في الكتاب المقدس إذا تزوجت من مطلقة فإنك تزني

[rammy]

رد: في الكتاب المقدس إذا تزوجت من مطلقة فإنك تزني

استاذي الكريم اذا بتسمحلي برد متاخر شوي


بعيد عن الي مكتوب بالكتاب المقس او راي الكنيسة بالموضوع


لانو الشباب كفو ووفو وبتوقع عطوك الراي الاصح والافضل لحتى تعملو


والنقطة اللي بدي اسالك فيها واللي وقفت عندها كتير هي ردك هاد

شكراً أخي لا أحد يعرف بعلاقة الفتاة السابقة سوى أنا و هي و الشاب الذي كانت تحبه يعني سمعتها نظيفة بين الناس لكن المشكلة عندي أنا كلما فكرت بهذا الأمر أنزعج و أفكر أن أتركها و قد تكرتها أكثر من 10 مرات و كل مرة أتراجع عن قراري لأنني أشعر بالندم و أفكر بأنه ليس ذنبها كانت مراهقة صغيرة و عندما أقول لها بعد أن أكون قد تركتها ( هل تحبيني ؟ ) تقول إي بحبك و في كل مرة تغضبني فيها أتذكر ماضيها و أعود فأتركها و الله احترت أرجو التفاعل مع الموضوع فأنا في حالة يرثى لها و الله

هون حبيب في شوية تساؤلات لازم يتجاوب عليها


اولا ,,,,,, اذا هلا كل ماصار شي بيناتكن عم تتذكر ماضيها ,,,,, ياترى كيف رح تتصرف

انت بس تتجوزو؟


تانيا ,,,,,, فعلا عندك القدرة انك تنسى هالماضي وتكمل حياتك ولا كانو صار ؟


تالتا ,,, الانسان بطبعو الشك ,,,, رح تضمن انو كل ماطلعت مشوار ماتهاجمك الافكار

السودا ؟؟


رابعا ,,,,,, كيف رح يكون شكل حياتك اذا مائدرت تنسى ؟


خامسا ,,,,, شو رح تتصرف اذا بلحظة ما حطتك الظروف ئدام الشخص اللي غلط مع


البنت؟






حبيب انت وضحت الفكرة اللي عم تسال عنها لحالك ,,,,,,, المشكلة عندك بالدرجة الاولى


مو عند راي الكنيسة ’,,,,, يعني قبل ماتروح لعند ابونا وتسالو ,,,,, حاول تسال حالك


اذا فعلا مستعد تمشي بهالطريق وتكملو لنهايتو وتكون من كل قلبك فعلا مسامح


ونسيان الموضوع وتتعامل معها كانو هالشي ماصار ,,,,,,ان كان هلا او بباقي حياتكن سوا

,,,, لانو البنت هلا مكسورة الجناح ويمكن ئدامك عم تحس انها ذليلة ,,,, والقرار بايدك



هون حبيب ماحدابيئدر يفيدك ابدا ,,,,,, لانو اي راي يكون مختلف كليا عن التاني


والشغلة نسبية جدا,,,,, وممكن يكون في تضادكبير





بالمختصر : قبل ماتروح لعند ابونا بالكنيسة ,,,,,,,, شوف كنيسة قلبك اذا رح تسامح






ملاحظة زغيرة : الاسئلة اللي كتبتها مو طالب منك تجاوب عليها,,,,, بس اسالها لحالك

وشوف شو رح تجاوب حالك









والرب يكون معك بكل شي رح تقررو وينور قلبك ودربك

[سفيان]

رد: في الكتاب المقدس إذا تزوجت من مطلقة فإنك تزني

أنت صاحب القرار

[شيري ماريا]

رد: في الكتاب المقدس إذا تزوجت من مطلقة فإنك تزني

أنت صاحب القرار

!!!!!!!!!!!!
مابظن صاحب الموضوع مسيحي بالرغم هو قال .
وبالنسبة لردك هاد تقوليه الكم.
مو للدين المسيحي
تمام ومفهوم.

