مسيح إيران يرد على آلام جيبسون

[نبيذومطر]

رد: مسيح إيران يرد على آلام جيبسون

يلا اجا نبيذ يجاوب ..

[نبيذومطر]

رد: مسيح إيران يرد على آلام جيبسون

أختي الصغيرة يلي كثير بعزها ايكيو .. و يلي فهمتني غلط ..

اسمعي لنحكي :

لأن معظم المسلمين بيحترمو الاديان الاخرى لأن الدين الاسلامي فرض علينا ((الايمان بالله وملائكته وكتبه ورسله وباليوم الاخر وبالقدر خيره وشره))
فمن ايماننا ما نتعرض لانبياء الديانات الاخرى والشخصيات المقدسه وكمان ما نتعرض للكتب السماويه الاخرى وفي البعض بيتعرض لها بالتشكيك بانها محرفه طبعا انا ما بدي خوض بهالامور الدينيه لاننا لو دخلنا فيها رح ندخل بمتاهات لها اول مالها اخر بس حبيت وضح هالنقطه البسيطه لكن الايمان ما يكون ايمان بما ورد فيها بس نؤمن بانها من عند الله

يا إبكيو اليهود بيهاجموا المسيحية أكثر من أي دين آخر ، لأنو بيعتبروها الخصم الفعلي من جهة ، و لسبب ديني إيماني عندهن من جهة ثانية .. و بالنسبة للاحترام هلق رح جاوبك بشكل تفصيلي أكثر تحت لما رح اقتبس فقرة ثانية من حديثك ..

؟؟؟؟ اخ نبيذومطر انت هيك كأنك تعرضت للدين الاسلامي وكأنك تقول انو مالو أساس بس يللي بعرفو انو بالانجيل ورد انو في نبي اسمو احمد او محمد هيدا حسب معلوماتي الدينيه الاسلاميه لكن بقلك اني مابتعرض لديانه المسيحيه ولا حتى اليهوديه لاني بحترم الديانات ككل

ابكيو بالانجيل ما في هيك شي ، بالعكس تمام ، في كلام معاكس تماماً لهدا الحكي و اذا بتلاحظي نحنا ما منذكرو و لا منضوي عليه و لا منجيب سيرتو لحتى ما نستثير مشاعر أي شخص و لا حدا يفكر أنو عم نهاجمو أو نستقصدو ، هدا جوهر المسيحية بالتعامل من جهة ، و أنا كفرد من جهة ثانية وقت بيكون في اختلاف بالدين بحب اتعامل مع أخلاق الشخص و على مبدأ الانسانية .. و برافو عليكي بتحترمي بقية الأديان ، بس اسمعي مني : أنا لما بدي اتعرف على المبادئ الايمانية للدين الاسلامي بسأل شخص مسلم عالم ، و انتي لما بدك تعرفي عن المبادئ الدينية المسيحية اسألي شخص مسيحي عالم ( طبعاً مو أنا ، ما خرج ينقال عني عالم ، بس في بين الشباب و الصبايا بالمنتدى مين بيقدر يكون عالم بتعريفك بالمسيحية لتاخدي فكرة عنها بالأمور يلي بتهمك لا أكثر و لا أقل )

لكن محمد صلى الله عليه وسلم خاتم الانبيا والمرسلين وهو اللي قال فيه الله سبحانه وتعالى وإنك لعلى خلق عظيم محمد صلى الله عليه وسلم هو مخلص الامه الاسلاميه متل ما مسيح صلب نفسو مشان المسيحين وطبعا وجهة نظر المسيحيه بمحمد انو شخص عادي ووجهة نظر الاسلام انو عيسى رسول من الله مانو لا ابنو_ تعالى الله _ ولا شي من هاد ...
ومحمد عليه الصلاة والسلام لو بدي احكي عنو وعن فضائله عالامه الاسلاميه بتقوم الساعه وانا ما خلصت حكي عن فضائله عليه اجل الصلاه والسلام بيكفي انو
الهدف من بعثته في قوله : ( إنما بعثت لأتمم صالح الأخلاق )

والافيلم رح يسيء للاسلام ضروري نكون ضدو والفيلم يللي بيهاجم المسيحيه انتو كمان كونوا ضدوا
مارح لومكون بس انا لوم اللي بيتعرض لديانة حدا تاني حتى لو كان انا ....

