الصليب على السيارات مظهر شكلي لا علاقة له بالإيمان

[skipy]

16 فليضئ نوركم هكذا قدام الناس لكي يروا اعمالكم الحسنة ويمجدوا اباكم الذي في السموات - متى : 16 - 5

لطالما كانت تحذيرات السيد المسيح من رفع الشعارات الدينية الشكلية جزءاً من حربه على الفريسيين و نحن في هذه الايام نرى تزايداً لوضع شعارات دينية من صليب و غيره و لصاقة على صورة صليب على زجاج السيارة و غيرها من الامور التي برأيي الشخصي لا داعي لها و لا تشكل أي حماية أو وقاية و لا علاقة لها بالإيمان لا من قريب و لا بعيد ..


ما الفائدة من وضع اشارة الصليب من ناس لا يحترمون قواعد السير و لا يراعون غيرهم من السائقين غير رمي الأوراق و بقايا الاكل و البسكوت من شبابيك السيارات و ممارسة ازعاج للآخرين و غيرها من الأمور التي لا تليق ..


24 حينئذ قال يسوع لتلاميذه " إن اراد احد ان يأتي ورائي فلينكر نفسه ويحمل صليبه ويتبعني " - لوقا : 23 - 9

فالمسيح لم يطلب و لا مرة تعليق الصليب لا على السيارات و لا على الرقاب و لا طلب وضع صور دينية على الشبابيك و لا تمويل بناء صلبان و تماثيل للعذراء ..

قد يقول البعض إنها هوية و ما دام غيرنا متعصب فلماذا لا نبادل التعصب بتعصب و هو برأيي ما هو حاصل و هذا خطئ كبير أن ينجر المسيحيون إلى لعبة تعصب شكلي لا تقدم و لا تؤخر ..
السيد المسيح وعد بالحماية لمن يتبع كلامه و يمارس ايمانه و محبته و ينفذ الوصايا العشرة و هو يشكل نوراً حقيقياً في مجتمعه ..

" الذي عنده وصاياي ويحفظها فهو الذي يحبني.والذي يحبني يحبه ابي وانا احبه واظهر له ذاتي "يوحنا 21- 4

[rafi geryes]

رد: الصليب على السيارات مظهر شكلي لا علاقة له بالإيمان

للاسف بالسيارات وغير السيارات صار الصليب اكسسوار اكتر من رمز

[Attractive Girl]

رد: الصليب على السيارات مظهر شكلي لا علاقة له بالإيمان

اي تماما مظهر
ومشان يبين الواحد مسيحي او لا
وبلاخص التكاسي
ميرسي

[skipy]

رد: الصليب على السيارات مظهر شكلي لا علاقة له بالإيمان

اي تماما مظهر
ومشان يبين الواحد مسيحي او لا
وبلاخص التكاسي

ماني شايف وضع الصليب الو اي طعمة او سبب لا على التكسي او اي سيارة تانية

سمعت في شوفيرين و شباب مو مسيحيين بيعلقوا صليب ليخدعوا البنات

و اتمنى يصير في قانون يمنع كل الشعارات الدينية على السيارات
...

[Monster18]

رد: الصليب على السيارات مظهر شكلي لا علاقة له بالإيمان

مساء الخير skipy


بس انت هيك متل واحد عمبيطاب بنسخ كل الصابان وصور المسيح بكل مكان!

يعني يلي حاطط صليب بليبت ما عمبيغلط؟

ويلي حاطط صليب برقبته ما عمبيغلط؟

ويلي حاطط بمحل ما عمبيغلط؟

ويلي حاطط صليب بلورشة ما عمبيغلط؟

يعني شو؟ ننسخ رمز الصليب؟

هاد الرمز "الجوهر" تبعنا وأول من حطه الكنيسة

والكنيسة هي يلي بتيع الصلبان وصور المسيح بلجمعة العظيمة وغير مناسبات.

شو ما بقي ناقص غير نطالب بلكنيسة بنسخه من الكنيسة وتحريم ترويجه !

[skipy]

رد: الصليب على السيارات مظهر شكلي لا علاقة له بالإيمان

انا برأيي قوة الصليب و جوهوه تكمن بالتضحية يلي عملها المسيح و اتباع المسيح بهذا الامر فعلا في الحياة و ليس بتعليق الشعارات بشكل فوضوي ..

و غير هيك بعتبرها اساءة للقيم الروحية .. با ريت تعيد قراءة الآيات يلي وضعتها

أنا ضد وضع شعارات دينية بمكان العمل او السيارة أو الاماكن العامة .

هاد الرمز "الجوهر" تبعنا وأول من حطه الكنيسة

ما ذكرت الكنايس أبداً او ما يعنيه الصليب بالعكس كلامي يؤكد على قيمة الصليب في حياة الانسان و اظن انه يشكل احترام لهذه القيمة الروحية التي فُقدت و بقيت كإكسسوار ..