[قصة انسان]

رد: في الكتاب المقدس إذا تزوجت من مطلقة فإنك تزني

اولا السلام عليكم
ثانيا انا مسلم وما بعرف عن الدين المسحي بس اذا كان بالاسلام هيك صار رح يكون سترت البنت اذا تزوجتها اذا ما كان بقصد البنت طبعا واذا كان بقصدها وتابت توبة نصوحا
ورح يجيلك حسنات اكبر من ما تتصور
بس بدينكم ما بعرف بس اذا تقول للكاهن بيكون احسن
والله يوفقك ويساعدك لاخذ القرار الصحيح
باي

[Saint Anger]

رد: في الكتاب المقدس إذا تزوجت من مطلقة فإنك تزني

!!!!!!!!!!!!
مابظن صاحب الموضوع مسيحي بالرغم هو قال .
وبالنسبة لردك هاد تقوليه الكم.
مو للدين المسيحي
تمام ومفهوم.

بس يا ريت تتمعني بتوقيعك :

ملاحظة صغيرة:
دخلت للمنتدى كي أتناقش بشكل عادي. ولو سمحتم ياأعضاء بدون جدال .وأرجو توضحت الملاحظة عند الكل.

[haya]

رد: في الكتاب المقدس إذا تزوجت من مطلقة فإنك تزني

كان في اتنين قساوسة ماشيين بغابة بعد مطر شديد..شافو بنت حلوة عم تحاول تمر ومو قادرة من الطين اللي بالأرض..
واحد منهن قرب منها وحملها بين ايديه للجنب التاني وكملو مشي... بعد خمس ساعات سأل القس رفيئو: ليش حملتها؟
نحنا رجال دين ومالازم نتصرف هيك تصرف(بيقصد ملامسة النساء) رد القس اللي حملها: انا حملت البنت ونزلتها من خمس ساعات..لساتك انت حاملها؟
ببساطة..لازم مانخلي الماضي يسيطر علينا ويشغل تفكيرنا ..لازم نعيش كل شي ونخلي يمر بدون تشديد او تفكير بشي مر..
لازم الحياة هي اللي تمر من خلالنا مو نحنا نمر منها يعني هي تعيشنا مو نحنا نعيشها

لا تفكر بالماضي لان الماضي شي راح وانتهى وانت هلأ بالحاضر الماضي انتهى وطالما البنت بتحبك رح تكون وفيه معك

[ماهرزط]

رد: في الكتاب المقدس إذا تزوجت من مطلقة فإنك تزني

أنا حالياً مستمر مع الفتاة و أحاول أن أنسى الماضي الذي من الصعب نسيانه
و بتمنى لو تنمحي ذاكرتي و أتمكن من نسيان الماضي
و شكراً لكل من أبدى رأيه في الموضوع

[ماهرزط]

رد: في الكتاب المقدس إذا تزوجت من مطلقة فإنك تزني

رفعت الموضوع لإني بحاجة لآراء أكثر من هيك و شكراً للكل و أكتر شي عم فكر بحكي المستشار رامي و المشكلة إنو بخاف البنت تكون مجبورة تحبني لأنها اعترفتلي باللي صار معها و حالياً عم يصير كتير مشاكل بيني و بينها و عم فكر اتركها جدياً لأني فقدت صبري
أنا صح سامحتها على كل شي بس أنا ما عندي إلا طلب منها منشان أكمل معها هو إنو تبطل شرب أركيلة و للأسف هي مستعدة تبطل تحكي معي و ما تبطل الأركيلة يعني وين الحب ؟ !!! و الله احترت

[stephany]

رد: في الكتاب المقدس إذا تزوجت من مطلقة فإنك تزني

... مستعدة تتركك مشان الأركيلة ... خوش حب والله ؟؟؟

اذا من بدايتا هيك ...!!

الشباب كفو ووفو ... وبرأيي اذا انت عم تفككر بالسيرة بكل شاردة وواردة تصير بيناتكون وتذككرا ديماً باللي صار هية رح تحس أننا منكسرة معك ... وما حلو أبداً هالشعور..

اذا قدران تنسى وواثق من حبها ألك ...( مع أني ما بعرف شو مفهوم الحب عندا من آخر جملة كتبتا !!) ... برأيي انو الحق مو على حدى .. هاد طيش المراهقة والرب قال من منكم بلا خطأ فليرمها أولاً بحجر ... فاذا طلبت التوبة والرب سامحها انت مالك حق تعاقبا ...

برجع وبقول اذا واثق من حبها ألك ومتأكد انك مستعد تنسى اللي صار بالماضي وتكمّل فانشالله الرب رح يكلل حبكون بالزواج ...