ايكيو .. بتقدري تمدحي بقدر رغبتك ، هدا حقك و هدا ايمانك و هي قناعتك ، و انا كمان بقدر امدح و اتغزل و اتغنى ، هدا ايماني و هي عقيدتي و هادا حقي ، بس خليني قلك شي .. على سيرة الأفلام و الصور أنا بدي اسألك :
_ الفاتيكان استنكر الرسوم المسيئة يلي طلعت بالدانيمارك و قال نحن ضد التعرض لأي رمز ديني حتى لو لم نكن معنيين به ، بتعرفي الأزهر شو علق على فيلم شيفرة دافنشي يلي فيه ضرب لأسس الدين المسيحي ؟ قال الأفكار الواردة بالفيلم دينياً بتناسبنا
يعني تصوري الفاتيكان دافع عما لا يؤمن به ، احتراماً لايمان و عقيدة من يدينون بالدين الاسلامي ، بينما الأزهر و الكثير من شيوخ الخليج هللوا لفيلم شيفرة دافنشي مع أنو كانوا بيقدروا بكل بساطة يعملوا مثل الفاتيكان و يقولوا : نحن لا ندين بما يدين به المسيحيون ، و لكننا نرفض التعرض لأسس دينهم بهذه الطريقة .

هلق الغريب بالنسبة الي و يلي بيسترعي انتباهي ، أنو السياسة لما بتدخل بالدين أول شي بيعملوه بيجربوا يلاقوا قواسم مشتركة بين الاسلام و المسيحية ، و صدقيني شغلة بتضحك ، لأنو بكل بساطة ما في ، عيسى المذكور بالقرآن الكريم ، مانو المسيح الذي يؤمن به المسيحيون ، هيك بكل بساطة و وضوح ، و ما في أبسط من أنو نقول : في فرق ، و مو مهم نقنع بعضنا ولا نغير قناعات بعضنا ، المهم بس يكون في احترام متبادل ..
طبعاً هون منصطدم على طول بشغلة ، أنو بالدين الاسلامي المسيح مذكور على أنه عيسى و هوه نبي ، و قام بالمعجزات و إلخ ، و من هي النقطة الاسلام بيستنكر على المسيحيين عدم اعترافهم بعقيدتو و لو بشكل مبسط .. بس لحتى قربلك الصورة ابكيو :
انتي كصبية شو أهم صفة فيكي ؟! انك صبية ما هيك ؟!!
طيب تصوري أنا قلك : ايكيو أنا بعترف بوجودك و انتي شخص محترم و ما في منك بس انتي شب مانك صبية .. برأيك أنا هيك برضيكي يا ترى ؟ برضي أهلك ؟ برضي معارفك و العالم يلي بيحبوكي ؟ برضي وجودك ذات نفسو اذا كنت عم بنكر عنك أهم صفة موجودة فيكي ؟!!!!
جاوبي حالك لا تجاوبيني الي ..

مشان هيك برجع بقلك : يا عمي أنا ما بدي لا الاسلام يصيروا مسيحية و لا العكس ، بس بدي يكون في احترام ، نوع من ميثاق شرف معنوي ، لا هدول يتعدوا على عقيدة هدول و لا العكس ..
يعني تخيلي قد ما يكون فكري متحرر و بؤمن بالانسانية ، شو بدك ياني علق لما بينعدم شخصين مسيحيين بأندونيسيا بس لحتى تهدي الحكومة الشعب يلي فار من بعد تصريحات معينة ؟! و لا شو بدك ياني علق وقت بشوف الصليب يلي هوه واحد من رموز ديني عم ينرسم بمواضع معينة و عم يتشنع فيه ؟!

