ماذا ستفعل عندما ؟

[Iden]

ماذا تفعل عندما .................................................. ..............
1) تمل من روتيين الحياة .. كيف ستقضى على ذلك ؟
2) عندما تحب ويكون حبك من طرف واحد فقط اى انها تشعر بحبك لها وهية لا تهتم بك وانت تحبها من كل قلبك وجميع المواصفات التى حلمت بها موجودة فيها ؟

واتمنى الكل يشارك واتمنى ما يكون الموضوع معاد ناطركم

[Tulip]

أول شي تعودنا عالروتين و صار من دون ما نحس جزء من شخصيتنا. عادة بس حس بملل بحاول اتعلم شي جديد او سافر شي محل بس مع هيك ما بحس حالي اقدرت اتخلص من الروتين للأخر، حتى الفوضى بحياتنا صار بيحكمها الروتين، كلو بيشبه بعض...... بس الحلو نعرف نستفاد من كل يوم و نعرف انو ولو بالشكل بيشبه يلي قبلو بس الا بالمضمون ما يختلف عنو بشي ولو كان كتير بسيط.

هلئ الحب من طرف واحد صعب اكيد و بيجرح و بيتألم صاحبو كتير بس في شي عطول بقولو وقت يلي منشوف شخص و منحبو ومنلاقي فيه كل الاحلام يلي كنا منتمناها و هو ما بيبادلنا نفس الشعور بيكون ببساطة ما هادا هو نصنا التاني، بكون نصنا التاني موجود بمحل تاني ولازم نحرر قلبنا ليلاقي قلبو...... يعني لازم نقتنع وقتا انو بهالدني في شريك وحيد هو يلي بيقدر يقعد بقبلنا و يمتلكو مشان هيك ما لازم نعطي قلبنا لحدا ما عم يحس بلي منحسو........ الحب عطاء لأبعد الحدود بس كمان هالشجرة الكبيرة يلي بتعطينا ثمر كتير حلو و طيب بدها تغذية بحب كبييييييييير.

[gabo]

عزيزي كلداني الروتين وين ماكان بيصير بيصير بالحياة السياسية والاجتماعية والزوجية ووين ما تلفتت رح تلاقي روتين
طعا كيف منقضي على الروتين انا برأيي أنو الواحد على طول يشغل حالو مو بالشغل وبس كمان بيقدر يشغل حالو بالتفكير
المعنى أنك فكر بمشروع أنك بدك تعملوا وطبعا حاول تعملو مشان يصير في تجديد بالحياة على طول لازم يكون في تجديد بالأفكار



مشان الحب الحب من طرف واحد مانو حب أو مافي شي أسمو حب من طرف واحد لانو الحب علاقة تنشأ بين أثنين
اما من طرف واحد فهادا إعجاب والأنسان ك(شب ) خلال حياتو كتير بشوف بنات وصبايا وبينعجب بهي وهديك وبيفكر أنو أكتر وحدة بتناسبو
وانت هيك صاير معك أنت بس (حط براسك أنو ما تفكر فيها) يعني ما تحاول تفكر أنك ما بتحبها ما عد تفكر فيها بنوب
وأنا بضمنلك أنك تنساها
بعدين جنس حوا ( حية من تحت التبن) يعني بيعرف أنك بتحبون وفوق كلشي بيقهروك ويكرهوك بحالك
يلعن ديبون ما منقدر نعيش بدونون

[sally-the-best]

1, ba5ayer min 7ayati... la u7ib el rotin... bhwa katel.....

2, el7ob min taraf wa7d aydan katel.....
ya 7arram ili bi7ib min taraf wa7d.. ya3ni damar 7alo..

welcome

thanks

[jida]

ماذا تفعل عندما .................................................. ..............

1) تمل من روتيين الحياة .. كيف ستقضى على ذلك ؟
2) عندما تحب ويكون حبك من طرف واحد فقط اى انها تشعر بحبك لها وهية لا تهتم بك وانت تحبها من كل قلبك وجميع المواصفات التى حلمت بها موجودة فيها ؟

واتمنى الكل يشارك واتمنى ما يكون الموضوع معاد ناطركم

hala al rotine t3awadt 3le .. mn 2abl knt t2 mn al rotin bs hek al dnie .. kl iom mtl iali ba3do

w al 7ob mn taraf wa7ed malo ma3na mtl al wa7ed iali 3am id7ak 3ala 7alo
ia3ni 2ad ma kanet bt7ba lahai al bnt w mla2i fia ftat 2a7lamk ma ra7 imshi 7al 7obak 2za hie ma bt7bak

[Iden]

يا اهلا بالشباب نورتوا
توليب هاكذ انا بعمل على القضاء على الروتين نصيحة حلوة لازم الواحد يحاول يكتشف اماكن جديدة حتى ولو كانت بعيدة لما اعمل هل شى بحس انو فى شى جديد بالحياة وننسى الروتين شوية
وعجبنى ردك على الحب من طرف واحد اى مالازم نعطى قلبنا لحدا ماعم يحس فيوو

شكرا كابو على مشاركتك وكلماتك الرقيقة بس فى حب بتحسو تجاه حدا يعنى لما تشوفوا قلبك بيدق وتشعر بحلاوة الحياة وهيك شى بس المشكلة الطرف الاخر ولا يحس ولا على بالو بس صعب النسيان صدقنى
انا جربت هل شى وعم حاول انسى

اى سالى حلووووة كتيير ( دمر حالو ) هاكذ الواحد بيشعر
جدا بشكرك على مرورك بس الحب من طرف واحد الو شعور وما بيه معنى صح ولا تقربى عليه احسنلك

