الاصدقاء

[عامر]

هل يوجد كرامه بين الأصدقاء؟
لو الك او ليكي صديقة بتعزيها جدا وبتحبيها وقضيتي معاها أحلى وأجمل سنين عمركم وليكم مع بعض كتيير من الذكريات الحلوه اللي لما بتفتكريها بتصعب عليكي جدا
لو حصلت مشكلة بينك وبين صديقك \تك والمشكلة كان سببها انكم افترقتم والله اعلم الفراق للابد ولا مؤقت ... وانت كل فتره تشتاق لصديقك \تك ويبقا نفسك ترفع سماعة التليفون وتحكيه وتعرف اخباره او حتى بس تسمع صوته
لكن فيه شي مانعك وهو
كرامتك!!!!!
بغض النظر عن مين فيكم اللي غلطان انت حاسس ان كرامتك بتوجعك
وحاسس انك لو قمت بالخطوة وحكيتو\تيها رح يشوف نفسه عليك
وعلى فكره الكلام مومن فراغ
بس هلق فيه مشكلة كبيرة اكبر من كل مره انكم خلاص افترقتم
يا ترا لو مكاني بتعملو شو تحكووتبقا انت الطيب ابو عقل كبييير
بس ساعتها بقا ما تقولو كرامتي واستحملو بقا اللي رح يصير
واللي الله اعلم ممكن شو يصير ؟ يا ترا صديقك رح يقدر مبادرتك او لازم يقدر
ولا رح يقول بينه وبين نفسه هو اللي جالي لحد عندي .........................
الله اعلم بقا رح يفكر كيف
يا ترا رح تعمل هيك
ولا رح تحاول تنساه مع الايام وتحاول انك تكتسب اصدقاء جداد
وعلى فكره الصديق الي معاشره اللي بقاله معاك سنين بيبقا صعب جدا نلاقي متلو
يا ترا شو الحل ولو انت مكان صاحب المشكلة شو بتعمل
تروحلواو تحكيه وتعتذرو حتى لو انت مانك غلطان وهيك بتبين قدي بتحبو؟؟؟؟؟؟؟
ولا رح تحاول تنساه وتنسا ايامكم سوا وذكرياتكم على الرغم انك مش قادر تنساه ومأثر فيك جداااااااااااااا بعدوعنك وفعلا مش قادر تشيله من ذاكرتك لانك بتحبه جداااااااااااااااااا



باي اصدقائي

[jolya]

رد: الاصدقاء

من وجهة نظري مهما كانت المشكلة بين الاصدقاء بالنهاية الها حل والصداقة الحقيقية ما بتوقف بوشها مشكلة
اذا اتناقشت انت ورفيقك او رفيقتك عن سبب الخلاف بعتقد ما بحط من كرامة الشخص لانو بيجوز المشكلة تكون مجرد اختلاف في وجهات النظر ممكن يكون الحق معك او الحق عليك بس بالنهاية الصداقة اكبر من اي مشكلة
ميرسي ع الموضوع لانو اذا بدنا نحكي فيه لبكرى ما منخلص

[MIRA]

رد: الاصدقاء

هاد الشي بيرجع الك
يعني اذا هل الشخص صديق حياتك اكيد شو ماكان السبب مالازم يبعدكون عن بعض

ويبن الاصدقاء الحقيقيين مافي شي اسمو كرامة
لانو الصديق الحقيقي هوي نفسك هو اخوك هو كلشي بحياتك بيعرف شو بتحب شو بتكره

حتى شو رح تحكي او شو رح تتصرف

[متيلدا جرجس]

رد: الاصدقاء

صداقة حقيقية بمعناها حقيقي صدق مهما كانت اسباب فيجب ان يكون انسان اقوى من اسباب

انسان دة اكيد ساعدك بيوم ووقف جانبك فهل هتتخلى عنه صعب اوي تخلي عن صداقة

هما كانت امور فيجب مراعاة شيء اسمه محبة وخاصة اذا اثنان صديقان كان بيحبو بعضيهم زي اخوة يمكن اكثر من اخوة نفسها

صداقة ليست مرحلة من مراحل انسان بينساها لا
صداقة هي شعور بكل واحد منهم فدة صدق بذاته
زي ماقالت ميرا عسولة كلامها ذهب هو كل حياتك بيشعر بيك بيحسك زي اخ

لازم تحترم رغباته صداقة مش انه بيخاف عليك او يخدمك او تطلب منه مساعدة بينذفها هو بس
لازم تحترم هو ايضا لانه صديقك زي ماهو بيحترم رغباتك هو ايضا له رغبات
ز ي ماكنت تطلب روحه يوما لازم انت ايضا تتنازل له صداقة متبادلة
هو ايض شخص له رغبات صديقك زي مانت كنت تطلب منه كل شيء لازم انت ايضا تحترم رغباته
احترام بين اصدقاء محبة وسلام
كل اراء جميلة موضوع جميل طرحه
ولكن مش انت لازم تطرح موضوع تحوار صديقك لانك لازم تكون بمحله انت
ولكن لازم بيكون سماع بين اصدقاء
ربنا يفرح قلبك