هلق نحنا كعرب الحمد الله عنا شي نبعد فيه ولو شكلياً عن قيود الدين بالتعامل و يلي اسمو الأمة العربية ، يعني عنا انتماء لا ديني منقدر نجمع بعضنا على أساسو ، و في عقليات محترمة و متفتحة ، بس للأسف مانهن الأكثرية على الاطلاق ، بالعكس تمام يا ابكيو .. و بتقدري تتأكدي بنفسك من هدا الكلام ، و خصوصي من خطب يوم الجمعة بعض البلدان و المؤلفات على اختلافها يلي فيها تهجم على المسيحية ، بتنطبع و بتتوزع على طول .. و برجع بقلك أنا بشكر ربي لأني عايش بسوريا .. بهدا الموضوع تحديداً .

بعرف طولت عليكي مع أنو لسا في حكي كثير ينحكا ، بس بدي ذكرك بشي لأنك داخلتي و كأنك مفترضة أني عم سيء لدين معين علماً يا ابكيو أنا قلت أنا ضد التعرض لأي رمز ديني محترم من قبل مجموعة ما ، حتى لو كان بوذا .. و عدت الجملة مرتين ، بس فصلت بكلامي لحتى وضح عن شو عم بحكي ..
و الشي يلي بدي ذكرك فيه : انا من وقت ما فتت عالمنتدى و انا بعرفك .. شي مرة عاملتك بقلة تهذيب ؟ شي مرة غلطت بحقك ؟ شي مرة حسستك اني عم عاملك بنوع من الجفا ؟ شي مرة جربت نظر عليكي دينياً قال و ارشدك أو قرب بأي شكل من الأشكال على هيك موضوع ؟! مع اني بعرف من اول ما فتت من موضوع انتي كتبتيه انك صبية مسلمة ، و بالعكس أنا احترمتك أكثر على عمرك و على نفسك القومي لأنو أنا عندي نفس النفس و الحماس بهدا الموضوع ، و ما بتذكر و لا مرة اني عاملتك باي طريقة جارحة أو مقللة من شأنك و بالعكس لما صار مشكلة معك أنا حركشتك برسالة خاصة و قلتلك احكيلي شوفي و طمنيني شو صاير معك .. مزبوط و لا لأ ؟!!

بس تتذكري هي الاشيا .. بتعرفي لحالك أنو أنا ما حكيت لسيء بالعكس ، حكيت لوضح ، و فعلاً أنا كثير بستفز وقت بيجربوا يستعملوا الدين بالسياسة ، هدا الموضوع كثير بيستنفرني .. و مع هيك حقك علي اذا كنت دايقتك .. و انتي بتعرفي أنو الك معزة .. بس اقري ردي مزبوط

[إيكيو]

رد: مسيح إيران يرد على آلام جيبسون

و الشي يلي بدي ذكرك فيه : انا من وقت ما فتت عالمنتدى و انا بعرفك .. شي مرة عاملتك بقلة تهذيب ؟ شي مرة غلطت بحقك ؟ شي مرة حسستك اني عم عاملك بنوع من الجفا ؟ شي مرة جربت نظر عليكي دينياً قال و ارشدك أو قرب بأي شكل من الأشكال على هيك موضوع ؟! مع اني بعرف من اول ما فتت من موضوع انتي كتبتيه انك صبية مسلمة ، و بالعكس أنا احترمتك أكثر على عمرك و على نفسك القومي لأنو أنا عندي نفس النفس و الحماس بهدا الموضوع ، و ما بتذكر و لا مرة اني عاملتك باي طريقة جارحة أو مقللة من شأنك و بالعكس لما صار مشكلة معك أنا حركشتك برسالة خاصة و قلتلك احكيلي شوفي و طمنيني شو صاير معك .. مزبوط و لا لأ ؟!!

