصدقة, وانو الله سمح لهم أن يعرفو قليلاً من معرفتو ومدري شو من هالحكي الفاضي..
بس فهمونا كيف بيجتمع الخير والشر عندكون بهالطريقة؟
أنا تلخبطت وماعاد عرفت شو عم تحكو, يعني بفهم انو الجن كانو جن بالعهد القديم وصارو شياطين بالعهد الجديد؟ ولاهني كيانين منفلصين وبدون واحد تالت بيعلبو تريكس؟ ها ها هاااا
لا عنجد... لك بالمسيحية مافي جن من وين جبتو الجن ياجماعة؟ صلو عالنبي شبكون؟
ليك ليك, من انا وصغير بسمع من كل أساتذتي باللغة العربية بيقولو: عنا بالمسيحية مافي جن في شياطين أو أرواح نجسة, لأنو في بدروس العربي آيات بيطلبو منا إعرابا متل ماخلقت الانس والجن إلا ليعبدون..
قولاً واحداً مافي جن, وأنا ضد هالمصطلح لو بيجي ملهم ويقنعني.

[hadihm]

رد: هل تعتقد ان الجن موجود

بدك تسأل ابو جان
انا بامن بوجودهن بس ما بامن انه بيظهره النا وبعرف انهن بخافوا منا
والشياطين هنن الجن الاشرار وفي منهن خيرين
وميرسي عالموضوع

[jihan]

رد: هل تعتقد ان الجن موجود

طيب جوي ذكرلك صديقنا اقوال من الكتاب المقدس وكتير مو بس شوي الموضوع بكل بساطة الله قادر على كل شي ومتل ما خلئ الانسان خلئ الجن كانو شياطين او ارواح شريرة هاد كلو من خلق الله يعني بجوز نحنا أد ماعرفنا بهي المعلومات واد ماعرفنا بخلق الله منضل صغار كتير بعلوماتنا وبالنهاية كل شخص بامن بشي امن بالحجر بيبرا