في حال ما توفرت هالشروط ..فتتركا من هللء أحسن .

هاد رأيي الشخصي والمتواضع ..

تقبل مروري ولك ودي ووردي

ونعمة الرب تكون معك

[ماهرزط]

رد: في الكتاب المقدس إذا تزوجت من مطلقة فإنك تزني

و الله أنا محتار مرات أحس أنها تحبني كثيراً و مرات أحس أنها مجبورة
على فكرة في بداية حبنا كانت هي تتركني كل فترة و أعود و أصالحها
كانت تتركني بدون سبب و أنا كنت أتعذب لأني كنت أحبها كثيراً لدرجة أني كنت ابكي يومياً
و كنت أريد أن أعرف السبب الذي تتركني بسببه و لم أكن أقدر أن أحصل منها لا على حق و لا على باطل و بالآخر بعد أن قمت بتهديدها بأني سوف أفضح قصة حبها معي بكل أرجاء العالم ( دخلت حسابها الفيس بوك و بدأت بإضافة كل شباب منطقتها و منطقتي و أنشأت ارتباط على الفيس بوك بيني و بينها ) يعني relationship و بالتالي أصبح كل ناس منطقتها يعرف أنها تحبني و أحبها و رغم الذي فعلته لم أستطع التأثر عليها حتى تخبرني لما تتركني دائماً
كانت أحياناً تسألني عن رأيي بأشياء غريبة مثلاً : مبارح حضرت حلقة عالتلفزيون بيحكوا فيها عن البنات اللي بيغلطوا و إذا الشباب بسامحوهم أنت شو رأيك بهالموضوع يعني أنت مستعد تسامح بنت غلطانة بحياتها ؟ و ليش دائماً الشب عادي إذا غلط و البنت مو عادي ؟
كنت اسألها : شو يعني عم تلمحليلي أنك غلطانة ؟ كانت تقلي لا لا لك شبك بس عم قول هيك منشان شوف رأيك
بس هالسؤال كانت تطرحو أكتر من مرة على فترات و كنت كل مرة ارفض و قلا أنا مستحيل سامح البنت اللي بتغلط
بالآخر صرت شك بالموضوع يعني لو مو غلطانة ليش بتسأل هالسؤال كتير ؟
لو مو غلطانة ليش بتتركني بلا سبب
يمكن بتتركني لإني ابن خالها و ما بدا تتسلى عليي أكتر من هيك
!!!!!!!
طيب وصلت معي الأمور لحد لا يوصف من القهر حتى إنو هددتها مرة لما تركتني إنو بدي انشر رقم بيتهم على الإنترنت و اكتب مواضيع إنو في بنت اسمها كذا بتشتغل و هاد رقم بيتها فيكن تحكوا مع أمها ( يعني عمتي ) و هي رح تتصرف ( أنا مستحيل اتصرف هيك بس كنت مضطر منشان يا إما بترجعلي يا إما بتقلي السبب اللي عم تتركني منشانو و الله معها مو مشكلة ) هالتهديد فادني كتير لإنو هي بتعرفني بس عصب بصير بنص عقل و بعمل أي شي
وقتها ترجتني حتى ما انشر هيك على الإنترنت و حكت معي عالهاتف و بكت و حكتلي قصتها
و قالتلي ( موفق بحياتك أنا كنت عم اتركك لأنك مو مضطر تبقى معي بس أنا بعبدك ) قالت هالجملة و هي عم تبكي
سألتها طيب ليش خليتيني حبك ؟ ليش علقتيني فيكي إذا أنت واثقة إنو ما رح نكمل مع بعض ؟
قالتلي فكرتك متل بقية الشباب اللي بحبوا يتسلوا على البنات يعني بتحب و بتنسى بسهولة
و قالتلي كمان : شو يعني إذا صار معي هيك مو من حقي حب و انحب ؟ قلتلا إي بس مو تضحكي عليي كل هالفترة صرلك مخباية هالموضوع 9 شهور و أنا شاكك فيه بس ما عم استرجي صارحك لأنك بنت عمتي
يا جماعة انفجر راسي من هالقصص
لك مبارح و لأول مرة بشرب كاسة عرق الساعة 10 و بنام لك بس منشان ارتاح من التفكير
المهم أنا و البنت سافرنا مع بعض مرة و طلعنا على جبل السيدة يعني كنا متفقين على هالشي
و فوق عند الكنيسة خليتها تحلف على كل شي
حلفتلي إنو ما كانت تعرف شي و وعدتني إنو مستحيل تفكر بحدا غيري و حلفتلي إنو هي بتحبني شو بعرفني يعني كتير شغلات حتى إنو دخلت بتفاصيل اللي صاير معها
على كل حال أنا اليوم دخلت على الفيس بوك و ألغيت الارتباط معها و قررت اتركها حتى شوف رح تبطل الأركيلة أو لا ؟؟؟؟ هالشغلة رح تجنني يعني ليش هالهوس بالأركيلة
قلتلا آخر مرة : إذا بدك نخطب هالصيف بتبطلي الأركيلة من هلق و هي قالتلي ببطل الأركيلة بس نخطب بس أنا خايف إنو ما تبطلها
بتمنى شوف أراء أكتر