بس تتذكري هي الاشيا .. بتعرفي لحالك أنو أنا ما حكيت لسيء بالعكس ، حكيت لوضح ، و فعلاً أنا كثير بستفز وقت بيجربوا يستعملوا الدين بالسياسة ، هدا الموضوع كثير بيستنفرني .. و مع هيك حقك علي اذا كنت دايقتك .. و انتي بتعرفي أنو الك معزة .. بس اقري ردي مزبوط



انا ما قدرت رد عكل الحكي لان عندي بعد عشر دقايق مدرسه
بس حبيت قول يا اخ نبيذومطر انو انا ما قصدت زعلك بشي او اني حسسك بانك غلطان او اي شي لان هي قناعات وكمان ولا بحياتي مره فكرت فوت الصباح الا اليوم بتعرف ليه؟؟

لأني حسيت انك رح تزعل وانا مابحب اي حدا بعزو يزعل يمكن انا كنت قاسيه وصارمه بردي الاول لكن كنت مقهوه من كل يلي عم يصير وانا كمان بدي علق تعليق صغير هلأ الازهر حدا ياخد على حكيو ؟؟ابو الفتاوي ما حدا اساسا هاد بوادي والاسلام والمسلمين بوادي


بس حبيت قلك اسفه كتير اذا زعلتك وانا ما كنت بقصد اني ضايقك وانت اكيد عارف هالشي انا تهورت بس بتأسف منك اذا زعلت مني وانت انسان كتير رائع وراقي بتعاملك اخ نبيذومطر يعني بالفعل خجلتني كتير كتير :smily (24):

اتمنى ما كون أسأت لك بأي شي

وهي مشان الثوره

[إيكيو]

رد: مسيح إيران يرد على آلام جيبسون

أختي الصغيرة يلي كثير بعزها ايكيو .. و يلي فهمتني غلط .. وانا كمان بعزك اكتر اخي نبيذومطر

اسمعي لنحكي :

بس اسمعي مني : أنا لما بدي اتعرف على المبادئ الايمانية للدين الاسلامي بسأل شخص مسلم عالم ، و انتي لما بدك تعرفي عن المبادئ الدينية المسيحية اسألي شخص مسيحي عالم ( طبعاً مو أنا ، ما خرج ينقال عني عالم ، بس في بين الشباب و الصبايا بالمنتدى مين بيقدر يكون عالم بتعريفك بالمسيحية لتاخدي فكرة عنها بالأمور يلي بتهمك لا أكثر و لا أقل )
شو منك عالم؟؟لك الاعور بمدينة العميان ملك ههههههههه بما اني ما بعرف شي اكيد تعرف عنها اكتر مني ههههههه



ايكيو .. بتقدري تمدحي بقدر رغبتك ، هدا حقك و هدا ايمانك و هي قناعتك ، و انا كمان بقدر امدح و اتغزل و اتغنى ، هدا ايماني و هي عقيدتي و هادا حقي ، بس خليني قلك شي .. على سيرة الأفلام و الصور أنا بدي اسألك :
_ الفاتيكان استنكر الرسوم المسيئة يلي طلعت بالدانيمارك و قال نحن ضد التعرض لأي رمز ديني حتى لو لم نكن معنيين به ، بتعرفي الأزهر شو علق على فيلم شيفرة دافنشي يلي فيه ضرب لأسس الدين المسيحي ؟ قال الأفكار الواردة بالفيلم دينياً بتناسبنا


الافكار يللي بالفيلم نهائيا ما بتناسبنا لان فيها إساءه اذا بتناسبو هو لحالو يصطفل ما بيحكي عن غيرو وكمان برافو عالفاتيكان






انتي كصبية شو أهم صفة فيكي ؟! انك صبية ما هيك ؟!!
طيب تصوري أنا قلك : ايكيو أنا بعترف بوجودك و انتي شخص محترم و ما في منك بس انتي شب مانك صبية .. برأيك أنا هيك برضيكي يا ترى ؟ هههههههه والله بتخيل الموقف ما رح ازعل لانو شي بيضحك كتير ما بيزعل هههههههههه

جاوبي حالك لا تجاوبيني الي ..

