كلنا سوا

[Hovanoov]

اوه جيدا

يسلمو عن جد كلك زوق

[jida]

ميرسي الك مرسيل



طوني طيرتني ....


هوفان ميرسي على مرورك

[Iden]

حلو كتييير جدجووود
وخاصة كلما بشتقلك

[jida]

ميرسي على مرورك ايدن و الحق معك هي احلى غنية غنوها .. كتير حلوة و رومانسية

[micho]

حلو كتير جيدا هي الفرقة انا بتابعها من شي عشر سنين من وقت ما طلعت الفرقة..
وفي البوم تاني بعد هاد اسمو موزاييك حلو كتير كمان ..

[jida]

ميرسي على مرورك ميشو
وانا كمان بحبا كتير لهلفرقة و كنت دايما احضرلون بالشام
بس الالبوم التاني ما سمعتو كلو

[jida]

كلنا منقول

كلنا منقول قصتك بطول و بحاراتك المخباية
في بقلبا الف حكاية تحكي عن الاجداد
قصة عز و امجاد طرزوها بعناية
كلنا منقول ترابك مجبول بحب الناس و دمها
ماتو تزهورك تنما
زرعو بقلوب ولادا هواكي اللي ما بموت
بأرض الخضرة و النعمة عم نسمع احلى نغمة
نغمة صداها بعيد بتبشر من جديد
بالجيل يلي بدو يبني
بسواعد سمرا بتعمر و بتكبر بأهلا بتكبر
بترسم بخيوط المجد مستقبل أرض النور
انتي ربيتي الحضارة علميتنا من اثارا
نورك جاية من الأمس .. يطلع عضو الشمس
و تصيري انتي المنارة
و بترجع تشرق أيامك و نعيش بصحوة احلامك
وردة بتشق الصخر بعمرا ما بتموت

[jida]

قصة مدينة

حزينة الدنية لما شفت بعيونك هي المرة
زكرتيني بالمدينة يلي كانت كلا زينة و أهلا كتار
كانت حاراتا العتيقة تنطر بكل مرة المطر يلي بيغسل طرقاتا
بيزرع بساحاتا ورد و عطر
بس هي السنة مو متل كل سنة
ضلت تنطر و ما في حيلة .. السما بخيلة
ضلت تنطر خير و حب .. تروي هالقلب
خربت ايام الفرح الحلوة .. من سما المدينة
كل العالم يئسو و فلو من كتر ما صلو
ما في جواب .. و يبست كل غصان الديرة
يلي كانت خضرا .. بلاد الحب صارت مهجورة
بيوتا صفت صورة
فجأة اجا الشتي .. صار ينزل الشتي
و السما صارت تبكي عالارض اللي عم تشكي
وين العالم ما في عالم .. كلون فلو
يا ريتون ضلو
خسارة ما في حدا .. يستقبل الندى
من عيونك دمعة حزينة ..
تقدر تروي المدينة يلي بقيت و انتي بقيتي
بدك حب .. يروي هالقلب

[jida]

يم الشهيد

يم الشهيد طلعي عالباب لاقيلو
جابو محمل عالكتاف شالولو
قومي فرشي فرشتو هاتي مخداتو
نام العريس غفي و تغمضو عيونو
يم الشهيد لباس مطرز ما بنمسك
و لا طرحة سودا تحطيها على راسك
اليوم طير السعد .. هدى عالشباك
رفرف حواليكي و بين عيونك باسك
يم الشهيد سندي ضهرك بدياتك
و امشي راسك مرفوع ما بين خياتك
قالو البطل دمع عليه العين
و انتي ليوم الفرح خبيتي دمعاتك
يم الشهيد جمعي شعرو و جدليلو
و اغلى عطر عالراس يا يما رشيلو
اليوم عرسو حبيب الروح المدلل
هاتي ثياب العرس هاتيها ناديلو

[jida]

لا تشكي من القلة

( البنت بالزهر و الشب بالازرق )

صارت شغلة قديمة يا الله مو معقول
لايمتا يا ربي بدو يضل بالي مشغول
ايام عم تركض و بعدك عم تقول
بكرا رح نتزوج قدرنا ما بخون
صرلا القصة سبع تمن سنين
حاجة يا ابني عم تضحك على مين
قلي شو معقدا الشغلة
شو بدك تعمل قلي
بعتلي الصيغة لتشتري بيت
و ما كفو المصاري الا مطبخ و كم حيط
صفينا بالشارع و المتعهد مات
و بعدك عم تقلي رح تعوض يلي فات
لايمتا بدي انطر عمري صار تلاتين
ولا ناوي تسكني بدار المسنين

شو بدك قلك .. شو عم ساوي
اشرحلك شو
كيف عم فكر .. و لا انتي مطنشتيني
و نستياتيني و نسيانة كل افكاري
و اديولوجيتي مو
صرلي مدري كم الف سنة عم عبرلك
عم ناضل مشاني مشانك
مشان الله لا تنقي عراسي
شوش انتين راسي والله
لاتحكي بالمصاري .. انا مو جاية من الشارع
انا من اليوم الصبح كم فاتورة دافع
عم فكر فيكي ولا فيكي
صعبة انتي .. هيك قالت اختي

