كيف تعاتب من تحبه دون ان تخسره

[gabo]

كيف تُعاتب من تحبه دون أن تخسره...؟

<<

العتاب على قدرالمحبة، قول يتداوله الناس، لكن العتاب لا يكون أسلوب فعالا الا إذا استخدم فيالوقت المناسب ومع الشخص المناسب الذي يتقبل العتاب اللطيف بصدر رحــب
وحتى لاتخسر اصدقاءك من عتابك لهم ، اقدم لك فيما يلي 6 نصائح في هذا الشان :

؛


1- حدد عِتابك:فلا يجب ان يزيد عتابك على حد معين ، ولا تحولكلامك لنوع من التوبيخ ، ولا تكرر ما تقولة ولا تلح كثيرا ، حتى لا يتحول كلامكلنوع من الهجوم غير المحبب.

..


2- لا تتهاون: بينما لا يجب انيزيد عتابك على حد معين ، يلزم ايضًا ان لا ينقص عن الحد الذي يجعله فعالا ،فالتهاون احيانًا يؤدي الى استسهال الامر من قبل صديقك ، ومن ثم يتمادى في عدممراعاة ما يضايقك.

..


3- لا توجه اتهامًا مباشرًا : فلا يجب انتضع صديقك موضع المتهم ، فتضطرة للدفاع عن نفسة بطريقة تبدو وكانة يبرىء شخصة منتهمة مؤكدة ، فذلك يوغر صدرة اتجاهك ، وربما تخسرة جزئيا او كليا .

..


4- ضع النقاط على الحروف: عندما تُعاتب صديقك حدد بدقةالاشياء التى ضايقتك منه ، بمعنى ان تضع النقاط على الحروف ، مع التأكيد عند عتابكانك باق على صداقتة ، وان عتابك ماهو الا من باب البقاء على الودالقديم.

..


5- كُن مهذبًا: فلا تستخدم ابدا كلمات خارجة عن الادب، وانتق الفاظك بعناية ، حتى لا تُحرج صديقك فلا يعود ينسى كلماتك .

..

6- كُن هادئًا: لا ترفع صوتك ، وتكلم بهدوء ودون إنفعال ، وتذكرانك تُعاتب ولا تُشاجر .

[Ameen]

الله لا يجيب الزعل و لا العتاب
بس الواحد أحيانا لمن بيكون مدايق
أو معصب ما فينو يضبط كل هدول الشغلات
مشكور عل الموضوع
تحياتي

[Ameen]

up.....................

[عفريت الحب]

يسلمون غابو

[أم الرور]

أنا ما بقدر كون هادية لما بكون عم عاتب حدة من رفقاتي و ياريت كون هيك لأني أحياناً بندم كيف حكيتن ............

[عفريت الحب]

إذا لابيستاهلوا مافي داعي للندم الزايد ............لأنو وقتا بيحتقروكي

[أم الرور]

بعرف بس أنا ما بورجين أني ندمانة يعني بندم بيني و بين حالي شلو حكيتن لأنه بيكون الموقف ما بيستاهل بس أنا بكبره كتير يعني بتكون المشكلة زغيرة بتصير كبيرة كتير و هاد الشي اللي بيدايقني أنه كان فيني استوعبن أكتر

[عفريت الحب]

هيك أفحمتيني

[أم الرور]

رد: كيف تعاتب من تحبه دون ان تخسره

لمناقشة الموضوع جددددددددد

[michael_da]

رد: كيف تعاتب من تحبه دون ان تخسره

شكراً للتذكير وتجديد المناقشة رولا

انا بالنسبة لألي هالنصايح كتير مفيدة .. لأنو مشكلتي بالمعاتبة اني لما بدي عاتب شخص معين برجع بفتحلو دفاتر قديمة أكل الزمان عليها وشرب .... بس ما تقل بالشرب كتير لأنو عندو سواقة تاني يوم الصبح

[MIRA]

رد: كيف تعاتب من تحبه دون ان تخسره

حلوة النصايح وكمان العتاب حلو خاصة لشخص بيكون عزيز عليك بس من دونم انجرح مشاعرو

[jihan]

رد: كيف تعاتب من تحبه دون ان تخسره

على فكرة انا من النوع البارد جداً يعني هي الشغلات لحكيت فيها كلا بطب بس بدي عاتب حدا وكتير مجدي هي الأفكار وكتير بلائيها ظريفة انك عم تعاتب حدى بكل رواء مع العلم أي عبية كتير بس بعرف كيف ساير الأوضاع يلي حولي

[Shaimaa MK]

رد: كيف تعاتب من تحبه دون ان تخسره

ازا كانت وحدة من رفقاتي رح اعاتب بقوة بس ما بجرحا
اما ازا كانت علاقتي سطحية مع بنت .. عادي وما بعاتب بقوة

[gloria]

رد: كيف تعاتب من تحبه دون ان تخسره

انا بس بدي عاتب حدا بسكت يعني بحس سكوتي بيحسسو بالذتب يعني مابحكي معو بضل شي كام يوم لحتى يحس لحالو وبعدين لما بدي انهي العتاب بشرح وجهه نظري كامله بس دايما هيك لما بدي عاتب او ازعل بسكت بحب الشخص يضل شي يومين تلاته بلا مااحكي معو لانو وقتا بيحس شو عامل

[نبيل عبد المسيح]

رد: كيف تعاتب من تحبه دون ان تخسره

بيقولو
العتب على قد المحبة
مشكور

[farah_s]

رد: كيف تعاتب من تحبه دون ان تخسره

انا بعصب وبحكي كلشي بقلبي

[no one i care]

رد: كيف تعاتب من تحبه دون ان تخسره

من ناحيتي
انا دغري بحب العالم بس اذا ساوو شي دغري بكرههم
بس يعني اذا عنجد متدايقة بعصب شوي
وكل رفقاتي بيعرفوني كيف وقت بعصب
مشان هيك بيستحملوني لحتى اهدى

[نبيل عبد المسيح]

رد: كيف تعاتب من تحبه دون ان تخسره

الله يعينووووووووووووووووو

[koki]

رد: كيف تعاتب من تحبه دون ان تخسره

- كُن هادئًا: لا ترفع صوتك ، وتكلم بهدوء ودون إنفعال ، وتذكرانك تُعاتب ولا تُشاجر .

انا بعمل هيك .... بيقولولي مهملة وغير مبالية ولئيمة

[essa_kh]

رد: كيف تعاتب من تحبه دون ان تخسره

يسلمو ايديك