معليش عارضت وجاوبت لك ههه






بعرف طولت عليكي مع أنو لسا في حكي كثير ينحكا ، بس بدي ذكرك بشي لأنك داخلتي و كأنك مفترضة أني عم سيء لدين معين علماً يا ابكيو أنا قلت أنا ضد التعرض لأي رمز ديني محترم من قبل مجموعة ما ، حتى لو كان بوذا .. و عدت الجملة مرتين ، بس فصلت بكلامي لحتى وضح عن شو عم بحكي .. اسفه
و الشي يلي بدي ذكرك فيه : انا من وقت ما فتت عالمنتدى و انا بعرفك .. شي مرة عاملتك بقلة تهذيب ؟ شي مرة غلطت بحقك ؟ شي مرة حسستك اني عم عاملك بنوع من الجفا ؟ شي مرة جربت نظر عليكي دينياً قال و ارشدك أو قرب بأي شكل من الأشكال على هيك موضوع ؟! مع اني بعرف من اول ما فتت من موضوع انتي كتبتيه انك صبية مسلمة ، و بالعكس أنا احترمتك أكثر على عمرك و على نفسك القومي لأنو أنا عندي نفس النفس و الحماس بهدا الموضوع ، و ما بتذكر و لا مرة اني عاملتك باي طريقة جارحة أو مقللة من شأنك و بالعكس لما صار مشكلة معك أنا حركشتك برسالة خاصة و قلتلك احكيلي شوفي و طمنيني شو صاير معك .. مزبوط و لا لأ ؟!!

بس تتذكري هي الاشيا .. بتعرفي لحالك أنو أنا ما حكيت لسيء بالعكس ، حكيت لوضح ، و فعلاً أنا كثير بستفز وقت بيجربوا يستعملوا الدين بالسياسة ، هدا الموضوع كثير بيستنفرني .. و مع هيك حقك علي اذا كنت دايقتك .. و انتي بتعرفي أنو الك معزة .. بس اقري ردي مزبوط

انت ما ضايقتني انت اخ عزيز وغالي
ويبدو لي اني ما حسبتها مضبوط
انا من اول انت ما دخلت ما زعلتني ولا عاملتني بقلة تهذيب بالعكس تماما ...
وانا ما بحب عامل حدا على اساس دينو ولو كنت من هالنوع ما كان سجلت بهالمنتدى لانو مسيحي لكن انا سجلت لان هون ناس كتير كويسين وكمان قلبون على بعض وهو يللي خلاني ابقى هون وكمان الاحترام وكمان المعامله الراقيه ...

المهم انو انا ضد الاساءه لأي دين لانو مو من حق حدا ضد الفيلم الايراني وكمان الرسومات والفيلم الهولندي يللي رح يصدر وضد كل هالافلام يللي رح تسبب فتن ومشاكل بين الناس ورح تصير مدابح ما بين الناس اللي من الطائفتين بسبب هالفيلم

[أم الرور]

رد: مسيح إيران يرد على آلام جيبسون

لك شو مشانكن شو صاير هون ؟؟؟؟

[نبيذومطر]

رد: مسيح إيران يرد على آلام جيبسون

ايكيو ..

_ بالنسبة للأزهر ، كثير حلو يكون في صبية مثلك ، قناعاتها قائمة على الاحترام .. و يا ريت لو بتكون نسبة الأشخاص يلي مثلك الربع مو أكثر و لا أقل كنا بألف خير
_ و أنا لما عطيتك مثال ، ما قلتلك هاتي ردة فعلك .. قلتلك بيرضيكي ؟! في فرق

بكل الأحوال أنا حقي وصلني بكلامك ..
و برجع بقلك نحنا بحاجة هدا المستوى من الحكي لا أكثر و لا أقل : في اختلاف ، بس نحنا منحترم الآخرين و الآخرين بيحترمونا ..

و هي مشان الثورة

[SAMO]

رد: مسيح إيران يرد على آلام جيبسون

الجماعة الون رأيون وهادا ما بيبدل شي
برأيي لازم نحترم الاراء حتى الغلط

[hatem22]

رد: مسيح إيران يرد على آلام جيبسون

شكرااااااااااااااااا كتير رولا

[hatem22]

رد: مسيح إيران يرد على آلام جيبسون

شكراااا كتير