قلي

اي اي رح قلك

شو بدك تعمل قلي

هديلي بالك شوي

هلأ هلأ قلي

جاييكي بالحديث

قلي

ااااااااااااااااااااااااااااااي طولي بالك شوي
ما ضل مرحوم البي يعتب علي
و انا دق بواب
روح تعا .. تعا روح ..
بطلوع الروح اشتغلت بالدين

اي بعدين ؟
بتضل هيك تقول
بتكزب على طول
رح طق .. رح جن
زودتها مو معقول

[jida]

من لون الربيع

لو اني بعرف انو عيونك لونون من لون الربيع
ما كنت بفتش عنون كل فصول السنة و لا كنت بضيع
دورت عليون بالصيف بسهرات الغجر
و ستنيت الخريف يجاوب صار يبكي الشجر
سألت الشتي و قلي ما بعرف شو لون عيون الخضر
كان لازم اعرف انو عيونك لونون من لون الربيع
لو اني بعرف انو الضحكة بتشرح يلي كل اللي ما بينقال
ما كنت بدور على كلمات توضح و لا بسأل سؤال
و لا كنت بألف أغاني و لا بكتر حكي
و لا بقبل قلد شاعر عالكلمة بيتكي
و لا كانو بيحكو عيوني .. دموعي و البكي
لو اني بعرف انو الضحكة بتشرح كل اللي ما بينقال
لو اني بعرف انو عيونك لونون من لون الربيع
لو اني بعرف انو الضحكة بتشرح يلي كل اللي ما بينقال

[أم الرور]

ثانكس جدجود كتير حلوين

[micho]

حلوين كتير جدجود يسلمون ..
انا بحب غنية يم الشهيد كتير و غنية يلي عيونك كتير كتير..:

يلي عيونك متل الدنيي
بتضجكني و بتبكيني
بتزاعلني و بتراضيني
بتفرحني و بتأسيني
ألتي عن كلماتي غريبة التي نغمي مش مظبوووووط
يم الرمش اللي بيدبحني كرمالك رح زبط لحني
كرمالك رح أول الآاااااه أول الأوف و على دلعونا....

[Debo]

شكراً
الفرقة رائعة كتير وأغانيها بتجنن
وخاصة قصة مدينة

[jida]

ثانكس جدجود كتير حلوين

لك ميرسي الك ام الرور

حلوين كتير جدجود يسلمون ..
انا بحب غنية يم الشهيد كتير و غنية يلي عيونك كتير كتير..:

يلي عيونك متل الدنيي
بتضجكني و بتبكيني
بتزاعلني و بتراضيني
بتفرحني و بتأسيني
ألتي عن كلماتي غريبة التي نغمي مش مظبوووووط
يم الرمش اللي بيدبحني كرمالك رح زبط لحني

كرمالك رح أول الآاااااه أول الأوف و على دلعونا....

حلوة كتير

انا غنية يم الشهيد كل ما اسمعا بجي رح ابكي .. كتير حلوة

ميرسي ميشو على مشاركتك

شكراً
الفرقة رائعة كتير وأغانيها بتجنن
وخاصة قصة مدينة

ميرسي على مرورك

[hadihm]

رد: كلنا سوا

[Abd Almassih]

رد: كلنا سوا

كلما بشتقلك .. بمسك قلم و ورقة
بجرب أرسملك صورة
أو اكتبلك غنية
أو أرسملك بيت صغير
و أرسم شجرة و غيمة و طير
كلما بشتقلك
بشعل شمعة بقلب الليل
ببلش احكيلك عالناس
أو احكيلك عن حالي
أو سليكي بقصة جديدة

حتى ما خليك وحيدة
و كان يا ما كان ...
كان في اميرة بمملكة بها الكون
كرمالا خلق السهر شعرا بيغزل لون بلون
لعيونا يغنوا البشر حراسا شمس و قمر
كانت تنزل من قصرا تبرم تزور الفقرا
مرة من خلف البواب شافت شب من الشباب
هي مزينة بالألماس وهو واحد من هاناس
ما بعمرو شاف الدهب بعيونوا القهر انكتب
وباليل و بعد ما الكون غطى باعتم العيون
طلبت منو عشيقا يكون عانق جنونا بجنون
بأرض بعيدة .. عحدود الدنيي .. بمملكة بها الكون
كلما بشتقلك .. بقدر كل الحكي و السكوت
بقدر كل لحظة بتموت..انتي فيها مو موجودة
كلما بشتقلك .. بعلي فوق الغيم

-----------------

هيك بيصير معي

[sezeef]

رد: كلنا سوا

بطل كلنا سوى هيك صرتي لوحدك
مشكورة

[hindosh]

رد: كلنا سوا

شكرا جدجود