..

[Monster18]

رد: الصليب على السيارات مظهر شكلي لا علاقة له بالإيمان

انا برأيي قوة الصليب و جوهوه تكمن بالتضحية يلي عملها المسيح و اتباع المسيح بهذا الامر فعلا في الحياة و ليس بتعليق الشعارات بشكل فوضوي ..

و غير هيك بعتبرها اساءة للقيم الروحية .. با ريت تعيد قراءة الآيات يلي وضعتها

أنا ضد وضع شعارات دينية بمكان العمل او السيارة أو الاماكن العامة .



..

انا معك ان قوة الصليب و جوهره تكمن بالتضحية يلي عملها المسيح و اتباع المسيح. -+بس هاد ما بيمنع ان نحط صليب
وين ما بدنا !
شو بتقصد بشكل فوضوي؟
الصليب وين ما كان معلق وموجود اله قيمته.
وهون بلمنتدى كتير مننا حاطط صليب وصور المسيح
كصورة شخصية وانا اولهم.
و للعلم
ويكون بعلم الجميع
"الصليب لا بتهتز قيمته أو كرامته بأي شكل من الأشكال كان معلق او مرسوم فيها".
وبلنسبة الآيات يلي وضعتها شفتها بس ما شفت فيها أمر من السيد المسيح ان ممنوع نعلق صليب بلسيارة او نحط صورته !

وبلأخر هاد رأيك الشخصي وحريتك الشخصية اذا انت ضد شعارات دينية بمكان العمل او السيارة أو الاماكن العامة .
لا تحط!
بس ما فيك تقنع الناس انهم على غلط من وضع الصليب رمز الديانة المسيحية...

[Ibrahem]

رد: الصليب على السيارات مظهر شكلي لا علاقة له بالإيمان

المسخرة والأدعاء

[Zeina]

رد: الصليب على السيارات مظهر شكلي لا علاقة له بالإيمان

السيارة هي ملكية خاصة متلها متل البيت
يعني لما بدك تلغي الصليب بالسيارة
معناها بنفس المنطق لازم يلتغى بالبيت
وهالحكي ما بيجوز

[skipy]

رد: الصليب على السيارات مظهر شكلي لا علاقة له بالإيمان

الصليب وين ما كان معلق وموجود اله قيمته.
وهون بلمنتدى كتير مننا حاطط صليب وصور المسيح

انا أخالفك الرأي يا عزيزي

أنا أفترض أن شخص ينتمي لحزب سياسي للمنفعة و التفاخر من دون ان يطبق اساسيات الحزب و أهدافه ..
الناس راح تقول انه منافق متكسب ..

و كذلك الصليب أهميته بالقلب و اتباع خطوات الفداء و المحبة ووووو إلخ

و ليس له أي قيمة و هو معلق نهائيا و لا اي تاثير لا روحي و لا معنوي و الدليل معظم الزانيات بالغرب يضعن صليب لاهانته ..

و في قصة مشهورة انو حاكم ملحد استدعى احد المسيحيين المؤمنين و وضع أمامه سجادة فيها صليب فوقف الشخص و داس على السجادة بشكل عادي ..
فقال له الحاكم : في صليب تحت رجليك ..
فقال له نعم في صليب يداس عليه و هو صليب اللص الشمال الذي صلب مع المسيح و سخر منه و صليب يوضع في القلب و هو صليب السيد المسيح ..

..
.

[SKY ANGEL]

رد: الصليب على السيارات مظهر شكلي لا علاقة له بالإيمان

مساء الخير skipy

بس انت هيك متل واحد عمبيطاب بنسخ كل الصابان وصور المسيح بكل مكان!

يعني يلي حاطط صليب بليبت ما عمبيغلط؟

ويلي حاطط صليب برقبته ما عمبيغلط؟

ويلي حاطط بمحل ما عمبيغلط؟

ويلي حاطط صليب بلورشة ما عمبيغلط؟

يعني شو؟ ننسخ رمز الصليب؟

هاد الرمز "الجوهر" تبعنا وأول من حطه الكنيسة

والكنيسة هي يلي بتيع الصلبان وصور المسيح بلجمعة العظيمة وغير مناسبات.

شو ما بقي ناقص غير نطالب بلكنيسة بنسخه من الكنيسة وتحريم ترويجه !

