التحرر والغربة

[KING]

موضوعي لايشمل جميع من اتكلم عنهم حيث هناك من لا يفعلها ولكنه قد يشعر بها
حديثي عن المغتربين :
اغلب الشباب من صعوبة وقلة الكسب في بلدهم يلتفتون الى السفر للدول الغنية وهو يترك بلده واهله واصدقائه ومجتمعه وبيئته التي كان يعيش فيها ليدخل في عالم ثاني عالم البعد والفرقة عن كل ما كان يحيط به ويختلط باناس جدد وفي الغربة يصعب او قد يندر في بعض الاحيان ان تجد اصدقاء من نفس طبيعتك وهنا المشكلة فاغلب المغتربين واقصد الشباب منهم وخاصة العازبين وامام هذه المعاناة تفلت وتنفك بعض القيود التي كانت تحزم الشخص في مجتمعه السابق وتتحرر كل القيود ويحس الشخص بانه في حرية تامة لا راقب ولا رقيب فالمشكلة انهم يتحررون ويلهون ولا يابهون لاي شي هذا لانهم يشعرون بانهم خارج محيط مجتمعهم فمنهم من يلتفت للمحرمات التي كان لايفعلها بمجتمعه ويريد ان يجربها هنا وما اكثر هم من يضيع في غربته ويبدد ماله وصحته وينسى الهدف الرئيسي الذي جاء لاجله وهو الكسب من اجل العودة للوطن وللاهل او حتى تحسين وضعه المادي على الاقل
هذه الحرية التي تنتابه تاخذه لاعماق البحار التي لايعرف بعدها رجوع
في الحقيقة التحرر ولا اقصد التحرر من قيود التخلف لا لا بل اقصد الشخص الذي يريد ان يفعل ما ينهاه عنه سابقا عقيدته ومجتمعه وكثير منهم من عاد لبلده خالي اليدين بعد ان اضاع وقته وماله وسنين من الغربة فقط لانه كان يستمتع بملذاته الدنيئة ويرجع ويقول انه لم يوفق في غربته
هل توافقوني بان البعض واقول البعض ولا اعمم بانه يفهم الحرية بالغربة بشكل خاطئ ويتصرف كما يحلو له باشياء ما كان يفعلها عندما كان بين اهله وبلده؟
وسؤال للمغتربين هل كل مغترب يشعر بانه غير مراقب وينتابه هذا الشعور حتى ولو لم يفعل شي خارج المألوف؟
اكيد العوامل النفسية والغربة لها تاثير على هذا الشي لكن ثمة اشخاص قد لايتغيرهم لاغربة ولا اي شي اخر .
التغيير والتحرر (مجازا)قد يكون بالاخلاق وقد يكون بالشكل وقد يكون باي شي لم يكن يفعله بين اهله

عموما الموضوع نسبي ولايشمل الكل

وشكرا للجميع

[toni]

رد: التحرر والغربة

متل مابيقولو راح القط سراح ومراح يافار
وقت اللي مابيكون في حدا يحاسب فالشخص بياخود مجدو ان كان بالغربة و لا ببلدو وهالظاهرة موجودة كتير
حلو king سلمووووون

[KING]

رد: التحرر والغربة

متل مابيقولو راح القط سراح ومراح يافار
وقت اللي مابيكون في حدا يحاسب فالشخص بياخود مجدو ان كان بالغربة و لا ببلدو وهالظاهرة موجودة كتير
حلو king سلمووووون

اخ طوني كنت اتوقع رد اقوة من هذا الرد احترم رأيك واتمنى ان ارى مشاركاتك بهذا الموضوع

[نبيذومطر]

رد: التحرر والغربة

بدك تدور على أصل المشكلة ، دور عليها هون قبل السفر

[abokaro]

رد: التحرر والغربة

ويحس الشخص بانه في حرية تامة لا راقب ولا رقيب فالمشكلة انهم يتحررون ويلهون ولا يابهون لاي شي هذا لانهم يشعرون بانهم خارج محيط مجتمعهم فمنهم من يلتفت للمحرمات التي كان لايفعلها بمجتمعه ويريد ان يجربها هنا وما اكثر هم من يضيع في غربته ويبدد ماله وصحته وينسى الهدف الرئيسي الذي جاء لاجله وهو الكسب من اجل العودة للوطن وللاهل او حتى تحسين وضعه المادي على الاقل