[The D.I.S]

رد: الاصدقاء

طبعا MIRA حكيت نقطة كتير مهمي وهي
[quote]لانو الصديق الحقيقي هوي نفسك هو اخوك هو كلشي بحياتك بيعرف شو بتحب شو بتكره

حتى شو رح تحكي او شو رح تتصرف[/QUOTE]

أنا رح ضيف بس وقول اذا فعلا اصدقاء الأكيد أنا رح اعرف شو هوي بفكر وكيف رح يفكر أذا حكيت معو وهون عاد حسب الصديق وحسب معرفتي فيه يعني أذا بعرف أنو خلص ما رح يرد الأكيد ما رح حاول لا أتصل فيه ولحتى أعرف أخبارو .
بس للعلم أذا كان هوي هيك صديقي بفكر أنا من الأساس مارح أعتبرو صديق لهيك أنا ما بزعل من صديقي ولا هوي رح يزعل مني شو ما كان السبب وأد ما كان كبير لأن رح نكون منعرف بعض ومنعرف شو يلي بيزعل منو صديقي وشو يلي بزعل منو أنا يعني منعرف الحد لوين مع بعض .
فالسؤال هوي يا عامر الك أو لغيرك قديش بتعرف صديقك رح تعرف تتعامل معو على هادا الاساس وشكرا على الموضوع

[MIRA]

رد: الاصدقاء

صح قديش بتعرف صديقك ومن هاد المبدا رح تعرف تتعامل معو

صدقت يا صديقي

[رشروش]

رد: الاصدقاء

أنا بنصحك تروح لعندو و تحكي بأسرع وقت واليوم قبل بكرا وتذكرو بأجمل سنين عمركم اللي عشتوها سوا .
تمسك فيه لأنو الصداقة الحقيقية الخالية من الزيف والمصالح صارت عملة نادرة بهالأيام .
وإذا كانت صداقتكم حقيقية وكنتو متل أخوة ما رح توقف المشاكل حاجز بيناتكم أد ما كانت كبيرة ورح تصفى القلوب , بالعكس رح تكون هالفترة اللي بعدتوا فيها عن بعضكم منيحة للطرفين مشان كل واحد يراجع حالو ويراجع أخطائو ويقدر قيمة الصداقة .
أنت احكي معو وأعمل اللي عليك وإذا هو ما قبل بتكون عملت اللي عليك وريحت ضميرك .
تخيل رفيقك هاد يصرلو شي أو يعمل شي حادث (الله لا يقدر) , شو رح يكون موقفك ؟ أكيد ما رح تسامح حالك ورح تضل تقول يا ريت رحت وحكيت معو وقلتلو أديه بحبو .
لهيك أنت حاول ترجع اللي كان بيناتكم وإذا هو ما قبل هداك الوقت بيكون الحق صار عليه وأنت ضميرك مرتاح وأبداً ما بتكون قللت من كرامتك , بالعكس بتكون فرجيتو كبر نفسك .
وانشالله صداقتكم بترجع أحسن من الاول وكل الخلافات بتزول وبترجع المي لمجاريها.

[عامر]

رد: الاصدقاء

شكرا للكل على النصايح

[sharif]

رد: الاصدقاء

انا مريح راسي لانو ما الي ولا صديق

((صاحبك الي بدك تبقيه لا تاخد منه ولا تعطيه ))

صح
؟؟؟؟؟؟؟؟؟
؟؟؟؟؟؟؟


شكراً كتير على الموضوع

[light rose]

رد: الاصدقاء

ميرسي موضوع حلو كتير

[ninos]

رد: الاصدقاء

مشكورين شباب
الصديق متل الحبيب
يعني لازم كل طرف يحفظ للتاني كرامته و كبريائه
و لازم كل طرف يضحي بكبريائه للآخر
ما ضفت شي بس اختصرت
مشكور الكل
و اهم شي المحبة الخالية من المصلحة

[ninos]

رد: الاصدقاء

برافو ابوجادوووووووووووووووووووووووو

[rafee]

رد: الاصدقاء

والله يا صاحبي المشكلة مو مشكلة كرامة بالموضوع

انت صارت مشكلة بينك وين صاحبك انت ذكرت انك ترفع السماعة لتحكي معو

هون بقى مو مشكلة كرامة هون المشكلة انك عم تفكر شو ردت فعلو اذا رد عليك وكيف بدك تحكي معو

ليش لنفس السبب اللي ذكرو عساف وهوي انك قديش تعرف صديقك

مشكلة صارت بينك وبين صديقك برأي بتروح لعندو بتحكي معو باسرع وقت

وشكرا اخ عامر عالموضوع