[rammy]

رد: في الكتاب المقدس إذا تزوجت من مطلقة فإنك تزني

والله ياشريك هلا ضاع المنطق عندي


انو عم تحاولو تتجاوزو شي كبير متل اللي صاير معها


وماعم تعرفة تغضو النظر عن نقطة متل الاركيلة


وتتركوها توقف عقبة ؟


مابعرف بس في حلقة مفقودة هلا ماعم لاقيها بكلامك

[ماهرزط]

رد: في الكتاب المقدس إذا تزوجت من مطلقة فإنك تزني

طيب أنت شو بتفسر كلام بنت بتقلك مستحيل تترك الأركيلة حتى لو تركتها أنت ؟
معناها الأركيلة أهم مني
صح أو لا ؟
لو إني بدخن أو بأركل ما كنت بحكي
بس أنا عنجد كتير بتدايق من البنات اللي بأركلوا بحس إنن بلا شرف
أنا هيك عقلي و فهمتا هالشي أكتر من مرة طيب شو الحل

[ninos]

رد: في الكتاب المقدس إذا تزوجت من مطلقة فإنك تزني

الصديق من يجرحك

رح وضحلك غلط كبير عم توقع فيه
و هو التهديد
و انا رح سميه الترهيب
ان كنت تحبها بصدق و بجد لا تهددها بشي
و حتى لو تركتك
هيك رح تنقص من رجوليتك قدامها

....
البنت بتحبك مية بالمية و مستحيل تتخلى عنك بس هي مرات بتبعد عنك من شان تشوفك إذا بدك ياها بصدق او لا يعني عم تتسلى معها او لا
و اكبر دليل على حبها الك هو اعترافها انو اقامت علاقة مع غيرك و هاد من الصعب انو اي بنت بتبوح لأي شب بهالعملة


و ما دامت البنت حبت بصدق و انت بتحبها فلا تتخلى عنها بل بالعكس ارمي الماضي خلفك و شوفها بعين المسيح و تمسك فيها . اما إذا كان عندك شك انو ممكن تغلط مع شب تاني و بالنفس الوقت في بينك و بينها علاقة فصدقني لا تخاف لأنه حسب ما حكيت انو البنت سمعنها منيحة
فلا تخاف و لا تخلي الشك يخرب علاقتكن
ولا تحسسها انو عم تشك فيها لأنه بس حست انو عم تشك فيها و عم تخنقها فصدقني رح تغلط مع شب تاني

و من شان موضوع الاركيلة
انا عتبان عليك ( ليست كل بنت تشرب الأركيلة هي بلا شرف و لا بنت لا تشرب الاركيلة كاملة الشرف ) الظاهر انو انت عقليتك شوي صعبة و شرقيييييييييييييييييييييييييييييييييييية زيادة عن اللزوم
بتمنى منك حبيب انو حرر فكرك
ليش هي ما بدها تتخلى عن الاركيلة ؟
انا بقلك السبب!!!!
اولا : شرب الاركيلة مسألة حرية شخصية و انت عم بتدخل بخصوصياتها و عم تفرض عليها فرض فاكيد كل شخص بتجبرو على شغلة و حتى ولو كانت الشغلة صحيحة فما رح يتقبلها

