نقاش في ظواهر اجتماعية

[elias mousa]

رد: نقاش في ظواهر اجتماعية

شو شباب خلصنا من موضوع النت
اذا خلصنا خلي فلاي يبلشلنا بشي موضوع
اوكي

[Molham Haddad]

رد: نقاش في ظواهر اجتماعية

نحنا ناطرينكن

انتو اللي عم تتناقشو إذا وصلتو لنتيجة
حطوها بالمشاركة التالية

واطرحو اللي بعدو

[elias mousa]

رد: نقاش في ظواهر اجتماعية

نحنا ناطرينكن

انتو اللي عم تتناقشو إذا وصلتو لنتيجة
حطوها بالمشاركة التالية

واطرحو اللي بعدو

للاسف يا ملهم انا بالنسبة الي ما لقيت حدا شاركني ظاهرة بظن الكل اللي بالمنتدى لمسها لمس اليد
و بظن انو كل واحد فينا عندو اخ او قريبو او حتى من شباب الاخويات
و ما شفت اراء
لذلك بدك تعذرني من اني اكتب نتيجة توصلتلها من خلال الردود او افتح اي موضوع تاني
يالله لاقيلنا بشي موضع

[fly in the sky]

رد: نقاش في ظواهر اجتماعية

ظاهرة رقم ثلاثة

كيف تنمو بذور الفساد الأجتماعي تحت أنظار المجتمع

بداية الأنسان أو طفولته هي واحد من أهم المراحل في حياة كل فرد .... ففي هذه المرحلة يبدأ الفرد بالتعرف إلى العالم المحيط به و يحاول أكتساب المعارف من كل الأوساط المحيطة به .....
و لكن
هل تذكر عدد المرات التي رأيت فيها أطفالا بعمر لا يتجاوز الخمس أو الست سنين يطرقون نوافك و أبواب سيارتك بغية حسنة منك
كم مرة رفضت أطفالاً يطرقون باب بيتك و يطبون منك أي شيء
كم وردة وجدت مع كثير من الأطفال في الشوارع يحاولون بيعك إياها
كم عدد الأطفال الذين تراهم مع أمهاتهم يحاولون من خلالهم جمع مبلغ معين من المال .......





هذه ظاهرة أصبحت منتشرة في مجتمعنا بشكل كبير و هي

أطفال الشوارع

ففي كل شارع و في كل أشارة مرور و في كل موقف و في كل ساحة تجدهم واقفين يرتجون منك قليلا من الأموال






مجتمعنا ينظر لهؤلاء نظرة سخط و إهانة كونهم أقل شأنا من باقي أفراد المجتمع
بعضهم يقولون أنهم عبارة عن عصابات منظمة مرؤوسين من قبل شخص معين
و بعضهم يقولون أنهم أطفال تذهب حريتهم و طفولتهم في هدير الريح
و منهم من يقولون أنهم أشخاص مجبرين على الفساد





و لكن في كل الأحوال يبقون مشاريع لمجرمون
فالطفل الذي يمتهن التسول و السرقة في عمر صغير جدا دون حسيب أو رقيب كيف يمكن أن يكونوا في المستقبل لهم رقيب في ضما ئرهم و حياتهم
من سيقول لهم لا تسرقوا و لا تنهبوا
من سيقول لهم أعملوا لتكسبوا عيشكم
---------------------------------------------------------
من سيحاسبهم
أو عندما سيحاسبهم القاضي على جرائهم فمن سيكون المسؤول
سيقولون للقاضي كيف تحاسبنا و نحن الضحية و انت تترك من يصنع الألاف مننا
-------------------------------------------------------
و سيأتي يوم نقول فيه من هو المسؤول عن هذه الظاهرة عندما نرى مجتمعنا ينخر فيه هؤلاء
مشكلة كبير أصبحت بحاجة لتحديد مسؤولية و بحاجة لتحديد حلول و إعادة حسابات

[abo_zoz]

رد: نقاش في ظواهر اجتماعية

عمالة اطفال بوقتنا هاد منتشرة بشكل كبير وقلها كتير اسباب منها فقر ومنها عدم تحمل اهل مسؤولية انجاب اطفال وهاد بعتقادي اهم سبب لهي الظاهرة اني ابني مجتمع منظم وخالي من هيك مشاكل وظواهر هاد امر كتير صعب حتى بالاكتر دول عالم تقدم في كتير حالات للعمالة اطفال يلي عم عم تكون بعدين سبب بنتشار جريمة والسرقات

انا ليش لجيب 10 اولاد وانا مو قادر اصرف على حالي للاسف هياهم اسباب برأي لانتشار هيك ظاهرة خطيرة التوعية بالانجاب اطفال حسب قدرة الشخص بالصرف والازامية التعليم واتخاذ خطوات صارمة من هي ناحية وتوعية اهل هي اهم طرق للتخلص لو بشكل كبير من هي الظاهرة