انا براي الشخصي الانسان بالغربة او في وطنه يستطيع ان يفعل مايشاء
صديقي بعد هاد التطور والحرية والنفتاح لدى الشباب لم تعد هناك مشكلة في بلده
او ضوابط فالشب او الفتاة تستطيعون ان يفعلوا مايحلو لهم بعدة طرق ((يعني مانا صعبة ))
يعني مادخل الغربة بهيك اشياء بل هي فقط محرض لا اكثر كعوامل كثيرة في البلد نفسه
يعني كل مشوار بالحياة فيو الشي الصح والشي السيء هون بالبلد او خارج البلد
بتصفي مالة ركائز ومفاهيم وتعاليم لا اكثر
مشكور على الموضوع والي رجعة

[KING]

رد: التحرر والغربة

بدك تدور على أصل المشكلة ، دور عليها هون قبل السفر

حبيت اطرح الموضوع كتوعية لا اكثر ولا اقل انا مغترب من 9 سنين شفت كثير ولتقيت بعالم كثير وبما انو نحنا مسيحية ففيك تقول نحنا درجة ثانية بمجتمعاتنا العربية يعني مغترب حتى ببلدك

[نبيذومطر]

رد: التحرر والغربة

حبيت اطرح الموضوع كتوعية لا اكثر ولا اقل انا مغترب من 9 سنين شفت كثير ولتقيت بعالم كثير وبما انو نحنا مسيحية ففيك تقول نحنا درجة ثانية بمجتمعاتنا العربية يعني مغترب حتى ببلدك

المادة هيه يلي بتعملك مغترب بوطنك ، بالرغم من تأثير شرقية المجتمع بموضوع الدين
بس الدور الأكبر للمادة ، و في مسيحية بيفكوا مشنوق بكل بساطة

[KING]

رد: التحرر والغربة

المادة هيه يلي بتعملك مغترب بوطنك ، بالرغم من تأثير شرقية المجتمع بموضوع الدين
بس الدور الأكبر للمادة ، و في مسيحية بيفكوا مشنوق بكل بساطة

ممكن نعرفني اكثر بلمادة الي عم تحكي عنا مشان يكون الموضوع مفيد اكثر وسوف اتقبل رأبك بكل رحابة صدر

[abokaro]

رد: التحرر والغربة

المادة هيه يلي بتعملك مغترب بوطنك ، بالرغم من تأثير شرقية المجتمع بموضوع الدين
بس الدور الأكبر للمادة ، و في مسيحية بيفكوا مشنوق بكل بساطة

تمام ابو السيم هاد الحكي علي علامات

حبيب حبيبنا

[نبيذومطر]

رد: التحرر والغربة

ممكن نعرفني اكثر بلمادة الي عم تحكي عنا مشان يكون الموضوع مفيد اكثر وسوف اتقبل رأبك بكل رحابة صدر

شرقياً
التنفذ و التحكم بيتستر بالعشائرية و الفئوية و الطوائف ليقدر يستمر بشعبية من نوع معين ، بس مقياس الفرق على طول بالمجتمعات الشرقية هيه المادة = المال

تمام ابو السيم هاد الحكي علي علامات

حبيب حبيبنا

أبو كارو الورد مشتاقلك يا غالي وين ما عم تبين

[KING]

رد: التحرر والغربة

ويحس الشخص بانه في حرية تامة لا راقب ولا رقيب فالمشكلة انهم يتحررون ويلهون ولا يابهون لاي شي هذا لانهم يشعرون بانهم خارج محيط مجتمعهم فمنهم من يلتفت للمحرمات التي كان لايفعلها بمجتمعه ويريد ان يجربها هنا وما اكثر هم من يضيع في غربته ويبدد ماله وصحته وينسى الهدف الرئيسي الذي جاء لاجله وهو الكسب من اجل العودة للوطن وللاهل او حتى تحسين وضعه المادي على الاقل

