صبايا لا تزعلوا

[MIRA]

رد: صبايا لا تزعلوا

صديقي باطح حلو حكيك بس المشكلة انو هي مو فئة نادرة كل الشباب هيك بيفكرو

بس انت يلي عملة نادرة

[باطح ابليس]

رد: صبايا لا تزعلوا

انا عملة نادرة هيك الكل بيقول لاني بعرف اعطي كل واحد قيمتوا ومركزو يلي بستاهلو وولو مانا هيك ما وصلت للي انا فية هلاء وبحمد ربي

ومشكورين على هالمناقشة الحلوة وانا يلي عندي قلتو

[روري]

رد: صبايا لا تزعلوا

أنا ماني مع و ضد
أنا بس عم أتسأل ليش الله قال هي العبارة
انا ضليت سنة بعد التخرج حتى لقيت شغل
كلو بدو صبايا و لو ما معون شهادة
قال الصبايا أوجه ووشن طري

يعني ما بعرف أخ عاشق الأزوري بس كأنو هالشغلة ما صارت غير معك
يعني ما سمعت ولا شب عم يقول هيك
بعدين ياما في بنات كمان تخرجوا و ضلوا مدري أديش لحتى لقوا شغل
بس مشكلتكن أنتو الشباب ما بتعترفوا أنو ممكن البنت تكون أكفأ منكن
يعني مو ضروري إذا سمعتلك بشي بنت اشتغلت دغري شي أنها تخرجت يكون معناتا لأنو وشها طري بكل بساطة بكون لأنو فيها الكفاءة أكتر من 60 شب
و عنجد زعلتني بهالحكي حرام يكون لسه في ناس بتفكر متلك

[بنت الوادي]

رد: صبايا لا تزعلوا

في كتير شباب ماعندن مشكلة بس كرمال مايشوفو مرتن عم تتعزب
بس كل شي الو شي

[روري]

رد: صبايا لا تزعلوا

بعدين الله لما قال لحواء بالالم تلدين البنين ما قلا و ممنوع عليكي تشتغلي برات البيت بس شغلتك تجيبي ولاد
كمل النص كلو و إذا لقيت هيك شي ابقى قلي و سكتني
و هاد الحكي كلو أصلاً من 200 مليون سنة و شو بعرفني يمكن أكتر كمان
يعني مو بشي بدنا نتطور و بشي تاني لاء

[عاشق الأزوري]

رد: صبايا لا تزعلوا

بعدين الله لما قال لحواء بالالم تلدين البنين ما قلا و ممنوع عليكي تشتغلي برات البيت بس شغلتك تجيبي ولاد
كمل النص كلو و إذا لقيت هيك شي ابقى قلي و سكتني
و هاد الحكي كلو أصلاً من 200 مليون سنة و شو بعرفني يمكن أكتر كمان
يعني مو بشي بدنا نتطور و بشي تاني لاء

انو لا تحكو حكي مو مقتعين انتو بالأصل فيه
اوكي روري

[عاشق الأزوري]

رد: صبايا لا تزعلوا

لو أراد الخالق من المرأة تشتغل كان قلها بصراحة
و رغم هيك أنا مو ضد المرأة أنو تشتغل بس مو تأخود محل الرجل
أنا عم إتسأل بس ؟
انو في عيل بيكون فيها الرجل و المرأة موظفين و مثبتين و في عيل حتى شغل خاص ما بيلاقو
ليش ليش
ممكن لو ما خدت المرأة العاملة محل الرجل اللي قاعد ببيتو كانت المقولة اللإلهية تطبقت و كانت كل الأمور تمام
لأنو كلام الله لا لبس فيه

[بنت الوادي]

رد: صبايا لا تزعلوا

انتا عم تحكي كانو المرأة متطفلة ع حياة الرجل وهوي الاساس للعمل
بحب خبرك وصلنا لعصر الرجل صار يشتغل فيه شغل المرأة وعلى حساباتك الرجل اخد محل المرأة يعني صار طباخ وحلاق نسواني وكوّى و .......الخ
يعني لو الرجل ما اشتغل هالشغل كان في كتير نساء عزبات ممكن ياخدوا هالشغل ويعيشو منو ويعيشوا اهلهن

