ممكن البنت تكون رفيقة عادية للشب ؟ قصة حلوة

[مايكل]

مرحبا جميعاً كيفكون ما بعرف إذا في حدا منكن اتذكرني المهم انا راجع وفي عندي موضوع حابب خبركون عنو واخد رأيكن فيه ممكن؟
القصة وما فيها أنو كيف البنت ما ممكن أنو تكون رفيقة عادية بالنسبة للشب.
أنا في عندي رفيقة كنا انا واياها رفقة بالمعهد تعرفت عليا من شي 4 سنين كنا رفقة عادي شدينا على بعض اكتر بما أنو كنا تنيناتنا مسيحية ومن منطقة وحدة يعني انا من باب توما وهي من الدويلعة المهم صارت تطور العلاقة وصرنا صحبة ومرت السنين وأنا واياها مع بعض مشاكل نحلها سوا انا رافق هي تنصحني وهي كمان ومع بعض متل ما بيقولو للموت قد مو متفقين وبهالمرحلة العالم كتيييييييييييييييييييير مستغربين انو نحنا كيف رفقا عادي معقول...!
مرت الأيام ونحنا عم تزيد صحبتنا ولا فارقة معنا العالم ومبسوطين كتير بفترة من هالصحبة بعد سنتين صارت معها مشكلة كبيرة وهي قد مو طيبة وبسيطة مايهما العالم تفكر بجوات راسها شو الصح وشو الغلط وهاد هو الغلط بمجتمعنا ما لازم الواحد ياخد قرار من راسو لازم يستشير كل اللي من حوليه!
المهم بشكل عام والحمد الله متل العادة وقت بيوقع الواحد بمشكلة بيبعد عنو كل رفقاتو وهاد اللي صار معها إلا أنا ضليت أنا واياها سوا وحاولنا نحل هالمشكلة لحتا طلعت منها الشي المهم أنو انا واياها كنا كتييييير قريبين من بعض ومتل اي شب طبيعي أخوكن مايكل حب يحب وبما انو كان عالمي محصور فيها ما فكرت بغيرا وهي ماكان عندها مشكلة لأنو نحنا كنا متفقين وكل شي ومتفاهمين وعالأخر بس ما جربنا نفكر نعمل فرق بين الحب والصداقة يعني الواحد وقت يحب بيحب نوع واحد من الأشخاص أما بالنسبة للرفقة فاي نوع من الرفقة مافي مشكلة بقصد هادي ضايج رايق اجتماعي مو اجتماعي لأنو الرفقة بتتغير وبيضل القليل بس بالنسبة للحب الفكرة شوي مو ظابطة انو تجرب!
حبينا بعض شي شهرين وكانوا اسوأ شهرين بحياتنا أو خليني أحكي عن حالي كانو أسوا شهرين بحياتي لأنو البنت مو من النمط اللي انا ممكن حبو السؤال هون انو ليش ما فكرنا من الأول أنو نحنا ما مناسب بعض ؟ الجواب أنو بما أنو نحنا كنا كتييييير قريبين من بعض ما فكرنا لبرا كنا ببعض وانو نحنا متفقين والكل غيران مننا وهاد الشي تمام أوك خلص حبينا!
ما فكرنا بناحية الشخصيات والتوافق بيناتهن بهالشهرين كنا عم نكزب على بعض طبعاً كلمة بحبك تطلع متل الغصب بس مجاملة مو أكتر كان شعور كتييير صعب بعد شهرين قررت وقف هالمهزلة صليت وطلبت من ربي يقويني ويخليني أتصرف صح وفعلاً تلاقينا وحكينا بالموضوع ونهينا كل شي ورجعنا رفقة من سنتين تقريباً رفقة عادي وهي ورجتني انها فعلاً قادرة أنها ترجع تتحدا العالم أنو ما في شي مستحيل وضلت احلى رفيقة بحياتي والعالم بعدون بيظنوا أنو مستحيل يصير هاد الشي وصار.
بتمنى للكل أنو يصير عندون رفيقة متلا هي معنا بالمنتدى وانا بوجهلا سلاااااااااااااااااااااام كبير وبقلا اني اشتقتلك كتيييييييييييير لأنو صرلنا يومين ما حكينا مع بعض بتعرفو ليش....!!!!!!!!؟؟؟
لأنو صار موقف من يومين قالتلي فيه أنو هي ما نسيت اللي كان بيناتنا ولساتها بتحبني يعني ما كانت رفيقتي متل ما كنت بتصور يعني سنتين وأنا عايش كذبة وهي عايشة أوهام أنا ما بلوما لأنو هي مشاعر مو لعبة.
نحنا قررنا أنو ما بقى نحكي مع بعض لأنو برأي انو انا إذا بضل معها لح أحرمها تحب وهي حتحملني مسؤلية هاد الشي...! انتوا شو رأيكون؟
شكراً

