كم صديق بقي لك ..

[RAMIKING]

بعد مرحلة الطفولة .
بعد مرحلة المدرسة .
بعد مرحلة الجامعة .
بعد مرحلة العمل والحياة .
بعد مرحلة الزواج .
بعد خبرة الإنترنت .
بعد خبرة الغربة .
بعد ......


مهما كانت المرحلة التي تمر فيها ...... كم صديق بقي لك ؟.
هل ما زلت تؤمن بالصداقة ؟.
أية مرحلة تعتقد أن الأصدقاء كانوا فيها فعلاً أصدقاء ؟ .
أية مرحلة تعتقد أنك كوَنت أكبر عدد من الأصدقاء ؟.
أية مرحلة تعتقد أن الصداقة فيها مصالح ؟.
أية مرحلة فقدت فيها أكبر قدر من الأصدقاء ؟.

[Abu Nezar]

رد: كم صديق بقي لك ..

مهما كانت المرحلة التي تمر فيها ...... كم صديق بقي لك ؟.

نفسون اصدقاء الطفولة ال 4 المقربين ما غييرو

هل ما زلت تؤمن بالصداقة ؟.

أكيد

أية مرحلة تعتقد أن الأصدقاء كانوا فيها فعلاً أصدقاء ؟ .

كل المراحل هي الشلة كانو فيها اصدقاء بجد و اخوة كمان

أية مرحلة تعتقد أنك كوَنت أكبر عدد من الأصدقاء ؟.

عندي كتير اصدقاء بس هود الاربعة اخوة .. ما في مرحلة محددة بكل المراحل بكون كتير اصدقاء .. بس ما تدوم علاقتنا .

أية مرحلة تعتقد أن الصداقة فيها مصالح ؟.

من الاعدادي وما فوق ..

أية مرحلة فقدت فيها أكبر قدر من الأصدقاء ؟.

انا متمسك ب اصدقاء محددين لسا ما فقدتون .. بس افقدون بجوز تتغير نظرتي بالصداقة .

شكرا كينغ

[TAMAR]

رد: كم صديق بقي لك ..

رح امشي سؤال بسؤال، لأني حبّيت الموضوع وفكرته

- مهما كانت المرحلة التي تمر فيها ...... كم صديق بقي لك ؟.
اسمحلي غيّر صيغة السؤال -بالنسبة إلي- وقول: "كم صديق أصبح لديك؟"
كل مرحلة بمرق فيا، بطلع منا بصديق

- هل ما زلت تؤمن بالصداقة ؟.
ما بتخيل حياتي خالية من أصدقائي
مع إنو مؤخراً كل واحد مننا صار ببلد، بس هاد قرّبنا اكتر من بعض

- أية مرحلة تعتقد أن الأصدقاء كانوا فيها فعلاً أصدقاء ؟ .
الصديق ما ممكن إلا ما يكون صديق، ما إلها علاقة بالمراحل
لمّا نكون صادقين مع نفسنا ومع اللي مقابيلنا، بنكوّن علاقة صداقة أبدية

- أية مرحلة تعتقد أنك كوَنت أكبر عدد من الأصدقاء ؟.
الجامعة، لأن في مراحل مذكورة لسه ما اختبرتا

- أية مرحلة تعتقد أن الصداقة فيها مصالح ؟.
بكل مرحلة بتلاقي شخص مرافقك لمصلحة

- أية مرحلة فقدت فيها أكبر قدر من الأصدقاء ؟
كان في زملاء و رفقات بعّدنا عن بعض، يمكن بسبب ظروف خاصة من أحد الطرفين، أو عدم تفاهم
بس ما فقدت لهلأ صديق/ة

شكراً رامي عالموضوع

[halah]

رد: كم صديق بقي لك ..

مهما كانت المرحلة التي تمر فيها ...... كم صديق بقي لك ؟.
حالياً عندي حوالي 3 أصدقاء بالحياة ومن مراحل حياتية مختلفة ... علماً إنو في فرق بين أصدقاء والرفقة لأنو رفقاتي كتار

هل ما زلت تؤمن بالصداقة ؟.
أكيد كنت ولا زلت أؤمن بالصداقة ورح ضل مؤمنة بالصداقة نشالله

أية مرحلة تعتقد أن الأصدقاء كانوا فيها فعلاً أصدقاء ؟ .
كل مرحلة متطلبات الصداقة فيها بتختلف بس الصداقة الحقيقية بتبين لما نبلش نعيش الحياة العملية وتفرق الأيام بين الأصدقاء بالمكان

أية مرحلة تعتقد أنك كوَنت أكبر عدد من الأصدقاء ؟.
أصدقائي الحاليين تعرفت عليهم بمراحل مختلفة

أية مرحلة تعتقد أن الصداقة فيها مصالح ؟.
الصداقة لا مصالح فيها ... وقت بكون في مصلحة بصير اسمها رفقة

أية مرحلة فقدت فيها أكبر قدر من الأصدقاء ؟.
الحمد لله ولا مرة خسرت صديق ... لأني بعلاقاتي دائماً عندي تمييز بين الصديق والرفيق وما بخلط بين الأمرين

شكراً رامي وبانتظار ردك على أسئلتك

[RAMIKING]

رد: كم صديق بقي لك ..