انا براي الشخصي الانسان بالغربة او في وطنه يستطيع ان يفعل مايشاء
صديقي بعد هاد التطور والحرية والنفتاح لدى الشباب لم تعد هناك مشكلة في بلده
او ضوابط فالشب او الفتاة تستطيعون ان يفعلوا مايحلو لهم بعدة طرق ((يعني مانا صعبة ))
يعني مادخل الغربة بهيك اشياء بل هي فقط محرض لا اكثر كعوامل كثيرة في البلد نفسه
يعني كل مشوار بالحياة فيو الشي الصح والشي السيء هون بالبلد او خارج البلد
بتصفي مالة ركائز ومفاهيم وتعاليم لا اكثر
مشكور على الموضوع والي رجعة

عفوآ لن ما نتبهت لردك كنت مشغول بلنبيذا الي بعتلي ياهن الاخ نبيذ ومطر شكرآ على هلرد الحلو وانا معك مية بلمية نحن الشباب شكلنا عم نحظر كثير على الستلايت او الدش مشان هيك ما بقى تفرق معنا او يمكن لن ما عم نلاقي شي يبسطنا وفشل جيلنا الو عوامل ودافع بتخلينا نفرط من الحرية الي عم يعطونا ياها اهلنا وهيك بتكون كارثة خيبة امل كبيرة صايبتنا ما بعرف شو السبب بس في اشيا كثير لازم ننتبهلا قبل فوات الاوان ناطر رجوعك

[KING]

رد: التحرر والغربة

شرقياً
التنفذ و التحكم بيتستر بالعشائرية و الفئوية و الطوائف ليقدر يستمر بشعبية من نوع معين ، بس مقياس الفرق على طول بالمجتمعات الشرقية هيه المادة = المال

هلق فهمت عليك المادة = المال طبعآ كل شبابنا اليوم بتعلمو واهلن بتعبو علين كرمال يحصلو شهادة مشان مكان مرموق وجمع كثير من هلمادة الي اليوم كل الشباب عم يبحثو عنا ولاسف الطالب بقضي 20 سنة يدرس كرمال شهادة وما بيعرف اذا رح يشتغل فيا او لأ اجمل وقت من حياتو بيروح هدر مشان يجيب الشهادة وهي سن المراهقة بكون ضاع بلدرس ممكن تكون المادة هيي احد الاسباب والله اعلم

[نبيذومطر]

رد: التحرر والغربة

هلق فهمت عليك المادة = المال طبعآ كل شبابنا اليوم بتعلمو واهلن بتعبو علين كرمال يحصلو شهادة مشان مكان مرموق وجمع كثير من هلمادة الي اليوم كل الشباب عم يبحثو عنا ولاسف الطالب بقضي 20 سنة يدرس كرمال شهادة وما بيعرف اذا رح يشتغل فيا او لأ اجمل وقت من حياتو بيروح هدر مشان يجيب الشهادة وهي سن المراهقة بكون ضاع بلدرس ممكن تكون المادة هيي احد الاسباب والله اعلم

حقك عليي أنا ما وضحت
انا هون كنت عم رد على موضوع المسيحيين مواطنين درجة ثانيةو عم بختلف معك بهي القصة
و بالنسبة لموضوع الغربة أنا بشفو عطول انو المشكلة بتبلش بنمط الحياة بالمجتمع يلي الشخص طلع منو لأي مكان ثاني بالعالم

[KING]

رد: التحرر والغربة

حقك عليي أنا ما وضحت
انا هون كنت عم رد على موضوع المسيحيين مواطنين درجة ثانيةو عم بختلف معك بهي القصة
لا اخي المسيحي درجة مو بس ثانية يمكن درجة 9 روح على اي دولة مسيحية وشوف كيف بعاملو الغير مسيحي قديش صرلك ما سمعت عن بناء كنيسة جديد؟
و بالنسبة لموضوع الغربة أنا بشفو عطول انو المشكلة بتبلش بنمط الحياة بالمجتمع يلي الشخص طلع منو لأي مكان ثاني بالعالم