تعال الها بأسلوب احلى و ارق واحن
بتضل بنت الها مشاعر رقيقة



ومن شان الكتاب المقدس بحب قلك إذا قرأت بسلسلة انساب المسيح في انجيل متى رح تشوف اسماء 3 بنات و هني
تامار و رحاب و بثشبع و المسيح تقصد انو يحط 3 زانيات بسلسلة نسبه
من شان يقول للعالم انا بحب كل الخطاة و ما بنكرهن بل بالعكس انا بفتخر فيهن
و حاططهن بسلسة نسبي و بكتابي كمان و بمقدمة كتابي
طبعا هالزانيات تابو
و انت كمان ما دامت البنت بدها توب عن الخطية و تحبك حب قاتولي فلازم تفتخر فيها و ما تتخلى عنها


ما تواخذني طولت عليك و لساتني ما قسيت عليك

[ماهرزط]

رد: في الكتاب المقدس إذا تزوجت من مطلقة فإنك تزني

بعد ما عرفت باللي صاير معها ما عاد هددتها بشي بس بالأول كنت مضطر يعني لولا التهديد برأيك كانت اعترفتلي ؟؟؟؟ ما بعتقد
طيب البنت بتحبني 100% بس سؤال ( إذا أنت اتفقت مع حبيبتك تشوفها الساعة 8 المسا و هالحكي كان الساعة 4 الضهر و لما صارت الساعة 8 المسا كنتوا عم تحكوا على الماسنجر و أنت ناطرها حتى تجبلك السيرة إنو منشان تشوفها و تشوفك و هي ما جابت السيرة و كأنها عم تتناسى قصد ) طيب طالما بتحبني ليش بتتهرب من شوفتي ؟ لا تقلي ظروفها لإنو أهلها بيعرفوا كل شي يعني ما عم نتسلى من ورا ضهر أهلها
أنا رميت الماضي و شفتها بعين المسيح و تمسكت فيها بس ما بقا اقدر اصبر عم تساويلي مشاكل كتير و تعصبني كتير لك بتحمل كل شي بس لو إنو بتخليني حس إنو بتحبني متل قبل
ما عندي شك فيها بس سمعة بنات عمها مو منيحة أبداً لدرجة إنو في وحدة منهم بتشتغل .... و رغم ذلك حبيبتي بتقعد معها طيب أنا فهمتها ألف مرة ما بدي ياكي ترافقي هيك أشكال بتقلي شو إذا رافقتها يعني صرت متلا و بتقلي هي بنت عمتي بيتها جنبنا كيف بدي بطل احكي معها ؟
هي بتعرف إنو مو شاكك فيها تغلط مع شب بس أنا في عندها رفقات ما بحب شوفها قاعدة معهم و للأسف ما بترد طيب ليش ؟ أنا عم شك فيها أو هي اللي عم تزرع الشك بقلبي ؟
منشان الأركيلة يمكن معك حق بس أنا و الله مو مستعد اتحمل بنت عم تقتل حالها يعني مو ممكن اتصور بكرا بعد عمر طويل أنا عايش و مرتي توفت بالسرطان لا سمح الله يعني شو رح يكون موقفي ؟ لك و الله إذا عرفت بعد ما نتزوج إنو صار معها شي مرض من الأركيلة رح طعميها قتلة الله مولاها فوق مرضها لك كيف رح اصبر على هيك موضوع ؟ لك لولا خوفي عليها ما كنت بفتح موضوع الأركيلة معها لك لو ما بموت فيها ما بطلب منها هالطلب لك بدي ياها تحافظ على صحتها و صحة أولادها بالمستقبل بس هي بتعتبرني عم حاول احرمها من شغلة بتبسطها
بالنسبة لموضوع الزنى بشكرك لإنو ريحتني شوي و هالموضوع برجع بكرر أنا سامحتها عليه بس باقي شغلات صرت حسها أكبر من هالموضوع ما بعرف ليش تولد هالإحساس عندي
و بالنسبة أنو لسا ما قسيت عليي أنا بتمنى أنك تقسى منشان ارجعلها لإني حياتي بدونها صعبة بس بنفس الوقت حياتي معها صعبة !!!! شغلة غريبة مو هيك

[ماهرزط]

رد: في الكتاب المقدس إذا تزوجت من مطلقة فإنك تزني

على فكرة أنا عطيت بنت عمتي رايط هالموضوع منشان تقرأه يعني هي بتعرف كل شي و بحياتي ما خبيت عنها شي