[غانم الخوري]

رد: ممكن البنت تكون رفيقة عادية للشب؟ قصة حلوة

قصة حلوة
في واحد عم يساءل طبيب وقلوا...................
........*******............
لستُ أدري أيها الطبيب ..أن كان هناك في الأصل صداقة
تربط بين ذكر وأنثى ,
إن طبيعة الأشياء تحتم علينا كبشر .. أن لا نكون كذلك ,
كيف لي أن أنظر إليها ولا أكون معجباً بحسن الخلق
ورقة الإحساس , وجمال الطبيعة , كيف لي أيها الطبيب
أن لا أكون عاشقاً لصوت الموسيقى .. وهي تدندت أجمل النغمات ,
كيف لي أيها الطبيب ..؟
وهي تسرقني يوماً بعد يوم .. وتستنزفني حتى آخر الهمسات ..
أبعد هذا أيها الطبيب .. تريدني أن
ألتمسُ منها الصداقات.........................؟؟؟؟؟؟؟؟؟؟؟؟؟
شكراً يلك يامايكل ...

[yousef]

رد: ممكن البنت تكون رفيقة عادية للشب؟ قصة حلوة

يا سيدي العاطفي أولا: بهنيك على هل المشاعر بس يا صاحبي الحب المبني على الاحترام والتفاهم بدوم أكتر من اي حب تاني لأنو الاحترام بولد الحب بس الحب مو من الضروري يولد احترام اذا انتو متفقين والكلام موجه الها كمان
اذا قرأتها عطو بعضكن وقت لتعرفو اذا كان الي بينكن حب ولا انتو متعودين على بعض بس وهي الامور بتصير كتير يعني صارت معي فلازم تفكر وتبعد لوقت قصير لانك انت جوات الدائرة يعني ما فيك تشوف منيح بس لما تطلع من الدائرة الي انت فيها بتشوف كل شي عطي حالك وقت والله يوفقك والله دائما مع الصح
مع احترامي وتقديري يوسف

[bero]

رد: ممكن البنت تكون رفيقة عادية للشب؟ قصة حلوة

قصة روعة عمي مايكل برأيي هاد رأيك وانت بدك تقرر
اتخاذ حكيم منك

[nsreen]

رد: ممكن البنت تكون رفيقة عادية للشب ؟ قصة حلوة

ميكولتي رح تبقى رفيق عمري وانا ما رح اتخلى عن رفقتك ابدا و انا قدام الكل بعتذر عن الكلمات يلي حكيتها
وبطلب من الله انو ما يفرقنا ونكون مثل لكل العالم
ساعدني وما تتخلى عني
كمان اشتقتلك احلى رفيق

[عاشق المسيح]

رد: ممكن البنت تكون رفيقة عادية للشب ؟ قصة حلوة

بهنيكم يا شباب على هل الروح الحلوة و المشاعر النبيلة . يا مايكل ممكن تكون البنت مو بس رفيقة كمان صديقة عزيزة جداً و أنا من جهتي عندي أصدقاء بنات كتير بعزّن .
هلق بالنسبة إلك يا مايكل هي شفنا نسرين عم تطلب منك ترجعو أصدقاء و أنشالله هيك تكونوا أحسن من الأول و متل مابقولوا :
" لا تاخذ صاحب إلا بعد خناقة "

الرب يسوع يكون معكن و يحمكن من كل شر
ودايماً يكون دربكن منور بيسوع النور

[nsreen]

رد: ممكن البنت تكون رفيقة عادية للشب ؟ قصة حلوة

ميرسي كتير الك عاشق المسيح
وعلى فكرة مايكل اكتر انسان محترم واكتر انسان حسيت معو بالامان وهاد الشي خلاني اتمسك فيه اكتر