[روري]

رد: صبايا لا تزعلوا

انو لا تحكو حكي مو مقتعين انتو بالأصل فيه
اوكي روري

بس أنو شو هي الجملة تحديداً يلي خلتك تفكر أني مو مقتنعة بالحكي يلي عم قولو

[روري]

رد: صبايا لا تزعلوا

لو أراد الخالق من المرأة تشتغل كان قلها بصراحة
و رغم هيك أنا مو ضد المرأة أنو تشتغل بس مو تأخود محل الرجل
أنا عم إتسأل بس ؟
انو في عيل بيكون فيها الرجل و المرأة موظفين و مثبتين و في عيل حتى شغل خاص ما بيلاقو
ليش ليش
ممكن لو ما خدت المرأة العاملة محل الرجل اللي قاعد ببيتو كانت المقولة اللإلهية تطبقت و كانت كل الأمور تمام
لأنو كلام الله لا لبس فيه

يعني فاجأتني بدك الله كان يقولا صراحة بس بدي قلك أنو الله ما كان قاعد عم يحط دستور و يسن قوانين لحتى يذكرا صراحة و يذكر أنو في حال حصل تطور بعد شي مليار سنة بصير بحقلا للمرأة أنو تشتغل
و بعدين لا تقول أنو المرأة عم تاخد محل الرجال بما أنو المرأة ألها عقل و الرجال ألو عقل فشو الفرق لكان إذا اشتغلت المرأة ولا اشتغل الرجال و تأكد تماماً أنو صاحب أي شركة أو أي شغل ما رح يشغل بنت مو ملاقي فيها الكفاءة بس لسواد عيونها يعني لو أجى شب و بنت عم يقدموا على وظيفة أكيد رح ينقي يلي فيو الكفاءة أكتر لأنو المدراء مو حلمانين فينا لحتى يعطونا معاش و نحنا نكون عم نخبصلن بالشغل و نشتغل غلط
يعني الرجال الذكي و الفهيم و يلي معو شهادات و فيو عقل بيوزن بلد و بيعرف يشتغل تطمن أكيد ما رح تلاقي قاعد ببيتو
و رجاع قرا كلام بنت الوادي كمان لأنو الحق معها 100 بالمية

[عاشق الأزوري]

رد: صبايا لا تزعلوا

انو هاد رأيكون أنتو ؟؟؟؟

[marioma alghzayala]

رد: صبايا لا تزعلوا

شو بدك هلأ خيو

[بنت الوادي]

رد: صبايا لا تزعلوا

مريوما لاتعصبي خلص خليكي قاعدة
نحنا منتصرف

[باطح ابليس]

رد: صبايا لا تزعلوا

مهم لو شو ما حكيتو وقلتو اخيرتكن بالبيت وهي شغلة تبع انكم تشتغلو مضهر من مضاهر التقدم يعني صارو يقيسو مقدار تقدم الامم بنسوانها

ياشباب لازم لتكونو متقدمين ومع التطور لازم تقعدوا بلبيت ونسوانكم وخواتكم تشتغل اوكي

والله شغلة انتو البنات مهم بالاخر البنت مالها غيرالراجال يحميها وما بتقدر تعيش من دونوااااااااا

[anas.]

رد: صبايا لا تزعلوا

لك يا شباب ليش هيك مصعبينها
يعني القصة كلها بكلمتين:::
جنس حوا بوقتنا هادا عندو نفس مقومات جنس ادم
مع وجود البعض من النقط
هاي النقط بتكون فقط لجنس حوا
ونقط فقط لجنس ادم

بصراحة انا ما قرأت كل الردود بس اخدت فكرة عامة عن الموضوع
لهيك اذا في شي غلط بكلامي نقاشوني وانا مستعد انو كفي

[روري]

رد: صبايا لا تزعلوا

مهم لو شو ما حكيتو وقلتو اخيرتكن بالبيت وهي شغلة تبع انكم تشتغلو مضهر من مضاهر التقدم يعني صارو يقيسو مقدار تقدم الامم بنسوانها