وتسجيل متابعة

[نبيذومطر]

رد: نقاش في ظواهر اجتماعية

شو شباب خلصنا من موضوع النت
اذا خلصنا خلي فلاي يبلشلنا بشي موضوع
اوكي

نحنا ناطرينكن

انتو اللي عم تتناقشو إذا وصلتو لنتيجة
حطوها بالمشاركة التالية

واطرحو اللي بعدو

بالضبط ملهم يسلم ايديك عالتوضيح

للاسف يا ملهم انا بالنسبة الي ما لقيت حدا شاركني ظاهرة بظن الكل اللي بالمنتدى لمسها لمس اليد
و بظن انو كل واحد فينا عندو اخ او قريبو او حتى من شباب الاخويات
و ما شفت اراء
لذلك بدك تعذرني من اني اكتب نتيجة توصلتلها من خلال الردود او افتح اي موضوع تاني
يالله لاقيلنا بشي موضع

د الياس

الفكرة أنو نحنا كنا عم نقرا النقاش .. و واضح أنو كان في اختلاف بوجهات النظر بينك و بين فلاي .. هوه رد و انت عقبت على ردو .. فصراحة نحنا كنا ناطرين لتكملوا و الرد الجاي كان المفروض يكون من فلاي بس ما بعرف ليش نزل موضوع جديد بدل ما يرد

[elias mousa]

رد: نقاش في ظواهر اجتماعية

بالضبط ملهم يسلم ايديك عالتوضيح



د الياس

الفكرة أنو نحنا كنا عم نقرا النقاش .. و واضح أنو كان في اختلاف بوجهات النظر بينك و بين فلاي .. هوه رد و انت عقبت على ردو .. فصراحة نحنا كنا ناطرين لتكملوا و الرد الجاي كان المفروض يكون من فلاي بس ما بعرف ليش نزل موضوع جديد بدل ما يرد

بيبصير
بيجوز كمان

[fly in the sky]

رد: نقاش في ظواهر اجتماعية

بالضبط ملهم يسلم ايديك عالتوضيح



د الياس

الفكرة أنو نحنا كنا عم نقرا النقاش .. و واضح أنو كان في اختلاف بوجهات النظر بينك و بين فلاي .. هوه رد و انت عقبت على ردو .. فصراحة نحنا كنا ناطرين لتكملوا و الرد الجاي كان المفروض يكون من فلاي بس ما بعرف ليش نزل موضوع جديد بدل ما يرد

الفكرة أنو لا يمكن قيام اي نقاش

بدون وجود نقاط أختلاف

و الشي يلي طرحوا د . الياس أنا ما لقيت عليه غبار أبدا و ما فيو أي مشكلة سببتلي أعتراض

من شان و بما أن الشغلة مو بس ردود فأنا ما رديت

برجع و بكرر لان مافي نقاط أختلاف ..........

[نبيذومطر]

رد: نقاش في ظواهر اجتماعية

أحلى شبيبة

الفكرة و ما فيها أنو لما تنين بيخوضوا بنقاش .. منبقى نحنا مثل مجموعة قاعدة على نفس الطاولة .. كرمال هيك ما حدا بيزت كلمة أو بيعقب اذا ما كان بدو يعقب بهي الجهة أو هديك .. لحتى ما تعلا الصوات على بعضها و تصير القصة خبيصة

أخي فلاي كان حلو منك تقلنا قبل ما تحط الموضوع الجديد

لأنو انت و الدكتور الياس اختلفتوا على اسلوب توصيف و على نقط مفصلية و انت ما رجعت رديت .. فهمت عليي شو الفكرة يعني ما كانت القصة جملة و ماشية

[ninos]

رد: نقاش في ظواهر اجتماعية

معك حق ابو الزوز
يمكن من أحد الاسباب ياللي بتنشط ظاهرة التسول و التشرد للأطفال هو عدد أفراد الأسرة
و الفقر يلعب الدور الأساسي
و بيضل الوعي الأجتماعي من الاهل له الدور الكبير لتزايد عدد المشردين
و كمان في سبب مهم و هو المجتمع نفسه ياللي ما عم بيقدم يد المساعدة لهولاء الاولاد بل بالعكس بتشوف المجتمع عم يتمسخر عليهن
و كمان في حق على مؤسسات الدولة الأجتماعية ( أين يكمّن دور المؤسسات التربوية و الأجتماعية و الأتحاد النسائي و وزارة شؤون العمل و منظمات حقوق الأطفال ....)
في عنّا بالقامشلي بعض الاشخاص المتسولين و اللي صارو مضحكة البلد
و آخص بالذكر أحد الاشخاص و اسمه ( ت . ح ) و هاد المسكين ما كان فيه شيء و لكن على قد ما آكل ضرب من أهله صار مجنون . و صار ينام بالشوارع و يمشي حافي و بيلبس لباس مقطع و مهتري و ما بيتحمم بالسنة مرّة .....................
طبعاً . بحط الحق على أهله و المجتمع و الكنيسة