[إيكيو]

رد: ممكن البنت تكون رفيقة عادية للشب ؟ قصة حلوة

[APOLLODORE]

رد: ممكن البنت تكون رفيقة عادية للشب ؟ قصة حلوة

[نبيذومطر]

رد: ممكن البنت تكون رفيقة عادية للشب ؟ قصة حلوة

حلو كثير
و متابع معكن بالطريقة يلي بتحبوها

[lanosh amr]

رد: ممكن البنت تكون رفيقة عادية للشب ؟ قصة حلوة

القصة كتير حلوة
وأحلى صداقة برأي هي الصداقة بين الشب والبنت بس الواحد من الاول بدو يكون عامل كونترول عمشاعرو بحدود الصداقة

[مايكل]

رد: ممكن البنت تكون رفيقة عادية للشب ؟ قصة حلوة

="شكررااااااااااااااااااااااااً للكل غانم خوري بيرو يوسف عاشق المسيح ايكيو نبيذ ومطر لنوش قمر كلكون يا جماعة بتجننوا شكراً لمشاركتكون وبوعدكون القرار حيكون اكتر من حكيم انشاله شكراً

[hatem22]

رد: ممكن البنت تكون رفيقة عادية للشب ؟ قصة حلوة

قصة حلوة كتير كان تفكير على صواب انك ماتركتها بالمشكلة لحالا وضليت واقف معا على الحلوة والمرة متل ما بقولو.

[مايكل]

رد: ممكن البنت تكون رفيقة عادية للشب؟ قصة حلوة

قصة حلوة
في واحد عم يساءل طبيب وقلوا...................
........*******............
لستُ أدري أيها الطبيب ..أن كان هناك في الأصل صداقة
تربط بين ذكر وأنثى ,
إن طبيعة الأشياء تحتم علينا كبشر .. أن لا نكون كذلك ,
كيف لي أن أنظر إليها ولا أكون معجباً بحسن الخلق
ورقة الإحساس , وجمال الطبيعة , كيف لي أيها الطبيب
أن لا أكون عاشقاً لصوت الموسيقى .. وهي تدندت أجمل النغمات ,
كيف لي أيها الطبيب ..؟
وهي تسرقني يوماً بعد يوم .. وتستنزفني حتى آخر الهمسات ..
أبعد هذا أيها الطبيب .. تريدني أن
ألتمسُ منها الصداقات.........................؟؟؟؟؟؟؟؟؟؟؟؟؟
شكراً يلك يامايكل ...

شكراً كتير غانم شي فعلاً حلو

[عاشق المسيح]

رد: ممكن البنت تكون رفيقة عادية للشب ؟ قصة حلوة

برد بهتيك يا مايكل و يا نسرين على هل الروح الحلوة و المشاعر النبيلة
و بطلب منك يا مايكل لا تاخذ قرار قبل ما تقعد أنت و نسرين و تحكو شوي

[مايكل]

رد: ممكن البنت تكون رفيقة عادية للشب ؟ قصة حلوة

والله يا عاشق مافي مجال نقعد أبدا أبداً مستحيل ههه بتعرف ليه؟
لأنو أنا بدبي وهي بالشام

[عاشق المسيح]

رد: ممكن البنت تكون رفيقة عادية للشب ؟ قصة حلوة

مو مشكلة يا مايكل بس خليك متل ما قلت قرارك حكيم
الرب يسوع يقويك و ينور دربك

[مايكل]

رد: ممكن البنت تكون رفيقة عادية للشب ؟ قصة حلوة

انشاله شكراً إلك على كل حال

[micho]

رد: ممكن البنت تكون رفيقة عادية للشب ؟ قصة حلوة

قصة حلوة بس الأحلى لو تحافظو على بعض..

[nsreen]

رد: ممكن البنت تكون رفيقة عادية للشب ؟ قصة حلوة

قصة حلوة كتير كان تفكير على صواب انك ماتركتها بالمشكلة لحالا وضليت واقف معا على الحلوة والمرة متل ما بقولو.

اي الحمدلله كان حدي وما تخلى عني وانا كتير بشكرك مايكل لةقفتك جنبي وقتها


ميرسي الكون كتيررررررررررررررررررر