[Iden]

ملاحظة 1 : لاتعتقدوا انو الموضوع شخصى يعنى انا حطيتوا مشان المناقشة لانو شى بيحصل النا كلنا بهل حياة ولازم نعرف كييف نستفاد منو

ملاحظة 2 : جدا وسالى بلييز اذا تقدرون اكتبوا بالعربى لانى صارلى ساعة دا اترجم واذا ماعدكم كيبورد عربى وتحتاجوه انا بالخدمة

وللجميع اقول شكرا لمشاركتكم معى فرحتونى والله وان شاء الله نسمع من بقية الاعضاء الطيوبيين

[sally-the-best]

ya rit el mosa3adeh... ana ma fi 3indi keyboard bel 3arabi.... ya rit fi 7al.. malit el kitabeh bel english

3shan ana sakneh fi Germany... o ma 3am la2i english keyboard... eza 3indak 7al... nowirni fih..

thanks

[Iden]

ok i will let u know later.....

[gorg]

رد: ماذا ستفعل عندما ؟؟!

ما بعمل شي
بقعد بدخن

[MIRA]

رد: ماذا ستفعل عندما ؟؟!

) تمل من روتيين الحياة .. كيف ستقضى على ذلك ؟
الروتين مافيك تقدي عليه بس ممكن ان تغير شوي مشان تنسى الملل
يا القراءة او تلفزيون او النت او المشوار


2) عندما تحب ويكون حبك من طرف واحد فقط اى انها تشعر بحبك لها وهية لا تهتم بك وانت تحبها من كل قلبك وجميع المواصفات التى حلمت بها موجودة فيها ؟

مافي اصعب من الحب من طرف واحد الافضل انك تحاول ان تنساه وتبعد عنو

[Bibooo]

رد: ماذا ستفعل عندما ؟

انا رح جاوب عالسؤال التاني لددددددددووووووووووووش
ماني عارف شو بدي قول بس صعبة كتير

[هيلدا]

رد: ماذا ستفعل عندما ؟

مشان الروتين اكسرو عادي
انكسر الشر



ومشان الحب من طرف واحد
بضل اسموا حب يعني فيه حلو وفيو مر

[lordfady]

رد: ماذا ستفعل عندما ؟

بالنسبة للروتين انا بفضل اطلع دور وشوف رفقاتي الواحد هيك بغير جو
اما بالنسبة ل الحب من طرف واحد هدا ما اسمو حب هدا اسمو اعجاب مو حب لانو الحب لازم يكون من الطرفين صح؟؟؟
شو رايكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[danny95]

رد: ماذا ستفعل عندما ؟

يعني الصراحة احسن شي انو واحد كل فترة يغير جو انا هيك بعمل لانو اذا دأعيش على نفس الروتين اكتر من اسبوع بطق و بعجز
ويعني مشان شغلة الحب من طرف واحد الاحسن انو الواحد ينسى كل شي عن الشخص التاني اذا حس انو هداك الشخص ما عندو مشاعر تجاهو و اكيد في كتير اشخاص احسن منها

[cloude]

رد: ماذا ستفعل عندما ؟

ماذا تفعل عندما .................................................. ..............

1) تمل من روتيين الحياة .. كيف ستقضى على ذلك ؟
2) عندما تحب ويكون حبك من طرف واحد فقط اى انها تشعر بحبك لها وهية لا تهتم بك وانت تحبها من كل قلبك وجميع المواصفات التى حلمت بها موجودة فيها ؟

واتمنى الكل يشارك واتمنى ما يكون الموضوع معاد ناطركم

ادوش الروتين بينقضى عليه كل فترة اول بتعمل شي ما متعود تعملو مثلا تطلع شي اسبوع او شي ويكند عمحل تغير في الجو بحدود الامكانيات طبعا او تحضر شي حفلة او اعمل متلي انا و سجل دورة رقص دي سالون تانغو و فلامينغو و هيك شي

اما بالنسبة للشي التاني الحب من طرف واحد فهادا ما الو حل غير انك تنسى و تطنش

[Ibrahem]

رد: ماذا ستفعل عندما ؟

ماذا تفعل عندما .................................................. ..............

1) تمل من روتيين الحياة .. كيف ستقضى على ذلك ؟
والله بروح بنام وبرتاح لأرجع لاقي نفس الروتين
وبحاول فكر كيف بدي أخلص منو

2) عندما تحب ويكون حبك من طرف واحد فقط اى انها تشعر بحبك لها وهية لا تهتم بك وانت تحبها من كل قلبك وجميع المواصفات التى حلمت بها موجودة فيها ؟
للأسف ما ألي غير أحصر بقلبي


واتمنى الكل يشارك واتمنى ما يكون الموضوع معاد ناطركم

شكراً على الموضوع الحلو .....

[lonlygrave]

رد: ماذا ستفعل عندما ؟

انا مستغرب انك طرحت السؤالين مع بعض بس مو مشكلة

بالنسبة للمل والروتين فهي موضوع بيتعلق بشخصيتك وبالاوضاع العامة يلي بتحيط فيك

كسر الروتين سهل وابسط طريقة اختيار هوايات تكون محبوبة


اما الموضوع التاني فانا عندي راي ممكن يكون متطرف شوي

ممكن تحول الحب من طرف الى طرفين بالسعي والمثابرة لانو الحب ممكن يكون مكتسب وممكن تحصل عليه اذا تعبت منشانو (بس طبعا بيضل في احتمال انو ما يصير)

[صدفة حلوة]

رد: ماذا ستفعل عندما ؟

مشكور لك مني اجمل تحية