[Molham Haddad]

رد: نقاش في ظواهر اجتماعية

الفكرة أنو لا يمكن قيام اي نقاش

بدون وجود نقاط أختلاف

و الشي يلي طرحوا د . الياس أنا ما لقيت عليه غبار أبدا و ما فيو أي مشكلة سببتلي أعتراض

من شان و بما أن الشغلة مو بس ردود فأنا ما رديت

برجع و بكرر لان مافي نقاط أختلاف ..........

الفكرة الاصح انو النقاش بينحطلو دائما ختام..... وإن كان ملخص للنقط التي لم يتفق عليها
وانا معك انو النقاش لايقوم إلا بوجود نقاط اختلاف
ولكن مو هدفو اظهارها...................... بل الوصول الى صحة احد النقطتين او نقطة وسطية.

وبما انو انت والدكتور مو ملاقيين نقطة خلاف بالرأي بيناتكن فعلى بركة الله منحكي على موضوع عمالة الاطفال ....

مع انو انت حاططلو غير عنوان !!!!

[فراس السوري]

رد: نقاش في ظواهر اجتماعية

معليش انا بدي حط موضوع لأنو كتير بيزززززززززززززعجني البيوت اسرار



يا ترى لأيّ درجه نحنا فعلا مرتبطين بهي المقوله ؟

يعني كنّا عند احد الاصدقاء او عند الجيران و صـار مشكله عائليّه صغيره حول أحد المواضيع .. مشكله عاديه يعني قد تكون اختلاف على كميّه الملح بالطعام .. شي عادي جدّا .. و من تقيمنا للامر بأنّو عادي قد نغلط بأنّو نعطي لحالنا الحـق بأنّو نـحكي بالقصّه بدون ما ننتبه أنّو هي مـش من حقـوقنا تناقل هيـك قصص ..

الاشيا الي بنشوفها ايضا ؟؟

حـصل معي من يومين انّي كنت عند أحد العائلات اللي بعرفها و رجعت عالبيت مـستغرب من أمر شـفته و من ضمـن استغرابي لقيت حالي عم اسـرد الوضع اللي شـفته على أحد افراد عائلتي .. نهارها المـسا حاولت فكّر انّو أنا اذا فات شـخص على غرفتي و شـاف شـي شغله- حتّى لو عاديه- و سمـعتو عم يحكي فيها بشكل تلقائي لشـخص تاني من الاصدقاء قديش يا ترى أنا بفضّل انو هالشـخص بقى لا يدخل غرفتي مرّه تانيه بدون ما كون حريص حتّى التصنع معه ؟

يـدهـشني احيانا انّو بنعطي لحالنا بعض الحقوق اللي ما بنـعطيها لغـيرنا ..
هل فعلا البيوت اسرار ؟
اذا كانت كذلك فما ردّه فعل أحدنا اذا تم انتهاك هالاـسرار من قبل الاخرين ؟

[ميلاد]

رد: نقاش في ظواهر اجتماعية

وين مؤسسات الرعاية الأجتماعية

[violetflower]

رد: نقاش في ظواهر اجتماعية

يمكن شي بيوجع كتير
وانا مليت من الحكي بهيك مواضيع
ومافي حل بالتاكيد
بس لي بدي ئولو
نحنا كل مالنا عم نتخلف................عم نتراجع ...................مافي تطور ولاششي
مفكرين حالنا عم نتطور ؟؟؟؟مفكرين حالنا عم نمشي لقدام كل ماعلي المبنى وكل مااخترعنا انسان وكل وكل..............
التطور ممو هيك
ليش الانسان بيضحك عحالو ؟؟؟؟؟؟؟؟؟؟؟؟
لما بيصطنع مشاكل ووقت بلائي حل الها او يمكن مايلائي بفكر حالو عمل انجاز وتطور
انتبهو بصطنع ثم يحل اذا حل
تطور الانسان =تطور الانسانية
مو تراجعها
التطور مو بالبناء والادوات والاجهزة ومابعرف شو .............
التطور بكون بتطور الانسان وبس
شوفي احلى من انو ترجع عالتراب والشجرة والنبعة؟؟؟؟
نحنا كل مالنا لورا ولورا...........ولورا............
يمكن ردي بلخص رايي بكل مشكلة رح نواجهها او بالاحرى رح تواجهها الانسانية هاد اذا بقي انسانية