ياشباب لازم لتكونو متقدمين ومع التطور لازم تقعدوا بلبيت ونسوانكم وخواتكم تشتغل اوكي

والله شغلة انتو البنات مهم بالاخر البنت مالها غيرالراجال يحميها وما بتقدر تعيش من دونوااااااااا

المظهر يلي من مظاهر التقدم هو أنكن تعطوا المرأة حقوقا و نعاملوها كإنسان والمظهر يلي من مظاهر التقدم هو أنكن تكبروا عقولكن شوي بقا
ما أنتوا ما عم تقدروا تتحملوا فكرة أنو المرأة صارت متلا متلكم بتتعلم و بتشتغل و كل شي ما بلومكم تعودتوا أنكن تكونوا أحسن منها فشلون بقا صارت هي متلكن متلا
و أنا من ناحيتي بعترف المرأة ما بتقدر تعيش بدون الرجال بس كمان الرجال ما بيقدر يعيش بدون المرأة
و حاجتنا بقا ما عنا غير هالقضية يلي ما كنا نعرف نحلا بقا لسه العالم وين و نحنا وين

[pardy]

رد: صبايا لا تزعلوا

انه روقوا والله الشغلة ما عاد بدها اسئلة .واجوبة
صرنا بالقرن الوحد وعشريت
لسه عم تحكولي بحوا وآدم
ما الاتنين صاروا برأي متساويين ..........بكل شي

[MIRA]

رد: صبايا لا تزعلوا

اي والله انوس كيفت ووفيت

بس في شغلة بدي ضيفها انو الله ماحدد لكل واحد شو عملو
يعني مثلا انت وصغير تلحم انو تصير شي بس تكبر شوي بتشتغل بشغل تاني بس تكبر شوية تانية
يابتكفي حلمك يا بتغيرو وبهل الحالة الله حددلك بالضبط شو طبيعة شغلك ولا انت اخترتو حسب ييلي بلائمك

اما بالنسبة لشغل البنات فهو ضروري بحالات معينة حاجة الاسرة حاجة البيت

يعني ماتصدق انو في بنت بتقتل حالها ع شغل كرمال تتسلا بس
بالشكل العام بيقولو انو نتسلا بس الواقع لا
لانو كل وحدة من في عندها حاجة دفعتا للشغل
اما تساعد الاهل او حتى تطلع مصروفا الشخصي
حى لو كانت اخر البنت لبيتها بس انت عمول مقارنة بسيطة بين المراة العاملة والمراة العاطلة عن العمل
قديش رح تلاقي في فرق بين المستوى الثقافي والتفكيري ع نحو خاص

[anas.]

رد: صبايا لا تزعلوا

مزبوط ميرا
وانا من ناحيتي بفضل المرأة العاملة
لأنو بكون عندها خبرة الحياة وعندها تجارب كتير بحياتها
لهيك بكون التعامل معها اسهل

انا البنت يلي بالبيت وبس
احيانا بتكون تفكيرها شوي محدود يعني بس بالبيت
رفقات- طلعات - بسط- يعني هيك قصص ما بتفكر بفصص اكتر جوهرية

[eVy99]

رد: صبايا لا تزعلوا

في احلى من هل الاية
فتح عسفر التكوين مكتوب :إذ قال الرب الإله ليس جيداً أن يكون أدم وحده فأصنع له معنياً نظيره" (تك 2: 18)فالله خلقها لتساعد رفيقا وشريك حياتا ايد بأيد
فلمراءة مساوية للرجل وكمان عم تتفوق عليه فكتير مجالات

وربنا يسوع المسيح حررنا من العبودية لما بذل نفسو عالصليب ليخلصنا من سلطان الظلمة وينقلنا للنور
عاملا بكل تقدير واحترام متلا متل الرجل ما ميز ابدا بيناتن
والمسيحي للحقيقي هوي الي بيقدس ويقدر هلوصية

وبعدين ياسيد باطح انتا ليش معصب
عرفنا رأيك خلص
ليش ما بتخلي العالم التانية تعطي رأيا بلموضوع
لكان ليش اسمو حوار حضاري
والله يسامحك عطريقة كلامك وتقبلك لرأي الاخرين