وسيم : الله يديم المحبة بينك وبين أصدقائك ويخليكون لبعض .. منور .

TAMAR : المقصود ( مهما كانت المرحلة التي تمر فيها ,, الأعضاء بأعمار مختلفة وكل منهم بإمكانه التعبير حسب مرحلته العمرية )
لكن مع ذلك تغيير السؤال جيد والإجابات مفيدة ... منورة .

هلا : التفاؤل والأمل والإجابات المفيدة دائماً ... منورة


مشكورين شبيبة على التفاعل

[RAMIKING]

رد: كم صديق بقي لك ..

شكراً رامي وبانتظار ردك على أسئلتك

مشكورة هلا لاهتمامك بمعرفة رأيي

مهما كانت المرحلة التي تمر فيها ...... كم صديق بقي لك ؟.

معدودين أكيد بس ما كتار .

هل ما زلت تؤمن بالصداقة ؟.

أكيد الحياة صداقة , حتى برأيي علاقة الأخوة والأبوة والبنوة هي أنواع من بحر الصداقة .

أية مرحلة تعتقد أن الأصدقاء كانوا فيها فعلاً أصدقاء ؟ .

المدرسة وتحديدا الإعدادية , فترة المراهقة وبداية الوعي .



أية مرحلة تعتقد أنك كوَنت أكبر عدد من الأصدقاء ؟.

النت وللمنتدى القسم الأكبر .... أصدقاء أتمنى أن ألتقيهم جميعاً .

أية مرحلة تعتقد أن الصداقة فيها مصالح ؟.

الجامعة بكل تأكيد .

أية مرحلة فقدت فيها أكبر قدر من الأصدقاء ؟.

ما بعد الجامعة ... تبخروا تقريباً ..



تحية إلك هلا ولكل أصدقائي ...

[raindrop]

رد: كم صديق بقي لك ..

مهما كانت المرحلة التي تمر فيها ...... كم صديق بقي لك ؟.

والله ما بقي كتير لأن بكل انتقال لمرحلة بينقصوا

هل ما زلت تؤمن بالصداقة ؟.
أكيد .. بدون أصدقاء الواحد ما بيقدر يعيش
وأنا معك رامي الصديق ممكن يكون أب ولا أم ولا زوج و زوجة وووووو

أية مرحلة تعتقد أن الأصدقاء كانوا فيها فعلاً أصدقاء ؟ .
ممكن بفترة البراءة أو أكبر شوي

أية مرحلة تعتقد أنك كوَنت أكبر عدد من الأصدقاء ؟.
إممم ما بعرف دائماً كل مرحلة بكون في أصدقاء ألها يمكن المرحلة الحالية
بالإضافة لأصدقاء النت

أية مرحلة تعتقد أن الصداقة فيها مصالح ؟.
أكيد من لما نكبر بصير فيه مصالح ووقتا بيتغربلوا الأصدقاء

أية مرحلة فقدت فيها أكبر قدر من الأصدقاء ؟.
والله يمكن مرحلة الغربة كتير من الأصدقاء الي كانوا قبلا طاروا
وبيرجع بصير جديد
أكيد بسبب ظروف الحياة .. بعد المسافة
وكمان ما عاد في شي مشترك وكل واحد بصير الو حياة
الأسباب كتيرة الي بتخلينا نفقد أو نفارق بمعنى أخر لحد ما تصير العلاقة
اما قائمة عالزكريات إما تنتهي .

يسلمو رامي

[جلنار]

رد: كم صديق بقي لك ..

[

مهما كانت المرحلة التي تمر فيها ...... كم صديق بقي لك ؟.

المعارف كتار.. بس صديق بمعنى الصديق بينعدو ع الاصابع

هل ما زلت تؤمن بالصداقة ؟.

أكيد .. إن خليت خربت !

أية مرحلة تعتقد أن الأصدقاء كانوا فيها فعلاً أصدقاء ؟ .

الثانوي

أية مرحلة تعتقد أنك كوَنت أكبر عدد من الأصدقاء ؟.

الجامعة .. بس برجع بقلك مو اصدقاء ! معارف

أية مرحلة تعتقد أن الصداقة فيها مصالح ؟.

مافي شي اسمه صداقة معارف.. وقتها ما اسمها صداقة برأيي
ممكن نسميها زمالة.. معارف.. بس مو صداقة
وهي بتتواجد اكتر شي بالجامعة والشغل

أية مرحلة فقدت فيها أكبر قدر من الأصدقاء ؟.

حاليا.. بعد الأزمة... نصون طارو..



ميرسي رامي ع الموضوع

[halah]

رد: كم صديق بقي لك ..

أية مرحلة تعتقد أنك كوَنت أكبر عدد من الأصدقاء ؟.

النت وللمنتدى القسم الأكبر .... أصدقاء أتمنى أن ألتقيهم جميعاً .

تحية إلك هلا ولكل أصدقائي ...

أنا بإجابتي ما حكيت عن أصدقاء النت على اعتبار إنو أصدقائي " الافتراضيين " كلهم من هون من المنتدى وكتير تعلقت فيهم وحبيتهم بس يمكن ما بقدر قول عنهم أصدقاء " حقيقيين " لحتى نلتقى بالحياة بركي كرهوني وطفشوا مني
رامي