اخي هيك منكون رمينا غلطنا على شي ثاني طيب معقول الفشل الي نحنا فيه نرمية على الاهل او على المجتمع؟

[نبيذومطر]

رد: التحرر والغربة

اخي هيك منكون رمينا غلطنا على شي ثاني طيب معقول الفشل الي نحنا فيه نرمية على الاهل او على المجتمع؟

* لأ أخي برجع بأكدلك مقياس الغربة بمجتمعاتنا هوه المال ، مو الدين أبداً ، في حساسية على مستوى شعبي هدا شي مفروغ منو وين ما رحت ، بس الفرق الحقيقي بيقدملك ياه المال ، لأنو مجتمعنا عم يروح لأبعد مستويات الانحدار بالفترة الحالية ، ضايع بين الانغلاق و الحرية و نصو هون و النص الثاني هونيك ، و الفئتين فهمانين الانغلاق و الحرية بطريقة غلط

* ما عم لوم الأهل و المجتمع لمجرد التبلي ، الكبت هوه يلي بيولد الرغبة الدفينة باللاوعي معظم الوقت ، و النهر يلي ما بتحط بوجهو سد ما بينحرف عن مسارو لتقدر المي تمرق حتى لو بسواقي جانبية

[KING]

رد: التحرر والغربة

* لأ أخي برجع بأكدلك مقياس الغربة بمجتمعاتنا هوه المال ، مو الدين أبداً ، في حساسية على مستوى شعبي هدا شي مفروغ منو وين ما رحت ، بس الفرق الحقيقي بيقدملك ياه المال ، لأنو مجتمعنا عم يروح لأبعد مستويات الانحدار بالفترة الحالية ، ضايع بين الانغلاق و الحرية و نصو هون و النص الثاني هونيك ، و الفئتين فهمانين الانغلاق و الحرية بطريقة غلط

* ما عم لوم الأهل و المجتمع لمجرد التبلي ، الكبت هوه يلي بيولد الرغبة الدفينة باللاوعي معظم الوقت ، و النهر يلي ما بتحط بوجهو سد ما بينحرف عن مسارو لتقدر المي تمرق حتى لو بسواقي جانبية

اها واخيرآ طلعت الدرر يعني معقول 5 ردود كرمال هلرد لك قول هيك من الاول هلكتني وانا هيك بقول ورأيك مهم نحنا الي عم نفهم كلشي بمفهوم غلط لن كلشي عم ناخذو بلسرقة ما عنا اساس الو مشان هيك عم نفشل فيه

[نبيذومطر]

رد: التحرر والغربة

هههههههههه ايه مشان نخلي ختامها مسك ، و نترك المجال لأي شب أو صبية ليشاركوا بموضوعك و ما يضل محصور ب 3 أشخاص عم يداخلوا

[MIRA]

رد: التحرر والغربة

لا ياشباب حلو نقاشكون يعني انتو حكيتو يلي كنا رح نحكي
الشب يلي يسافر ليشتغل وياسس نفسو مابيهتم بالاشياء يلي بقدمها المجتمع الغربي
لانو حاطط ببالو انو يعمل شي اكيد رح يتعرض لمغريات كتير وبيحب انو يعيش تجارب جديدة مو مارق فيها
بس اذا كان شب عصامي فماكتير بتاثر فيه اما اذا كان من النوع يلي بيضعف عند اول اختبار فهاد بيكون راحت عليه

[KING]

رد: التحرر والغربة

لا ياشباب حلو نقاشكون يعني انتو حكيتو يلي كنا رح نحكي
الشب يلي يسافر ليشتغل وياسس نفسو مابيهتم بالاشياء يلي بقدمها المجتمع الغربي
لانو حاطط ببالو انو يعمل شي اكيد رح يتعرض لمغريات كتير وبيحب انو يعيش تجارب جديدة مو مارق فيها
بس اذا كان شب عصامي فماكتير بتاثر فيه اما اذا كان من النوع يلي بيضعف عند اول اختبار فهاد بيكون راحت عليه

كلامك صحيح لذالك انا خصصت شكرآ على الاضافة