انا معك بيلي قلتو شو يعني مو ناقص غير الواحد ينكر دينو ولا شو ؟ انا ما بشوف اي مانع من انو الواح يعلق صليب بالعكس لازم يفتخر لان هذا رمزو وقدوتو ومابشوف اي اشكال اذا الواحد علقو بالسيارة او برقبتو او بمحلو او بالبيت انا ما بعرف شو الهدف من طرح هيك موضوع

[Iden]

رد: الصليب على السيارات مظهر شكلي لا علاقة له بالإيمان

صح sky angel ومانستر

وثاني شي مو كل الي يحط صليب بسيارتوا او صور المسيح والعذرا بيتو يعتبرا زينة

" لاتدينوا لكي لا تدانو "

[SKY ANGEL]

رد: الصليب على السيارات مظهر شكلي لا علاقة له بالإيمان

لاتدينوا لكي لا تدانو
ولا تلومو كي لا تلامو

[Ibrahem]

رد: الصليب على السيارات مظهر شكلي لا علاقة له بالإيمان

أنا قصدت بالمسخرة والأدعاء
أنو مافي أي شخص فهمان المسيحية بالشكل الصح
المسيحية مو بالصليب
الصليب عبارة عن رمز بالمعنى الضيق
بس المسيحية أكبر من هيك بكتير كتير
لو 1% فهمان هاد المعنى ما كان بحط الصليب كمظهر ليبين للناس أنو مؤمن
أنا رح لخص المسيحية بالمحبة والتسامح والتواضع

[Zeina]

رد: الصليب على السيارات مظهر شكلي لا علاقة له بالإيمان

انا أخالفك الرأي يا عزيزي

أنا أفترض أن شخص ينتمي لحزب سياسي للمنفعة و التفاخر من دون ان يطبق اساسيات الحزب و أهدافه ..
الناس راح تقول انه منافق متكسب ..

و كذلك الصليب أهميته بالقلب و اتباع خطوات الفداء و المحبة ووووو إلخ

و ليس له أي قيمة و هو معلق نهائيا و لا اي تاثير لا روحي و لا معنوي و الدليل معظم الزانيات بالغرب يضعن صليب لاهانته ..


.

يمكن انت بالنسبة الك مالو تأثير معنوي بالنسبة لغيرك كتير مهم يعلق صليب
مافيك تحاكم الناس عأساس الشكليات
إنما الأعمال بالنيات

هلا أنا ماني من الاشخاص يلي بيحطو صليب بس مافيني امنع شخص كتير بيعتقد بأهمية وجوده معلق بسيارته ...

وبعدين قيمة الصليب ما عم تجي من يلي حامله على رقبتو او معلقو بسيارتو صح ؟

[Karmah]

رد: الصليب على السيارات مظهر شكلي لا علاقة له بالإيمان

الصليب رمز افتخارنا وإذا كان البعض عم يحطوه كزينة أو دلالة على أنه شخص مؤمن
أو متدين فأكيد هالشي بيبين عليه حتى يلي بحطوا كأسسوار كمان بيبين عليهن فلحنا
ما نقدر نعمم هالشي والصليب موجود بقلبنا بس ما بيمنع يكون موجود بالسيارة أو بالبيت

[skipy]

رد: الصليب على السيارات مظهر شكلي لا علاقة له بالإيمان

عدم تعليق الصليب ليس انكار للدين

اظنها فكرة غبية ان يرتدي كل مسيحي صليب ليعرفه الناس انه مسيحي

و ما الفائدة من شوفير تكسي مسيحي و شجع ياخذ اكثر من العداد

بذكر من سنتين طلعت مع شوفير تكسي حاطط صليب و كان بدو دبل العداد و انا كنت راج جبلو الشرطة و قعد يترجاني

شو الفائدة من صليب منشور في كل مكان و معظم المسيحيين لا يعرفون و لا يطبقون لا الأنجيل و لا الوصايا العشرة ..

..

[Ibrahem]

رد: الصليب على السيارات مظهر شكلي لا علاقة له بالإيمان

عدم تعليق الصليب ليس انكار للدين


اظنها فكرة غبية ان يرتدي كل مسيحي صليب ليعرفه الناس انه مسيحي

و ما الفائدة من شوفير تكسي مسيحي و شجع ياخذ اكثر من العداد

بذكر من سنتين طلعت مع شوفير تكسي حاطط صليب و كان بدو دبل العداد و انا كنت راج جبلو الشرطة و قعد يترجاني

شو الفائدة من صليب منشور في كل مكان و معظم المسيحيين لا يعرفون و لا يطبقون لا الأنجيل و لا الوصايا العشرة ..

..

رائع
هاد قصدي من الأدعاء والمسخرة أنت

[hadihm]

رد: الصليب على السيارات مظهر شكلي لا علاقة له بالإيمان

كلو شي وانه الناس توشم الصليب على ايديهم وظهرهم واسفل ظهرهم شيء
هي اهانة للصليب

[Zeina]

رد: الصليب على السيارات مظهر شكلي لا علاقة له بالإيمان

اي طبعا سكايبي
الايمان ما بينقاس من كم صليب معلق ولا اذا مافي صليب معلق
يلي بدو يقيسو هيك الله يعينو على عقلو